«Ուրարտուն» նոր համալրում ունի, թիմ է վերադարձել ակումբի սան Արմեն Մանուչարյանը։ Այս մասին հաղորդում է ակումբի պաշտոնական կայքը։

«Ուրախ ենք տեղեկացնել, որ «Ուրարտուն» նոր համալրում ունի, թիմ է վերադարձել ակումբի սան Արմեն Մանուչարյանը։

26-ամյա ֆուտբոլիստն իր պրոֆեսիոնալ կարիերան սկսել է հենց «Ուրարտուում», Հայաստանի Բարձրագույն խմբի առաջնությունում նշելով իր նորամուտը 2014 թվականի նոյեմբերի 30-ին Գյումրիի «Շիրակի» հետ խաղում։ Ընդհանուր հաշվով «Ուրարտուի» կազմում բոլոր մրցաշարերում միասին անցկացրել է 23 հանդիպում։

Մանուչարյանը հանդես է եկել նաև «Փյունիկ» ֆուտբոլային ակումբում, որտեղից էլ առաջին անգամ հրավիրվել է Հայաստանի ազգային հավաքական։ 26-ամյա ֆուտբոլիստը հանդես է եկել նաև ռուսական «Ռոտոր» և ղազախական «Ակտոբե» ակումբներում»,-ասված է հայտարարությունում։

«Ակտոբե» ֆուտբոլային ակումբը և Արմեն Մանուչարյանը փոխադարձ համաձայնությամբ խզել են պայմանագիրը: Այս մասին հայտնում է ղազախական ակումբի մամուլի ծառայությունը:

Հայ ֆուտբոլսիտը թիմին էր միացել 2021 թվականի փետրվարին: Այս ընթացքում նա 11 հանդիպում է անցկացրել Ղազախստանի առաջնությունում:

Մանուչարյանը խաղացել է նաև «Ռոտոր», «Փյունիկ», «Ուրարտու» ակուբներում: 2017-2018 թվականների ընթացքում ազգային հավաքականում անցկացրել է երկու հանդիպում: Նա նաև ժամանակին հանդես է եկել Հայաստանի պատանեկան և երիտասարդական հավաքականներում:

Ղազախստանի առաջնության 12-րդ տուրի շրջանակում Կամո Հովհաննիսյանի «Կայրաթը» 4-2 հաշվով հաղթեց Արմեն Մանուչարյանի «Ակտոբեին»:

Ալմաթիի թիմի կազմում Կամոն մասնակցեց ամբողջ խաղին, իսկ Մանուչարյանը փոխարինվեց ընդմիջմանը:

Այս հաղթանակից հետո «Կայրաթը» 20 միավորով 4-րդն է, իսկ «Ակտոբեն» 13 միավորով 10-րդն է:

Հայաստանի հավաքականի թեկնածու, 26-ամյա պաշտպան Արեմն Մանուչարյանը կարիերան կշարունակի ղազախական «Ակտոբեում», հայտնում է ակումբի մամուլի ծառայությունը։

Մանուչարյանի վերջին ակումբը ՌՊԼ-ի ներկայացուցիչ «Ռոտորն» էր, որի կազմում հայ ֆուտբոլիստը անցկացրել է 7 հանդիպում։

Արմենը «Ուրարտուի» («Բանանց») սան է, սակայն կարիերայի մեծ մասը անցկացրել է «Փյունիկում»։ 2017թ հրավիրվում է Հայաստանի ազգային հավաքական (2 հանդիպում)։

Հայ պաշտպան Արմեն Մանուչարյանը կարող է կարիերան շարունակել Ղազախստանում: Այս մասին հայտնել է ֆուտբոլիստի գործակալ Դմիտրի Սեյլուկը:

«Նա հեռացավ «Ռոտորից», և ղազախական ակումբներից մեկը ցանկանում է պայմանագիր ստորագրել Մանուչարյանի հետ, բայց այդ ակումբը ոչ «Աստանան» է և ոչ էլ «Կայրաթը»,- ասել է Սելյուկը Sport24-ին տված հարցազրույցում:

Մանուչարյանը «Ռոտորին» էր միացել 2020 թվականի օգոստոսին: Հայ պաշտպանը 7հանդիպում է անցկացրել Վոլգոգրադի թիմի կազմում:

«Ռոտորը» հայտարարել է պաշտպան Արմեն Մանուչարյանի հեռանալու մասին: Վոլգոգրադյան ակումբը և 26-ամյա ֆուտբոլիստը համաձայնության են եկել պայմանագիրը վաղաժամ խզելու վերաբերյալ:

Մանուչարյանը «Ռոտորին» միացավ 2020 թվականի օգոստոսին: Հայ պաշտպանը յոթ հանդիպում է անցկացրել Վոլգոգրադի թիմի կազմում:

«Մենք շնորհակալ ենք Արմենին «Ռոտորում» անցկացրած ժամանակի համար: Մաղթում ենք հաջողություններ և կարիերային նվաճումներ», — ասվում է հաղորդագրության մեջ:

ՌՊԼ աղյուսակում «Ռոտորը» 19 հանդիպումից հետո 14 միավորով 13-րդ տեղում է:

ՌՊԼ 11-րդ տուրում «Տամբովը», որտեղ հանդես է գալիս Հայաստանի ազգային հավաքականի ֆուտբոլիստ Ալեքսանդր Կարապետյանն ու Վարազդատ Հարոյանը, հյուրընկալվելիս 2 անպատասխան գնդակ ուղարկեց «Ռոտորի» դարպասը: Հյուրերի կազմում երկրորդ խաղակեսում խաղադաշտ դուրս եկավ Ալեքսանդր Կարապետյանը, և 57-րդ րոպեին բացեց հաշիվը: Խփած գոլից 12 րոպե անց հայ հարձակվողը վնասվածք ստացավ ու փոխարինվեց:  Հարոյանը մասնակցեց ամբողջ հանդիպմանը:

Հայաստանի հավաքականի մեկ այլ ֆուտբոլիստ՝ պաշտպան Արմեն Մանուչարյանը ամբողջական հանդիպում անցկացրեց «Ռոտորի» կազմում: Այս խաղից հետո «Տամբովը» 11  միավորով 12-րդն է: «Ռոտորը» 3 միավորով եզրափակում է մրցաշարային աղյուսակը:

ՌՊԼ-ի 9-րդ տուրի շրջանակում Արմեն Մանուչարյանի «Ռոտորը» ընդունեց Կազանի «Ռուբինին»:

Առաջին խաղակեսի 42-րդ րոպեին Դեսպոտովիչը բացեց խաղի հաշիվը: Արմեն Մանուչարյանն իր թիմի մեկնարկային կազմում էր: 23-րդ րոպեին Արմենը զգուշացվեց դեղին քարտով, իսկ երկրորդ խաղակեսի 3-րդ րոպեին, ստանալով երկրորդ դեղին քարտը, հեռացվեց խաղադաշտից:

59-րդ րոպեին Կվարացխելիան խփեց իր թիմի երկրորդ գոլը, իսկ 2 րոպե անց Ջունիորը կրճատեց հաշվի տարբերությունը: 75-րդ րոպեին Շատովը դրեց խաղի վերջակետը՝ 3-1:

«Ռուբինը» հաղթեց 3-1 հաշվով ու այժմ 14 միավորով 9-րդ հորիզոնականում է, իսկ «Ռոտորը» 2 միավորով վերջին տեղում է:

ՌՊԼ-ի 9-րդ տուրի շրջանակում Արմեն Մանուչարյանի «Ռոտորն» այս րոպեներին մրցում է Կազանի «Ռուբինի» հետ: 61-րդ րոպեին դրությամբ կազանյան թիմը հաղթում է 2-1 հաշվով: 

Արմեն Մանուչարյանն իր թիմի մեկնարկային կազմում էր: 23-րդ րոպեին Արմենը զգուշացվել է դեղին քարտով, իսկ երկրորդ խաղակեսի 3-րդ րոպեին, ստանալով երկրորդ դեղին քարտը, հեռացվել է խաղադաշտից:

Պարտության դեպքում «Ռոտորը» կմնա վերջին հորիզոնականում:

Ռուսաստանի Պրեմիեր լիգայի 5-րդ տուրի շրջանակում «Ռոտորը» սեփական հարկի տակ ընդունել էր Մոսկվայի «Սպարտակին»։

Հայաստանի հավաքականի պաշտպան Արմեն Մանուչարյանը հանդիպումը սկսեց տանտերերի մեկնարկային կազմում։ Առաջին կեսում հաշիվը չբացվեց։

55-րդ րոպեին «կարմիր-սպիտակները» 11-մետրանոց հարվածի իրավունք ստացան, որն անվրեպ իրացրեց Զելիմխան Բակաևը։ «Սպարտակը» նվազագույն հաշվով հաղթեց մրցակցին։ Խաղի միակ գոլը կարող եք դիտել այստեղ։

Արմեն Մանուչարյանը խաղաց 78 րոպե։ Սա «Ռոտորում» Մանուչարյանի առաջին խաղն էր, որը նա սկսեց մեկնարկային կազմում։

«Սպարտակը» այս հաղթանակից հետո միավորների քանակը հասցնում է 11-ի ու 2-րդն է մրցաշարային աղյուսակում։ Մանուչարյանի «Ռոտորը» 5 խաղերում 1 միավոր է վաստակել ու եզրափակում է մրցաշարային աղյուսակը։