Աննա Ամրոյան — Armsport.am

Ծանրամարտի Մ-23 ԵԱ. Մարտին Պողոսյանը հռչակվեց Եվրոպայի փոխչեմպիոն

Suren Sahakyan — Sat, 17 Oct 2026 19:03:44 +0000

Ալբանիայի Դուրես քաղաքում շարունակվող ծանրամարտի Եվրոպայի երիտասարդների ու Մ-23 առաջնությունում Հայաստանի հավաքականը հերթական մեդալը նվաճեց:

Մինչև 23 տարեկանների 85 կգ քաշայինների պայքարում Մարտին Պողոսյանը դարձավ երկամարտի արծաթե մեդալակիր:

Հայ ծանրորդը պոկում վարժությունում ունեցավ երկու հաջող մոտեցում՝ բարձրացնելով 149 կգ և 153 կգ, սակայն չկարողացավ գլխավերևում պահել 156 կգ ծանրաձողը։ Այս վարժությունում Պողոսյանը գրավեց 5-րդ տեղը։ Հրում վարժության ընթացքում մեր մարզիկը նախ բարձրացրեց 186 կգ, ապա երկրորդ փորձից հաջողությամբ գլխավերևում պահեց 190 կգ-ն՝ նվաճելով փոքր արծաթե մեդալ: Երկամարտի 343 կգ արդյունքով Մարտին Պողոսյանը կանգնեց պատվո հարթակի երկրորդ աստիճանին՝ հռչակվելով Մ-23 տարեկանների Եվրոպայի փոխչեմպիոն։

Հիշեցնենք, որ մրցումային այս օրը հայ ծանրորդների համար բավականին հագեցած էր։ Ավելի վաղ երիտասարդների 95 կգ քաշային կարգում Վալերիկ Մովսիսյանը երկամարտի 347 կգ արդյունքով զբաղեցրել էր 4-րդ հորիզոնականը՝ պոկում վարժությունում արժանանալով արծաթե մեդալի։

Կանանց 77 կգ քաշային կարգում Աննա Ամրոյանը պոկում վարժությունում (102 կգ) նվաճել էր փոքր բրոնզե մեդալ, սակայն հրում վարժությունում վնասվածքի պատճառով ստիպված էր եղել լքել պայքարը։ Նույն քաշային կարգում հանդես եկող Ալինա Սուքիասյանն էլ երկամարտի 221 կգ արդյունքով զբաղեցրել էր Եվրոպայի առաջնության 4-րդ տեղը։

Ծանրամարտի Եվրոպայի երիտասարդների ու Մ-23 տարեկանների առաջնություն. Աննա Ամրոյանի և Ալինա Սուքիասյանի արդյունքները

Suren Sahakyan — Sat, 17 Oct 2026 17:34:08 +0000

Ալբանիայի Դուրես քաղաքում շարունակվում է ծանրամարտի Եվրոպայի երիտասարդների ու Մ-23 տարեկանների առաջնությունը: Կանանց 77 կգ քաշային կարգում Հայաստանն ուներ երկու ներկայացուցիչ՝ Աննա Ամրոյանն ու Ալինա Սուքիասյանը։

Աննա Ամրոյանը պոկում վարժությունում անհաջող մեկնարկից հետո հաջորդաբար բարձրացրեց 98 կգ և 102 կգ կշռող ծանրաձողերը՝ նվաճելով այս վարժության բրոնզե մեդալը։ Ցավոք, հրում վարժության առաջին իսկ մոտեցման ժամանակ հայ ծանրորդուհին վնասվածք ստացավ և ստիպված եղավ լքել հետագա պայքարը։ Բարեբախտաբար, Ամրոյանի վնասվածքը լուրջ չէ։ Ընտրանու մյուս ներկայացուցիչ Ալինա Սուքիասյանը պոկում վարժությունում գլխավերևում պահեց 98 կգ և 101 կգ՝ զբաղեցնելով 4-րդ հորիզոնականը։ Հրում վարժությունում Սուքիասյանն ունեցավ միայն մեկ հաջող մոտեցում՝ բարձրացնելով 120 կգ, սակայն չկարողացավ սանձել 125 կգ-ն և գրավեց 5-րդ տեղը: Երկամարտի 221 կգ արդյունքով նա Եվրոպայի առաջնությունում զբաղեցրեց 4-րդ տեղը։

Հիշեցնենք, որ այսօր ավելի վաղ երիտասարդների 95 կգ քաշային կարգում հանդես էր եկել Վալերիկ Մովսիսյանը: Նա պոկում վարժությունում (160 կգ) արժանացել էր արծաթե մեդալի, իսկ երկամարտի 347 կգ արդյունքով զբաղեցրել էր 4-րդ հորիզոնականը: Մրցումային այս օրվա շրջանակում մրցահարթակ է դուրս եկել նաև Մ-23 տարեկանների 85 կգ քաշային կարգում հանդես եկող Մարտին Պողոսյանը, որի գրանցած արդյունքների մասին կտեղեկացնենք լրացուցիչ:

Այսօր հարթակ դուրս կգա Հայաստանի 4 ծանրորդ․ երիտասարդների և Մ23 ԵԱ-ի օրվա ժամանակացույցը

Gevorg Martirosyan — Sat, 17 Oct 2026 07:35:52 +0000

Ծանրամարտի Եվրոպայի երիտասարդների և մինչև 23 տարեկանների առաջնության հերթական մրցումային օրը՝ հոկտեմբերի 17-ին, մրցահարթակ դուրս կգա Հայաստանի 4 ներկայացուցիչ։ Այս մասին հայտնում է Հայաստանի ծանրամարտի ֆեդերացիայի մամուլի ծառայությունը։

Մեր մարզիկների մրցելույթների ժամանակացույցը (Երևանի ժամանակով)․

15:00 — Հայաստանի ներկայացուցիչներից պայքարն առաջինը կսկսի Վալերիկ Մովսիսյանը, որը հանդես կգա երիտասարդների 95 կգ քաշային կարգում։
17:00 — Երիտասարդ կանանց 77 կգ քաշային կարգում մեդալների համար կպայքարեն Աննա Ամրոյանն ու Ալինա Սուքիասյանը։
19:00 — Մրցումային օրը հայ ծանրորդների համար կեզրափակի Մարտին Պողոսյանը՝ ուժերը չափելով Մ23 տարիքային խմբի 85 կգ քաշային կարգում։

Առաջնության մրցելույթներին ուղիղ հեռարձակմամբ կարող եք հետևել այս հղմամբ։

Ծանրամարտի ԱԱ. Հայաստանի հավաքականների վերջնական կազմերը

Suren Sahakyan — Mon, 12 Oct 2026 07:54:51 +0000

Ծանրամարտի Հայաստանի կանանց և տղամարդկանց հավաքականները հոկտեմբերի 27-ից նոյեմբերի 8-ը Չինաստանի Նինբո քաղաքում կմասնակցեն աշխարհի առաջնությանը:

Ծանրամարտի միջազգային ֆեդերացիայի (IWF) կողմից կազմակերպվող տարվա գլխավոր մրցաշարը հյուրընկալելու է աշխարհի ուժեղագույն ծանրորդներին և անցկացվելու է Նինբոյի օլիմպիական մարզահամալիրում: Հայաստանի ծանրամարտի ֆեդերացիան ներկայացրել է թիմերի վերջնական կազմերը: Այս մասին հայտնում է ՀԾՖ-ի մամուլի ծառայությունը:

Տղամարդկանց ընտրանու կազմը՝

Գառնիկ Չոլաքյան (65 կգ)
Գոռ Սահակյան, Տիգրան Կարապետյան (75 կգ)
Ռաֆիկ Հարությունյան, Մարտին Պողոսյան (85 կգ)
Դավիթ Հովհաննիսյան (95 կգ)
Գարիկ Կարապետյան (110 կգ)
Վարազդատ Լալայան (+110 կգ)

Հայաստանի տղամարդկանց թիմի գլխավոր մարզիչը Հակոբ Փիլոսյանն է, մարզիչը՝ Դավիթ Մուրադյանը:

Կանանց ընտրանու կազմը՝

Ալեքսանդրա Գրիգորյան (57 կգ)
Աննա Ամրոյան, Ալինա Սուքիասյան (77 կգ)
Էմմա Պողոսյան, Լիանա Գյուրջյան (86 կգ)

Կանանց հավաքականի գլխավոր մարզիչն Արտաշես Ներսիսյանն է, մարզիչը՝ Տարոն Թովմասյանը:

🎥 Ծանրամարտի երիտասարդական ԱԱ․ Աննա Ամրոյանը՝ աշխարհի չեմպիոն

Gevorg Martirosyan — Wed, 06 May 2026 17:30:32 +0000

Եգիպտոսում շարունակվող ծանրամարտի աշխարհի երիտասարդական առաջնությունում Հայաստանի հավաքականը հերթական փայլուն նվաճումն է գրանցում: Կանանց 77 կգ քաշայինների պայքարում անգերազանցելի էր մեր ծանրորդուհի Աննա Ամրոյանը:

Հայաստանի հավաքականի անդամ Աննա Ամրոյանը հաջողությամբ բարձրացրեց 100 կգ, 104 կգ, 106 կգ:

Հրում վարժությունում նա գլխավերևում պահեց 128 կգ, 132 կգ ու 134 կգ: Այս ձևում նա առաջինն է: Երկամարտի 240 կգ արդյունքով՝ Աննա Ամրոյանը դարձավ աշխարհի երիտասարդների առաջնության չեմպիոն:

Ծանրամարտի երիտասարդական ԱԱ․ Հայաստանն այսօր ունի մեկ ներկայացուցիչ

Suren Sahakyan — Wed, 06 May 2026 06:10:42 +0000

Եգիպտոսի Իսմայիլիա քաղաքում ընթացող ծանրամարտի երիտասարդական աշխարհի առաջնության մրցումային հինգերորդ օրը Հայաստանի հավաքականը կունենա մեկ ներկայացուցիչ:

Մեդալների համար պայքարի մեջ կմտնի կանանց 77 կգ քաշային կարգում հանդես եկող Աննա Ամրոյանը: Այս քաշային կարգի մրցելույթների մեկնարկը նախատեսված է Երևանի ժամանակով ժամը 20:00-ին, իսկ հայ մարզուհու ելույթին մարզասերները հնարավորություն կունենան հետևելու «Առաջին ալիքի» ուղիղ եթերում:

Հիշեցնենք, որ երեկ՝ մրցումային չորրորդ օրը Հայաստանի հավաքականի կազմում փայլուն ելույթ էր ունեցել 79 կգ քաշային Նարեկ Մկրտչյանը, որը երկամարտի 336 կգ արդյունքով հռչակվել էր աշխարհի առաջնության փոխչեմպիոն, իսկ Մերի Միսակյանը (69 կգ) զբաղեցրել էր 6-րդ հորիզոնականը:

Ծանրամարտի երիտասարդական ԱԱ․ Հայաստանի հավաքականների մրցելույթների ժամանակացույցը

Suren Sahakyan — Tue, 28 Apr 2026 12:57:45 +0000

Հայաստանի ծանրամարտի ֆեդերացիան հրապարակել է Եգիպտոսի Իսմայիլիա քաղաքում կայանալիք աշխարհի երիտասարդական առաջնությունում Հայաստանի հավաքականների մրցելույթների ժամանակացույցը։

Կանայք.

Մայիսի 5-ին ժամը՝ 17:00-ին, 69 կգ՝ Մերի Միսակյան
Մայիսի 6-ին ժամը՝ 20:00-ին, 77 կգ՝ Աննա Ամրոյան
Մայիսի 7-ին ժամը՝ 17:00-ին, 86 կգ՝ Էմմա Պողոսյան

Տղամարդիկ.

Մայիսի 3-ին ժամը՝ 20:00-ին, 65 կգ՝ Արտուշ Գրիգորյան
Մայիսի 4-ին ժամը՝ 17:00-ին, 71 կգ՝ Նարեկ Գրիգորյան ու Հովհաննես Հովհաննիսյան
Մայիսի 5-ին ժամը՝ 20:00-ին, 79 կգ՝ Նարեկ Մկրտչյան
Մայիսի 7-ին ժամը՝ 20:00-ին, 94 կգ՝ Վալերիկ Մովսիսյան
Մայիսի 8-ին ժամը՝ 12:00-ին, 110 կգ՝ Գրիգոր Ղազարյան
Մայիսի 8-ին ժամը՝ 15:00-ին, +110 կգ՝ Գագիկ Մկրտչյան

Նշենք, որ մրցաշարը կանցկացվի մայիսի 2-8-ը։ Մեր ծանրորդների ելույթներին կարող եք հետևել Առաջին ալիքի ուղիղ եթերում։

🎥 Ծանրամարտի ԵԱ․ Աննա Ամրոյանի ու Ալինա Սուքիասյանի արդյունքները

Suren Sahakyan — Thu, 23 Apr 2026 17:05:40 +0000

Վրաստանի Բաթումի քաղաքում ընթացող ծանրամարտի Եվրոպայի առաջնության մրցումային 5-րդ օրը Հայաստանի ծանրամարտի կանանց հավաքականի անդամները` Աննա Ամրոյանն ու Ալինա Սուքիասյանն ավարտեցին ելույթները 77 կգ քաշայինների պայքարում։

Ալինա Սուքիասյանը պոկում վարժությունում բարձրացրեց 96 կգ ու 100 կգ: Հրում վարժությունում նա գլխավերևում պահեց 120 կգ: Երկամարտի 220 կգ արդյունքով` նա 17-րդն է:

Աննա Ամրոյանը պոկում վարժությունում անհաջող հանդես եկավ` ոչ մի հաջող մոտեցում չունենալով: Հրումում նա բարձրացրեց 125 կգ, 133 կգ, 136 կգ: Այս վարժությունում նա դարձավ ոսկե մեդալակիր` սահմանելով ԵԱ-ի հրում վարժության նոր ռեկորդ: Ամրոյանը երկամարտի արդյունք չունեցավ:

Ծանրամարտի ԵԱ. Այսօր Հայաստանն ունի 3 ներկայացուցիչ

Gevorg Martirosyan — Thu, 23 Apr 2026 07:00:33 +0000

Վրաստանի Բաթում քաղաքում շարունակվող ծանրամարտի Եվրոպայի առաջնությունում ապրիլի 23-ը հագեցած մրցումային օր է լինելու Հայաստանի հավաքականի համար: Այսօր մեդալների համար կպայքարեն մեր երեք մարզիկները:

Երևանի ժամանակով 16:00-ին տղամարդկանց մրցաշարում պայքարի մեջ կմտնի Ռաֆիկ Հարությունյանը, ով ուժերը կչափի 88 կգ քաշային կարգում:

Ավելի ուշ՝ ժամը 19:00-ին, հերթը կհասնի կանանց. 77 կգ քաշայինների պայքարում Հայաստանի մարզական պատիվը կպաշտպանեն Աննա Ամրոյանն ու Ալինա Սուքիասյանը:

Հիշեցնենք, որ Եվրոպայի ընթացիկ առաջնությունում Հայաստանի ընտրանին արդեն իսկ ունի գրանցած լուրջ հաջողություններ։ Եվրոպայի փոխչեմպիոնի կոչմանն արժանացել են Գառնիկ Չոլաքյանը, Ալեքսանդրա Գրիգորյանն ու Գոռ Սահակյանը, իսկ Մարտին Պողոսյանը կանգնել է պատվո հարթակի երրորդ աստիճանին՝ նվաճելով բրոնզե մեդալ:

Ծանրամարտի ԵԱ․ Հայաստանի հավաքականների մրցելույթների ժամանակացույցը

Suren Sahakyan — Sun, 12 Apr 2026 14:08:54 +0000

Հայաստանի ծանրամարտի ֆեդերացիան հրապարակել է Եվրոպայի առաջնությունում Հայաստանի հավաքականների մրցելույթների ժամանակացույցը։

Կանայք.

Ապրիլի 19-ին ժամը՝ 19:00-ին, 53 կգ՝ Իզաբելլա Յայլյան ու Տանզելա Գրիգորյան
Ապրիլի 20-ին ժամը՝ 18:00-ին, 58 կգ՝ Ալեքսանդրա Գրիգորյան
Ապրիլի 23-ին ժամը՝ 19:00-ին, 77 կգ՝ Աննա Ամրոյան ու Ալինա Սուքիասյան
Ապրիլի 24-ին ժամը՝ 19:00-ին, 86 կգ՝ Էմմա Պողոսյան ու Լիանա Գյուրջյան
Ապրիլի 26-ին ժամը՝ 13:00-ին, +86 կգ՝ Տաթև Հակոբյան

Տղամարդիկ.

Ապրիլի 20-ին ժամը՝ 12:00-ին, 60 կգ՝ Գառնիկ Չոլաքյան
Ապրիլի 21-ին ժամը՝ 19:00-ին, 71 կգ՝ Գոռ Սահակյան
Ապրիլի 22-ին ժամը՝ 19:00-ին, 79 կգ՝ Մարտին Պողոսյան
Ապրիլի 23-ին ժամը՝ 16:00-ին, 88 կգ՝ Ռաֆիկ Հարությունյան
Ապրիլի 24-ին ժամը՝ 16:00-ին, 94 կգ՝ Արա Աղանյան
Ապրիլի 25-ին ժամը՝ 19:00-ին, 110 կգ՝ Սիմոն Մարտիրոսյան ու Գարիկ Կարապետյան
Ապրիլի 26-ին ժամը՝ 16:00-ին, +110 կգ՝ Վարազդատ Լալայան

Նշենք, որ մրցաշարը կանցկացվի Վրաստանի Բաթումի քաղաքում ապրիլի 19-26-ը։ Մեր ծանրորդների ելույթներին կարող եք հետևել Առաջին ալիքի ուղիղ եթերում։