Էստոնիայի մայրաքաղաք Տալլինում ավարտվել է Քրիստիան Պալուսալուի անվան 37-րդ հուշամրցաշարը, որին մասնակցել են 14 երկրի ներկայացուցիչներ։ Ստուգատեսին փայլուն են հանդես եկել Հայաստանի հավաքականները։

Հայաստանի ըմբշամարտի ֆեդերացիայի մամուլի ծառայությունը հայտնում է, որ թե՛ ազատ, թե՛ հունահռոմեական ոճի ըմբշամարտի Հայաստանի ընտրանիները թիմային պայքարում զբաղեցրել են առաջին հորիզոնականները։

Ազատ ոճի ըմբշամարտ

• Մրցաշարի հաղթող են ճանաչվել.
• Մանվել Խնձրցյան (61 կգ)
• Արսեն Հարությունյան (65 կգ)
• Դավիթ Մարգարյան (70 կգ)
• Նարեկ Հարությունյան (74 կգ)
• Հրայր Ալիխանյան (79 կգ)
• Կնյազ Իբոյան (97 կգ)
• Խաչատուր Խաչատրյան (125 կգ)

Արծաթե մեդալակիրներ են դարձել.

• Մեջլում Մեջլումյան (61 կգ)
• Արման Մուսիկյան (65 կգ)
• Հայկ Պապիկյան (79 կգ)
• Կնյազ Իբոյան (97 կգ)*
• Բրոնզե մեդալի է արժանացել Ռազմիկ Եփրեմյանը (86 կգ)։

Հունահռոմեական ոճի ըմբշամարտ

Պատվո հարթակի ամենավերին աստիճանին են կանգնել.

• Սուրեն Աղաջանյան (60 կգ)
• Սլավիկ Գալստյան (67 կգ)
• Գասպար Տերտերյան (72 կգ)
• Մալխաս Ամոյան (77 կգ)
• Սամվել Գրիգորյան (82 կգ)
• Հայկ Խլոյան (97 կգ)
• Արամայիս Հարությունյան (130 կգ)

Մրցաշարի փոխչեմպիոն են դարձել.

• Յուրիկ Հովեյան (67 կգ)
• Աշոտ Խաչատրյան (72 կգ)
• Ռուբեն Գևորգյան (97 կգ)

Երրորդ մրցանակային տեղն են զբաղեցրել.

• Արմեն Սուքիասյան (63 կգ)
• Սամվել Տերտերյան (77 կգ)
• Մարտիկ Պետրոսյան (82 կգ)
• Գևորգ Թադևոսյան (87 կգ)

2. 0. 2. 0

Երբ նայում եք այս թվերից յուրաքանչյուրին, դրանք կարծես կապ չունեն միմյանց հետ և ոչինչ չեն ասում մեզ, բայց նրանց մեջ այնքան թաքնված ասելիք կա. փորձենք տեսնել:

2.

Երկու մեծ սպորտային մրցաշարեր, որոնց մեկնարկին սպասում էին միլիոնավոր երկրպագուներ:

Օլիմպիական խաղերը և ֆուտբոլի Եվրոպայի առաջնությունը պետք է դառնային այս տարվա սպորտային զարդերը, բայց….

0.

Զրո կասկած, որ ամեն ինչ անցնելու է նախապես գծված ծրագրով:

Երբ վստահ ես, որ կյանքի սահուն ընթացքը ոչինչ չի կարող խաթարել: Երբ վստահ ես, որ սպորտն այն «ապահովության կղզյակն» է, որտեղ ցանկացած պահի կարող ես պատսպարվել առօրյա խնդիրներից, բայց…

2.

Առաջնագծում զոհվեց…

Երկու բառ, որոնք գրելն ու կարդալն ամենաբարդն էին ՝ մեզ և մեր ընթերցողների համար:

Այս բառերն առանց թակոցի մտել էին բոլորիս սրտերի և հոգիների մեջ, առանց թակելու վերցրել էին մեր մի մասնիկը և նույնքան առանց թակոցի փակել էին հույսի բոլոր դռները, բայց…

0.

Զրոն այն միակ թիվն է, որին հանդիպելիս բոլոր թվանշանները ոչինչ չեն վաստակում:

Զրոն այն միակ թիվն է, որին չես կարող մեղադրել դատարկ լինելու մեջ: Եվ վերջապես զրոն այն թիվն է, որը քեզ հնարավորություն է տալիս նոր մեկնարկ վերցնել և շարժվել առաջ, բայց….

Նախորդ տարի չէինք էլ կարող պատկերացնել, որ այս 4 թվերի համադրությունը մեզ այսքան ցավալի հույզեր կպարգևի:

2020-ը մեկնարկեց «անտեսանելի թշնամու» ՝ Covid 19-ի դեմ պայքարում, որի թողած հետքերը մինչև հիմա էլ տեսանելի են: Մարդկությունը բախվեց մի հակառակորդի, որին չէր հետաքրքրում ձեր կրոնական, ազգային կամ քաղաքական պատկանելիությունը:

📍 «Մեր կյանքը կարծես նմանվեց մի տեսաժապավենի, որի ընթացքը մի քանի անգամ դանդաղեցվեց»:

Սրանք իտալացի հայտնի վազորդ, Օլիմպիական խաղերի արծաթե մեդալակիր Դոնատի Սաբիայի խոսքերն էին, որը նա գրառել էր սոցիալական ցանցերում:

Կորոնավիրուսով վարակված 56-ամյա Սաբիայի սիրտը կանգ առավ այս տողերից ընդամենը 3 օր անց:

📍 Ահա թե որքան փխրուն է մեր գրի առած տողերի և մտքերի կյանքը:

Ահա թե որքան անպաշտպան ենք մենք նորին մեծություն ճակատագրի առջև. անկախ այն բանից՝ հավատու՞մ ենք դրան, թե՞ ոչ:

Սեպտեմբերի 27.

📍 Ցավոք, մրրիկին չի հետաքրքրում, թե ինչ եք մտածում իր մասին: Նա գալիս և անում է իր գործը:

Ստացվեց այնպես, որ մեր ազգի համար ևս մեկ սարսափելի մրրիկ էր նախապատրաստված:

📍 Ահա թե որն է պատճառը, որ դժվարանում եմ գրել այս հոդվածը:

Այսօր կարող եմ անկեղծ և ուղիղ խոսել քեզ հետ՝ իմ ընթերցող: Նախորդ տարվա ընթացքում մոտ 50-ից ավելի հոդվածներ եմ գրել, իսկ այժմ չեմ կարողանում մտքերս ամփոփել և շարադրել. պարզապես կասեմ:

📍 Իրականության վրա կարող ենք աչք փակել, բայց ոչ ՝ հիշողությունների։

Նայեք այս պայծառ տղաների լուսանկարներին և հանկարծ չփորձեք արտասվել: Նման միտք անգամ թույլ չտաք, որ անցնի ձեր մտքերում:

Նրանք մեր մարզիկներն են, ովքեր իրենց կյանքը չխնայեցին հայրենիքի համար: Նրանք տղաներ են, ում մասին իրավունք չունենք խոսել անցյալ ժամանակով:

Պարզապես նայեք այս տղաներին , գամեք նրանց ձեր հիշողության մեջ և իրենց աչքերում տեսեք մեր մյուս անմահ հերոսներին:

Ինչպես հայտնի մտածողն էր ասում.

📍 Ինձ միշտ դուր են եկել նրանք, ովքեր առանց ծնողների օգնության էլ լույս աշխարհ կգային:

Ահա այսպիսի տղաների եք այժմ տեսնում. Դե փորձեք ասել, որ նրանք այլևս մեզ հետ չեն: Դե փորձեք ասել, որ չեք հավատում նրանց ուժին:

📍 Հեշտ չէ մահանալուց հետո ողջ մնալը. պատահում է՝ հանուն դրա ստիպված ես զոհաբերել կյանքդ։

Այս տղաները կարողացան. նրանք ապրում են, քանի դեռ մենք ենք դա անում:

Եվ ուրեմն, արժանի լինենք նրանց, արժանի լինենք նրաց մասին հիշողությունները մեր սրտերում ամուր պահելու պատվին:

Նրանք ողջ են, քանի դեռ մենք հավատում են լուսավոր ապագային, քանի դեռ հավատում ենք նոր հաղթանակների, իսկ դրանք անպատճառ լինելու են:

Սպորտային Հայաստանը գալիք տարում մեծ հաղթանակաների կարիք ունի: Փորձենք միասին կերտել դրանք և յուրաքանչյուրս այդ գործին նվիրվենք մեր ունեցածի 101%-ով:

📍 Եթե չենք կարող փոխել աշխարհը, ապա թույլ չտանք, որ այն փոխի մեզ:

Կարող ես հեռանալ 2.0.2.0. դու չհաղթեցիր մեզ:

Կարող ես հեռանալ 2.0.2.0. դու կմոռացվես, իսկ նրանք ՝ երբեք:

Նարեկ Գրիգորյան