Հայ սամբիստները 2 արծաթե և 4 բրոնզե մեդալ են նվաճել նոյեմբերի 8-10-ը Ղազախստանի մայրաքաղաք Աստանայում անցկացված մեծահասակների աշխարհի առաջնությունում, տեղեկանում ենք ԿԳՄՍՆ պաշտոնական կայքից:

Հայաստանի հավաքականի կազմում աշխարհի առաջնության փոխչեմպիոնի կոչմանն արժանացել են 98 կգ քաշային Արսեն Խանջյանն ու մարտական սամբոյի 64 կգ քաշային Մայիս Ներսիսյանը՝ կանգնելով պատվո հարթակի երկրորդ աստիճանին:

Մարտական սամբոյի տղամարդկանց 58 կգ քաշային Համլետ Սուքիասյանը, 98 կգ քաշային Արման Ավանեսյանն ու մարզական սամբոյի կանանց +80 կգ քաշային Աննա Մկրտչյանը դարձել են աշխարհի առաջնության բրոնզե մեդալակիրներ։ ԱԱ-ի բրոնզե մեդալին արժանացել է նաև ԼՂ-ից բռնի տեղահանված, 58 կգ քաշային Դավիթ Հովսեփյանը, որը հանդես է եկել Սամբոյի միջազգային ֆեդերացիայի դրոշի ներքո:

Հայաստանի տղամարդկանց հավաքականի կազմում ընդգրկված են եղել նաև Կարեն Սարգսյանը (58 կգ), Նարեկ Դալլաքյանը (64 կգ), Կառլեն Մահինյանը (71 կգ), Բորիս Շատվերյանը (79 կգ), Վահագն Չալյանը (88 կգ): Տղամարդկանց մարտական սամբոյի թիմում հանդես են եկել նաև Համլետ Սուքիասյանը (58 կգ), Մհեր Մերջանյանը (71 կգ), Սարգիս Վարդանյանը (79 կգ), Ավետիք Պողոսյանը (88 կգ), Արման Ավանեսյանը (98 կգ):

Կանանց թիմում ընդգրկված են եղել նաև Արփինե Ամիրյանը (50 կգ), Մելինե Մամիկոնյանը (54 կգ), Արփինե Մնացականյանը (50 կգ) և Սրբուհի Հովակիմյանը (54 կգ):

Փախստականների հավաքականի կազմում ՖԻԱՍ-ի դրոշի ներքո հանդես են եկել նաև ԼՂ-ից բռնի տեղահանվածներ Արսեն Կարապետյանը (79 կգ) և Դավիթ Գրիգորյանը (98 կգ):

Հայ սամբիստներն աշխարհի առաջնությանը մասնակցել են Վովիկ Խոջայանի գլխավորությամբ: Մրցավայր է մեկնել նաև Հայաստանի սամբոյի ֆեդերացիայի նախագահ Միքայել Հայրապետյանը:

Նոյեմբերի 8-10-ը Ղազախստանի մայրաքաղաք Աստանայում անցկացվում է Սամբոյի մեծահասակների Աշխարհի առաջնությունը։

Մարտական սամբոյի 64կգ քաշային կարգում Մայիս Ներսիսյանը դարձել է Սամբոյի աշխարհի առաջնության փոխչեմպիոն։

Փախստականների դրոշի ներքո հանդես եկող արցախցի 58կգ քաշային Դավիթ Հովսեփյանը դարձավ սամբոյի Աշխարհի առաջնության բրոնզե մեդալակիր։

Այդ մասին հայտնում է Հայաստանի Սամբոյի ֆեդերացիայի մամուլի ծառայությունը։

Հայ սամբիստ Դավիթ Հովսեփյանը Եվրոպայի երիտասարդների առաջնության 58 կգ քաշայինների եզրափակչում, ինչպես հայտնի է, հաղթանակ է տարել ադրբեջանցու նկատմամբ ու հռչակվել Եվրոպայի չեմպիոն։

Հայաստանի սամբոյի ֆեդերացիայի մամուլի քարտուղարությունը ներկայացնում է Դավիթի պատմությունը․

«Դավիթը ծնվել է 2001թ. Արցախում, Շուշեցի է: Բազմաթիվ մրցաշարեր է հաղթել, դարձել Հայաստանի չեմպիոն, 2019թ. հռչակվել Սամբոյի Եվրոպայի պատանիների առաջնության չեմպիոն, նույն տարի՝ Աշխարհի պատանեկան առաջնության փոխչեմպիոն:

Դավիթի ընտանիքի համար Շուշին թողնելը անսպասելի ու հապճեպ էր, այնքան հապճեպ, որ չհասցրին վերցնել անգամ Դավիթի մարզական մեդալները: Հիմա ապրում են Ստեփանակերտի հյուրանոցներից մեկում:

Դավիթը որոշել է թարմացնել մեդալների հավաքածուն:

2021թ. մայիսի 27-ին, Սամբոյի Եվրոպայի երիտասարդների առաջնության 58 կգ քաշային կարգում գերազանց անցկացրեց բոլոր գոտեմարտերը, եզրափակչում էլ՝ դժվար ու նյարդայյին, լարված պայքարում հաղթեց ադրբեջանցի մրցակցին ու հռչակվեց չեմպիոն»։