#արարատ-2 — Armsport.am

Պաշտոնական. Արարատ 2-ի մի շարք ֆուտբոլիստներ լքել են ակումբը

Erik — Fri, 08 Jan 2021 09:41:04 +0000

«Արարատը» երկկողմանի համաձայնությամբ խզել է պայմանագրերը «Արարատ-II»-ի մի շարք ֆուտբոլիստների հետ: Այս մասին տեղեկացնում է ակումբի պաշտոնական կայքը

Թիմից հեռացել են ՝ Սուրեն Հովհաննիսյանը, Տաճատ Ներսիսյանը, Ալեքս Մանուչարյանը, Աղավարդ Պետրոսյանը, Նարեկ Պապոյանը, Գևորգ Հովհաննիսյանը և Էրիկ Քոթանջյանը։

Ակումբը շնորհակալություն և հաջողություն է մաղթել ֆուտբոլիստներին իրենց հետագա կարիերայում:

Ռազմիկ Գրիգորյանը՝ Արարատ-2-ի գլխավոր մարզիչ

Նարե Հովհաննիսյան — Mon, 27 Jul 2020 11:35:31 +0000

Հայ անվանի մասնագետ Ռազմիկ Գրիգորյանն այսուհետ կգլխավորի «Արարատ-2»-ը, հայտնում է երևանյան ակումբի մամուլի քարտուղարությունը:

Այսօր ՖԱ «Արարատի» գործադիր տնօրեն Արթուր Նազարյանը և սպորտային տնօրեն Տիգրան Ղարաբաղցյանն ակումբին են ներկայացրել նորանշանակ գլխավոր մարզչին, որից հետո Գրիգորյանի գլխավորությամբ «Արարատ-2»-ն առաջին մարզումն է անցկացրել:

«Արարատ-2»-ի մարզչական շտաբում են ընդգրկվել ակումբի նախկին ֆուտբոլիստներ Ալեքսանդր Պետրոսյանը և Ռաֆայել Սաֆարյանը, իսկ դարպասապահների մարզիչն է Էդիկ Երիցյանը:

Ռազմիկ Գրիգորյանը ֆուտբոլիստի կարիերայի ընթացքում երկար տարիներ պաշտպանել է «Արարատի» գույները, իսկ մարզչական կարիերայի ընթացքում աշխատել է Հայաստանի ազգային հավաքականի մարզչական շտաբում, Վանաձորի «Լոռիում», «Արարատ-Արմենիայում», ինչպես նաև գլխավորել է «Դիլիջանը»:

Ակումբի ամբողջ անձնակազմը բարի գալուստ և հաղթանակներ է մաղթում պարոն Գրիգորյանին:

Առաջին խումբ. մրցաշարային աղյուսակը 29-րդ տուրից հետո

Նարե Հովհաննիսյան — Sun, 28 Jun 2020 20:47:00 +0000

Հայաստանի Առաջին խմբի առաջնությունում շարունակում են գոլառատ հանդիպումները: Հունիսի 27-ին և 28-ին կայացած 8 խաղերում ընդհանուր առմամբ 39 գոլ է գրանցվել:

Կայացած խաղերում, հիշեցնենք, գրանցվել են հետևյալ արդյունքները՝

«Արարատ-Արմենիա-2»-«Լեռնային Արցախ»՝ 2-2

ԲԿՄԱ-«Ուրարտու-2»՝ 1-0

«Ալաշկերտ-2»-«Դիլիջան»՝ 1-1

«Արագած»-«Սևան»՝ 4-3

«Վան»-«Մասիս»՝ 4-0

«Տորպեդո»-«Անի»՝ 12-0

«Լոկոմոտիվ»-«Փյունիկ-2»՝ 7-0

«Արարատ-2»-«Շիրակ-2»՝ 2-0

29-րդ տուրից հետո Առաջին խմբի առաջնության մրցաշարային աղյուսակը գլխավորւմ է «Լոկոմոտիվը»՝ իր ակտիվում ունենալով 70 միավոր: Երկրորդ տեղում հանգրվանած «Վանը» 67 միավոր ունի, իսկ եռյակը եզրափակում է «Վեստ Արմենիան»՝ 66 միավորով:

Մրցաշարային աղյուսակ

N	Թիմեր	Խ	Հ	Ո	Պ	ԽԳ	ԲԳ	Մ
1.	Լոկոմոտիվ	27	22	4	1	76	23	70
2.	Վան	27	21	4	2	85	18	67
3.	Վեստ Արմենիա	27	21	3	3	80	37	66
4.	ԲԿՄԱ	27	16	2	9	63	35	50
5.	Արարատ-Արմենիա-2	27	15	3	9	75	47	48
6.	Ալաշկերտ-2	27	14	5	8	69	39	47
7.	Սևան	28	14	5	9	52	42	47
8.	ՈՒրարտու-2	27	14	3	10	72	35	45
9.	Արարատ-2	27	12	4	11	60	52	40
10.	Արագած	27	7	5	15	52	69	26
11.	Տորպեդո	27	8	2	17	47	91	26
12.	Լեռնային Արցախ	24	6	5	13	43	44	23
13.	Շիրակ-2	28	6	5	17	35	71	23
14.	Անի	27	6	2	19	31	106	20
15.	Մասիս	26	5	4	17	43	81	19
16.	Դիլիջան ՖԱ	26	5	4	17	36	97	19
17.	Փյունիկ-2	27	5	2	20	44	76	17

Առաջին խումբ. Վանը հաղթեց Տորպեդոյին, Վեստ Արմենիան ՝ Արարատ 2-ին

Erik — Tue, 09 Jun 2020 15:10:00 +0000

Հայաստանի Առաջին խմբի առաջնության 24-րդ տուրի շրջանակում այսօր երկու հանդիպում է կայացել:

«Վեստ Արմենիան» Ձորաղբյուրի մարզաբազայում ընդունեց «Արարատ-2»-ին և հաղթեց ՝ 2:1 հաշվով:

Տանտերերի կազմում դուբլի հեղինակ դարձավ Սերգեյ Օռլովը:

«Տորպեդոն» էլ Աբովյանի քաղաքային մարզադաշտում հանդիպեց «Վանին» և պարտվեց ՝ 0:7 հաշվով:

Պոկերի հեղինակ դարձավ «Վանի» լեգիոներ Վիլֆրիդ Եզան: Մեկական գոլ էլ խփեցին ՝ Ստանիսլավ Եֆիմովը, Եդգար Մովսիսյանը և Արթուր Ստեփանյանը:

Հիշեցնենք, որ երեկ կայացած հանդիպումներում «Սևանը» հաղթեց «Փյունիկ-2»-ին (5-2), իսկ «Լոկոմոտիվը»՝ «Անիին» (5-1):

Արարատ-2-ի ֆուտբոլիստի մարզումը՝ արտակարգ դրության պայմաններում

Նարե Հովհաննիսյան — Sat, 21 Mar 2020 19:46:00 +0000

«Արարատ-2»-ի ֆուտբոլիստ Արմեն Անդրեասյանը նույնիսկ այս օրերին շարունակում է մարզումները.

Տեսանյութը հրապարակվել է «Արարատի» ֆեյսբուքյան էջում, իսկ «Արարատ-2»-ի գլխավոր մարզիչ Էդգար Թորոսյանը մեկնաբանություններում նշելէ մի շարք ֆուտբոլիստների անուններ ու ընդգծել՝ նրանք ևս քրտնաջան աշխատում են, ինչպես՝ ամբողջ թիմը:

Ավելի վաղ հայտնել էինք, որ Հայաստանի ֆուտբոլի ֆեդերացիան որոշել է մինչև մարտի 23-ը դադարեցնել ՀՖՖ հովանու ներքո անցկացվող բոլոր մրցաշարերը: Ըստ այդմ՝ Հայաստանի Բարձրագույն խմբի առաջնության 18-րդ, Առաջին խմբի առաջնության 22-րդ և 23-րդ տուրերի, ինչպես նաև VBET Հայաստանի գավաթի խաղարկության կիսաեզրափակիչ պատասխան հանդիպումները հետաձգվել են:

Առաջին խումբ. Վեստ Արմենիան հաղթեց ու վերադարձրեց առաջին տեղը (տեսանյութ, այլ արդյունքներ)

Նարե Հովհաննիսյան — Thu, 05 Mar 2020 13:51:00 +0000

Հայաստանի Առաջին խմբի առաջնության 20-րդ տուրի շրջանակում այսօր` մարտի 5-ին, կայացել են վերջին 3 հանդիպումները:

Նախորդ տուրի արդյունքներով առաջատարը դիրքերը զիջած «Վեստ Արմենիան» այս տուրում Ձորաղբյուրի մարզաբազայում ընդունել է «Փյունիկ-2»-ին և 4:2 հաշվով վստահ հաղթանակ տանելով` բարձրացել առաջին հորիզոնականը:

«Վեստ Արմենիայի» կազմում հեթ-տրիկ է ձևակերպել Սերգեյ Օրլովը, մեկ գոլ էլ իր ակտիվում գրանցել է Ռոման Ջիկյաևը:

Այս հաղթանակից հետո «Վեստ Արմենիան» 49 միավորով գլխավորում է Առաջին խմբի մրցաշարային աղյուսակը: Երկրորդ տեղում «Լոկոմոտիվն» է 48 միավորով, իսկ «Փյունիկ-2»-ը շարունակում է 14-րդ հորիզոնականը զբաղեցնել` իր ակտիվում ունենալով 15 միավոր:

Տուրի մյուս խաղում «Ուրարտու-2»-ը հյուրընկալվելիս մրցել է «Դիլիջանի» հետ և 5:1 հաշվով ջախջախիչ հաղթանակ տարել:

Առաջին խաղակեսի հենց սկզբնամասում «Ուրարտու-2»-ի պաշտպան Արսեն Եղիազարյանը կարողացել էառաջ մղել իր թիմին: Շատ չանցած՝ «Դիլիջանին» հաջողվել է հավասարեցնել հաշիվը: Տանտերերի կազմում հանդիպման 17-րդ րոպեին գոլի հեղինակ է դարձել Բոգդան Ռյաբեցը:

Երկու թիմերն էլ շարունակաբար գոլային բազմաթիվ պահեր են ունեցել: 29-րդ րոպեին «Ուրարտու-2»-ը կրկին հաշվի մեջ առաջ է անցել: Այս անգամ աչքի է ընկել Էրիկ Պետրոսյանը: Այսպիսով, առաջին խաղակեսն ավարտվել է հյուրերի օգտին՝ 2-1 հաշվով:

Երկրորդ խաղակեսն էլ բավական ակտիվ պայքարում է ընթացել: «Ուրարտու-2»-ի կազմում դուբլ է ձևակերպել Գևորգ Տարախչյանը: Նախ, 63-րդ րոպեին նա հիանալի հարվածով հաշիվը դարձրել է 3-1, խաղավարտից 8 րոպե առաջ էլ կարողացել է երկրորդ անգամ աչքի ընկնել:

Հանդիպման վերջին րոպեին էլ «Ուրարտու-2»-ի տղաները խփել են 5-րդ գնդակը: Գոլի հեղինակ է դարձել Աբրահամ Պորտուգալյանը:

Այսօր կայացած մյուս խաղում «Ալաշկերտ-2»-ն ընդունել է «Լեռնային Արցախ» թիմին և ոչ-ոքի` 1:1 հաշվով ավարտել հանդիպումը:

Ի դեպ, երկրորդ խաղակեսում Սերգեյ Էրզրումյանի գլխավորած թիմը մնացել է 10 ֆուտբոլիստով, ինչից հետո կարողացել է առաջ անցնել հաշվի մեջ` Ախմեդ Ջինդոյանի գոլի շնորհիվ:

Այդուհանդերձ, «Ալաշկերտը» չի կարողացել պահել հաղթական հաշիվը` գոլ բաց թողնելով վերջնամասում:

Առաջին խմբի առաջնության 19 տուրից հետո ալաշկերտցիները վաստակել են 34 միավոր, իսկ «Լեռնային Արցախը» 18 միավոր ունի իր ակտիվում:

Նշենք երեկ` մարտի 4-ին, Առաջին խմբի առաջնության 20-րդ տուրի ևս 5 հանդիպումն է կայացել:

ԲԿՄԱ-ն Վաղարշապատի ակադեմիայում ընդունել է «Արագածին» և 6:1 հաշվով հաղթանակ է տարել:

«Վանը» Չարենցավանում ընդունել է «Արարատ-2»-ին և 3:0 հաշվով վստահ հաղթանակ տարել: Նորամուտի խաղում դուբլ է ձևակերպել Էդգար Մովսեսյանը, ևս մեկ գոլ իր ակտիվում գրանցել է Ուիլֆրիդ Եզան:

«Լոկոմոտիվը» հյուրընկալվել է «Տորպեդոյի» կողմից և 3:2 հաշվով հաղթանակ տարել: Հաղթող թիմի կազմում գոլեր են հեղինակել Մակսիմ Պրիադունը, Սերգեյ Դյաչուկը և Անտոն Անտոշինը:

Գոլառատ ավարտ է ունեցել նաև «Անի» և «Շիրակ-2»-ի միջև կայացած խաղը, որում տանտերերը 5:4 հաշվով հաղթանակ են տարել:

Տուրի ևս մեկ խաղում «Մասիսը» Ձորաղբյուրի մարզաբազայում ընդունել է «Սևանին» և ոչ-ոքի` 1:1 հաշվով ավարտել հանդիպումը:

Առաջին խմբի առաջնության 20-րդ տուրից հետո մրցաշարային աղյուսակն այս տեսքն ունի.

1.	Վեստ Արմենիա	19	16	1	2	62	26	49
2.	Լոկոմոտիվ	19	15	3	1	49	19	48
3.	Վան	19	14	3	2	53	14	45
4.	Սևան	19	10	5	4	33	24	35
5.	ԲԿՄԱ	19	11	1	7	47	29	34
6.	Ալաշկերտ-2	19	10	4	5	55	30	34
7.	Արարատ-Արմենիա-2	18	11	1	6	48	31	34
8.	ՈՒրարտու-2	19	10	3	6	56	20	33
9.	Արարատ-2	19	7	3	9	38	38	24
10.	Տորպեդո	19	7	0	12	30	59	21
11.	Արագած	18	5	5	8	40	46	20
12.	Լեռնային Արցախ	18	5	4	9	33	30	19
13.	Շիրակ-2	19	4	4	11	25	43	16
14.	Փյունիկ-2	18	4	3	11	34	42	15
15.	Մասիս	18	2	3	13	24	63	9
16.	Անի	19	2	2	15	16	69	8
17.	Դիլիջան ՖԱ	17	2	1	14	19	79	7

Առաջին խումբ. Վանը ոչ-ոքի խաղաց Լոկոմոտիվի հետ, ԲԿՄԱ-ն հաղթեց Արարատ-2-ին (տեսանյութ, այլ արդյունքներ)

Նարե Հովհաննիսյան — Fri, 28 Feb 2020 19:43:08 +0000

Մեկնարկել է Հայաստանի Առաջին խմբի առաջնության գարնանային հատվածը: Այսօր՝ փետրվարի 28-ին, 6 հանդիպում է կայացել, որոնցում գրանցվել են հետևյալ արդյունքները.

«Շիրակ-2»-«Վեստ Արմենիա» 2:1 (1:1)
Գյումրի, ֆուտբոլի ակադեմիա
Մրցավար՝ Արտուշ Քերոբյան
Գոլերը՝ Գոռ Մադոյան, 9, Դավիթ Սերոբյան, 64 («Շիրակ-2»), Սերգեյ Օրլով, 34 («Վեստ Արմենիա»)

«Փյունիկ-2»-«Ալաշկերտ-2» 3:3 (0:2)
Երևան, «Փյունիկ» մարզադաշտ
Մրցավար՝ Շահեն Աղայան
Գոլերը՝ Էրիկ Ազիզյան, 51, Լևոն Վարդանյան, 64, 68 («Փյունիկ-2»), Ախմեդ Ջինդոյան, 6, 45, Դավիդ Գատիկոև, 58 («Ալաշկերտ-2»)

«Լոկոմոտիվ»-«Վան» 0:0
Երևան, ՄԶՀՀԿ մարզադաշտ
Մրցավար՝ Հենրիկ Նալբանդյան

«Արարատ-2»-ԲԿՄԱ 1:2 (0:1)
Ձորաղբյուր, Ձորաղբյուրի մարզաբազա
Մրցավար՝ Արաքսիա Սարիբեկյան
Գոլերը՝ Դավիթ Բաղդասարյան, 75, («Արարատ-2»), Կարեն Մուրադյան, 39, Ժիրայր Շաղոյան, 83 (ԲԿՄԱ)

«Ուրարտու-2»-«Մասիս» 1:2 (0:1)
Երևան, «Ուրարտու» մարզադաշտ
Մրցավար՝ Սուրեն Նազարյան
Գոլերը՝ Էրիկ Ղարիբյան, 51 («Ուրարտու-2»), Օլեքսի Բոնդարենկո, 20, 90+3, 11մ («Մասիս»)

«Արարատ-Արմենիա-2»-«Տորպեդո» 6:0
Երևան, ֆուտբոլի ակադեմիա
Մրցավար՝ Վարդան Մանուկյան

«Արագած»-«Դիլիջան» հանդիպումը մնացել է անավարտ: 19-րդ տուրի վերջին հանդիպումը կկայանա վաղը՝ փետրվարի 29-ին: «Սևանը» Ձորաղբյուրի մարզաբազայում կընդունի «Անիին»:

Իսկ մինչ այդ Առաջին խմբի մրցաշարային աղյուսակն այս տեսքն ունի՝

N	Թիմեր	Խ	Հ	Ո	Պ	ԽԳ	ԲԳ	Մ
1.	Վեստ Արմենիա	18	15	1	2	58	24	46
2.	Լոկոմոտիվ	18	14	3	1	46	17	45
3.	Վան	18	13	3	2	50	14	42
4.	Արարատ-Արմենիա-2	18	11	1	6	48	31	34
5.	Ալաշկերտ-2	18	10	3	5	54	29	33
6.	Սևան	17	9	4	4	29	21	31
7.	ԲԿՄԱ	18	10	1	7	41	28	31
8.	ՈՒրարտու-2	18	9	3	6	51	19	30
9.	Արարատ-2	18	7	3	8	38	35	24
10.	Տորպեդո	18	7	0	11	28	56	21
11.	Արագած	17	5	5	7	39	40	20
12.	Լեռնային Արցախ	17	5	3	9	32	29	18
13.	Շիրակ-2	18	4	4	10	21	38	16
14.	Փյունիկ-2	17	4	3	10	32	38	15
15.	Մասիս	17	2	2	13	23	62	8
16.	Դիլիջան ՖԱ	16	2	1	13	18	74	7
17.	Անի	17	1	2	14	9	62	5

Արարատ-2-ն ընկերական խաղում հաղթել է Լոկոմոտիվին

Նարե Հովհաննիսյան — Tue, 18 Feb 2020 16:00:00 +0000

Հայաստանի Առաջին խմբի առաջնությունում հանդես եկող «Արարատ-2» և «Լոկոմոտիվ» թիմերն այսօր՝ փետրվարի 18-ին, ընկերական խաղ են անցկացրել: «Արարատ-2»-ը 3:1 հաշվով հաղթանակ է տարել:

«Արարատ-2»-ի կազմում դուբլի հեղինակ է դարձել Ռազմիկ Հակոբյանը, մեկ անգամ էլ աչքի է ընկել փորձարկվող ֆուտբոլիստ: Իսկ «Լոկոմոտիվի» կազմում միակ գնդակը խփել է Հայկ Սարգսյանը:

Հայաստանի Առաջին խմբի ընթացիկ առաջնությունում «Լոկոմոտիվը» մրցաշարային աղյուսակի երկրորդ հորիզոնականն է զբաղեցնում՝ իր ակտիվում ունենալով 44 միավոր: «Արարատ-2»-ը 24 միավորով 9-րդն է:

Առաջին խմբի առաջնությունը կվերսկսվի փետրվարի 28-ին: Այդ օրը «Լոկոմոտիվը» Երևանում կընդունի «Վանին», իսկ «Արարատ-2»-ը Ձորաղբյուրի մարզաբազայում կհյուրընկալի ԲԿՄԱ-ին:

Արարատ-2-ը Դիլիջանին հաղթել է ջախջախիչ հաշվով

Zara Ohanyan — Sat, 25 Jan 2020 13:17:29 +0000

Հայաստանում ֆուտբոլային ակումբների միջև ընթանում են մի շարք ընկերական հանդիպումներ:

Երեկ՝ հունվարի 24-ին հերթական խաղն է կայացել Ձորաղբյուրում: «Արարատ-2»-ը «Դիլիջանին» հաղթել է 7:1 հաշվով:

Ավելի վաղ «Արարատ-2» — ԲԿՄԱ հանդիպումն ավարտվել էր ոչ-ոքի՝ 2:2, իսկ «Դիլիջանը» 2:6 հաշվով պարտվել էր «Ուրարտու-2»-ին:

Առաջին խումբ․ Վեստ Արմենիան հաղթեց ու գլխավորեց մրցաշարային աղյուսակը (տեսանյութ, այլ արդյունքներ)

Erik — Wed, 02 Oct 2019 08:05:15 +0000

Սեպտեմբերի 30-ին և հոկտեմբերի 1-ին կայացել են Առաջին խմբի առաջնության 9-րդ տուրի հանդիպումները, որոնց ընթացքում գրանցվել են հետևյալ արդյունքները․

«Վան»-«Ալաշկերտ-2»՝ 0:1 (0:0)

Չարենցավան, «Քաղաքային» մարզադաշտ

Մրցավար՝ Արտուշ Քերոբյան

Գոլը՝ Էդուարդ Ավագյան, 79

ԲԿՄԱ-«Վեստ Արմենիա»` 2:3 (1:2)

Էջմիածին, ֆուտբոլի ակադեմիա

Մրցավար՝ Շահեն Աղայան

Գոլերը՝ Ժիրայր Շաղոյան, 45+1, Նարեկ Աղասարյան, 87 (ԲԿՄԱ), Սերգեյ Օրլով, 13, Միխայիլ Ժաբկին, 45, Ստեփան Հարությունյան, 68 («Վեստ Արմենիա»)

«Արագած»-«Անի»` 2:2 (0:0)

Աշտարակ, «Քասախի մարզիկ» մարզադաշտ

Մրցավար՝ Արթուր Թավաքալյան

Գոլերը՝ Չարլզ Մարկ Իկեչուկու, 75, Գրիգոր Հովհաննիսյան, 86 («Արագած»), Վալդո Ջունիոր Նթոնե Բիլունգա, 68, Անտոն Դեմենսչին, 89, 11մ («Անի»)

«Լեռնային Արցախ»-«Շիրակ-2»` 3:0 (0:0)

Սիսիան, «Քաղաքային» մարզադաշտ

Մրցավար՝ Արտակ Վարդանյան

Գոլերը՝ Սարգիս Մեթոյան, 51, Կարեն Շախկելդյան, 75, Դավիթ Դավթյան, 90+2

«Փյունիկ-2»-«Դիլիջան»` 6:0 (2:0)

Երևան, «Փյունիկ» մարզադաշտ

Մրցավար՝ Սամվել Հովսեփյան

Գոլերը՝ Նարեկ Հովհաննիսյան, 29, 65, 90+1, 11մ, Նորիկ Մկրտչյան, 49, Արթուր Պատատյան, 55, Վրեժ Չիլոյան, 86

«Լոկոմոտիվ»-«Ուրարտու-2»` 2:0 (1:0)

Երևան, ՄԶՀՀԿ մարզադաշտ

Մրցավար՝ Արտեմ Գասպարյան

Գոլերը՝ Կարապետ Մանուկյան (26′, 48′)

«Արարատ Արմենիա-2»-«Սևան»` 1:1 (1:0)

Երևան, ֆուտբոլի ակադեմիա

Մրցավար՝ Գևորգ Եղոյան

Գոլերը՝ Արմեն Նահապետյան, 41 («Արարատ Արմենիա-2»), Արեգ Ազատյան, 68 («Սևան»)

«Արարատ-2»-«Մասիս»` 7:2 (2:0)

Ձորաղբյուր, Ձորաղբյուրի մարզաբազա

Մրցավար՝ Էրիկ Գալստյան

Գոլերը՝ Իգոր Գաբրիել Ագուիար, 22, Դավիթ Բաղդասարյան, 33, 47, Սանթոս Դաս Նևես Խամես, 52, Վոլոդյա Իսրայելյան, 63, 72, Արարատ Մանուկյան, 67 («Արարատ-2»), Դանիլ Սվիրիդով, 60, 82 («Մասիս»)

9-րդ տուրից հետո Առաջին խմբի մրցաշարային աղյուսակը գլխավորում է «Վեստ Արմենիան»՝ վաստակած 24 միավորով։ Երկրորդ տեղում «Վանն» է (21)։ 21 միավոր ունի նաև «Լոկոմոտիվը», որը եզրափակում է լավագույն եռյակը։ Ի դեպ, «Վանն» ու «Լոկոմոտիվը» մեկ խաղ պակաս են անցկացրել։

N	Թիմեր	Խ	Հ	Ո	Պ	ԽԳ	ԲԳ	Մ
1.	Վեստ Արմենիա	9	8	0	1	27	13	24
2.	Վան	8	7	0	1	24	6	21
3.	Լոկոմոտիվ	8	7	0	1	21	9	21
4.	ՈՒրարտու-2	9	5	2	2	26	4	17
5.	Սևան	9	5	2	2	15	11	17
6.	Ալաշկերտ-2	9	4	2	3	23	15	14
7.	Արարատ-Արմենիա-2	8	4	1	3	14	16	13
8.	Արարատ-2	8	4	0	4	23	19	12
9.	Տորպեդո	8	4	0	4	15	25	12
10.	Փյունիկ-2	8	3	1	4	18	15	10
11.	Շիրակ-2	9	2	3	4	12	14	9
12.	ԲԿՄԱ	8	3	0	5	15	18	9
13.	Լեռնային Արցախ	8	2	2	4	13	10	8
14.	Արագած	8	2	2	4	17	19	8
15.	Մասիս	8	1	1	6	16	38	4
16.	Դիլիջան ՖԱ	8	1	0	7	8	35	3
17.	Անի	9	0	2	7	3	23	2