Լոնդոնի «Չելսիի» գլխավոր մարզիչ Էնցո Մարեսկան բացատրել է, թե ինչու թիմի կիսապաշտպան Քոուլ Պալմերը չի կարողացել միանալ Անգլիայի ազգային հավաքականին միջազգային դադարի ընթացքում։

««Արսենալի» դեմ խաղից մեկ օր առաջ նա մկանային խնդիր ունեցավ։ Դա մեծ անհանգստություն չէր պատճառում, բայց նրան թույլ չտվեց մասնակցել «Արսենալի» դեմ հանդիպմանը և միանալ ազգային թիմին։

Մենք միշտ ասում ենք, որ հավաքականում խաղալը ֆուտբոլիստի համար լավագույն տարբերակն է, բայց ընդհանուր առմամբ մի քանի օր հանգիստը թե՛ Քոուլի, թե՛ մյուսների համար օգտակար էր», – Մարեսկայի խոսքերը մեջբերում է ակումբի պաշտոնական կայքը։

Այս մրցաշրջանում Քոուլ Պալմերը «Չելսիի» կազմում մասնակցել է 33 հանդիպման բոլոր մրցաշարերում, որոնց ընթացքում դարձել է 14 գոլի և 6 գոլային փոխանցման հեղինակ։

Transfermarkt ինտերնետային պորտալի տվյալներով Անգլիայի հավաքականն ունի ամենաթանկ կազմը բոլոր հավաքականներից (1,26 միլիարդ եվրո)։ Երկրորդ տեղում Ֆրանսիայի հավաքականն է՝ 1,16 միլիարդ եվրո արժեքով, երրորդ տեղում է Իսպանիայի հավաքականը՝ 1,14 միլիարդ եվրոյով։

Թոփ 10 ամենաթանկ ֆուտբոլային թիմերը ըստ Transfermarkt-ի՝

Անգլիայի հավաքական՝ 1,26 միլիարդ եվրո,
Ֆրանսիայի հավաքական՝ 1,16 միլիարդ եվրո,
Իսպանիայի հավաքական՝ 1,14 միլիարդ եվրո,
Բրազիլիայի հավաքական՝ 1,06 միլիարդ եվրո,
Պորտուգալիայի հավաքական՝ 868 մլն եվրո,
Նիդեռլանդների հավաքական՝ 742,5 մլն եվրո,
Իտալիայի հավաքական՝ 688 մլն եվրո,
Արգենտինայի հավաքական՝ 674,7 մլն եվրո,
Գերմանիայի հավաքական՝ 653 միլիոն եվրո,
Ուրուգվայի հավաքական՝ 496,43 մլն եվրո:

ԱՄՆ ֆուտբոլի ազգային հավաքականի գլխավոր մարզիչ Մաուրիսիո Պոչետինոն բացատրել է, թե ինչու չի գլխավորել Անգլիայի հավաքականը։

«Ամեն ինչ կապված է ժամանակի հետ: Ես խոսեցի իմ նախկին նախագահ Դանիել Լևիի հետ («Տոտենհեմի» նախագահ — խմբ) և նա ասաց, որ ֆուտբոլում ամեն ինչ կախված է պահից. նա ինձ միշտ ասում էր. «Մաուրիսիո, ժամանակը միշտ կարևոր է»։

Ճիշտ է, քանի որ նա ֆուտբոլի մեծ փորձ ունի: Իհարկե, Անգլիայի հավաքականը գլխավորելը մեծ արտոնություն է, բայց ժամանակը երբեմն չի համընկնում այն ​​պահի հետ, երբ դու կարող ես հասանելի լինել, և այդ տարբերակը անհետանում է»,- Պոչետինոյի խոսքերն է մեջբերում Sky Sports-ը։

«Մանչեսթեր Սիթիի» և Անգլիայի հավաքականի եզրային պաշտպան Կայլ Ուոքերը, որն ավելի վաղ ցանկություն էր հայտնել հեռանալ անգլիական թիմից, տարեկան 4 միլիոն եվրո աշխատավարձով + բոնուսներով պայմանագիր է խնդրել «Միլանից»՝ մինչև 2027 թվականը: Այս մասին հայտնել է լրագրող Նիկոլո Շիրան X սոցիալական ցանցում (նախկինում՝ Twitter):

Աղբյուրի փոխանցմամբ՝ աջ պաշտպանը նաև շատ շահավետ առաջարկ է ստացել Սաուդյան Արաբիայի մի ակումբից։

Ավելի վաղ հաղորդվում էր, որ «Միլանի» նախագահի խորհրդական Զլատան Իբրահիմովիչը հանդիպել է Ուոքերի հետ՝ քննարկելու պայմանագրի պայմանները։

Ընթացիկ մրցաշրջանում Ուոքերն ակումբի կազմում անցկացրել է 18 հանդիպում բոլոր մրցաշարերում, սակայն չի կարողացել գոլ խփել։ Ֆուտբոլիստի ներկայիս աշխատանքային պայմանագիրն ակումբի հետ ուժի մեջ է մինչև 2026 թվականի ամառը: Transfermarkt ինտերնետային պորտալում ներկայացված տեղեկատվության համաձայն՝ 34-ամյա ֆուտբոլիստի շուկայական արժեքը կազմում է 10 միլիոն եվրո։

Իսպանական «Բարսելոնան», Լոնդոնի «Չելսին» և Մյունխենի «Բավարիան» հետաքրքրված են «Էվերթոնի» և Անգլիայի հավաքականի դարպասապահ Ջորդան Պիկֆորդի ծառայություններով, հայտնում է լրագրող Էկրեմ Կոնուրը X սոցիալական ցանցում (նախկինում՝ Twitter):

Աղբյուրի համաձայն՝ չնայած այս հետաքրքրությանը, «Էվերթոնը» հետաքրքրված է դարպասապահի հետ նոր պայմանագիր կնքելու հարցում, որը թույլ կտա նրան մնալ լիվերպուլյան ակումբում առնվազն մինչև 2030 թվականը։

Պիկֆորդը միացել է «Էվերթոնին» 2017 թվականի ամռանը «Սանդերլենդից» և ընդհանուր առմամբ անցկացրել է 296 հանդիպում բոլոր մրցաշարերում՝ բաց թողնելով 421 գոլ և 84 խաղում անառիկ պահելով դարպասը: Դարպասապահի գործող պայմանագիրն ակումբի հետ նախատեսված է մինչև 2027 թվականի ամառը։ Transfermarkt ինտերնետային պորտալը 30-ամյա դարպասապահի շուկայական արժեքը գնահատում է 20 միլիոն եվրո։

Գերմանացի մարզիչ Թոմաս Տուխելը, որը 2025 թվականի հունվարի 1-ից պաշտոնապես կսկսի իր պարտականությունների կատարումը՝ որպես Անգլիայի հավաքականի գլխավոր մարզիչ, խոսել է այն մասին, թե ինչպիսի խաղ է ցանկանում սերմանել «երեք առյուծների» մեջ։

«Հուսով եմ, որ այն արկածախնդիր կլինի: Հուսով եմ՝ մենք հարձակվողական ֆուտբոլ կխաղանք, և խաղացողները կբացվեն»,- ասել է Տուխելը talkSPORT-ին տված հարցազրույցում։

Հիշեցնենք, որ 51-ամյա Տուխելը փոխարինել է Լի Կարսլիին, ով ժամանակավորապես գլխավորել է Անգլիայի հավաքականը նախորդ գլխավոր մարզիչ Գարեթ Սաութգեյթի՝ ամռանը հեռանալուց հետո։

Ավելի վաղ բրիտանացիները պարզել էին իրենց մրցակիցներին ԱԱ-2026-ի որակավորման փուլում: Տուխելի թիմը հայտնվել է K խմբում, որտեղ կխաղա Սերբիայի, Ալբանիայի, Լատվիայի և Անդորրայի հետ։ Ընտրական մրցաշարը տեղի կունենա մարտից նոյեմբեր։

Անգլիայի հավաքականի ավագ Հարի Քեյնը կարծիք է հայտնել ազգային հավաքականի նոր գլխավոր մարզիչ Թոմաս Տուխելի մասին, որն անգլիացիների հետ կսկսի աշխատել 2025 թվականի սկզբից։

Քեյնը գերմանացի մասնագետի ղեկավարությամբ մարզվել է Մյունխենի «Բավարիայում»:

«Տուխելը չի ​​խուսափի առճակատումից, եթե կարծի, որ դա անհրաժեշտ է։ Կարծում եմ՝ նա շատ անմիջական կլինի մամուլի հետ, բայց միշտ կպաշտպանի իր խաղացողներին։ Նա ասում է այն, ինչ մտածում է միանգամայն ուղիղ: Միգուցե «Բավարիայում» կային խաղացողներ, որոնց դա դուր չէր գալիս: Կարծում եմ՝ մարտին [Անգլիայի հավաքականում] կլինեն խաղացողներ, ովքեր կարող են չհամաձայնվել նրա որոշ մեթոդների հետ։ Ժամանակը ցույց կտա, բայց ես անհամբերությամբ սպասում եմ նրա հետ կրկին աշխատելուն:

Տուխելը հիանալի հնարավորություն ունի անել մի յուրահատուկ բան, որը նախկինում երբեք չի արվել։ Վստահ եմ, որ նա անհամբեր սպասում է մարտահրավերին»,- ասել է Քեյնը The Standard-ին:

Գերմանացի մասնագետ Թոմաս Տուխելը քննադատության է ենթարկվել անգլիական Պրեմիեր լիգայի ակումբների կողմից, քանի որ անգլիացի ֆուտբոլիստները զանգվածային կերպով հրաժարվում են միանալ ազգային թիմին Ազգերի լիգայի՝ նոյեմբերին կայանալիք հանդիպումների համար։ Այս մասին հայտնում է The Telegraph-ը։

Աղբյուրի համաձայն, չնայած այն հանգամանքին, որ պաշտոնապես «երեք առյուծների» շատ առաջատարներ իրենց ակումբներում թեթև վնասվածքներ են ստացել, Պրեմիեր լիգայի մի քանի ակումբների ինսայդերներ խաղացողների՝ հավաքակինչ չմիանալու որոշման իրական պատճառ են նշում Տուխելի՝ ազգային հավաքականի գլխավոր մարզչի պաշտոնում աշխատանքի մեկնարկի ձգձգումը։ Հաղորդվում է, որ շատ խաղացողներ չեն ցանկանում ժամանակ վատնել ու խաղալ ժամանակավոր մարզիչ Լի Կարսլիի գլխավորությամբ:

Հիշեցնենք, որ Ազգերի լիգայի խմբային փուլի եզրափակիչ հանդիպումներում երեք առյուծները կխաղան Հունաստանի (նոյեմբերի 14) և Իռլանդիայի (նոյեմբերի 17) ազգային հավաքականների հետ։
Տուխելը Անգլիայի հավաքականում աշխատանքի կանցնի 2025 թվականի հունվարի 1-ից։ Նրա աշխատանքային պայմանագիրը Անգլիայի հավաքականի հետ նախատեսված է մինչև 2026 թվականի աշխարհի առաջնությունը։

«Մանչեսթեր Սիթիի» գլխավոր մարզիչ Պեպ Գվարդիոլան խոսել է գերմանացի մասնագետ Թոմաս Տուխելի՝ Անգլիայի հավաքականը գլխավորելու մասին:

«Թոմասն Անգլիայի հավաքականի մարզիչն է: Առաջ! Անգլիացիների կողմից պետք է լիակատար աջակցություն լինի. վերջին քայլը կատարելու համար Անգլիային պետք է տիտղոս նվաճել: Գարեթ Սաութգեյթն այնքան մոտ էր դրան: Այժմ ասոցիացիան ցանկանում է կատարել հաջորդ քայլը»,- Գվարդիոլայի խոսքերն է մեջբերում Sky Sports-ը:

Տուխելն Անգլիայի հավաքականում աշխատանքի կանցնի 2025 թվականի հունվարի 1-ից։ Նրա աշխատանքային պայմանագիրն Անգլիայի հավաքականի հետ նախատեսված է մինչև 2026 թվականի աշխարհի առաջնությունը։

«Արսենալի» գլխավոր մարզիչ Միկել Արտետան հոկտեմբերի 27-ին «Լիվերպուլի» հետ Անգլիայի առաջնության 9-րդ տուրի խաղից առաջ պատասխանել է վինգեր Բուկայո Սակայի ֆիզիկական վիճակի մասին հարցին։

«Նա [Սական] մի փոքր մարզվել է խաղադաշտում: Կկարողանա՞ նա մասնակցել կիրակի կայանալիք հանդիպմանը, այլ հարց է։ Առջևում ևս մեկ օր ունենք, և դա հիանալի է»,- Արտետայի խոսքերն է մեջբերում լրագրող Ֆաբրիցիո Ռոմանոն X սոցիալական ցանցում (նախկինում՝ Twitter):

Հիշեցնենք, որ Սական վնասվածք էր ստացել հոկտեմբերի սկզբին Անգլիայի հավաքականի կազմում։

«Արսենալ» — «Լիվերպուլ» հանդիպումը կկայանա Լոնդոնի «Էմիրեյթս» մարզադաշտում։ Խաղը կմեկնարկի Երևանի ժամանակով 20:30-ին։