Դենի Ինգս — Armsport.am

Պաշտոնական․ Ինգսը փոխել է ակումբային գրանցումը

Վարուժան Բաբայան — Thu, 05 Aug 2021 07:27:16 +0000

Հարձակվող Դենի Ինգսը հեռացավ «Սաութհեմփթոնից» և միացավ «Ասթոն Վիլային»: Այս մասին հայտնում է Բիրմինգեմյան ակումբի մամուլի ծառայությունը:

Պայմանագիրը նախատեսված է երեք տարվա համար: Գործարքի գումարը կազմել է 35,10 մլն եվրո:

«Սաութհեմփթոնում» 29-ամյա ֆուտբոլիստը հանդես էր գալիս 2018 թվականից, որտեղ տեղափոխվել էր «Լիվերպուլից»:

Նախորդ մրցաշրջանում Դենի Ինգսը Պրեմիեր լիգայում 29 հանդիպում է անցկացրել և դարձել 12 գոլի հեղինակ:

Տոտենհեմը նորից հետաքրքրված է Դենի Ինգսի ծառայություններով

Նարե Հովհաննիսյան — Wed, 20 Jan 2021 07:54:47 +0000

«Տոտենհեմը» նորից կփորձի ձեռք բերել «Սաութհեմփթոնի» հարձակվող Դենի Ինգսին, որին ցանկանում էին ստանալ նաև անցած ամառ: Այդ ժամանակ, սակայն, անգլիացին չցանկացավ հեռանալ իր թիմին, գրում է Eurosport-ը:

Սակայն հիմա Ինգսը մտածում է իր ապագայի մասին, իսկ «Սաութհեմփթոնում» կասկածում են,որ նա կերկարաձգի գործող պայմանագիրը, որը նախատեսված է մինչև 2022 թվականը: Նշվում է, որ «Տոտենհեմում» Դենիի հարձակման գծի իդեալական ուժեղացում են համարում:

Ինգսը «Սաութհեմփթոն» է տեղափոխվել 2018 թվականին «Լիվերպուլից»: Կարիերայի ընթացքում հանդես է եկել նաև «Բարնլիում» և «Բորնմութում»: Ընթացիկ մրցաշրջանում 28-ամյա հարձակվողն անգլիական Պրեմիեր-լիգայի 13 հանդիպման է մասնակցել, որոնցում դարձել է 7 գոլի և 3 գոլային փոխանցման հեղինակ:

Տոտենհեմը ցանկանում է ձեռք բերել Սաութհեմփթոնի հարձակվողին

Վարուժան Բաբայան — Mon, 14 Sep 2020 08:45:39 +0000

«Տոտենհեմը» հետաքրքրված է «Սաութհեմփթոնի» հարձակվող Դենի Ինգսի ծառայություններով, հայտնում է Football London-ը:

Ըստ աղբյուրի, «Տոտենհեմի» ներկայացուցիչներն ակտիվորեն աշխատում են 28-ամյա ֆուտբոլիստի տրանսֆերային առաջարկի շուրջ, բայց կասկածում են, որ «Սաութհեմփթոնը» կցանկանա վաճառել խաղացողին:

Ավելի վաղ հայտնի էր դարձել, որ «Սաութհեմփթոնը» հրաժարվել է Ինգսին վաճառել «Մանչեսթեր Յունայթեդին»: