արսեն-հարությունյան — Armsport.am https://armsport.am Սպորտային լուրեր Thu, 14 May 2026 09:23:31 +0000 hy-AM hourly 1 https://wordpress.org/?v=6.8.5 https://armsport.am/wp-content/uploads/2020/08/117234954_601576137219348_199328778928507485_n.png արսեն-հարությունյան — Armsport.am https://armsport.am 32 32 Արսեն Հարությունյանը RAF լիգայում նորամուտը կնշի Օլիմպիական խաղերի չեմպիոնի դեմ գոտեմարտով https://armsport.am/597227/ Thu, 14 May 2026 12:10:43 +0000 https://armsport.am/?p=597227 Հունիսի 13-ին ԱՄՆ-ի Սենթ Լուիս քաղաքում կայանալիք RAF 10 (Real American Freestyle) մրցաշարում իր նորամուտը կնշի ազատ ոճի ըմբշամարտի Եվրոպայի քառակի չեմպիոն և աշխարհի առաջնության քառակի բրոնզե մեդալակիր Արսեն Հարությունյանը: Կազմակերպության մամուլի ծառայության հաղորդմամբ՝ 26-ամյա հայ ըմբիշի մրցակիցը կլինի Փարիզի Օլիմպիական խաղերի ոսկե մեդալակիր, ճապոնացի Ռեյ Հիգուչին: ​Նույն մրցաշարին կմասնակցի նաև խառը մենամարտերի UFC կազմակերպության […]]]>

Հունիսի 13-ին ԱՄՆ-ի Սենթ Լուիս քաղաքում կայանալիք RAF 10 (Real American Freestyle) մրցաշարում իր նորամուտը կնշի ազատ ոճի ըմբշամարտի Եվրոպայի քառակի չեմպիոն և աշխարհի առաջնության քառակի բրոնզե մեդալակիր Արսեն Հարությունյանը:

Կազմակերպության մամուլի ծառայության հաղորդմամբ՝ 26-ամյա հայ ըմբիշի մրցակիցը կլինի Փարիզի Օլիմպիական խաղերի ոսկե մեդալակիր, ճապոնացի Ռեյ Հիգուչին:

​Նույն մրցաշարին կմասնակցի նաև խառը մենամարտերի UFC կազմակերպության թեթև քաշային կարգի դասակարգման երկրորդ համար Արման Ծառուկյանը: Ինչպես հայտնի էր դարձել ավելի վաղ, հայ մարտիկն ազատ ոճի ըմբշամարտի կանոններով գոտեմարտելու է UFC-ի նախկին ներկայացուցիչ Թոնի Ֆերգյուսոնի հետ:

​Հիշեցնենք, որ Արսեն Հարությունյանը վերջին անգամ միջազգային ասպարեզում հանդես է եկել այս տարվա ապրիլին: Հայ ըմբիշը մասնակցել է ազատ ոճի ըմբշամարտի Եվրոպայի առաջնությանը և նվաճել մրցաշարի բրոնզե մեդալը:

]]> Ըմբշամարտի ԵԱ. Արսեն Հարությունյանը՝ բրոնզե մեդալակիր https://armsport.am/595896/ Sun, 26 Apr 2026 17:10:32 +0000 https://armsport.am/?p=595896 Ալբանիայի մայրաքաղաք Տիրանայում եզրագծին մոտեցող ազատ ոճի ըմբշամարտի Եվրոպայի առաջնությունում Հայաստանի հավաքականն ապահովեց իր երրորդ մեդալը։ 61 կգ քաշային կարգում հանդես եկող 26-ամյա Արսեն Հարությունյանը կանգնեց պատվո հարթակի երրորդ աստիճանին։ Բրոնզե մեդալի համար մղվող վճռորոշ գոտեմարտում հայ ըմբիշը 7:2 հաշվով վստահ առավելության հասավ բելառուս Դմիտրի Շամելայի նկատմամբ։ ​Մրցաշարում Հարությունյանի անցած ուղին տպավորիչ էր. որակավորման փուլում […]]]>

Ալբանիայի մայրաքաղաք Տիրանայում եզրագծին մոտեցող ազատ ոճի ըմբշամարտի Եվրոպայի առաջնությունում Հայաստանի հավաքականն ապահովեց իր երրորդ մեդալը։

61 կգ քաշային կարգում հանդես եկող 26-ամյա Արսեն Հարությունյանը կանգնեց պատվո հարթակի երրորդ աստիճանին։ Բրոնզե մեդալի համար մղվող վճռորոշ գոտեմարտում հայ ըմբիշը 7:2 հաշվով վստահ առավելության հասավ բելառուս Դմիտրի Շամելայի նկատմամբ։

​Մրցաշարում Հարությունյանի անցած ուղին տպավորիչ էր. որակավորման փուլում նա բացահայտ առավելությամբ՝ 11:0 հաշվով հաղթեց հյուսիսմակեդոնացի Վլադիմիր Եգորովին, իսկ քառորդ եզրափակիչում որևէ շանս չտվեց ուկրաինացի Կամիլ Կերիմովին (11:1): Մեր մարզիկի հաղթարշավը ընդհատվեց միայն կիսաեզրափակիչում, որտեղ նա տուշեով զիջեց աշխարհի և Եվրոպայի գործող չեմպիոն, Տոկիոյի Օլիմպիական խաղերի ոսկե մեդալակիր Զաուր Ուգուևին:

​Հիշեցնենք, որ Արսեն Հարությունյանը աշխարհի առաջնությունների քառակի բրոնզե մեդալակիր է։

]]> Ըմբշամարտի ԵԱ․ Արսեն Հարությունյանը ցավալի պարտություն կրեց Օլիմպիական չեմպիոնից https://armsport.am/595788/ Sat, 25 Apr 2026 15:11:16 +0000 https://armsport.am/?p=595788 Ալբանիայի մայրաքաղաք Տիրանայում շարունակվում է ազատ ոճի ըմբշամարտի Եվրոպայի առաջնությունը։ Հայաստանի հավաքականի առաջատար, Եվրոպայի քառակի չեմպիոն Արսեն Հարությունյանը (61 կգ) չկարողացավ նվաճել մրցաշարի եզրափակիչի ուղեգիր։ Կիսաեզրափակիչ փուլում հայ ըմբիշի մրցակիցը Տոկիոյի Օլիմպիական խաղերի ոսկե մեդալակիր Զավուր Ուգուևն էր։ Գոտեմարտի առաջին հատվածում Հարությունյանն ուներ վստահ առավելություն և հաղթում էր 3:0 հաշվով։ Այնուամենայնիվ, ընթացքում մեր մարզիկը բաց […]]]>

Ալբանիայի մայրաքաղաք Տիրանայում շարունակվում է ազատ ոճի ըմբշամարտի Եվրոպայի առաջնությունը։ Հայաստանի հավաքականի առաջատար, Եվրոպայի քառակի չեմպիոն Արսեն Հարությունյանը (61 կգ) չկարողացավ նվաճել մրցաշարի եզրափակիչի ուղեգիր։

Կիսաեզրափակիչ փուլում հայ ըմբիշի մրցակիցը Տոկիոյի Օլիմպիական խաղերի ոսկե մեդալակիր Զավուր Ուգուևն էր։ Գոտեմարտի առաջին հատվածում Հարությունյանն ուներ վստահ առավելություն և հաղթում էր 3:0 հաշվով։ Այնուամենայնիվ, ընթացքում մեր մարզիկը բաց թողեց մրցակցի չորս միավորանոց հնարքը, ինչից հետո պարտություն կրեց տուշեով։

Հիշեցնենք, որ Հարությունյանը մրցաշարում մեկնարկել էր տպավորիչ հաղթանակներով։ Որակավորման փուլում նա 11:0 հաշվով ջախջախել էր Հյուսիսային Մակեդոնիան ներկայացնող Վլադիմիր Եգորովին, իսկ քառորդ եզրափակիչում վստահորեն՝ 11:1 հաշվով, առավելության էր հասել ուկրաինացի Կամիլ Կերիմովի նկատմամբ։

]]> Ըմբշամարտի ԵԱ․ Արսեն Հարությունյանը կիսաեզրափակչում է. հայ ըմբիշների արդյունքները https://armsport.am/595762/ Sat, 25 Apr 2026 11:21:55 +0000 https://armsport.am/?p=595762 Ընթացող ըմբշամարտի Եվրոպայի առաջնությունում Հայաստանի հավաքականի անդամները շարունակում են պայքարը մեդալների համար։ Քառորդ եզրափակչում հայ ըմբիշները գրանցել են տարբեր արդյունքներ. մինչ Արսեն Հարությունյանը փայլուն հաղթանակով ապահովել է իր տեղը կիսաեզրափակչում, Նարեկ Հարությունյանն ու Խաչատուր Խաչատրյանը դեռևս սպասում են սփոփիչ գոտեմարտերի իրավունք ստանալուն: 61 կգ քաշային կարգում Արսեն Հարությունյանը վստահորեն հաղթահարեց քառորդ եզրափակչի արգելքը՝ ժամանակից շուտ […]]]>

Ընթացող ըմբշամարտի Եվրոպայի առաջնությունում Հայաստանի հավաքականի անդամները շարունակում են պայքարը մեդալների համար։

Քառորդ եզրափակչում հայ ըմբիշները գրանցել են տարբեր արդյունքներ. մինչ Արսեն Հարությունյանը փայլուն հաղթանակով ապահովել է իր տեղը կիսաեզրափակչում, Նարեկ Հարությունյանն ու Խաչատուր Խաչատրյանը դեռևս սպասում են սփոփիչ գոտեմարտերի իրավունք ստանալուն:

61 կգ քաշային կարգում Արսեն Հարությունյանը վստահորեն հաղթահարեց քառորդ եզրափակչի արգելքը՝ ժամանակից շուտ տպավորիչ առավելության հասնելով Ուկրաինայի ներկայացուցիչ Կամիլ Կերիմովի նկատմամբ։ Երեկոյան մրցահերթում հայ ըմբիշը կգոտեմարտի եզրափակչի ուղեգրի համար։

125 կգ ծանր քաշային կարգում Խաչատուր Խաչատրյանն անչափ ցավալի պարտություն կրեց։ Քառորդ եզրափակչում նա համառ պայքար մղեց Եվրոպայի գործող չեմպիոն, «Փարիզ-2024» Օլիմպիական խաղերի բրոնզե մեդալակիր Գեորգի Մեշվիլդիշվիլիի դեմ, սակայն գոտեմարտի բառացիորեն վերջին վայրկյաններին 5-5 հաշվի պայմաններում զիջեց տիտղոսակիր մրցակցին։ Եթե Մեշվիլդիշվիլին դուրս գա եզրափակիչ, Խաչատրյանը բրոնզե մեդալի համար պայքարը շարունակելու հնարավորություն կստանա։

Ինչ վերաբերում է 74 կգ քաշային Նարեկ Հարությունյանին, ապա նա իր քառորդ եզրափակչում 0-8 հաշվով պարտվեց Մուրադ Կուրամագամեդովին։ Հայ ըմբիշը կկարողանա մասնակցել սփոփիչ գոտեմարտերին միայն այն դեպքում, եթե նրան հաղթած մրցակիցը հասնի մրցաշարի եզրափակիչ։

]]> Ըմբշամարտի ԵԱ․ Մեր մարզիկների արդյունքները https://armsport.am/595759/ Sat, 25 Apr 2026 10:18:06 +0000 https://armsport.am/?p=595759 Ալբանիայի մայրաքաղաք Տիրանայում շարունակվում է ազատ ոճի ըմբշամարտի Եվրոպայի առաջնությունը, որտեղ Հայաստանի հավաքականի ներկայացուցիչները շարունակում են իրենց ելույթները: Մրցաշարի 79 կգ քաշային կարգում հանդես եկող Հրայր Ալիխանյանը հնարավորություն է ստացել պայքարելու առաջնության բրոնզե մեդալի համար։ Սփոփիչ փուլում հայ ըմբիշը բացահայտ առավելությամբ՝ 10:0 հաշվով, ջախջախեց ուկրաինացի Վիտալի Մալենկովին։ Երրորդ տեղի համար վճռորոշ գոտեմարտում Ալիխանյանի մրցակիցը կլինի […]]]>

Ալբանիայի մայրաքաղաք Տիրանայում շարունակվում է ազատ ոճի ըմբշամարտի Եվրոպայի առաջնությունը, որտեղ Հայաստանի հավաքականի ներկայացուցիչները շարունակում են իրենց ելույթները:

Մրցաշարի 79 կգ քաշային կարգում հանդես եկող Հրայր Ալիխանյանը հնարավորություն է ստացել պայքարելու առաջնության բրոնզե մեդալի համար։ Սփոփիչ փուլում հայ ըմբիշը բացահայտ առավելությամբ՝ 10:0 հաշվով, ջախջախեց ուկրաինացի Վիտալի Մալենկովին։ Երրորդ տեղի համար վճռորոշ գոտեմարտում Ալիխանյանի մրցակիցը կլինի Ֆրանսիան ներկայացնող Զելիմխան Խաջիևը:

Անչափ տպավորիչ մեկնարկ է գրանցել Արսեն Հարությունյանը (61 կգ)։ Որակավորման փուլում մեր մարզիկը ոչ մի շանս չտվեց Հյուսիսային Մակեդոնիան ներկայացնող Վլադիմիր Եգորովին՝ տոնելով վստահ հաղթանակ 11:0 հաշվով, և ապահովեց իր տեղը քառորդ եզրափակիչում:

Քառորդ եզրափակիչի ուղեգիր է ապահովել նաև 74 կգ քաշային Նարեկ Հարությունյանը։ Մեկնարկային ծանր ու համառ գոտեմարտում հայ ըմբիշը 5:5 հաշվով բարդ հաղթանակ կորզեց Ռումինիան ներկայացնող Իոն Մարկուի նկատմամբ և շարունակում է պայքարը մեդալների համար։

Գերծանր քաշայինների պայքարում էլ քառորդ եզրափակիչում հանդես կգա Խաչատուր Խաչատրյանը (125 կգ)։ Որակավորման փուլի իր գոտեմարտում նա տուշեով տպավորիչ հաղթանակի հասավ Լեհաստանը ներկայացնող Կամիլ Կոսցիոլեկի նկատմամբ։ Կիսաեզրափակիչ դուրս գալու համար Խաչատրյանն ուժերը կչափի Ադրբեջանը ներկայացնող Գեորգի Մեշվիլդիշվիլիի հետ:

Մրցագորգ դուրս եկավ նաև 92 կգ քաշային Մուշեղ Մկրտչյանը, որը, ցավոք, մեկնարկային գոտեմարտում 1:6 հաշվով զիջեց Ահմեդ Բատաևին։ Այժմ հայ ըմբիշը սպասում է մրցակցի հետագա ելույթներին․ եթե Բատաևը հասնի եզրափակիչ, Մկրտչյանը սփոփիչ գոտեմարտերի միջոցով պայքարը շարունակելու հնարավորություն կստանա։

]]> Ըմբշամարտի ԵԱ․ Այսօր մրցագորգ դուրս կգան Հայաստանի չորս ազատ ոճային ըմբիշներ https://armsport.am/595746/ Sat, 25 Apr 2026 07:37:46 +0000 https://armsport.am/?p=595746 Ալբանիայի մայրաքաղաք Տիրանայում ընթացող ըմբշամարտի Եվրոպայի առաջնությունում պայքարը շարունակվում է: Այսօր՝ մրցումային հերթական օրը, ասպարեզ դուրս կգան և մեդալների համար կպայքարեն Հայաստանի ազատ ոճի ըմբշամարտի հավաքականի չորս ներկայացուցիչներ: Պայքարի մեջ կմտնեն և իրենց գոտեմարտերը կանցկացնեն հետևյալ մարզիկները. 61 կգ քաշային կարգ՝ Արսեն Հարությունյան 74 կգ քաշային կարգ՝ Նարեկ Հարությունյան 92 կգ քաշային կարգ՝ Մուշեղ Մկրտչյան […]]]>

Ալբանիայի մայրաքաղաք Տիրանայում ընթացող ըմբշամարտի Եվրոպայի առաջնությունում պայքարը շարունակվում է:

Այսօր՝ մրցումային հերթական օրը, ասպարեզ դուրս կգան և մեդալների համար կպայքարեն Հայաստանի ազատ ոճի ըմբշամարտի հավաքականի չորս ներկայացուցիչներ:

Պայքարի մեջ կմտնեն և իրենց գոտեմարտերը կանցկացնեն հետևյալ մարզիկները.

  • 61 կգ քաշային կարգ՝ Արսեն Հարությունյան
  • 74 կգ քաշային կարգ՝ Նարեկ Հարությունյան
  • 92 կգ քաշային կարգ՝ Մուշեղ Մկրտչյան
  • 125 կգ քաշային կարգ՝ Խաչատուր Խաչատրյան
]]> 🎥 Գերվստահ հաղթանակ Երևանում․ Արսեն Հարությունյանը ոչ մի շանս չտվեց MMA մարտիկին https://armsport.am/593650/ Sat, 28 Mar 2026 19:44:11 +0000 https://armsport.am/?p=593650 Ազատ ոճի ըմբշամարտի Եվրոպայի քառակի չեմպիոն և աշխարհի առաջնությունների քառակի բրոնզե մեդալակիր Արսեն Հարությունյանն այսօր՝ մարտի 28-ին, ելույթ ունեցավ Երևանի «Tashir Arena»-ում կայացած «Hype FC» մրցաշարում: 26-ամյա հայ ըմբիշը տոնեց գերվստահ և, ինչպես որակել է ըմբշամարտի մամուլի ծառայությունը, «խելացնոր» հաղթանակ։ Այս մենամարտը Հարությունյանի համար բավականին անսովոր մարտահրավեր էր, քանի որ նրա մրցակիցը Ղազախստանը ներկայացնող պրոֆեսիոնալ […]]]>

Ազատ ոճի ըմբշամարտի Եվրոպայի քառակի չեմպիոն և աշխարհի առաջնությունների քառակի բրոնզե մեդալակիր Արսեն Հարությունյանն այսօր՝ մարտի 28-ին, ելույթ ունեցավ Երևանի «Tashir Arena»-ում կայացած «Hype FC» մրցաշարում: 26-ամյա հայ ըմբիշը տոնեց գերվստահ և, ինչպես որակել է ըմբշամարտի մամուլի ծառայությունը, «խելացնոր» հաղթանակ։

Այս մենամարտը Հարությունյանի համար բավականին անսովոր մարտահրավեր էր, քանի որ նրա մրցակիցը Ղազախստանը ներկայացնող պրոֆեսիոնալ մարտիկ Բագդատ Ժուբանիշն էր, որը հայտնի է խառը մենամարտերում (MMA) իր ելույթներով և օկտագոնում ունի 9 հաղթանակ ու ընդամենը 1 պարտություն։ Վերջինս, թեև հանդես է գալիս խառը մենամարտերում, սակայն համարվում է բավականին ուժեղ ըմբիշ։

Գոտեմարտը կայացավ բացառապես ըմբշամարտի կանոններով, և Արսեն Հարությունյանը հենց առաջին իսկ րոպեներից ցույց տվեց իր բացահայտ առավելությունը։ Հայ ըմբիշը ցուցադրեց տեխնիկական բարձր պատրաստվածություն և մրցակցին ոչ մի հնարավորություն չտվեց՝ հաստատելով իր բարձր կարգը։

]]> Երբ է գոտեմարտելու Արսեն Հարությունյանն ընդդեմ MMA-ի մարտիկի https://armsport.am/593444/ Thu, 26 Mar 2026 08:15:00 +0000 https://armsport.am/?p=593444 Եվրոպայի քառակի չեմպիոն, աշխարհի առաջնության քառակի բրոնզե մեդալակիր Արսեն Հարությունյանը հերթական գոտեմարտը կանցկացնի հայրենիքում: Ինչպես հայտնում է Հայաստանի ըմբշամարտի ֆեդերացիայի մամուլի ծառայությունը, հայ ըմբիշն առաջիկա օրերին՝ մարտի 28-ին, մրցագորգ դուրս կգա Երևանում կայանալիք Hype Fighting մրցաշարի շրջանակներում։ Նրա մրցակիցը կլինի MMA-ի մարտիկ Բաղդադ Ժուբանիշը: Հատկանշական է, որ թեև մրցաշարը կազմակերպվում է խառը մենամարտերի պրոմոուշենի կողմից, […]]]>

Եվրոպայի քառակի չեմպիոն, աշխարհի առաջնության քառակի բրոնզե մեդալակիր Արսեն Հարությունյանը հերթական գոտեմարտը կանցկացնի հայրենիքում:

Ինչպես հայտնում է Հայաստանի ըմբշամարտի ֆեդերացիայի մամուլի ծառայությունը, հայ ըմբիշն առաջիկա օրերին՝ մարտի 28-ին, մրցագորգ դուրս կգա Երևանում կայանալիք Hype Fighting մրցաշարի շրջանակներում։ Նրա մրցակիցը կլինի MMA-ի մարտիկ Բաղդադ Ժուբանիշը:

Հատկանշական է, որ թեև մրցաշարը կազմակերպվում է խառը մենամարտերի պրոմոուշենի կողմից, Հարությունյան-Ժուբանիշ մրցակցությունն ընթանալու է բացառապես ըմբշամարտի կանոններով:

«Կանգնե՛ք մեր մարզիկի կողքին և միասին վայելենք հաղթանակը»,- երկրպագուներին ուղղված կոչով եզրափակել է ֆեդերացիան իր հայտարարությունը։

]]> Արսեն Հարությունյանը Երևանում կմասնակցի Hype FC մրցաշարին. հայտնի է մրցակցի անունը https://armsport.am/593270/ Mon, 23 Mar 2026 11:09:23 +0000 https://armsport.am/?p=593270 Ազատ ոճի ըմբշամարտի Եվրոպայի քառակի չեմպիոն և աշխարհի առաջնությունների քառակի բրոնզե մեդալակիր Արսեն Հարությունյանը պատրաստվում է նոր ու բավականին անսովոր մարտահրավերի: 26-ամյա հայ ըմբիշը ելույթ կունենա մարտի 28-ին մայրաքաղաք Երևանում՝ Tashir Arena-ում կայացած Hype FC մրցաշարում: Ըստ կազմակերպության մամուլի ծառայության տարածած պաշտոնական տեղեկատվության՝ Հարությունյանի մրցակիցը կլինի Ղազախստանը ներկայացնող պրոֆեսիոնալ մարտիկ Բագդատ Ժուբանիշը, որը հայտնի է […]]]>

Ազատ ոճի ըմբշամարտի Եվրոպայի քառակի չեմպիոն և աշխարհի առաջնությունների քառակի բրոնզե մեդալակիր Արսեն Հարությունյանը պատրաստվում է նոր ու բավականին անսովոր մարտահրավերի: 26-ամյա հայ ըմբիշը ելույթ կունենա մարտի 28-ին մայրաքաղաք Երևանում՝ Tashir Arena-ում կայացած Hype FC մրցաշարում:

Ըստ կազմակերպության մամուլի ծառայության տարածած պաշտոնական տեղեկատվության՝ Հարությունյանի մրցակիցը կլինի Ղազախստանը ներկայացնող պրոֆեսիոնալ մարտիկ Բագդատ Ժուբանիշը, որը հայտնի է խառը մենամարտերում (MMA) իր ելույթներով: Հատկանշական է, որ տարբեր մարզաձևեր ներկայացնող մարզիկների այս դիմակայությունը կընթանա բացառապես ըմբշամարտի կանոններով:

Թեև Ժուբանիշն օկտագոնի մարտիկ է, որտեղ արդեն հասցրել է գրանցել 9 հաղթանակ և կրել ընդամենը 1 պարտություն, նրա մարտարվեստի գլխավոր զենքն ու ուժեղագույն կողմը համարվում է ըմբշամարտը։

]]> 🎥 Աստղային աջակցություն մարզադաշտից․ Արման Ծառուկյանը, Արթուր Ալեքսանյանն ու հայտնի ըմբիշները հետևել են Նոայի պատմական հաղթանակին https://armsport.am/590613/ Thu, 19 Feb 2026 21:12:11 +0000 https://armsport.am/?p=590613 ՈՒԵՖԱ-ի Կոնֆերենցիաների լիգայի 2025/26թթ․ խաղարկության անցումային փուլի «Նոա» — «ԱԶ Ալկմար» հանդիպումը մեծ իրարանցում էր առաջացրել ոչ միայն ֆուտբոլասերների, այլև ողջ հայ մարզաշխարհի շրջանում։ Երևանի Վազգեն Սարգսյանի անվան «Հանրապետական» մարզադաշտում կայացած կարևորագույն խաղին տրիբունաներից հետևել և հայկական թիմին աջակցել են աշխարհահռչակ հայ մարզիկները։ Մասնավորապես, եվրագավաթային երեկոյին ներկա են եղել UFC-ի թեթև քաշային կարգի աստղ Արման […]]]>

ՈՒԵՖԱ-ի Կոնֆերենցիաների լիգայի 2025/26թթ․ խաղարկության անցումային փուլի «Նոա» — «ԱԶ Ալկմար» հանդիպումը մեծ իրարանցում էր առաջացրել ոչ միայն ֆուտբոլասերների, այլև ողջ հայ մարզաշխարհի շրջանում։ Երևանի Վազգեն Սարգսյանի անվան «Հանրապետական» մարզադաշտում կայացած կարևորագույն խաղին տրիբունաներից հետևել և հայկական թիմին աջակցել են աշխարհահռչակ հայ մարզիկները։

Մասնավորապես, եվրագավաթային երեկոյին ներկա են եղել UFC-ի թեթև քաշային կարգի աստղ Արման Ծառուկյանը, հունահռոմեական ոճի ըմբշամարտի Օլիմպիական խաղերի չեմպիոն Արթուր Ալեքսանյանը, ինչպես նաև ըմբշամարտի հայտնի դեմքեր՝ Եվրոպայի քառակի չեմպիոն Արսեն Հարությունյանն ու Օլիմպիական խաղերի բրոնզե մեդալակիր Ռոման Ամոյանը։

Այս մասին հայտնի է դարձել Արման Ծառուկյանի տելեգրամյան ալիքից, որտեղ խառը մենամարտերի հայ մարտիկը տեսանյութեր է հրապարակել մարզադաշտից՝ ցուցադրելով տրիբունաներում տիրող ֆանտաստիկ մթնոլորտն ու տղաների անմիջական աջակցությունը երևանյան թիմին։

Հիշեցնենք, որ աստղային աջակցությունը տվեց իր արդյունքը, և «Նոան» կարևոր առավելության հասավ նիդերլանդական «ԱԶ Ալկմարի» նկատմամբ՝ հաղթելով 1:0 հաշվով։ Խաղի ճակատագիրը վճռվեց 53-րդ րոպեին, երբ Հովհաննես Համբարձումյանը հեռահար և շքեղ հարվածով գրավեց մրցակցի դարպասը: Այս գոլն այնքան տպավորիչ էր, որ դրան իր պաշտոնական էջերում հատուկ անդրադարձել էր նաև ՈՒԵՖԱ-ի մամուլի ծառայությունը։

Թիմերի միջև վճռորոշ պատասխան հանդիպումը, որտեղ կորոշվի հաջորդ փուլի ուղեգրի ճակատագիրը, կկայանա Նիդերլանդների Ալկմար քաղաքում փետրվարի 26-ին։

]]>