#գարի-նևիլ — Armsport.am

Կարծում եմ, որ Պոգբան համաշխարհային մակարդակի միակ ֆուտբոլիստն է ՄՅՈւ-ում․ Նևիլ

Վարուժան Բաբայան — Mon, 22 Jun 2020 09:41:00 +0000

«Մանչեսթեր Յունայթեդի» նախկին պաշտպան Գարի Նևիլը բարձր է գնահատել մանկունիանցիների կիսապաշտպան Պոլ Պոգբայի խաղամակարդակը:

«Ես կասկած չունեմ, որ եթե «Մանչեսթեր Յունայթեդը» չվաճառի Պոգբային, նա շատ օգուտ կբերի թիմին: Նրա գոլերն ու փոխանցումները շատ լավն են: Հուսով եմ, որ տնտեսական խնդիրների պատճառով եվրոպական ակումբները չեն կարողանա ֆուտբոլիստների վրա ծախսել 80-100 միլիոն եվրո, իսկ Պոգբան կմնա «Մանչեսթեր Յունայթեդում»:

Կարծում եմ, որ նա համաշխարհային մակարդակի միակ ֆուտբոլիստն է «Մանչեսթեր Յունայթեդում»: Երկու տարի առաջ Դե Խեան նույնպես նրանցից մեկն էր», — ասել է Նևիլը իր podcast-ում:

27-ամյա ֆրանսիացին Անգլիայի Պրեմիեր լիգայում ընթացիկ մրցաշրջանում անցկացրել է 8 հանդիպում՝ կատարելով երկու գոլային փոխանցում:

Բոլորը խոսում են վան Դայկի մասին, բայց հենց Ալիսոնն էր պակասում Լիվերպուլին չեմպիոն դառնալու համար․ Նևիլ

Վարուժան Բաբայան — Mon, 15 Jun 2020 08:45:00 +0000

«Մանչեսթեր Յունայթեդի» և Անգլիայի ազգային հավաքականի նախկին պաշտպան, և այժմ ֆուտբոլային վերլուծաբան Գարի Նևիլը կարծում է, որ «Լիվերպուլի» դարպասապահ Ալիսոնը այս մրցաշրջանում մեծ ներդրում ունի թիմի հաջողությյունների մեջ:

«Բոլորն ասում են, որ «Լիվերպուլին» չեմպիոնության համար բացակայում էր վան Դայկը, բայց ես կարծում եմ, որ Ալիսոնն էր, ով ավելի շատ օգնեց կարմիրներին: Երկու-երեք տարի առաջ ես շատ էի քննադատում «Լիվերպուլի» դարպասապահներին և ասում էի, որ նման դարպասապահների հետ նրանք երբեք չեմպիոն չեն դառնա: Կլոպը զայրացած էր ինձ վրա այդ պատճառով:

Բայց երբ դարպասապահը հանգստություն է փոխանցում մյուս խաղացողներին, և նա հեղինակություն ունի հանդերձարանում, դա վստահություն է ներշնչում թիմի մնացած մասին: Վան Դայկը լավագույն կենտրոնական պաշտպաններից մեկն է, բայց ես Ալիսոնին ավելի բարձր եմ կարգում», — Նևիլի խոսքերն է մեջբերում Sky Sports- :

Այս մրցաշրջանում 27-ամյա դարպասապահը Պրեմիեր լիգայում անցկացրել է 20 հանդիպում:

Նեվիլ․ Ես այդպիսի աջ պաշտպանի չէի տեսել Կաֆուից հետո

Erik — Mon, 11 May 2020 05:07:00 +0000

«Մանչեսթեր Յունայթեդի» նախկին պաշտպան Գարի Նևիլը պատմել է, թե ներկայիս աջ պաշտպաններից ում խաղն է ամենից շատ տպավորում։

Անգլիացի նախկին ֆուտբոլիստի խոսքով՝ նա տպավորված է «Լիվերպուլի» պաշտպան Տրենտ Ալեքսանդր-Առնոլդով։

«Տրենդը առաջ է գնում։ Ես այդպիսի աջ պաշտպան չէի տեսել Կաֆուից հետո»,-ասել է Գարի Նևիլը, ում խոսքն է մեջբերում Bleacher Report-ը։

Հիշեցնենք, որ ավելի վաղ Յուրգեն Կլոպը Տրենտին ընտրել էր, որպես թիմի ամենաարդյունավետ տրանսֆեր վերջին տարիների ընթացքում։

Նևիլ. ԱՊԼ-ի ակումբները վախենում են վերսկսել առաջնությունը

Erik — Mon, 04 May 2020 08:23:00 +0000

«Մանչեսթեր Յունայթեդի» նախկին ֆուտբոլիստ և այժմ ֆուտբոլային փորձագետ Գարի Նևիլը կարծում է, որ ԱՊԼ-ի ակումբները վախենում են վերսկսել առաջնությունը, տեղեկացնում է Mirror-ը:

«Սկզբում, նրանք ասում էին ՝ ֆուտբոլիստների առողջությունը ավելի կարևոր է:

Հետագայում, բղավում էին ՝ առաջնությունը պետք է վերսկսվի:

Պետք է տղամարդկություն ունենալ և որոշում կայացնել: Նրանք մահվան չափ վախենում են այս վարակից:

Զզվանք եմ ապրում այսպիսի փափկամարմնությունից», -ասել է Նևիլը:

Ավելի վաղ, Նևիլը առաջարկում էր մրցաշրջանը ավարտին հասցնել արտերկրում:

Նևիլ. Ռոնալդուն ցանկանում է գերազանցել Պելեի ռեկորդը, նա մտադիր է դառնալ բոլոր ժամանակների լավագույնը

Նարե Հովհաննիսյան — Fri, 01 May 2020 18:49:00 +0000

«Մանչեսթեր Յունայթեդի» նախկին պաշտպան Գարի Նևիլը պատմել է «Յուվենտուսի» հարձակվող Կրիշտիանու Ռոնալդուի՝ ֆուտբոլի պատմության լավագույն խաղացողը դառնալու մտադրության մասին.

«Ռոնալդուն իմ քիչ խաղընկերներից է, որը հրապարակայնորեն հայտարարեց, որ իր համար կարևոր են անձնական տիտղոսները: Նա պարզապես ցանկանում էր լինել լավագույնը: Նա երկար տարիներ է անցկացրել բացառիկ մակարդակում: Նրա նվաճումները զարմանալի են:

Կրիշտիանուն տարված է գոլերով: Ամեն օր նա իր առջև խնդիր է դնում լինել լավագույն մարզավիճակում: Նա պրոֆեսիոնալիզմի մակարդակն ամեն տարի բարձրացրել է և աճ գրանցել: Կարծում եմ՝ նա ցանկանում է գերազանցել Պելեի ռեկորդը խփած գոլերի քանակով:

Ռոնալդուն մտադիր է դառնալ բոլոր ժամանակների լավագույն ֆուտբոլիստը: Սա նրա միակ նպատակն է: Պետք է հասկանալ, որ այս մակարդակում խաղալով՝ նրա թիմերը տիտղոսներ են նվաճում ու հաջողակ դառնում»,- Նևիլի խոսքերն է փոխանցում Goal-ը:

Նևիլը առաջարկել է ԱՊԼ-ի հանդիպումները անցկացնել մեկ այլ երկրում

Վարուժան Բաբայան — Fri, 01 May 2020 13:52:00 +0000

«Մանչեսթեր Յունայթեդի» նախկին ֆուտբոլիստ և այժմ ֆուտբոլային փորձագետ Գարի Նևիլը կարծում է, որ Անգլիայի առաջնությունը պետք է խաղարկվի մեկ այլ երկրում՝ կորոնավիրուսին համաճարակի պատճառով:

«Եթե լիգան իսկապես ցանկանում է վերադառնալ խաղերի անցկացմանը անվտանգ միջավայրում, ապա հանդիպումները կարող են տեղափոխվել այլ երկրներ, որոնց կարելի է հասնել երեք-չորս ժամվա ընթացքում:

Այս դեպքում ֆուտբոլիստները, մարզիչները, ակումբի անձնակազմը և լրատվամիջոցները ստիպված կլինեն երկու շաբաթ կարանտինացվել, ապա մեկնել այն երկրներ, որտեղ կորոնավիրուսը նահանջել է: Եվրոպայում կան այդպիսի մի քանի վայրեր:

Վստահ չեմ, որ Մեծ Բրիտանիայում այժմ հնարավոր է ապահովել անհրաժեշտ անվտանգություն: Ես վստահ չեմ, որ լիգայի ղեկավարությունը կարող է մեզ դա ապահովել», — ասել է Նևիլը Fooball Show-ի ընթացքում:

Գարի Նևիլն առաջարկել է տրանսֆերային պատուհանը բաց թողնել ամբողջ մրցաշրջանի ընթացքում

Erik — Sat, 28 Mar 2020 13:01:00 +0000

«Մանչեսթեր Յունայթեդի» նախկին պաշտպան Գարի Նևիլը կազմել է պլան, ըստ որի հնարավոր կլինի խուսափել կորոնավիրուսի ծանր հետևանքներից.

Արագորեն ավարտել մրցաշրջանը, երբ արդեն անվտանգ կլինի
Խտացնել մյուս մրցաշրջանի խաղացանկը, եթե անհրաժեշտ լինի
Տրանսֆերային պատուհանը բացել մայիսին ու չփակել ամբողջ մրցաշրջանի ընթացքում
Երկարաձգել խաղացողների պայմանագրերը՝ մինչև ընթացիկ մրցաշրջանի ավարտը
Ֆինանսական օգնություն տրամադրել կարիքավոր ակումբներին՝ ներառյալ ցածր լիգաների

Նևիլ. Լիվերպուլն արդեն 18 ամիս չեմպիոնական խաղ է ցուցադրում

Zara Ohanyan — Tue, 12 Nov 2019 05:49:07 +0000

«Մանչեսթեր Յունայթեդի» նախկին ֆուտբոլիստ, այժմ հեռուստատեսային փորձագետ Գարի Նևիլը մեկնաբանել է «Լիվերպուլի» ելույթներն ընթացիկ մրցաշրջանում:

«Պետք է առանձնահատուկ թիմ լինել 2 անգամ անընդմեջ Չեմպիոնների լիգայի եզրափակչում խաղալու, դրանիցից մեկում հաղթելու համար, մինչև վերջին տուրը «Մանչեսթեր Սիթիին» հետապնդելու համար: «Լիվերպուլը» չեմպիոնական խաղ է ցուցադրում վերջին 18 ամիսների ընթացքում:

Այո, նրանք կարող են կորցնել միավորների առավելությունը, «Սիթին» կարող է հասնել նրանց, կարող է արտասովոր բան տեղի ունենալ «Չելսիի» կամ «Լեսթերի» հետ, բայց դրան հավատալը գնալով նվազում է», — Նևիլի խոսքերն է մեջբերել Sky Sports-ը:

«Լիվերպուլը» 12 խաղում հավաքած 34 միավորով գլխավորում է ԱՊԼ-ի մրցաշարային աղյուսակը:

Կարագերը և Նևիլը զավեշտալի ֆուտբոլ են խաղացել (տեսանյութ)

Zara Ohanyan — Sat, 09 Nov 2019 12:58:43 +0000

Անվանի ֆուտբոլիստներ Գարի Նևիլը և Ջեյմի Կարագերն աշխատում են Sky Sports-ում որպես փորձագետներ:

Անգլիայի հավաքականի նախկին խաղացողները մեծ փուչիկներում տեղաովրված փորձել են ֆուտբոլ խաղալ: Ստացվել է զավեշտալի խաղ:

Գարի Նևիլ. Երևի ՄՅՈւ-ին պետք է դեռ 1 միլիարդ էլ ծախսել կազմը ուժեղացնելու վրա

Erik — Mon, 23 Sep 2019 06:56:06 +0000

«Մանչեսթեր Յունայթեդի» նախկին խաղացող Գարի Նևիլը կարծիք է հայտնել, որ մանկունիանցիների կազմը չի համապատասխանում ԱՊԼ-ում չեմպիոնական տիտղոսի համար պայքարելու մակարդակին:

«Սուլշերին ևս 3-4 տրանսֆերային պատուհան է պետք, որպեսզի ՄՅՈւ-ի կազմը հասցնի այն մակարդակին, որով նրանք կկարողանան պայքարել տիտղոսի համար:

Նրանց մի քանի հարյուր միլիոն եվրո է պետք: Այլ կերպ հնարավոր չէ: Անցել են այն օրերը, երբ կարելի էր բաժանվել խաղացողից ու հեշտորեն փոխարինող գտնել նրան:

Հնարավոր է՝ «Մանչեսթեր Յունայթեդին» պետք է ևս 1 միլիարդ եվրո ծախսել: Լինգարդը հիմա ՄՅՈւ-ի կենտրոնական հարձակվողն է: Նայեք վերջին 6-7 տարիներին ակումբի ծախսերին: Մոտ 1 միլիարդ եվրո է, դա մի քիչ ավելին է, քան «Մանչեսթեր Սիթիի» ծախսած գումարը: Եվ ինչի՞ է դա հանգեցրել: Անհավանական է. 1 միլիարդ եվրոն անասելի մեծ գումար է թիմի համար, որը կենտրոնական հարձակվողներ չունի», — Նևիլի խոսքերն է մեջբերել Goal-ը՝ հղում անելով Sky Sports-ին: