Գերմանական Բունդեսլիգայի 6 -րդ տուրում Մյունխենի «Բավարիան» հյուրընկալվելիս մրցել է «Գրոյտեր Ֆյուրտի» հետ և վստահ հաղթանակ տարել: Ֆյուրտ քաղաքում կայացած խաղն ավարտվել է մյունխենցիների՝ 3-1 հաշվով հաղթանակով:

Հանդիպման հաշիվը խաղի արդեն 10-րդ րոպեին բացել է մյունխենցիների հարձակվող Թոմաս Մյուլերը, մոտ 20 րոպե անց Ջոշուա Կիմիխը խփել է մյունխենցիների երկրորդ գնդակն այս խաղում: Երկրորդ կեսի մեկնարկում «Բավարիան» մնացել է 10 հոգով. Բենջամին Պավարն ուղիղ կարմիր քարտով հեռացվել է խաղադաշտից:

68-րդ րոպեին մյունխենցիների առավելությունը մեծացել է, երբ մրցակցի պաշտպան Սեբաստյան Գրիսբեկը գրավել է սեփական դարպասը: Ի դեպ, 30-ամյա գերմանացի ֆուտբոլիստը կարիերայի ընթացքում առաջին անգամ գոլի հեղինակ դարձավ Բունդեսլիգայում:) Գրիսբեկն ինքնագոլից րոպեներ անց փոխարինվեց:

Խաղավարտին «Գրոյտեր Ֆյուրտը» կարողացել է խուսափել խոշոր հաշվով պարտությունից. 24-ամյա շվեյցարացի հարձակվող Ջեդրիկ Իթենը, որն ավելի վաղ փոխարինման էր մտել, 88-րդ րոպեին խփել է իր թիմի հեղինակության գնդակը:

«Բավարիան» գլխավորում է Բունդեսլիգայի մրցաշարային աղյուսակը: Մյունխենցիները 6 տուրում 16 միավոր են վաստակել և «Վոլֆսբուրգին» գերազանցում են 3 միավորով, բայց «գայլերը» մեկ խաղ պակաս են անցկացրել: «Գրոյտեր Ֆյուրտը» եզրափակում է աղյուսակը՝ վաստակելով ընդամենը մեկ միավոր: