Մյունխենի «Բավարիան» լրջորեն հետաքրքրված է «Բարսելոնայի» առանցքային ֆուտբոլիստների ծառայություններով։ Ինչպես հաղորդում է հեղինակավոր Mundo Deportivo պարբերականը, գերմանական գրանդի ուշադրության կենտրոնում են հայտնվել միանգամից երկու «կատալոնացի»։

Աղբյուրի փոխանցմամբ՝ բավարացիները վաղուց հետևում են կիսապաշտպան Դանի Օլմոյի խաղին, սակայն ձմեռային տրանսֆերային պատուհանի ընթացքում գործարք չի նախատեսվում․ սա ավելի շատ երկարաժամկետ նախագիծ է։ Ակնկալվում է, որ ապագայում այս տրանսֆերի արժեքը կարող է հասնել մոտ 90 միլիոն եվրոյի:

Բացի Օլմոյից, Մյունխենում հավանել են նաև պաշտպան Ժյուլ Կունդեին։ «Բարսելոնան» ֆրանսիացու տրանսֆերը գնահատում է 80-90 միլիոն եվրո, ինչի պատճառով հունվարին հնարավոր տեղափոխությունը բացառվում է։ Գերմանական ակումբում այս գինը չափազանց ուռճացված են համարում, սակայն շարունակում են ուշադիր հետևել իրավիճակի զարգացմանը։

Նշենք, որ ընթացիկ մրցաշրջանում Դանի Օլմոն բոլոր մրցաշարերում մասնակցել է 11 հանդիպման՝ դառնալով 1 գոլի և 4 գոլային փոխանցման հեղինակ։ Մինչդեռ Ժյուլ Կունդեն մասնակցել է 8 խաղի՝ իր ակտիվում գրանցելով մեկական գոլ և արդյունավետ փոխանցում։

«Բարսելոնայի» կիսապաշտպան Դանի Օլմոն կարող է ձմեռային տրանսֆերային պատուհանի ընթացքում տեղափոխվել Անգլիայի Պրեմիեր լիգա։

Ինչպես հայտնում է TEAMtalk-ը, Օլմոյի ներկայացուցիչները նրա ծառայություններն առաջարկել են ԱՊԼ-ի մի շարք թոփ ակումբների՝ «Արսենալին», «Չելսիին», «Լիվերպուլին», «Մանչեսթեր Սիթիին», «Մանչեսթեր Յունայթեդին» և «Տոտենհեմին»։ Ակումբներին փոխանցվել է, որ հունվարին ֆուտբոլիստի տրանսֆերը հնարավոր է, սակայն այս պահին «Բարսելոնան» պաշտոնական առաջարկ չի ստացել։

28-ամյա իսպանացին ընթացիկ մրցաշրջանում կատալոնական թիմի կազմում անցկացրել է 8 հանդիպում բոլոր մրցաշարերում՝ կատարելով 3 գոլային փոխանցում։

Transfermarkt-ը Օլմոյի տրանսֆերային արժեքը գնահատում է 60 միլիոն եվրո։

Արգենտինայի ազգային հավաքականի մարզչական շտաբի անդամ Ռոբերտո Ֆաբիան Այալան դարձել էր Աշխարհի 2026 թվականի առաջնության եզրափակչի ավարտից հետո ծագած սկանդալի գլխավոր դեմքերից մեկը։

Իսպանիայից կրած պարտությունից հետո խաղադաշտում զանգվածային քաշքշուկ էր սկսվել, որի ժամանակ Լիոնել Սկալոնիի օգնականը կոպտորեն հրել էր իսպանացիների կիսապաշտպան Դանի Օլմոյին։ Valencia Capital Radio-ի «Esports Migdia» ռադիոծրագրին տված բացառիկ հարցազրույցում Այալան բացատրել է իր արարքն ու անդրադարձել եզրափակչի աղմկահարույց դրվագներին։

ℹ️ Roberto Fabián Ayala en EXCLUSIVA en @esportsvcr: "Cuando termina el partido mi intención era separar pero luego pasaron cosas con las pulsaciones a mil. No es excusa lo que ocurrió y no debí hacerlo. Más fue un empujón que un puñetazo, fue una reacción a unas palabras. Si veo…

— Álex Domínguez (@AlexDominguezTW) July 22, 2026

Արգենտինացի մասնագետը մանրամասնել է, թե ինչ է տեղի ունեցել եզրափակիչ սուլիչից հետո.

«Ես տեսա, որ դաշտի կենտրոնում քաշքշուկ է, և մենք գնացինք մեր ֆուտբոլիստների հետևից, որպեսզի ամեն ինչ նման ավարտ չունենա: Ես պատասխանատվություն եմ կրում իմ արարքի համար. նպատակս պարզապես կողմերին բաժանելն էր և վերջ: Երբեմն էմոցիաներդ գագաթնակետին են հասնում, բայց դա արդարացում չէ: Ես կարևոր պաշտոն եմ զբաղեցնում և իրավունք չունեմ նման կերպ վարվելու՝ անկախ նրանից, թե ինչ կլսեմ իմ հասցեին:

Ինչ վերաբերում է Օլմոյին, ապա դա ավելի շատ հրում էր, քան որևէ այլ բան, այլ ոչ թե բռունցքով հարված, ինչպես փորձում են ներկայացնել: Դա ասված խոսքի արձագանք էր: Եթե տեսնեմ Դանի Օլմոյին, անձամբ ներողություն կխնդրեմ նրանից»:

Այալան նաև դժգոհել է Արգենտինայի հավաքականի հանդեպ վերջին շրջանում ձևավորված տրամադրություններից, սակայն ընդգծել է իր զղջումը կատարվածի համար.

«Չգիտեմ՝ սա հատուկ արշավ է, թե ոչ, բայց վերջերս նկատելի է որոշակի թշնամանք. մարդիկ ուզում են, որ մեր հավաքականի գործերը վատ ընթանան: Այնուամենայնիվ, ես զղջում եմ: Իմ կարգավիճակում ես չեմ կարող ինձ թույլ տալ, որ դիմացինի խոսքերը կամ զգացմունքները փոխեն իմ տրամադրությունն ու գործողությունները: Բոլորս էլ ունենում ենք ռեակցիաներ, որոնք կարող են դուր չգալ հանրությանը: Պարզապես պետք է կարողանալ ներողություն խնդրել և ընդունել հետևանքները»։

Անդրադառնալով այն դրվագին, երբ Իսպանիայի հավաքականի չեմպիոնական տոնակատարության ժամանակ արգենտինացիները մեջքով էին կանգնել՝ Սկալոնիի օգնականը տվել է հետևյալ պարզաբանումը.

«Հիմա փորձում են ամեն ինչում նեգատիվ փնտրել Արգենտինայի դեմ: Իսպանացի ֆուտբոլիստների կողմից միլիոնավոր ժեստեր եղան, որոնք ոչ ոք ցույց չի տալիս. պետք է իսկական լրագրությամբ զբաղվել: Իրականում, տրիբունաներում խնդիրներ էին առաջացել ֆուտբոլիստների ընտանիքների անդամների հետ, և մենք մոտեցանք նրանց: Քանի որ մեր երկրպագուների մեծ մասն այնտեղ էր, դա նրանց նվիրվածությանը շնորհակալություն հայտնելու մեր միջոցն էր»։

Իսպանիայի հավաքականի կիսապաշտպան Դանի Օլմոն արձագանքել է ԱԱ-2026-ի եզրափակչից հետո Արգենտինայի ազգային ընտրանու ֆուտբոլիստների պահվածքին։ Մրցանակաբաշխության ժամանակ արգենտինացիները մեջքով շրջվել էին դեպի իսպանացիները, չնայած այն հանգամանքին, որ վերջիններս նրանց համար «պատվո միջանցք» էին կազմել։

Mundo Deportivo-ի լրագրողի հարցին Օլմոն պատասխանել է բավականին զուսպ, սակայն իմաստալից․

«Դե… վերջնարդյունքում դա մեզ չի հետաքրքրում: Կարծում եմ՝ շատ կարևոր է մտածել այն արժեքների մասին, որոնք ցանկանում ես փոխանցել շրջապատին: Մենք օրինակ ենք բազմաթիվ սերունդների ու երեխաների համար, և կարծում եմ՝ նրանք ևս պետք է դրական օրինակ ծառայեն ամեն ինչում և դեպի լավը»։

Օլմոյի այս հավասարակշռված պատասխանն արտացոլում է ողջ մրցաշարի ընթացքում Իսպանիայի հավաքականի ցուցաբերած սառնասրտությունը։ Կիսապաշտպանն ընդգծել է, որ ցանկանում է՝ Իսպանիան լինի մրցակցի նկատմամբ հարգալից վերաբերմունքի լավագույն օրինակ:

Հատկանշական է նաև վիճակագրությունը. եզրափակիչ խաղում Իսպանիան կանոնները խախտել է 21, իսկ Արգենտինան՝ 24 անգամ: Սակայն իսպանացիները ոչ մի դեղին քարտ չեն ստացել, մինչդեռ արգենտինացիները պատժվել են 5 զգուշացումով:

Ինքը՝ Օլմոն, որն ԱԱ-2026-ում մասնակցեց 8 հանդիպման և դարձավ 2 գոլային փոխանցման հեղինակ, ողջ մրցաշարն ավարտեց առանց որևէ դեղին քարտի: Եզրափակիչում նա ընդամենը մեկ անգամ է խախտել կանոնները և երկու անգամ ստիպել է մրցակիցներին խախտել կանոններն իր նկատմամբ՝ աչքի ընկնելով չափազանց մաքուր խաղով:

Իսպանիայի ազգային հավաքականի գլխավոր մարզիչ Լուիս դե լա Ֆուենտեն աշխարհի առաջնության կիսաեզրափակիչում Ֆրանսիայի նկատմամբ տարած հաղթանակից (2-0) հետո գովեստի խոսքեր է հնչեցրել կիսապաշտպան Դանի Օլմոյի հասցեին։

«Դանի Օլմոն ֆանտաստիկ խաղացող է իր դիրքում, իսկական հանճար է։ Նա ունիվերսալ է և կարող է խաղալ ցանկացած դիրքում։ Նա էլ ավելի է ուժեղանում, երբ նրա կողքին խաղում են այնպիսի վառ ֆուտբոլիստներ, ինչպիսին Ռոդրին է։ Այս խաղում նա ամեն ինչ գերազանց արեց։ Հնարավոր է, նա այն խաղացողը չէ, որը հաճախ է հայտնվում թերթերի վերնագրերում, սակայն նրա ֆուտբոլային ինտելեկտը միանգամայն յուրահատուկ է։ Ժամանակը ցույց տվեց, որ մենք չէինք սխալվել նրա հարցում»,- դե լա Ֆուենտեի խոսքերը մեջբերում է Tuttomercatoweb-ը։

Անգլիայի և Արգենտինայի հավաքականների միջև աշխարհի առաջնության մյուս կիսաեզրափակիչի հանդիպումը կկայանա այսօր։ Գլխավոր մրցավարի մեկնարկային սուլիչը կհնչի Երևանի ժամանակով 23:00-ին։

Երեքշաբթի և չորեքշաբթի՝ ապրիլի 14-ին և 15-ին, կայացան Չեմպիոնների լիգայի 2025/26 մրցաշրջանի խաղարկության քառորդ եզրափակիչ փուլի պատասխան հանդիպումները։

Եվրոպական ակումբային ամենահեղինակավոր մրցաշարի շաբաթվա լավագույն խաղացող է ճանաչվել Մյունխենի «Բավարիայի» ֆրանսիացի հարձակողական ոճի կիսապաշտպան Մայքլ Օլիսեն, որը գոլի հեղինակ դարձավ Մադրիդի «Ռեալի» դեմ պատասխան խաղում։ Այս մասին հայտնում է ՈւԵՖԱ-ի պաշտոնական կայքը։

Շաբաթվա լավագույն խաղացողի հավակնորդների ցուցակում երկրորդ տեղը զբաղեցրել է ՊՍԺ-ի հարձակվող Ուսման Դեմբելեն, որը հաղթական դուբլ գրանցեց «Լիվերպուլի» դեմ պատասխան խաղում: Երրորդ տեղը զբաղեցրեց «Արսենալի» կիսապաշտպան Մարտին Սուբիմենդին, իսկ չորրորդ տեղը՝ «Բարսելոնայի» կիսապաշտպան Դանի Օլմոն, որը գոլային փոխանցում կատարեց «Ատլետիկոյի» դեմ խաղում:

Չեմպիոնների լիգայի ընթացիկ խաղարկությունում Օլիսեն մասնակցել է 11 խաղի, խփել 4 գոլ և կատարել 7 գոլային փոխանցում։

«Բարսելոնայի» նախագահ Ժոան Լապորտան կիսվել է իր մտքերով թիմի հարձակվողական ոճի իսպանացի կիսապաշտպան Դանի Օլմոյի վերաբերյալ։

Կատալոնական գրանդը ֆուտբոլիստին ձեռք է բերել «Լայպցիգից» 2024 թվականի ամռանը։ Եվրոպայի չեմպիոնին միանգամից չհաջողվեց հայտավորել, իսկ նույն մրցաշրջանի ընթացքում նա կրկին զրկվեց խաղալու հնարավորությունից։ Միայն մարզական դատարանի միջամտությունը թույլ տվեց «կապտանռնագույններին» նորից հայտավորել խաղացողին։

«Մենք շատ պայքարեցինք Օլմոյի համար, քանի որ մեզ անհրաժեշտ էին նրա ֆուտբոլային որակներն ու նվիրվածությունը, և գիտեինք, որ նա ցանկանում է վերադառնալ տուն։ Դա վիճահարույց ձեռքբերում էր՝ լի բազմաթիվ խոչընդոտներով, և որոշ մարդիկ ակնհայտորեն չէին ուզում, որ գործարքը տեղի ունենար։ Այս բոլոր դժվարությունները միայն ամրապնդեցին Դանիի կապը «Բարսելոնայի» հետ, և ի վերջո մենք հասանք մեր նպատակին։ Մենք շատ շնորհակալ ենք նրան», — Լապորտայի խոսքերն է մեջբերում Managing Barca-ն։

Ընթացիկ մրցաշրջանում Դանի Օլմոն «Բարսելոնայի» կազմում մասնակցել է 17 հանդիպման՝ դառնալով 4 գոլի և 2 գոլային փոխանցման հեղինակ։

​«Բարսելոնայի» կիսապաշտպան Դանի Օլմոն ուսի վնասվածքի պատճառով շարքից դուրս է մնացել։ Այս մասին հայտնում է կատալոնական ակումբի մամուլի ծառայությունը։

​Ֆուտբոլիստը վնասվածքը ստացել է երեքշաբթի օրը կայացած Իսպանիայի առաջնության 19-րդ տուրի հետաձգված՝ «Ատլետիկոյի» դեմ խաղում (3:1):

Հանդիպման 65-րդ րոպեին Օլմոն գոլի հեղինակ դառնալուց անմիջապես հետո հարվածից հետո անհաջող վայրէջք է կատարել։

​Բուժզննման արդյունքում ախտորոշվել է ձախ ուսի հոդախախտ։ Որոշում է կայացվել սահմանափակվել պահպանողական բուժմամբ։

Վերականգնման գործընթացը կտևի նվազագույնը մեկ ամիս։ Ավելի վաղ լրագրող Ֆաբրիցիո Ռոմանոն հայտնել էր, որ Օլմոն խաղադաշտ կվերադառնա 3 շաբաթից։

​Ընթացիկ մրցաշրջանում 27-ամյա Օլմոն «Բարսելոնայի» կազմում բոլոր մրցաշարերում մասնակցել է 17 հանդիպման, դարձել 4 գոլի և 2 գոլային փոխանցման հեղինակ։

Լա լիգայի 19-րդ տուրի վաղաժամ կայացած «Բարսելոնա» – «Ատլետիկո» խաղում (3-1) կատալոնացիների իսպանացի կիսապաշտպան Դանի Օլմոն 65-րդ րոպեին խփեց իր թիմի հաղթական գոլը, ինչից հետո վնասվածք ստացավ և չկարողացավ շարունակել հանդիպումը։

Խաղից հետո կատալոնական ակումբի մամուլի ծառայությունը հայտարարեց, որ 27-ամյա խաղացողի մոտ ախտորոշվել է ուսի հոդախախտ։ Ըստ ինսայդեր Ֆաբրիցիո Ռոմանոյի՝ կիսապաշտպանը բաց կթողնի երեք շաբաթ։

Օլմոն ընթացիկ մրցաշրջանում «կապտանռնագույնների» կազմում մասնակցել է 17 հանդիպման՝ դառնալով 4 գոլի և 2 գոլային փոխանցման հեղինակ։

Իսպանիայի առաջնության 14-րդ տուրի շրջանակում «Բարսելոնան» սեփական հարկի տակ ընդունեց «Ալավեսին» և հաղթանակ տոնեց 3:1 հաշվով։

​Հանդիպման մեկնարկը անակնկալ էր տանտերերի համար․ արդեն 1-ին րոպեին հյուրերի կիսապաշտպան Պաբլո Իբանյեսը բացեց խաղի հաշիվը։ Սակայն կատալոնացիները կարողացան արագ վերականգնել հավասարությունը․ 8-րդ րոպեին աչքի ընկավ Լամին Յամալը։

​Խաղի բեկումնային պահը 26-րդ րոպեն էր, երբ Դանի Օլմոն առաջ մղեց «Բարսելոնային»։ Հանդիպման ավելացված ժամանակում Օլմոն դուբլ ձևակերպեց։

​Այս հաղթանակի շնորհիվ «Բարսելոնան» վաստակեց 34 միավոր և բարձրացավ մրցաշարային աղյուսակի առաջին հորիզոնական՝ շրջանցելով Մադրիդի «Ռեալին» (32 միավոր), որը դեռ մեկ հանդիպում պակաս է անցկացրել։ «Ալավեսը» 15 միավորով զբաղեցնում է 14-րդ տեղը։

Հանդիպման գոլերը՝ ԱՅՍՏԵՂ

Լա Լիգայի մրցաշարային աղյուսակը