Մադրիդի «Ռեալի» գլխավոր մարզիչ Կարլո Անչելոտին Իսպանիայի առաջնության անըդմեջ խաղերում անպարտելիության բոլոր ժամանակների մարզչական ռեկորդ է սահմանել։ Հիշեցնենք, որ Իսպանիայի Լա Լիգայի 7-րդ տուրի «Ռեալ»-«Ալավես» խաղն ավարտվել է «Սերուցքայինների» հաղթանակով՝ 3։2 հաշվով։

Իտալացին դարձել է Լա լիգան ներկայացնող առաջին մարզիչը, որի գլխավորած թիմը 39 խաղ անըդմեջ չի պարտվել առաջնությունում։ Նախկինում ռեկորդը պատկանում էր «Ռեալ Սոսյեդադի» գլխավոր մարզիչ Ալբերտո Օրմեչեին, որի օրոք բասկյան ակումբը 38 հանդիպում անընդմեջ չէր պարտվել 1979-1980 թվականներին։

Նշենք, որ Մադրիդի «Ռեալի» անպարտելիության շարքը երկրորդն է Լա Լիգայի պատմության մեջ: «Բարսելոնան» 2017-ից 2018 թվականներին անցկացրած 43 խաղում անպարտելիության ռեկորդ ունի, սակայն այդ ժամանակահատվածում թիմի հետ աշխատել են տարբեր մարզիչներ՝ Լուիս Էնրիկեն և Էռնեստո Վալվերդեն:

Անգլիական «Էվերտոնի» գլխավոր մարզիչ Կառլո Անչելոտին խոսել է թիմի նորեկ Խամես Ռոդրիգեսի մասին, տեղեկացնում է Daily Mail-ը:

«Բոլորը գիտեն, որ Խամեսը ֆանտաստիկ ֆուտբոլիստ է, ով կարող է փոխել ցանկացած հանդիպման ելք:

Նա նոր շունչ հաղորդեց մեր թիմին»,-ասել է Անչելոտին:

Հիշեցնենք, որ տրանսֆերի արժեքը կազմել է 22 միլիոն եվրո:

«Էվերտոնի» կազմում Խամեսն անցկացրել է 2 հանդիպում և դարձել ՝ մեկական գոլի և գոլային փոխանցման հեղինակ:

Ֆրանսիական «Մարսելի» կիսապաշտպան Մորգան Սանսոնը կարող է հայտնվել «Էվերտոնում», տեղեկացնում է Daily Mail-ը:

Նշվում է, որ 25-ամյա ֆուտբոլիստի դիմաց լիվերպուլյան ակումբը պատրաստ է 20 միլիոն եվրո վճարել:

Նախկինում նշվում էր, որ Սանսոնին իր կազմում է ցանկանում տեսնել «Արսենալը»:

Հիշեցնենք, որ Սանսոնը Լիգա 1-ի ավարտված մրցաշրջանում նա անցկացրել է 27 հանդիպում և դարձել ՝ 5 գոլի ու 5 գոլային փոխանցման հեղինակ:

Իսպանական դատախազությունը մեղադրանք է ներկայացրել «Էվերտոնի» գլխավոր մարզիչ Կառլո Անչելոտիին, ով 2013-15 թվականներին մարզում էր Մադրիդի «Ռեալը», տեղեկացնում է A Bola-ն:

Մարզիչը չի վճարել իմիջային իրվունքի համար նախատեսված վճարները:

Հարկային մարմինները պնդում են, որ Անչելոտին մուծել է գումարի միայն 10%-ը ՝ 45%-ի փոխարեն:

Այսպիսով, 61-ամյա մասնագետը խուսափել է  1.062 079 եվրո վճարելուց:

Հիշեցնենք, որ նմանօրինակ մեղադրանքներ առաջադրվել էին նաև ՝ Լեո Մեսսիին և Կրիշտիանու Ռոնալդուին:

Անգլիական «Էվերտոնի» գլխավոր մարզիչ Կառլո Անչելոտին խոսել է ԱՊԼ-ի 30-րդ տուրի «Լիվերպուլի» դեմ հանդիպման մասին, տեղեկացնում է BBC-ն:

«Բավական մոտ էինք հաղթանակին: Չէի ասի, թե Կլոպի թիմը գերազանցում էր մեզ:

Երեկ ես չեմպիոնական թիմ չտեսա և դա մեր համակցված խաղի արդյունքն էր:

Նրանք տիրում էին գնդակին, իսկ մենք ՝ խաղի ընթացքին: Կարծում եմ ՝ արդար արդյունք գրանցվեց»,- ասել է Անչելոտին:

Հիշեցնենք, որ Կլոպի գլխավորած թիմը վաստակել է 83 միավոր և վստահորեն գլխավորում է մրցաշարային աղյուսակը ՝ գերազանցելով «Մանչեսթեր Սիթիին» 23 միավորով:

«Էվերտոնը» իր ակտիվում ունի 38 միավոր և գտնվում է 12-րդ հորիզոնականում:

Անգլիական «Էվերտոնը» մտադիր է ձռք բերել ՊՍԺ-ի ավագ Տիագո Սիլվային: Կողմերն արդեն սկսել են բանակցությունները: Այս մասին տեղեկացնում է լրագրող Նիկոլո Սկիրան:

Նշվում է, որ Կառլո Անչելոտին է այս տեղափոխության նախաձեռնողը: Ժամանակին բրազիլացին ՊՍԺ-ում խաղացել է իտալացու գլխավորությամբ:

Ավելի վաղ հաղորդվում էր, որ Սիլվան ցանկանում է կարիերան շարունակել Եվրոպայում:

Հիշեցնենք, որ 35-ամյա պաշտպանի պայմանագիրը փարիզյան ակումբի հետ ավարտվում է այս ամռանը:

Իտալական «Նապոլիի» բրազիլացի ֆուտբոլիստ Ալանը կարող է հայտնվել «Էվերտոնում», տեղեկացնում է Il Mattino-ն:

Լիվերպուլյան ակումբի գլխավոր մարզիչ Կառլո Անչելոտին, ով աշխատել է 29-ամյա կիսապաշտպանի հետ, անձամբ է հետաքրքրված այս տրանսֆերով:

Տեղափոխությանը կարող է խոչընդոտել «Նապոլիի» նախագահ Աուրելիո Դե Լաուրենտիսը, ով բավական մեծ գումար է պահանջում Ալանի համար (70 մլն. եվրո):

Հիշեցնենք, որ բրազիլացու պայմանագիրը իտալական ակումբի հետ գործում է մինչև 2023 թվականը:

Ա Սերիայի ընթացիկ մրցաշրջանում նա մասնակցել է 24 հանդիպման ու դարձել ՝ մեկական գոլի և գոլային փոխանցման հեղինակ:

Անգլիական «Էվերտոնի» գլխավոր մարզիչ Կառլո Անչելոտին կարծում է, որ կորոնավիրուսի համաճարակի ավարտից հետո, ֆուտբոլիստները 15 օրում կվերականգնեն իրենց մարզավիճակը, հաղորդում է L’Equipe-ը:

«Կարևոր է, որ բոլոր ակումբները միաժամանակ վերսկսեն մարզումները: Այսպիսով, բոլորը հավասար պայմաններում կլինեն: Ժամանակակից ֆուտբոլիստները կարող են կես ամսում բավարար մարզավիճակ հավաքել:

Պարզ է, որ նրանք 100%-ով պատրաստ չեն լինի, բայց խաղերի ընթացքում դա կվերականգնվի:

Իհարկե, պետք է վստահ լինել, որ ֆուտբոլիստների առողջությանը վտանգ չի սպառնում», -ասել է Անչելոտին:

Հիշեցնենք, որ ԱՊԼ-ի ակումբները այսօր տեսակապով կքննարկեն առաջնության վերսկսման ժամկետները:

Լոնդոնի «Չելսիի» գլխավոր մարզիչ Ֆրենկ Լեմպարդը խոսել է ԱՊԼ-ի 29-րդ տուրի «Էվերտոնի» դեմ հանդիպման մասին, տեղեկացնում է Daily Mail-ը:

«Կառլոն հրաշալի աշխատանք է կատարել: Նրա գլխավորած թիմը կոմբինացիոն ֆուտբոլ է ցուցադրում:

Ես խաղացել եմ նրա գլխավորությամբ և կարող եմ ասել, որ մեծ հաճույք եմ ստացել ադ ընթացքում:

Մենք երկու չեմպիոնական տիտղոս նվաճեցինք Անչելոտիի հետ: Կառլոն շատ հանգիստ անձնավորություն է, ով հարգալից վերաբերմունք է ցուցաբերում իր ֆուտբոլիստների նկատմամբ:

Մեզ հետաքրքիր հանդիպում է սպասվում»,- ասել է Լեմպարդը:

Հիշեցնենք, որ խաղը կկայանա այսօր ՝ 18:00-ին: «Չելսին» վաստակել է 45 միավոր և գտնվում է 4-րդ հորիզոնականում:

«Էվերտոնը» իր ակտիվում ունի 37 միավոր ու գտնվում է 12-րդ դիրքում:

Անգլիական «Էվերթոնի» գլխավոր մարզիչ Կառլո Անչելոտին խոստովանել է, որ իրեն ավելի հարմարավետ է աշխատել Անգլիայում, քան Իտալիայում:

«Անգլիայի առաջնությունում ես ինձ ավելի վստահ եմ զգում: Այստեղի միջավայրը շատ է տարբերվում իտալականից:

Մարդիկ ավելի բարեհամբույր են և ավելի հանգիստ:

Ինձ նյարդայնացնում են վիրավորանքները, որոնք կարելի է լսել իտալական որոշ մարզադաշտերում: Այստեղ չես տեսնի մի իրավիճակ, երբ քեզ վիրավորում են ամբողջ հանդիպման ընթացքում: Անգլիայում դա անհնար է», — Անչելոտիի խոսքերն է մեջբերում Corriere della Sera- ն:

Հիշեցնենք, որ իր կարիերայի ընթացքում 60-ամյա Անչելոտին ղեկավարել է՝ «Չելսին», «Էվերթոնը», ինչպես նաև իտալական՝ «Ռեջինան», «Պարման», «Յուվենտուսը», «Միլանը» և «Նապոլին»: