Արթուր Միրանյան — Armsport.am

Եղիշե Մելիքյանը հրապարակել է Հայաստանի հավաքական հրավիրված լեգեոնականների ցանկը

Gevorg Martirosyan — Fri, 06 Mar 2026 08:01:28 +0000

Հայտնի են Հայաստանի ազգային հավաքական հրավիրված լեգեոնականների անունները. ընտրանու գլխավոր մարզիչ Եղիշե Մելիքյանը հրապարակել է արտերկրում հանդես եկող խաղացողների ցուցակը։

Պաշտպաններ

Գեորգի Հարությունյան — «Պուշկաշ Ակադեմիա»
Ստյոպա Մկրտչյան — «Նյուրնբերգ»
Նաիր Թիկնիզյան — «Ցրվենա Զվեզդա»
Արտյոմ Բանդիկյան — ԲԿՄԱ Մոսկվա

Կիսապաշտպաններ

Էդուարդ Սպերցյան — «Կրասնոդար»

Հարձակվողներ

Վահան Բիչախչյան — «Լեգիա» Վարշավա
Հրանտ Լեոն Ռանոս — «Այնտրախտ Բրաունշվայգ»
Արթուր Միրանյան — «Բնեյ Սախնին»
Նարեկ Գրիգորյան — «Ֆարուլ»
Ֆինն Կասպեր Ադամ Գերագուսյան — «Սանդերլենդ» Մ21

Հիշեցնենք, որ այս ամիս մեր գլխավոր թիմը նախատեսում է անցկացնել երկու ստուգողական հանդիպում.

Մարտի 26-ին կկայանա ԱՄԷ — Հայաստան մրցավեճը։

Մարտի 29-ին մեր ընտրանին Երևանում ուժերը կչափի Բելառուսի ազգային հավաքականի հետ։

Արթուր Միրանյանը լքում է Ունիվերսիտատեա Կլուժը

Gevorg Martirosyan — Sun, 01 Jun 2025 15:10:23 +0000

Հայաստանի ազգային հավաքականի հարձակվող Արթուր Միրանյանը պաշտոնապես խզել է պայմանագիրը ռումինական «Ունիվերսիտատեա Կլուժ» ակումբի հետ։ Ակումբը հունիսի 1-ին հայտարարել է, որ վեց խաղացողի, այդ թվում՝ Միրանյանի, պայմանագրերն ավարտվել են մայիսին և չեն երկարաձգվել։

Միրանյանը «Ունիվերսիտատեա Կլուժին» միացել էր 2024 թվականի սեպտեմբերին՝ տեղափոխվելով «Նոայից»։ Թիմի կազմում նա անցկացրել է 21 հանդիպում և խփել երեք գոլ Ռումինիայի բարձրագույն լիգայի հիմնական փուլում։

Նրա հետ միասին ակումբից հեռացել են Լուկաս Մասոերոն, Դորինել Ոանսեան, Դանիել Լասուրեն, Ռոբերտ Սիլագին և Բոգդան Միտրեան, վերջինս ավարտելով պրոֆեսիոնալ կարիերան։

«Ունիվերսիտատեա Կլուժը» շնորհակալություն է հայտնել բոլոր վեց խաղացողներին կատարած աշխատանքի համար և մաղթել հաջողություն հետագա կարիերայում։

🎥 Միրանյանը գոլի հեղինակ է դարձել ընկերական խաղում․ Կլուժը հաղթանակ է տոնել

Վարուժան Բաբայան — Wed, 08 Jan 2025 15:07:11 +0000

«Կլուժն» ուսումնամարզական հավաքի շրջանակում 4-1 հաշվով հաղթել է հարավկորեական «Գանգվոնին»։

Ռումինական թիմի կազմում երրորդ գոլը խփել է Հայաստանի հավաքականի հարձակվող Արթուր Միրանյանը։

Օկնա Մուրեշ — Ունիվերսիտատյա Կլուժ՝ 8։1․ Միրանյանը դուբլ է ձևակերպել

Gevorg Martirosyan — Tue, 26 Nov 2024 17:17:13 +0000

«Ունիվերսիտատյա Կլուժն» ընկերական հանդիպում է անցկացրել Ռումինիայի 4-րդ լիգայի «Օկնա Մուրեշի» հետ։

Հայաստանի ազգային հավաքականի հարձակվող Արթուր Միրանյանը մասնակցել է խաղին և դարձել դուբլի հեղինակ։

Հիշեցնենք, որ ընթացիկ մրցաշրջանում Միրանյանը մասնակցել էր Ռումինիայի առաջնության 6 հանդիպման՝ դառնալով 3 գոլի հեղինակ։

🎥 Արթուր Միրանյանի գոլը չփրկեց Ունիվերսիտատյային պարտությունից

Gevorg Martirosyan — Sat, 23 Nov 2024 17:20:08 +0000

Ռումինիայի առաջնության 2024/25թթ․ խաղարկության 17-րդ տուրում առաջատար «Ունիվերսիտատյան» հյուրընկալվելիս 1:2 հաշվով զիջեց «Գերմանշտադտին»։

Հաղթողի կազմում դուբլ է ձևակերպել Յանիս Ստոյկան։ Հյուրերի կազմում հաշիվը 90+2-ին կրճատել է հայ հարձակվող Արթուր Միրանյանը։ Վերջինս խաղադաշտ էր մտել 70-րդ րոպեից։

Այսպիսով, Միրանյանը 6 խաղում դառնում է 3 գոլի հեղինակ։

Ռումինիայի առաջնության մրցաշարային աղյուսակը

78-րդը հավաքականի կազմում․ Միրանյանը տպավորիչ ցուցանիշ է գրանցել

Suren Sahakyan — Sun, 17 Nov 2024 19:59:23 +0000

Հայաստանի ազգային հավաքականը այսօր՝ նոյեմբերի 17-ին Լատվիայի դեմ տարած արտագնա հաղթանակով (2:1) ավարտեց ելույթները Ազգերի լիգայի ընթացիկ խաղարկության խմբային փուլում։

Մեր ըտրանու կազմում հաղթական գոլը հեղինակեց Արթուր Միրանյանը, որը նրա համար առաջինն էր հավաքականի կազմում։

28-ամյա հարձակվողը այս գոլի շնորհիվ դարձավ ազգային հավաքականի կազմում առնվազն մեկ գոլի հեղինակ դարձած 78-րդ խաղացողը։

Շնորհավորում ենք, Արթուր․ Կլուժը ևս անդրադարձել է Հայաստանի հավաքականի հաղթանակին

Վարուժան Բաբայան — Sun, 17 Nov 2024 17:45:02 +0000

ՈւԵՖԱ Ազգերի լիգայի 6-րդ մրցափուլում Հայաստանի ընտրանին Ռիգայի «Սկոնտո» մարզադաշտում հանդիպեց Լատվիայի հավաքականի հետ։

Հայաստանի հավաքականը հաղթեց 2-1 հաշվով և 7 միավորով զբաղեցրեց երկրորդ տեղը 4-րդ խմբում՝ վաստակելով B լիգա դուրս գալու համար անցումային հանդիպումներին մասնակցելու իրավունք։ Հանդիպման մանրամասներն՝ այստեղ։

Մեր հավաքականի կազմում հաղթական գոլը խփեց Արթուր Միրանյանը։ Արթուրն այսօր առաջին գոլը խփեց ազգային հավաքականի կազմում։

«Արթուր Միրանյանը վճռորոշ գոլը խփեց իր երկրի ազգային հավաքականի կազմում՝ Լատվիայի դեմ խաղում (2-1): Ռիգայում ընթացող հանդիպման 62-րդ րոպեին Միրանյանը փոխարինման դուրս եկավ և գոլի հեղինակ դարձավ 75-րդ րոպեին ու Հայաստանի հավաքականին ապահովեց Ազգերի լիգայի C Լիգայի 4-րդ խմբում երկրորդ հորիզոնականը։

Շնորհավորում ենք, Արթուր»,- գրել է ռումինական «Կլուժի» մամուլի ծառայությունը։

🎥 Գնդակը, ի վերջո, հայտնվում է դարպասում․ Լատվիա — Հայաստան՝ 1:2

Gevorg Martirosyan — Sun, 17 Nov 2024 15:38:40 +0000

ՈւԵՖԱ Ազգերի լիգայի 6-րդ մրցափուլում Հայաստանի ընտրանին Ռիգայի «Սկոնտո» մարզադաշտում ուժերն է չափում Լատվիայի հավաքականի հետ։

Հանդիպման 72-րդ րոպեին մեր ընտրանու հարձակվող Լուկաս Սելարայանի փայլուն հարվածից հետո գնդակին վրա հասած Արթուր Միրանյանը կարողացավ առաջ մղել Հայաստանի հավաքականին հաշվի մեջ։

🎥 Արթուր Միրանյանը հաղթական գոլ է խփել Կլուժի կազմում

Suren Sahakyan — Mon, 28 Oct 2024 18:59:37 +0000

Հայաստանի ազգային հավաքականի հարձակվող Արթուր Միրանյանը հաղթական գոլ է խփել Ռումինիայի առաջնության 14-րդ տուրի «Բոտոշանի» դեմ խաղում։

28-ամյա խաղացողը խաղադաշտ է մտել հանդիպման 86-րդ րոպեին ու անմիջապես դարձել գոլի հեղինակ։

Միրանյանի ակումբը՝ «Ունիվերսիտատեա Կլուժը» Ռումինիայի առաջնությունում կայացած 14 տուրերից հետո վաստակած 29 միավորով վստահորեն գլխավորում է մրցաշարային աղյուսակը։
Մրցաշարային աղյուսակը՝ ստորև

🎥 Միրանյանի և Սելարայանի վտանգավոր հարվածները հյուսիսմակեդոնացիների դարպասին

Վարուժան Բաբայան — Sun, 13 Oct 2024 17:13:28 +0000

Այսօր՝ հոկտեմբերի 13-ին, ՈւԵՖԱ-ի Ազգերի լիգայի խաղարկության C դիվիզիոնի 4-րդ խմբի 4-րդ տուրում Հայաստանի հավաքականը Երևանի Վազգեն Սարգսյանի անվան «Հանրապետական» մարզադաշտում ընդունել է Հյուսիսային Մակեդոնիային։

Առաջին խաղակեսից հետո լուսատախտակին հաշիվը 0-0 է։ Երկրորդ խաղակեսի մեկնարկում մրցակցի դարպասին վտանգավոր հարվածներ կատարեցին Միրանյանն ու Սելարայանը։