արթուր-առուշանյան — Armsport.am

Արթուր Առուշանյանը Բուլղարիայում կմասնակցի Եվրոպայի առաջնությանը

Նարե Հովհաննիսյան — Sat, 04 Dec 2021 20:23:20 +0000

Արցախցի Արթուր Առուշանյանը դեկտեմբերի 4-5-ը Բուլղարիայի Վառնա քաղաքում կմասնակցի Կիոկուշին կարատեի KWU վարկածով Եվրոպայի առաջնությանը:

Նա կլինի Հայաստանի միակ ներկայացուցիչ ԵԱ-ում:

Առուշանյանը, հիշեցնենք, վերջերս Կրակովում կայացած Կիոկուշին կարատեի KWF աշխարհի առաջնությունում հռչակվել էր չեմպիոն:

Արթուր Առուշանյանը կմենամարտի ԿՊԼ չեմպիոնական գոտու համար

Վարուժան Բաբայան — Tue, 21 Jan 2020 09:37:00 +0000

Կիոկուշինի Պրոֆեսիոնալ Լիգան առաջին անգամ կխաղարկի չեմպիոնական գոտի, որին կմասնակցի կիոկուշին կարատեի աշխարհի եռակի չեմպիոն Արթուր Առուշանյանը:

Այս մասին ArmSport-ին հայտնել է կիոկուշին կարատեի Հայաստանի ֆեդերացիայի նախագահ Սպարտակ Գասպարյանը։

Մրցամարտը տեղի կունենա Բուլղարիայի Վառնա քաղաքում, փետրվարի 22-ին։

5 ռաունդից բաղկացած մրցավեճում Առուշանյանի մրցակիցը կլինի Ղազախստանի ներկայացուցիչը։

Կյոկուշին կարատե. 3 ոսկե մեդալ Եվրոպայի առաջնությունից

Նարե Հովհաննիսյան — Sun, 27 Oct 2019 05:33:00 +0000

Հայաստանի Կիոկուշին Կարատեի Ազգային ֆեդերացիան Պորտուգալիայում ընթացող Եվրոպայի 33-րդ առաջնությանը ներկայացել է 3 քաշային կարգում ու 3-ում էլ բացարձակ արդյունք ցույց տվել:

Այսպիսով, 70 կգ քաշային կարգում Հայաստանի ներկայացուցիչ Արթուր Առուշանյանը ոսկե մեդալ է նվաճել՝ դառնալով Եվրոպայի արդեն 5-ակի չեմպիոն:

Արթուր Առուշանյանը Եվրոպայի արդեն 5-ակի չեմպիոն է

75 կգ քաշային կարգում մեր երկիրը ներկայացրել է Էմիլ Ղազարյանն ու դարձյալ չեմպիոնի կոչումը նվաճել:

Արթուր Առուշանյանն ու Էմիլ Ղազարյանը հավաքականի գլխավոր մարզիչ, ֆեդերացիայի նախագահ Սպարտակ Գասպարյանի հետ

Իսկ 14-15 տարիքային խմբում բացարձակ արդյունք է ցույց տվել Գոռ Մատոյանն ու արժանացել ոսկե մեդալի:

Գոռ Մատոյանն ու ֆեդերացիայի նախագահ Սպարտակ Գասպարյանը