Հայաստանի Պրեմիեր լիգայի 10-րդ տուրում «Գանձասարը» Երևանի «Ջունիոր սպորտ» մարզադաշտում ընդունել էր «Սարդարապատին»:

Հանդիպման հաշիվը 19-րդ րոպեին բացեց «Գանձասարի» ֆուտբոլիստ Լեո Վիրջինիո Մատեուս Դոս Ռեյսը։ Երկրորդ խաղակեսում «Սարդարապատը» կարողացավ բեկել խաղի ընթացքը. Լևոն Պետրոսյանը 50-րդ և 56-րդ րոպեներին դուբլ ձևակերպեց՝ 2:1 հաշվով կամային հաղթանակ պարգևելով իր թիմին։

Այս խաղից հետո «Սարդարապատը» 15 միավորով 5-րդ տեղում է, իսկ «Գանձասարը» 3 միավորով եզրափակում է մրցաշարային աղյուսակը:

Հաջորդ տուրում «Սարդարապատը» կմրցի «Ուրարտուի», իսկ «Գանձասարը»՝ «Փյունիկի» հետ:

Տեսանյութը՝ ստորև.

ՀՊԼ-ի մրցաշարային աղյուսակը՝ ստորև․

ՀՊԼ-ի մրցաշարային աղյուսակը՝ ստորև․

ՀՖՖ Մրցումների բաժինը պաշտոնապես հաստատել է 2026-2027 խաղաշրջանի Հայաստանի Գավաթի խաղարկության 1/8 եզրափակիչի հանդիպումների անցկացման օրերն ու ժամերը։

Ինչպես հայտնում է ՀՖՖ մամուլի ծառայությունը, գավաթային այս փուլի հանդիպումները կկայանան հոկտեմբերի 25-ից 29-ը ընկած ժամանակահատվածում։

Ստորև ներկայացնում ենք 1/8 եզրափակիչի ամբողջական խաղացանկը ըստ օրերի՝

25 հոկտեմբերի

13:00. «Միկա» — «Ավշար Արարատ» (Երևան, ՄՁՀՀԿ)

26 հոկտեմբերի

15:30. «Վան» — «Գանձասար» (Չարենցավան, Քաղաքային մարզադաշտ)

27 հոկտեմբերի

19:00. «Փյունիկ» — «Արարատ» (Երևան, ՀՖՖ Տեխնիկական կենտրոն/Ֆուտբոլի ակադեմիա)

19:00. «Ուրարտու» — «Անդրանիկ» (Երևան, «Ուրարտու-1» մարզադաշտ)

28 հոկտեմբերի

15:30. «Ալաշկերտ» — ԲԿՄԱ (Արմավիր, Հ. Տոնոյանի անվան Քաղաքային մարզադաշտ)

15:30. «Լեռնային Արցախ» — «Շիրակ» (Արարատ, «Արարատ Այգ»)

29 հոկտեմբերի

15:30. «Օլիմպիա» — «Արարատ-Արմենիա» (Աշտարակ, «Քասախի մարզիկ»)

19:00. «Նոա» — «Սյունիք» (Աբովյան, Վ. Թովմասյանի անվան մարզահամալիր)

Հայաստանի Պրեմիեր լիգայի 8-րդ տուրում «Գանձասարը» «Ջունիոր սպորտում» ընդունեց «Ուրարտուին»։

Խաղի հաշիվը 17-րդ րոպեին բացեց հյուրերի պորտուգալացի հարձակվող Միգել Ռաջանին, իսկ ընդամենը երկու րոպե անց նրա հայրենակից Միգել Վելոսան հաշիվը դարձրեց 2:0՝ ամրապնդելով թիմի առավելությունը։ Առաջին խաղակեսի 33-րդ րոպեին գնդակն ուղարկեց դարպասը նաև պաշտպան Արման Ղազարյանը։

Մրցաշարային աղյուսակում «Ուրարտուն» իր վաստակած 11 միավորով գտնվում է 5-րդ հորիզոնականում, մինչդեռ «Գանձասարը» 3 միավորով բավարարվում է նախավերջին տեղով։

9-րդ տուրում «Ուրարտուն» կհանդիպի «Արարատին», իսկ «Գանձասարը» կհյուրընկալվի «Վանին»։

Տեսանյութը՝ ստորև․

Մրցաշարային աղյուսակն այս պահին

Տեղի է ունեցել Հայաստանի գավաթի 1/8 երափակիչ փուլի վիճակահանությունը:

1/8 եզրափակիչ զույգերը.

• «Օլիմպիա» — «Արարատ-Արմենիա»
• «Միկա» — «Ավշար Արարատ»
• «Ալաշկերտ» — ԲԿՄԱ
• «Նոա» — «Սյունիք»
• «Փյունիկ» — «Արարատ»
• «Լեռնային Արցախ» — «Շիրակ»
• «Ուրարտու» — «Անդրանիկ»
• «Վան» — «Գանձասար»

1/8 եզրափակիչ հանդիպումները կկայանան հոկտեմբերի վերջին:

Այսօր կայացան Հայաստանի Պրեմիեր լիգայի 7-րդ տուրի վերջին հանդիպումները․ ստորև՝ մրցաշարային աղյուսակը 7-րդ տուրից հետո։

8-րդ տուրի խաղացանկը․

18․09 / «Գանձասար» — «Ուրարտու» / 18։00
18․09 / «Նոա» — «Վան» / 20։00
19․09 / «Ալաշկերտ» — «Փյունիկ» / 16։00
19․09 / ԲԿՄԱ — «Սարդարապատ» / 19։00
20․09 / «Շիրակ» — «Արարատ-Արմենիա» / 18։00
20․09 / «Արարատ» — «Սյունիք» / 20։00

Հայաստանի Պրեմիեր լիգայի 7-րդ տուրում «Գանձասարը» «Ջունիոր սպորտում» մրցեց «Արարատի» հետ։

Հանդիպումն ավարտվեց «Արարատի» հաղթանակով՝ 2:0: Հաշիվը բացեց Էդհար Մովսեսյանը՝ 5-րդ րոպեին անվրեպ իրացնելով նշանակված 11 մետրանոցը:

Վերջնական հաշիվը ձևակերպեց Մուսա Կանտեն երկրորդ խաղակեսին ավելացված 5-րդ րոպեին:

Այս խաղից հետո «Արարատը» 6 միավորով զբաղեցնում է 9-րդ հորիզոնականը, իսկ «Գանձասարը» 3 միավորով 11-րդ տեղում է:

8-րդ տուրում «Գանձասարը» կմրցի «Ուրարտուի», իսկ «Արարատը»՝ «Սյունիքի» հետ։

Տեսանյութը՝ ստորև.

Մրցաշարային աղյուսակն այս պահին

Ֆուտբոլի Հայաստանի Պրեմիեր լիգայի 2026/27 մրցաշրջանի 6-րդ տուրում «Նոան» Աբովյանի Վահագն Թումասյանի անվան մարզահամալիրում գերդրամատիկ քամբեքով հաղթանակի հասավ «Գանձասարի» նկատմամբ (3-2):

Հանդիպումը շոկային սկիզբ ունեցավ տանտերերի համար։ 13-րդ րոպեին Սթոուն Մամբոյի ինքնագոլի արդյունքում հյուրերն առաջ անցան հաշվի մեջ, իսկ 34-րդ րոպեին Լեո Ռեյսը կրկնապատկեց կապանյան թիմի առավելությունը։ Այնուամենայնիվ, «Նոան» չընկճվեց և դեռևս առաջին խաղակեսի վերջնամասում կարողացավ վերականգնել հավասարությունը. 40-րդ և 44-րդ րոպեներին դուբլի հեղինակ դարձավ Մարիո Յակոլիշը՝ հաշիվը դարձնելով 2-2։

Իսկական դրաման ծավալվեց հանդիպման վերջնամասում ու ավելացված ժամանակում։ «Գանձասարի» դարպասապահ Անատոլի Այվազովը փայլուն խաղ ցուցադրեց՝ նախ 84-րդ րոպեին հետ մղելով Էլդեր Ֆերեյրայի իրացրած 11-մետրանոց հարվածը, ապա 90+6-րդ րոպեին որսալով նաև Գոռ Մանվելյանի հարվածը կրկին 11-մետրանոց նշակետից։ Սակայն տանտերերի հսկայական ճնշումն ի վերջո տվեց իր արդյունքը. 90+8-րդ րոպեին Գոռ Մանվելյանին հաջողվեց ուղարկել գնդակը դարպասային ցանցն ու հաղթանակ պարգևել իր թիմին։

Հատկանշական է, որ մինչ այս հանդիպումը թիմերը միմյանց դեմ խաղացել էին 8 անգամ, և բոլոր 8 խաղերում «Գանձասարը» պարտություն էր կրել։ Այս գերլարված դիմակայությունը ևս բացառություն չդարձավ։

Այս ծանր հաղթանակից հետո «Նոան» 6 խաղից հետո վաստակեց 18 միավոր և շարունակում է գլխավորել Պրեմիեր լիգայի մրցաշարային աղյուսակը։ «Գանձասարը» 6 խաղից հետո ունի 3 միավոր և մնում է աղյուսակի ստորին հատվածում՝ 9-րդ հորիզոնականում։

Հանդիպման տեսագրությունը․

ՀՊԼ-ի մրցաշարային աղյուսակը՝ ստորև․

Այսօր՝ օգոստոսի 30-ին, Հայաստանի Պրեմիեր լիգայի 5-րդ տուրի շրջանակում «Գանձասարը» «Ջունիոր սպորտում» ընդունեց ԲԿՄԱ-ին։

Գոլով աչքի ընկան Պողոս Կրմզյանը, Դավիթ Հարությունյանը և Նարեկ Հովհաննիսյանը: Բոլոր գոլերը խփվեցին երկրորդ խաղակեսի միջնամասում:

Այս խաղից հետո ԲԿՄԱ-ն 4 միավորով 8-րդ տեղում է: «Գանձասարի» ակտիվում կա 3 միավոր, կապանյան թիմը զբաղեցնում է 10-րդ հորիզոնականը:

6-րդ տուրում «Գանձասարը» կհյուրընկալվի «Նոային», իսկ ԲԿՄԱ-ն ուժերը կչափի «Ուրարտուի» հետ։

Տեսանյութը՝ ստորև․

Մրցաշարային աղյուսակն այս պահին

Ֆուտբոլի Հայաստանի Պրեմիեր լիգայի 4-րդ տուրում ՀՖՖ Տեխնիկական կենտրոն/Ֆուտբոլի ակադեմիայում «Ալաշկերտը» խոշոր՝ 3-0 հաշվով առավելության հասավ «Գանձասարի» նկատմամբ։

Տանտերերի կազմում հանդիպման հաշիվը 28-րդ րոպեին բացեց Սեզար Էնրիկեն։ Երկրորդ խաղակեսում «Ալաշկերտի» առավելությունն էլ ավելի մեծացրին Կարեն Նալբանդյանն ու Էդգար Պիլոյանը, որոնք աչքի ընկան համապատասխանաբար 54-րդ և 74-րդ րոպեներին՝ ձևակերպելով հանդիպման վերջնահաշիվը։

Այս հաղթանակից հետո «Ալաշկերտը» իր միավորների քանակը հասցրեց 9-ի, իսկ «Գանձասարը» 4 խաղից հետո մնաց 3 միավորով։

Հանդիպման տեսագրությունը․

ՀՊԼ-ի մրցաշարային աղյուսակը՝ ստորև․