Չեմպիոնների լիգայի խաղարկության լիգայի փուլի 3-րդ տուրի Դորտմունդի «Բորուսիայի» դեմ խաղում (2:2 դեռևս ընթացող) Մադրիդի «Ռեալը» երեք րոպեում երկու գոլ է խփում ու հավասարեցնում է հանդիպման հաշիվը։

Նախ հաշվի տարբերությունը կրճատեց Անտոնի Ռուդիգերը, ապա տարբերությունը վերականգնեց Վինիսիուս Ժունիորը։

Լևերկուզենի «Բայերը» ևս մեկ քայլ կատարեց Գերմանիայի չեմպիոնական տիտղոսին ընդառաջ։ Խաբի Ալոնսոյի գլխավորած ակումբը շարունակում է իր անպարտելիության շլացուցիչ շարքը։ «Դեղագործներն» արդեն հավասարվել ու գերազանցել են «Բավարիայի» ցուցանիշը և հիմա քայլ առ քայլ մոտենում են բաղձալի տիտղոսին։ Ավելին. «Բայերը» կարող է թրեբլ գրանցել, քանի որ թիմը դեռևս շարունակում է պայքարը և’ Գերմանիայի գավաթում, և’ Եվրոպա լիգայում։ Իհարկե դա անելը շատ բարդ կլինի, սակայն թվում է՝ Ալոնսոյի թիմի համար անհնարին ոչինչ չկա։

2002-ին արդեն նման իրավիճակ կրկնվել է։ Այն ժամանակ էլ «Բայերը» պայքարում էր 3 ճակատով։ Այդ տարի թիմի կազմում խաղում էին անվանի ֆուտբոլիստներ Միխայել Բալլակը, Զե Ռոբերտոն, Լուսիոն և այլք։ Սակայն 2002 թվականի մայիսին Լևերկուզենի «Բայերը» 11 օրվա ընթացքում զիջել է 3 տիտղոս։ Ինչից հետո էլ ծնվել է գերմանական ակումբի հեգնական մականունը՝ «Նևերկուզեն» (անգլերեն never – երբեք բառից)։ Արմսպորտը ներկայացնում է «Բայերի» պատմության անհաջող շրջաններից մեկը։

«Բայերը» 4 տարվա ընթացքում 3 անգամ զբաղեցրել է 2-րդ տեղը, իսկ Հյոնեսն ասել է, որ ակումբը ևս 100 տարի չեմպիոն չի դառնա

«Հավերժ երկրորդի» կարգավիճակը «Բայերը» սկսել է «վաստակել» դեռևս աղետալի և միևնույն ժամանակ հաջող մրցաշրջանից առաջ (2001/2002 թթ.): 1997-ից 2000 թվականների ընթացքում Լևերկուզենը ներկայացնող ակումբը 3 անգամ դարձել է Գերմանիայի փոխչեմպիոն։ Հատկապես ցավալի է եղել 1999/2000 թթ․ մրցաշրջանը։ Քրիստոֆ Դաումի թիմը մրցաշրջանի ավարտից 1 տուր առաջ 3 միավորով առաջ է եղել «Բավարիայից»: Բունդեսլիգայի պատմության մեջ առաջին ոսկին նվաճելու համար «Բայերին» հարկավոր էր «Ունտերհաչինգ» միջակ ակումբին հյուրընկալվելիս չպարտվել։ Սակայն լևերկուզենյան թիմը զիջեց 0:2 հաշվով։ Հաղթական գոլի հեղինակ է դարձել Լևերկուզենի «Բայերի» կիսապաշտպան Միխայլ Բալակը՝ գրավելով սեփական դարպասը։ «Բավարիան» հաղթել է իր խաղում և լրացուցիչ ցուցանիշներով շրջանցել Լևերկուզենի «Բայերին»՝ հռչակվելով չեմպիոն։ Այնուհետև «Բավարիայի» նախագահ Ուլի Հյոնեսը մարգարեական խոսքեր է ասել. ««Բայերը» չեմպիոն կլինի ոչ շուտ, քան հարյուր տարի հետո»։ 

Անցել է ավելի քան 20 տարի և ակումբը դեռևս Բունդեսլիգայի չեմպիոն չի դարձել։ Ու մինչև հիմա դժվար էր պատկերացնել, որ «Բայերը» կկարողանա գերազանցել «Բավարիային», Դորտմունդի «Բորուսիային» կամ «ՌԲ Լայպցիգին»։ Նույնիսկ հիմա, երբ կա առավելության նման մեծ պաշար, երկրպագու «աչքը վախռցած է», քանի որ «աչքը տեսածից է վախենում»։

2002-ին Բունդեսլիգայի ավարտից 3 տուր առաջ «Բայերն» ուներ 5 միավորի առավելություն․ ի վերջո ոսկին «նվիրեցին» դորտմունդցիներին՝ պարտվելով 2 խաղում

2001 թվականի ամռանը «Բայերի» նոր գլխավոր մարզիչ է նշանակվել Կլաուս Տոպմյոլերը։ Հարձակողական ֆուտբոլ դավանող 50-ամյա մասնագետի գլխավորությամբ Լևերկուզենը ներկայացնող թիմը կերպարանափոխվել է։ Թիմում ուժեղ ֆուտբոլիստներ էին հավաքվել․ 11 մետրանոցներ իրացնող դարպասապահ Հանս-Յորգ Բուտը, հիանալի կենտրոնական պաշտպաններ՝ Լուսիոն, թիմի ավագ՝ Յենս Նովոտնին, հենակետային կիսապաշտպան՝ Կարստեն Ռամելովը, վառ հարձակողական ոճի կիսապաշտպաններ՝ Զե Ռոբերտոն և Բերնդ Շնայդերը։ Ինչպես նաև այդ ժամանակների համար յուրահատուկ հարձակվող՝ «կեղծ 9 համար» Օլիվեր Նոյվիլը և, իհարկե, Միխայել Բալլակը: Այնուամենայնիվ, տվյալ մրցաշրջանի մեկնարկից առաջ «Բայերը» չի եղել Բունդեսլիգան հաղթելու ֆավորիտների ցանկում։

Սակայն, Տոպմյոլերի թիմը, հակառակ կանխատեսումների, մրցաշրջանի մեկնարկից սկսած բարձրացել է առաջին հորիզոնական։ Թիմը 14 տուրում 11 հաղթանակ է տարել, 37 գոլ խփել ու ոչ մի պարտություն չկրելով դարձել է Գերմանիայի ձմեռային չեմպիոն։

Մրցաշրջանի ավարտից 3 տուր առաջ թվում էր, որ այժմ թիմը ձեռքից բաց չի թողնի չեմպիոնությունը։ «Բայերը» գլխավորում էր մրցաշարային աղյուսակն ու 5 միավորով առաջ էր 2-րդ տեղում գտնվող թիմից։ Բայց հոգնածությունը և մեծ ճնշումը իրենց դերը խաղացին։ «Դեղագործները» տանը պարտվեցին «Վերդերին» (1:2), իսկ հյուրընկալվելիս՝ «Նյուրնբերգին» (0:1): Արդյունքում՝ «Հերտայի» հետ տնային վերջին հանդիպումից առաջ ամեն ինչ չէ, որ կախված էր Տոպմյոլերի թիմից։ Պահանջվում էր նաև, որ առաջ անցած Դորտմունդի «Բորուսիան» պարտություն կրի։ «Բայերը» հաղթեց Հերտային (2:1), բայց Դորտմունդը միավորներ չկորցրեց: «Բայերը» 4-րդ անգամ զբաղեցրեց 2-րդ տեղը Բունդեսլիգայում:

«Խաղից առաջ հույս ունեի, որ ֆուտբոլային արդարությունը կհաղթանակի, իսկ դրանից հետո շան պես ոռնում էի։ Դադարեցի լաց լինել միայն այն ժամանակ, երբ գրկեցի Բալակին։ Ինձ պետք էր ինչ-որ կերպ հանգստացնել նրան»,— խոստովանել է Տոպմյոլերը:

Լևերկուզենի «Բայերը» Գերմանիայի գավաթը նվաճել է միայն 1 անգամ․ այդ խաղի հաղթական գոլի հեղինակը նորից աչքի է ընկել, բայց դա չի օգնել թիմին 

«Հերտայի» հետ հանդիպումը կայացել է մայիսի 4-ին, իսկ 1 շաբաթ անց «Բայերը» սպասում էր «Շալկեի» հետ Գերմանիայի գավաթի եզրափակիչին։ Լևերկուզենյան ակումբն իր պատմության մեջ միայն 1 անգամ էր նվաճել այս տիտղոսը (1992/1993 թթ․ մրցաշրջանում), ուստի հաղթանակը գավաթային մրցաշարում մեծ իրադարձություն կլիներ ակումբի համար։ Այս խաղում հատկապես ուժեղ ազդեցություն է ունեցել ապրիլի վերջին վնասվածք ստացած Նովոտնիի կորուստը։ Ավագին փոխարինած Բորիս Ժիվկովիչը, ինչպես մյուս պաշտպանները, ձախողել են եզրափակիչ հանդիպումը։

Բայց Բեռլինի «Օլիմպիական» ստադիոնում «Բայերի» համար խաղը լավ է սկսվել։ 27-րդ րոպեին Դիմիտար Բերբատովը բացել է հաշիվը, սակայն խաղակեսի ավարտից առաջ դարպասապահ Բուտը տուգանայինից կատարած հարվածից հետո գոլ է բաց թողել մոտակա անկյունը։ Ընդմիջումից հետո «Շալկեն» արագ հակագրոհների արդյունքում ևս 3 գոլ է խփել՝ պատժելով «Բայերին» պաշտպանությունում սխալների համար։ «Դեղագործներին» չի օգնել նաև վետերան Ուլֆ Կիրստենի գոլը (նա դարձել էր 1993 թվականին Գերմանիայի գավաթի եզրափակիչում հաղթական գոլի հեղինակը)։ Ի վերջո Լևերկուզենի «Բայերը» պարտվել է 2:4 հաշվով։ Էմոցիոնալ բացասական ֆոնի վրա Տոպմյոլերի թիմը պատրաստվում էր մրցաշրջանի գլխավոր խաղին՝ Մադրիդի «Ռեալի» հետ Չեմպիոնների լիգայի եզրափակիչին, որը կայանալու էր 4 օր անց։

 «Երբեմն լինում են պարտություններ: Պետք է ընդունել այս փաստը»,- փիլիսոփայորեն ասել էր մարզիչը՝ մեկնաբանելով Գերմանիայի գավաթի խաղարկությունում տեղի ունեցածը։

«Բայերը» պարտվել է «Ռեալին» Զիդանի հրաշք գոլի պատճառով

Լևերկուզենի «Բայերը» երկար ու բարդ ճանապարհ էր անցել մինչև հասել էր Գլազգոյի «Հեմփդեն Պարկ» ստադիոն, որտեղ կայանալու էր Չեմպիոնների լիգայի եզրափակիչը։ Թիմը մրցաշարն սկսել էր որակավորման փուլից, անցել խմբային փուլը, իսկ փլեյ-օֆֆում պայքարից դուրս թողել «Լիվերպուլին» ու «Մանչեսթեր Յունայթեդին»։ Ալեքս Ֆերգյուսոնը երազում էր իր հայրենիքում նվաճել ակումբային ֆուտբոլի ամենահեղինակավոր մրցաշարի գավաթը, բայց նրա ճանապարհին կանգնել է Կլաուս Տոմպմյոլերը։

Սըր Ալեքսը հաղթանակ էր նրան մաղթել Մադրիդի «Ռեալի» դեմ սպասվող խաղում։

Եզրափակիչում «Բայերը» պայքարեց ինչպես կարող էր։ Մադրիդցիները կարգով և ֆուտբոլիստների անհատական որակներով գերազանցում էին մրցակցին: Գերմանական ակումբի կազմում խաղը բաց են թողել վնասվածք ստացած Նովոտնին և որակազրկված Զե Ռոբերտոն։

«Բայերն» առաջինն է գոլ բաց թողել։ Ռոբերտո Կառլոսը դաշտի կենտրոնում եզրային նետումով գնդակը մտցրել է խաղի մեջ, իսկ մրցակցի պաշտպաններն աչքաթող են արել Ռաուլին, որն էլ ոչ այդքան բարդ, բայց դիպուկ հարվածով գրավել է Բուտի դարպասը։

Այդուհանդերձ, Տոպմյոլերի թիմին հաջողվել է արագ հավասարեցնել հաշիվը։ Շնայդերը երկար փոխանցում է կատարել դեպի 11 մետրանոց նշակետի հարակից հատված, իսկ Լուսիոն՝ հաղթելով օդային պայքարում, գլխի հարվածով գնդակն ուղարկել է մադրիդյան ակումբի դարպասը։

Սակայն աշխարհն այս հանդիպումը հիշում է ոչ թե «Բայերի» ցուցադրած կամային որակների, այլ Զինեդին Զիդանի՝ խաղի 45-րդ րոպեին խփած փայլուն գոլի շնորհիվ․ Ռոբերտո Կառլոսը ձախ եզրից փոխանցում է կատարել, իսկ Զիդանը թույլ չտալով, որ գնդակը հպվի խոտածածկին, շեշտակի հարվածով խոցել է «Բայերի» դարպասը։

Երկրորդ խաղակեսում «Ռեալի» դարպասապահ Սեզար Սանչեսը վնասվածքի պատճառով չի կարողացել շարունակել հանդիպումը, իսկ նրա փոխարեն դաշտ է մտել 21-ամյա Իկեր Կասիլյասը, որն անառիկ է պահել սեփական դարպասը։ Արդյունքում «Ռեալը» 2։1 հաշվով հաղթել է Լևերկուզենի «Բայերին»։

«Խաղացողները դեռ նստած են կինոթատրոնում և անվերջ դիտում են նախորդ մրցաշրջանի կադրերը: Ցավոք, նրանք երբեք չհասկացան, որ այդ ֆիլմը վաղուց ավարտված է»: 2003 թվականի փետրվարին այս խոսքերն ասել է Լևերկուզենի «Բայերի» մենեջեր Ռայներ Կալմունդը։ Հենց այդ ամսին նա հեռացրել է Տոպմյոլերին, երբ «Բայերը» ուշքի չգալով նախորդ մրցաշրջանի ձախողումից, մոտ է եղել վտանգավոր գոտուն:

«Հոգեբանական մեծ հարված ամբողջ կյանքի համա՞ր։ Ի՞նչ եք խոսում։ Կարիերայիս լավագույն փուլն անցկացրել եմ Լևերկուզենում»,- ավելի ուշ հարցազրույցներից մեկում ասել է Տոպմյոլերը։

Եվ իսկապես, այդ հատվածը լավագույնն է եղել նրա կարիերայում։ Կլաուս Տոպմյոլերը ընդամենը 1 տարի անցկացրել է «Համբուրգում», իսկ 2008 թվականին ավարտել մարզչական կարիերան՝ Վրաստանի հավաքականի հետ 2 տարի աշխատելուց հետո։

Դորտմունդի «Բորուսիայի» պաշտպան Մատս Հումելսը վնասվածքի պատճառով դուրս է մնացել շարքից: Այս մասին հայտարարել է ակումբի մարզական տնօրեն Միխայել Ցորկը:

Դորտմունդի «Բորուսիայի» ղեկավարությունը հետաքրքրված է «Լիլի» կիսապաշտպան Ժոնատան Իկոնեի ծառայություններով: Դորտմունդցիները 22-ամյա ֆրանսիացուն դիտարկում են որպես փոխարինող Ջեյդոն Սանչոյին, հայտնում է Goal-ը:

Սանչոյի տրանսֆերի հիմնական հավակնորդը «Մանչեսթեր Յունայթեդն» է: Ենթադրվում է, որ այս ամառ միայն «կարմիր սատանաները» կհամաձայնեն 20-ամյա անգլիացու համար վճարել «Բորուսիայի» կողմից պահանջվելիք 100 մլն ֆունտը (110 մլն եվրոն):

Դորտմունդցիներն արդեն բանակցություններ են սկսել «Լիլի» հետ Իկոնեի տրանսֆերի շուրջ: Ֆրանսիական ակումբն իր ֆուտբոլիստին 45 մլն եվրո է գնահատում:

Ժոնատանի պայմանագիրը «Լիլի» հետ նախատեսված է մինչև 2023 թվականի հունիսի 30-ը:

2019/20 մրցաշրջանում Իկոնեն 4 գոլի և7 գոլային փոխանցման հեղինակ է դարձել ակումբային մակարդակում բոլոր մրցաշարերում անցկացրած 36 խաղում:

Դորտմունդի «Բորուսիան» հետաքրքրված է «Վերդերի» հարձակվողական գծի կիսապաշտպան Միլոտ Ռաշիցայի ծառայություններով։

The Telegraph-ի տեղեկացմամբ՝ դորտմունդցիները 24-ամյա ֆուտբոլիստի թեկնածությունը դիտարկում են որպես Ջեյդոն Սանչոյին պոտենցիալ փոխարինողի, որը, հավանական է, որ կտեղափոխվի «Մանչեսթեր Յունայթեդ»։

Կոսովոյի հավաքականի ֆուտբոլիստը «Վերդերին» էր միացել 2018 թվականի սկզբին՝ տեղափոխվելով «Վիտեսից» 7 մլն եվրոյի դիմաց։ 2019/20 մրցաշրջանում Ռաշիցան բրեմենյան թիմի կազմում բոլոր մրցաշարերում մասնակցել է 34 խաղի, խփել 11 գոլ ու դարձել 8 արդյունավետ փոխանցման հեղինակ։

«Բորուսիա» Դորտմունդը պաշտոնական կայքում հայտարարություն է տարածել, որտեղ ասվում է, որ թիմի պաշտպան Լեոնարդո Բալերդին վարձակալական հիմունքներով տեղափոխվել է «Մարսել»։

21-ամյա արգենտինացի պաշտպանի վարձակալությունը նախատեսված է մեկ տարով՝ մինչև 2020/21 թվականների մրցաշրջանի ավարտը։

Leonardo Balerdi will join Olympique de Marseille on loan for the upcoming season.

Wishing you the best of luck, Leo! pic.twitter.com/4mxl8mUvg2

— Borussia Dortmund (@BlackYellow) July 21, 2020

«Բորուսիայի» կազմում Բալերդին մասնակցել է 7 հանդիպման ընթացիկ մրցաշրջանի ընթացքում, սակայն արդյունավետ գործողություններով աչքի չի ընկել։

Дортмундская «Боруссия» на официальном сайте объявила о переходе защитника Леонардо Балерди в «Марсель» на правах аренды. Арендное соглашение 21-летнего аргентинского футболиста рассчитано на один год.

«Леонардо Балерди обратился к нам с просьбой о переходе. Он надеется получить больше игровой практики в „Марселе“. Благодарим Леонардо за преданность и желаем успехов в будущем», — отметил спортивный директор дортмундской «Боруссии» Майкл Цорк.

В сезоне-2019/2020 Балерди принял участие в 7 матчах немецкой Бундеслиги, однако не сумел отметиться результативными действиями. Напомним, Балерди стал игроком дортмундской «Боруссии» зимой 2019 года. Аргентинский футболист выступал в составе «Боки Хуниос».

Подробнее на «Чемпионате»:
https://www.championat.com/football/news-4087761-zaschitnik-dortmundskoj-borussii-balerdi-pereshjol-v-marsel-na-pravah-arendy.html?utm_source=copypaste

«Մանչեսթեր Յունայթեդը» նոր առաջարկ է անելու «Բորուսիա» Դորտմունդի վիգներ Ջեյդոն Սանչոյի համար։

Daily Star-ը գրում է, որ «մանկունյանցիները» 80 միլիոն ֆունտ ստերլինգ են պատրաստվում առաջարկել գերմանական ակումբին անգլիացի ֆուտբոլիստի համար։

Ավելի վաղ հայտնի էր դարձել, որ «Բորուսիան» անգամ կորոնավիրուսի պանդեմիայով պայմանավորված ֆինանսական բարդ իրավիճակում չի պատրաստվում գցել Սանչոյի տրանսֆերային արժեքը։

Սանչոյի տրանսֆերային արժեքը գնահատվում է 117 միլիոն եվրո։

Դորտմունդի «Բորուսիայի» կիսապաշտպան Ջեյդոն Սանչոն պատասխանել է թիմից իր հեռանալու մասին շշուկներին։

«Չգիտեմ ինչ պատասխանել։ Դժվար է ասել։ Դա ապագան է։

Երբեք չես իմանա, թե ինչ կարող է լինել, դրա համար սպասենք ու կտեսնենք»,-ասել է Սանչոն World Soccer ամսագրին տված հարցազրույցում։

Ավելի վաղ հաղորդվում էր, որ Սանչոյին հավակնում է ՄՅՈՒ-ն։

Ֆրանսիական ՊՍԺ-ի նախկին պաշտպան Տոմաս Մենյեն ակումբին մեղադրել է ստախոսության մեջ, տեղեկացնում է DPA-ը:

Նա պնդում է, որ փարիզյան ակումբի սպորտային տնօրեն Լեոնարդոն ստում է: Բրազիլացին հայտարարել էր, որ Մենյեն չի ցանկցել երկարաձգել ակումբի հետ գործող պայմանագիրը:

Մենյեն հայտնել է, որ ոչ մի առաջարկ չի ստացել ՊՍԺ-ից:

«Լեոնարդոն ուզում էր, որ ես անվճար խաղամ ՊՍԺ-ում: Նրանք չփորձեցին էլ բանակցել «Բորուսիայի» հետ:

Լեոնարդոն շատ է ստել և դա պարզապես զզվելի է»,- ասել է Մենյեն:

Հիշեցնենք, որ 28-ամայ պաշտպանը այս ամռանը տեղափոխվեց Դորտմունդի «Բորուսիա»:

Դորտմունդի «Բորուսիայի» հարձակվող Էռլինգ Հոլանդը հայտնվել է սկանդալի կիզակետում։ Snapchat-ի օգտատերերից մեկը նկարել է, թե ինչպես են Նորվեգիայում գտնվող գիշերային ակումբից դուրս անում 19-ամյա ֆուտբոլիստին։ Այս մասին տեղեկացնում է Mirror-ը։

Հոլանդը բարկացել է ու բղավել անվտանգության աշխատակցի վրա, որը նրան վռնդել է ժամանցի վայրից։

Հոլանդը Նորվեգիա էր վերադարձել գերմանական Բունդեսլիգայի 2019/2020 մրցաշրջանի ավարտից հետո։ «Բորուսիան» մրցաշրջանն ավարտեց երկրորդ տեղում։