Գարեթ Բեյլ — Armsport.am

Երբեմն նա դա անում է մամուլի միջոցով, երբեմն՝ ուսին թփթփացնելով․ Բեյլը՝ Մոուրինյուի մադրիդյան հեռանկարների մասին

Gevorg Martirosyan — Sun, 21 Jun 2026 12:09:14 +0000

Մադրիդի «Ռեալի» նախկին հարձակվող Գարեթ Բեյլը գնահատել է Ժոզե Մոուրինյուի հեռանկարները «արքայական» ակումբի գլխավոր մարզչի պաշտոնում։

«Նա կարող է որոշակիորեն սադրել ֆուտբոլիստներին՝ միայն նրա համար, որ վերջիններս դաշտում իրենց առավելագույնը դրսևորեն։ Ժոզեն փորձում է հասկանալ յուրաքանչյուր խաղացողի և անում է հնարավոր ամեն ինչ՝ նրանց աշխատել ստիպելու համար։

Երբեմն դա կարող է արվել լրատվամիջոցներում հիշատակման միջոցով, իսկ երբեմն էլ՝ պարզապես ընկերաբար ուսին թփթփացնելով։

Ժոզեն արդեն աշխատել է «Ռեալում», նա հիանալի հասկանում է թիմի դինամիկան և գիտի, թե ինչպես է այնտեղ ամեն ինչ կառուցված։ Նա անպայման կմշակի մի ծրագիր, որը կօգնի հասնել ցանկալի արդյունքի»,- Բեյլի խոսքերն է փոխանցում The Athletic-ը։

Դու չես կարող այդպես վարվել. կարևոր չէ՝ Կիլիան Մբապեն ես, թե մեկ ուրիշը․ Բեյլ

Suren Sahakyan — Sun, 17 May 2026 19:45:37 +0000

Մադրիդի «Ռեալի» լեգենդար նախկին ֆուտբոլիստ Գարեթ Բեյլն իր դժգոհությունն է հայտնել «արքայական» ակումբի աստղային հարձակվող Կիլիան Մբապեի պահվածքի վերաբերյալ։ Ֆրանսիացի ռմբարկուն 36-րդ տուրի «Օվիեդոյի» դեմ հաղթական խաղից (2-0) հետո հասցրել էր քննադատել թիմի գլխավոր մարզիչ Ալվարո Արբելոային:

«Միքս-գոտում չի կարելի քննադատել մարզչին, և վե՛րջ։ Կապ չունի՝ դու Կիլիան Մբապեն ես, թե մեկ ուրիշը։ Ես երբեք ցուցադրաբար չեմ դրսևորել ինձ ու չեմ ասել, որ չեմ դիտել մարզչի մամուլի ասուլիսները»,- Բեյլի խոսքերն է մեջբերում Sport.fr-ը։

Հիշեցնենք, որ Բեյլը մադրիդյան ակումբում անցկացրած 9 տարիների ընթացքում նվաճել է 16 տիտղոս։ Թեև նա բազմիցս խիստ քննադատությունների է արժանացել գոլֆի հանդեպ ունեցած իր մեծ սիրո պատճառով, սակայն երբեք հրապարակայնորեն չի հակադարձել և չի վիճարկել մարզիչների որոշումները։

Բեյլը նշել է Ռեալի մարզումների լավագույն և վատագույն ֆուտբոլիստներին

Gevorg Martirosyan — Fri, 06 Mar 2026 06:15:04 +0000

Մադրիդի «Ռեալի» նախկին հարձակվող Գարեթ Բեյլը հիշել է «արքայական» ակումբում անցկացրած տարիներն ու առանձնացրել է թիմի լավագույն և վատագույն խաղացողներին մարզումային գործընթացում։

«Մոդրիչն ու Կրոսը երբեք չէին կորցնում գնդակը, Իսկոն նույնպես այդպիսին էր։ Մեծ խաղադաշտում նրա համար, միգուցե, մի փոքր ավելի բարդ էր, բայց փոքր տարածություններում խաղալիս ամեն ինչ այլ էր։ Նա այն ֆուտբոլիստն է, ով իմ տեսածներից ամենաշատն է նման Զիդանին:

Ինչ վերաբերում է վատագույնին, ապա դա Ազարն էր։ «Չելսիի» տղաները նույնը կասեին։ Նա վնասել էր կոճն ու այդպես էլ լիովին չապաքինվեց»,- ուելսցու խոսքն է մեջբերում AS-ը։

Հիշեցնենք, որ Բեյլը Մադրիդի «Ռեալի» գույները պաշտպանել է 2013-ից 2022 թվականներին։ Մադրիդյան թիմի կազմում նա դարձել է Իսպանիայի եռակի չեմպիոն, նվաճել երկրի Գավաթը, ինչպես նաև հինգ անգամ հռչակվել Չեմպիոնների լիգայի հաղթող։

Նա ցանկանում է խփել երեքից վեց գոլ մեկ խաղում և գերազանցել Մեսսիին․ Բեյլը՝ Ռոնալդուի մասին

Gevorg Martirosyan — Thu, 05 Mar 2026 18:05:55 +0000

Մադրիդի «Ռեալի» նախկին վինգեր Գարեթ Բեյլը խոսել է Կրիշտիանու Ռոնալդուի անկոտրում բնավորության, ռեկորդների հասնելու և ֆուտբոլային գերմարդ լինելու անսպառ ձգտման մասին։

«Մի քանի անգամ նա դժգոհությամբ թափահարել է ձեռքերը, երբ ես չեմ իրացրել մեն-մենակ դուրս գալու հնարավորությունները, թեև, հավանաբար, կարող էի փոխանցում կատարել իրեն, բայց… Կարծում եմ՝ դա ևս խոսում է նրա անընդհատ պայքարելու և մոտիվացիայի մասին:

Նա ցանկանում է խփել ոչ թե մեկ, այլ երեք, չորս, հինգ կամ վեց գոլ մեկ խաղում, եթե իհարկե կարող է: Ինչպես գիտեք, նա միշտ ձգտում է ռեկորդների, ցանկանում է անընդհատ գոլեր հեղինակել ու այդ հարցում գերազանցել Մեսսիին:

Կարծում եմ՝ անիմաստ է վիճել այն փաստի հետ, որ նա միշտ գոլեր է խփում… Անգամ երբ նա վերադարձավ «Մանչեսթեր Յունայթեդ», մարդիկ ասում էին՝ «նա արդեն առաջվանը չէ»: Բայց Կրիշտիանուն միևնույն է շարունակում էր գրավել դարպասները, իսկ դա, ի վերջո, ֆուտբոլում ամենաբարդ բանն է»,- նշել է Բեյլը:

Գարեթ Բեյլը խոստովանել է, թե ինչից է միշտ վախեցել

Gevorg Martirosyan — Wed, 15 Oct 2025 20:30:56 +0000

Մադրիդի «Ռեալի» նախկին ֆուտբոլիստ Գարեթ Բեյլը հայտարարել է, որ միշտ վախեցել է սնանկանալուց, այդ իսկ պատճառով գիտակցաբար փորձել է շքեղ կյանք չվարել և կենտրոնացել է այն բանի վրա, թե ինչ կլինի իր հետ ֆուտբոլային կարիերան ավարտելուց հետո։

«Մի բան կար, որը միշտ վախեցրել է ինձ։ Կարդում ես հոդվածներ այն մասին, որ մարդիկ պրոֆեսիոնալ սպորտին հրաժեշտ տալուց հետո սնանկանում են։ Նրանք չգիտեն, թե ինչպես կառավարեն իրենց գումարները, չգիտեն, թե ինչպես ապրեն հետո։

Կարծում եմ, որ շատ մարզիկներ շքեղ կյանք են վարում։ Ես փորձում եմ դա չանել։ Միշտ մտածել եմ այն մասին, թե ինչպիսին կլինի իմ կյանքը ֆուտբոլից հետո։ Երբ ավարտեմ, կդադարեմ աշխատավարձ ստանալ։ Ինչպե՞ս են մարդիկ այդ դեպքում վերակառուցում իրենց կյանքը։

Այդ իսկ պատճառով ես ի սկզբանե փորձել եմ դիվերսիֆիկացնել իմ եկամուտները։ Միշտ միտք եմ ունեցել, որ իմ գումարները ներդնելու եմ տարբեր բաների մեջ։ Եթե մի հենարան կտրվի ու չաշխատի, ամբողջ շենքը չի փլուզվի», — Marca-ն մեջբերում է Բեյլի խոսքերը՝ հղում անելով Front Office Sports-ին։

Սալահը պատմական ռեկորդ սահմանեց. Լիվերպուլի աստղը՝ ԱՊԼ-ի պատմության ամենատիտղոսակիր խաղացող

Gevorg Martirosyan — Wed, 20 Aug 2025 07:38:22 +0000

Պրոֆեսիոնալ ֆուտբոլիստների ասոցիացիան (PFA) հրապարակել է Անգլիայի Պրեմիեր լիգայի 2024/25 մրցաշրջանի խորհրդանշական հավաքականը, որում ընդգրկվել են «Լիվերպուլի» չորս խաղացողներ: Չեմպիոնական տիտղոս նվաճած թիմից հավաքականում տեղ են գտել Վիրջիլ վան Դայկը, Ռայան Գրավենբերխը, Ալեքսիս Մակալիստերը և Մոհամեդ Սալահը:

Խորհրդանշական հավաքական

Մատս Սելս, Կրիս Վուդ («Նոթինգհեմ Ֆորեստ»)
Վիրջիլ վան Դայկ, Ռայան Գրավենբերխ, Ալեքսիս Մակալիստեր, Մոհամեդ Սալահ («Լիվերպուլ»)
Միլոշ Կերկեշ (նախկինում՝ «Բորնմութ»)
Վիլյամ Սալիբա, Դեկլան Ռայս («Արսենալ»)
Ալեքսանդեր Իսակ («Նյուքասլ»)

«Լիվերպուլի» հարձակվող Մոհամեդ Սալահը ճանաչվել է Պրեմիեր լիգայի 2024/25 մրցաշրջանի լավագույն խաղացող: 33-ամյա եգիպտացին փայլուն մրցաշրջան է անցկացրել՝ 38 խաղում խփելով 29 գոլ և կատարելով 18 գոլային փոխանցում:

Սալահն այս մրցանակին արժանացել է երրորդ անգամ, ինչը պատմական ռեկորդ է: Մինչ այդ առավելագույնը երկու անգամ մրցանակը նվաճել էին Մարկ Հյուզը, Ալան Շիրերը, Տիերի Անրին, Կրիշտիանու Ռոնալդուն, Գարեթ Բեյլը և Կևին Դե Բրույնեն:

Աննախադեպ նվաճում. հինգ անհատական մրցանակ մեկ մրցաշրջանում

StatSquawka պորտալի տվյալներով՝ Սալահը դարձել է Պրեմիեր լիգայի պատմության առաջին ֆուտբոլիստը, ով մեկ մրցաշրջանում նվաճել է հինգ անհատական տիտղոս.

«Ոսկե խաղակոշիկ»՝ լավագույն ռմբարկուի համար
Լավագույն փլեյմեյքեր՝ ամենաշատ գոլային փոխանցումների հեղինակ
Տարվա խաղացող Պրեմիեր լիգայում
FWA-ի տարվա խաղացող՝ ըստ Ֆուտբոլային լրագրողների ասոցիացիայի
PFA-ի տարվա խաղացող՝ ըստ Պրոֆեսիոնալ ֆուտբոլիստների ասոցիացիայի

Մրցանակաբաշխության ժամանակ Սալահը նշել է.

«Երբ նայում եմ ինքս ինձ՝ Եգիպտոսից եկած տղայի, ով հասել է ամենաբարձր մակարդակին և այսօր պատմություն է կերտում, դա ինձ լցնում է հպարտությամբ»:

Կալդենտեյի հաջողությունը կանանց ֆուտբոլում

Կանանց մրցանակը նվաճել է «Արսենալի» իսպանացի հարձակվող Մարիոնա Կալդենտեյը: Նա իր առաջին մրցաշրջանում օգնել է լոնդոնյան ակումբին 18 տարի անց նվաճել Եվրոպայի չեմպիոնների լիգայի գավաթը՝ եզրափակչում հաղթելով իր նախկին թիմին՝ «Բարսելոնային»: Կալդենտեյը մրցաշրջանում խփել է 19 գոլ, որոնցից 7-ը՝ Չեմպիոնների լիգայում:

Երիտասարդ խաղացողներ

Տարվա լավագույն երիտասարդ խաղացողներ են ճանաչվել.

Կանանց՝ Օլիվիա Սմիթ («Արսենալ», Կանադա)
Տղամարդկանց՝ Մորգան Ռոջերս («Ասթոն Վիլա», Անգլիա)

PFA Merit Award մրցանակը ստացել է Անգլիայի ազգային հավաքականի նախկին գլխավոր մարզիչ Գարեթ Սաութգեյթը՝ թիմի հետ ունեցած հաջողությունների և ֆուտբոլին ներդրած մեծ ավանդի համար:

Բարսելոնան և ողջ աշխարհը զգուշացված են. Գարեթ Բեյլ

Gevorg Martirosyan — Fri, 11 Jul 2025 10:00:52 +0000

«Սաութհեմփթոնի», «Տոտենհեմի» և «Ռեալի» նախկին ֆուտբոլիստ Գարեթ Բեյլը հայտարարել է, որ մադրիդյան ակումբի համար սկսվում է նոր դարաշրջան։

Ավելի վաղ «արքայական» ակումբը 0:4 հաշվով ջախջախիչ պարտություն էր կրել ՊՍԺ-ից Ֆուտբոլի ակումբային աշխարհի առաջնության կիսաեզրափակչում։

«Բարսելոնան» և ողջ աշխարհը զգուշացված են. «Ռեալի» համար սկսվում է նոր դարաշրջան», — Բեյլի խոսքերն է մեջբերում Madrid Xtra-ն X սոցիալական ցանցում։

Անցած մրցաշրջանում «արքայականները» նվաճել էին ՈՒԵՖԱ-ի Սուպերգավաթը, սակայն Լա Լիգայում զիջել էին «Բարսելոնային»։ Չեմպիոնների լիգայում մադրիդյան «Ռեալը» հասել էր քառորդ եզրափակիչ։ Այս տարվա ամռանը «արքայականներին» գլխավորել է Խաբի Ալոնսոն, ով նախկինում աշխատել էր Լևերկուզենի «Բայերում»։

Բեյլը կարող է դառնալ անգլիական ակումբի համասեփականատեր

Gevorg Martirosyan — Tue, 17 Jun 2025 13:20:24 +0000

Մադրիդի «Ռեալի» նախկին ֆուտբոլիստ Գարեթ Բեյլը կարող է դառնալ անգլիական «Պլիմութ» ակումբի համասեփականատեր։ Այս մասին հայտնում է The Telegraph-ը։

Ամերիկացի ներդրողները ցանկանում են ձեռք բերել ակումբը, իսկ Բեյլին առաջարկվել է դառնալ գործարքի «դեմքը»՝ հայտնի անձնավորություն, ով կնպաստի նախագծի առաջմղմանը և հանրայնացմանը։

Հիշեցնենք, որ 2024/25 մրցաշրջանում «Պլիմուտը» Անգլիայի Չեմպիոնշիփում զբաղեցրել է 23-րդ հորիզոնականը և նահանջել դիվիզիոնով։

Նա միշտ իր վրա է վերցնում քննադատությունը՝ պաշտպանելով ֆուտբոլիստներին․ Բեյլ

Վարուժան Բաբայան — Thu, 22 May 2025 08:00:49 +0000

Գարեթ Բեյլը խոսել է Էնջ Պոստեկոգլուի կերպարի մասին։ «Տոտենհեմը», մարզչի ղեկավարությամբ, հաղթեց Եվրոպա լիգան՝ հաղթելով «Մանչեսթեր Յունայթեդին» (1-0):

«Ես կարող եմ մեկ բան ասել Էնջիմասին. նա շատ համեստ տղա է։ Մամուլի ասուլիսների ժամանակ նա միշտ ճշմարտությունն է ասում, ասում է այն, ինչ իր սրտում է։ Նա չի թաքցնում իր զգացմունքները և պաշտպանում է իր ֆուտբոլիտներին։

Նա միշտ կընդունի քննադատությունը, նույնիսկ եթե ֆուտբոլիստները սխալներ թույլ տան խաղադաշտում։ Կարծում եմ՝ ֆուտբոլիստները համախմբվեցին նրա շուրջը և տվեցին նրան այն, ինչին նա արժանի էր։

Ինձ դուր է գալիս նրա ֆուտբոլը։ Նրան մի փոքր պակասում է B ծրագիրը։ Մյուս կողմից, մենք այս խաղում տեսանք այդ B ծրագիրը։

Եթե նա հասունանա որպես մարզիչ և թիմին բերի պաշտպանական տարր, կարող է շատ հաջողակ լինել», — մեջբերում է «Տոտենհեմի» նախկին ֆուտբոլիստին TNT Sports-ը։

Տպավորիչ թվեր․ ինչպես են աճել ԱՊԼ-ի ամենաբարձր վարձատրվող ֆուտբոլիստների աշխատավարձերը

Gevorg Martirosyan — Thu, 05 Dec 2024 16:53:56 +0000

1992 թվականի մայիսին Առաջին դիվիզիոնը վերափոխվեց Անգլիայի Պրեմիեր լիգայի և թիմերը սկսեցին ստանալ ֆինանսական մեծ հոսքեր և նոր արտասահմանյան տաղանդներ։ Առաջին տարիներին առաջնությունում խաղում էին 22 թիմեր, սակայն նրանց թիվը հետագայում կրճատվեց երկուսով։

Այնուամենայնիվ, ոչինչ այնպես չի արտացոլում լիգայի զարգացումը, որքան դրանում խաղացող ամենաբարձր վարձատրվող ֆուտբոլիստի աշխատավարձը։ PFSA-ի տվյալներով՝ ԱՊԼ-ի ֆուտբոլիստի միջին աշխատավարձը շաբաթական կազմում է մոտ 60,000 ֆունտ։

Սակայն լավագույն ֆուտբոլիստները կարող են վաստակել հնգապատիկ ավելի։ Ովքե՞ր են գլխավորել վարձատրվող ֆուտբոլիստների աղյուսակը 1992 թվականից մինչև այսօր։

1992/93 և 1993/94՝ Ջոն Բարնս – £10,000 շաբաթական
1994/95՝ Էրիկ Կանտոնա – £18,000 շաբաթական
1995/96՝ Դենիս Բերգկամպ – £25,000 շաբաթական
1996/97՝ Ֆաբրիցիո Ռավանելի – £42,000 շաբաթական
1997/98 և 1998/99՝ Ալան Շիրեր – £34,000 շաբաթական
1999/00 և 2000/01՝ Ռոյ Քին – £52,000 շաբաթական
2001/02՝ Ռոյ Քին – £90,000 շաբաթական
2002/03՝ Ռոյ Քին – £94,000 շաբաթական
2003/04՝ Էռնան Կրեսպո – £94,000 շաբաթական
2004/05՝ Ֆրենկ Լեմպարդ – £98,000 շաբաթական
2005/06՝ Սթիվեն Ջերարդ – £100,000 շաբաթական
2006/07՝ Անդրեյ Շևչենկո – £118,000 շաբաթական
2007/08՝ Ջոն Թերի – £135,000 շաբաթական
2008/09՝ Ռոբինյո – £160,000 շաբաթական
2009/10-ից 2012/13՝ Կառլոս Տևես – £250,000 շաբաթական
2013/14-ից 2016/17՝ Ուեյն Ռունի – £300,000 շաբաթական
2017/18 և 2018/19՝ Ալեքսիս Սանչես – £350,000 շաբաթական
2019/20՝ Դավիդ Դե Խեա – £375,000 շաբաթական
2020/21՝ Գարեթ Բեյլ – £560,000 շաբաթական (ամենամեծ մասը վճարվում էր Մադրիդում)
2021/22՝ Կրիշտիանու Ռոնալդու – £480,000 շաբաթական
2022/23-ից մինչև այսօր՝ Քևին Դե Բրույնե – £400,000 շաբաթական