Ղազախստանի Պրեմիեր լիգան կվերսկսվի օգոստոսի 3-ին: Այս մասին տեղեկացրել է Ղազախստանի ֆուտբոլի ֆեդերացիայի փոխնախագահ Ազամատ Այտխոժինը:

Հաղորդվում է, որ հանդիպումները կանցկացվեն երկու քաղաքներում: Դա հնարավորություն կտա միջոցներ և ժամանակ խնայել:

Ղազախստանի առաջնության մրցաշարային աղյուսակը գլխավորում է «Կայրաթը», որը վաստակեց ինը միավոր: Յոթ միավորով երկրորդը երկրի գործող չեմպիոն «Աստանան» է, որի կազմում է հանդես գալիս Հայաստանի ազգային հավաքականի հարձակվող Տիգրան Բարսեղյանը:

Հիշեցնենք, որ մարտի կեսերին Ղազախստանի առաջնությունն առաջին անգամ ընդհատվեց համաճարակի պատճառով: Հուլիսի 1-ին առաջնությունը վերսկսվեց:

Թիմերին հաջողվեց անցկացնել ընդամենը մեկ տուր:

Հայաստանի ազգային հավաքականի և ղազախական «Աստանայի» ֆուտբոլիստ Տիգրան Բարսեղյանը հարցազրույց է տվել Sports.kz-ին.

-Տիգրան, Դուք հունվարին եք պաշտոնապես դարձել «Աստանայի» ֆուտբոլիստ է, հիմա արդեն հունիսն է, բայց նոր թիմի կազմում խաղալու հնարավորություն գրեթե չեղավ: Արդյոք հե՞շտ է հաղթահարել նման դադարները հոգեբանական առումով:

-Ինձ համար առհասարակ դժվար չի եղել: Կարող եմ նույնիսկ ասել, որ ամեն ինչ շատ լավ է եղել (ծիծաղում է):

-Իսկ ֆիզիկական տեսանկյունի՞ց: Կարանտինի ընթացքում կարողացե՞լ եք Ձեր օրգանիզմին բավականաչափ ծանրաբեռնվածություն տալ:

-Այո, ես մարզվել եմ: Ամեն ինչ նորմալ էր:

— Կարանտինի ավարտից հետո հասցրեցի՞ք ծանոթանալ քաղաքին: Հավանո՞ւմ եք:

-Ես այստեղ արդեն եղել էի, ու այն, ինչ ինձ անհրաժեշտ է, լավ գիտեմ:

-Կիզիլորդայի հետ չե՞ս համեմատի:

-Կիզիլորդան յուրովի էր գեղեցիկ, մայրաքաղաքը՝ յուրովի:

-Պրեմիեր-լիգայի մրցաշարը կրճատվել է. երեք շրջանի փոխարեն կլինի երկու շրջան, իսկ «Իրտիշի»՝ առաջնությունից դուրս գալու պատճառով առաջնությունում խաղերն ավելի քիչ կլինեն: Իսկ սա նշանակում է, որ հաղթանակների համար տրվող պարգևավճարներն ավելի քիչ կլինեն … ցավալի՞ է:

-Ունեցվածքը մեզ հարուստ չի դարձնում: Ես հարուստ եմ, քանի որ ունեմ ընտանիք, ընկերներ: Եվ՝ իմ կյանքը: Ահա, թե ինչով եմ ես հարուստ:

-Անձամբ Ձեզ համար դժվա՞ր կլինի խաղալ առանց հանդիսականների ներկայության:

-Անկեղծ ասած, չգիտեմ: Ես դեռևս չեմ խաղացել այս մարզադաշտում ու չգիտեմ, թե որքան հանդիսական է սովորաբար ներկա լինում խաղերին:

-Ի՞նչ եք կարծում, կորոնավիրուսի պատճառով շարունակական դադարը կարո՞ղ է ազդել Ղազախստանի առաջնության վերջնական արդյունքների վրա:

-Կարող եմ միայն մեկ բան ասել՝ պատահականությունները պատահականություններ չեն: Ինչպես կամենա Աստված, այնպես էլ կլինի:

— «Աստանան» այս տարի արդեն նվաճել է երկրի Սուպերգավաթը: Կարո՞ղ եք կանխատեսել, թե ընթացիկ մրցաշրջանում ո՞ր թիմը կդառնա Ղազախստանի չեմպիոն ու ո՞ր թիմը՝ գավաթակիր:

-Հույս ունեմ, որ մենք: Դրա համար կանեմ ամեն հնարավոր բան:

Ղազախական «Աստանան» ընկերական խաղ է անցկացրել Պրեմիեր-լիգայի ընթացիկ մրցաշրջանի վերսկսմանն ընդառաջ: Մայրաքաղաքային թիմը մրցել է «ՍԴՅՈՒՍՇՈՐ № 8» թիմի հետ ու 5-2 հաշվով հաղթանակ է տարել:

«Աստանայի» գոլերից մեկը հեղինակել է Հայաստանի ազգային հավաքականի ֆուտբոլիստ Տիգրան Բարսեղյանը:

Հիշեցնենք՝ Ղազախստանի առաջնությունը պլանավորվում է վերսկսվել հուլիսի 1-ին, սակայն «Աստանան» բաց կթողնի երրորդ տուրը, այսպիսով իր առաջին հանդիպումը կանցկացնի հուլիսի 5-ին Կոստանայի «Տոբոլի» դեմ:

Ղազախստանի Պրեմիեր լիգան կարող է վերսկսվել հուլիսի 1-ին: Այս մասին տեղեկացրել է «Կիզիլ-Ժար» ակումբի մամուլի ծառայությունը:

Աղբյուրի փոխանցմամբ ՝ առաջնության հանդիպումները կանցկացվեն առանց հանդիսականների: Լիգան դիտարկում է նաև մրցափուլերի կրճատման հարցը:

Հիշեցնենք, որ Ղազախստանի Պրեմիեր լիգայի 3-րդ տուրից հետո մրցաշարային աղյուսակը գլխավորում է «Աստանան», որի կազմում է հանդես գալիս Հայաստանի ազգային հավաքականի հարձակվող Տիգրան Բարսեղյանը:

Հավելենք, որ «Իրտիշ» ակումբն արդեն հրաժարվել է շարունակել իր մրցելույթները: Այդ թիմի հետ անցկացված հանդիպումների արդյունքները կչեղարկվեն:

Ղազախստանի ֆուտբոլի առաջնության 3-րդ տուրում «Աստանան» հյուրընկալվելիս մրցել է «Կասպիի» հետ ու 3:2 հաշվով հաղթանակ է տարել:

«Աստանայի» երկրորդ գոլը խաղի 18-րդ րոպեին հեղինակել է Հայաստանի ազգային հավաքականի ֆուտբոլիստ Տիգրան Բարսեղյանը՝ խփելով իր առաջին գոլը «Աստանայի» կազմում: Բարսեղյանը մասնակցել է ամբողջ հանդիպմանն, իսկ խաղավարտին՝ 85-րդ րոպեին, զգուշացվել է դեղին քարտով:

«Աստանան» ընդմիջման է գնացել 3-0 հաշվի պայմաններում, սակայն երկրորդ կեսում տանտերերին հաջողվել է երկու գնդակ խփել ու տարբերությունը հասցնել նվազագույնի:

Այս հաղթանակի շնորհիվ «Աստանան» իր միավորների թիվը հասցրել է 7-ի և բարձրացել է ՂՊԼ-ի մրցաշարային աղյուսակի առաջին հորիզոնականը:

Երկրորդ տեղում գտնվող «Կայրաթը» 6 միավոր ունի ու այս տուրում պարտվել է Կարագանդայի «Շախտյորին:

«Կայրաթի» կազմում երկրորդ կեսին մասնակցել է Հայաստանի ազգային հավաքականի պաշտպան Կամո Հովհաննիսյանը:

Հայ ֆուտբոլիստը փոխարինման է մտել 43-րդ րոպեին, իսկ «Կայրաթը» նվազագույն հաշվով պարտություն է կրել:

Ղազախստանի Պրեմիեր լիգայի 3-րդ տուրում «Աստանան» հյուրընկալվել է «Ակտաու Կասպիի» կողմից: Առաջին խաղակեսից հետո հյուրերը հաղթում են 3:0 հաշվով:

«Աստանայի» կազմում երկրորդ գոլը հեիղնակել է Հայաստանի ազգային հավաքականի ֆուտբոլիստ Տիգրան Բարսեղյանը:

Հայ խաղացողի համար սա առաջին գոլն էր «Աստանայի» կազմում՝ Ղազախստանի առաջնությունում:  

Ֆուտբոլի Ղազախստանի բարձրագույն խմբի առաջնությունը վերսկսվեց:

«Աստանան», որի կազմում հանդես է գալիս Հայաստանի հավաքականի կիսապաշտպան Տիգրան Բարսեղյանը, սեփական հարկի տակ 4 անպատասխան գնդակ ուղարկեց «Կիզիլժարի» դարպասը:

Բարսեղյանը խաղը սկսեց մեկնարկային կազմում ու փոխարինվեց 65-րդ րոպեին:

Խաղից հետո կայացած ասուլիսի ժամանակ «Աստանայի» գլխավոր մարզիչ Միխալ Բելեկը նշել է, որ Բարսեղյանին ժամանակ է հարկավոր: Ըստ մարզզչի, Տիգրանը 3-4 խաղ հետո ավելի լավ տեսք կունենա:

Ղազախստանի ավարտված առաջնությունում Բարսեղյանը հանդես էր գալիս «Կայսարում», որի կազմում մասնակցել է 29 հանդիպման և դարձել 12 գոլի ու 4 գոլային փոխանցման հեղինակ: 

«Աստանայի» գլխավոր մարզիչ Միխալ Բիլեկը Ղազախստանի Սուպերգավաթի՝ «Կայսարի» հետ խաղից հետո խոսել է թիմի հայ ֆուտբոլիստ Տիգրան Բարսեղյանի մասին:

«Աստանան», հիշեցնենք, 1:0 հաշվով հաղթանակ է տարել ու նվաճել Ղազախստանի Սուպերագավաթը.

«Շատ ուրախ եմ, որ Տիգրանը մեր թիմում է, նա շատ ուժեղ ֆուտբոլիստ է: Նա այսօր կարող էր ավելի լավ խաղալ, բայց շատ էր գնդակի կորուստը: Սա տեղի էր ունենում շատ մեծ ցանկության պատճառով, բայց նա շատ բանի է ընդունակ, նա ձախ ոտքով լավ հարվածների է տիրապետում, լավ արագություն ունի, մեն-մենակ դուրս գալուց հետո իրեն լավ է դրսևորում: Բայց սա նրա միայն առաջին խաղն էր, Տիգրանն իրեն դեռ կդրսևորի»,- ասել է Բիլեկը:

Հայաստանի հավաքականի ֆուտբոլիստ Տիգրան Բարսեղյանը instagram-յան իր էջում լուսանկար է հրապարակել՝ Ղազախստանի Սուպերգավաթի հաղթական հանդիպումից հետո:

Հիշեցնենք, որ այդ խաղում «Աստանան» առավելության հասավ Տիգրան Բարսեղյանի նախկին թիմի ՝ «Կայսարի» նկատմամբ։ Խաղն ավարտվեց «Աստանայի» հաղթանակով ՝ 1։0 հաշվով։

«Աստանայի» կազմում հանդիպումը մեկնարկային կազմում սկսեց Հայաստանի հավաքականի ֆուտբոլիստ Տիգրան Բարսեղյանը՝ փոխարինվելով 69-րդ րոպեին:

Հավելենք, «Աստանան» 5-րդ անգամ դարձավ Ղազախստանի սուպերգավաթակիր:

Ղազախստանի Սուպերգավաթի խաղում «Աստանան» առավելության հասավ Տիգրան Բարսեղյանի նախկին թիմի՝ «Կայսարի» նկատմամբ։ Խաղն ավարտվեց 1։0 հաշվով՝ հօգուտ «Աստանայի»։

«Աստանայի» կազմում հանդիպումը մեկնարկային կազմում սկսեց Հայաստանի հավաքականի ֆուտբոլիստ Տիգրան Բարսեղյանը՝ փոխարինվելով 69-րդ րոպեին: