Չեմպիոնների լիգայից հետո հետևել Եվրոպա լիգայի հանդիպումներին, որտեղ ներգրավված են կարգով մի՜ փոքր ավելի ցածր ակումբներ, թվում է՝ այդքան էլ հետաքրքիր չէ։ Սակայն վստահեցնում ենք՝ գրեթե միշտ պատկերը հակառակն է լինում։ Ֆուտբոլային էսթետները չեն կարող անտարբեր անցնել Եվրոպա լիգայի ու Կոնֆերենցիաների լիգայի կողքով։ Զարմանալի կհնչի, գուցե, սակայն այստեղ ձևավորվող զույգերն ի սկզբանե ավելի հավասար են, ու նախորոք կանխատեսել՝ թիմերից որ մեկը կհաղթի, ավելի բարդ է։

Այս մրցաշրջանի 1/8 եզրափակիչներում գրանցվեցին արդյունքներ, որոնք և’ սպասելի էին, և’ անսպասելի։ Եվրոպական ակումբային ֆուտբոլի միջնեկ մրցաշարում սպասելի հաղթանակներ տարան «Ռոման» ու «Լիվերպուլը», «Այաքսն» ու «Աստոն Վիլլան» ծեծեցին միմյանց, «Բայերն» էլ «մազով է պրծավ» պարտությունից։

Ստորև՝ ավելի մանրամասն եվրոպական գեղեցկուհի մրցաշարերում գրանցված արդյունքների մասին։

Եվրոպա լիգա. ջախջախումների ու «Բայերի» գրեթե պարտության երեկո

● Սկսենք «Բայերից», որը քիչ էր մնում պարտվեր «Քարաբաղին»։ Առաջին խաղակեսից հետո լևերկուզենցիները 0-2 հաշվով պարտվում էին։ Տպավորություն էր, որ մեկնարկում «Բայերը» «փչացել» էր, թիմի քիմիան մնացել էր Լևերկուզենում։ Ամեն ինչ փոխվեց, երբ դաշտ դուրս եկավ թիմի առաջատար Ֆլորիան Վիրցը։ Երիտասարդ կիսապաշտպանը պարզապես ճախրում էր խաղադաշտում։ Հենց նա կրճատեց հաշվի տարբերությունը։ Իսկ երբ թվում էր՝ հանդիպումն այդ հաշվով էլ կավարտվի ու «Բայերի» անպարտելիության շարքն էլ կընդհատվի, գործի մեջ մտավ փոխարինման դուրս եկած մյուս ֆուտբոլիստը՝ Պատրիկ Շիկը։ Եվրոպայի վերջին առաջնության ամենագեղեցիկ գոլի հեղինակը 90+2-ին խփեց հույժ կարևոր գոլն ու ձևակերպեց վերջնական հաշիվը՝ 2:2։ «Բայերը» դեռ անպարտելի է 35 հանդիպում:

Պատասխան խաղում «Դեղագործները» լինելու են ֆավորիտ, քանի որ խաղալու են տանը։ Բայց մրցակիցը հենց այնպես պոկ չի գա։ Կարևորը «Neverkusen»-ը թակեց Խաբի Ալոնսոյի դուռը, բայց բացող այս անգամ չեղավ։

● Եվրոպան գերելով գնում է «Ռոման»։ Ժոզե Մոուրինյոյի գորշ ու դժգույն (չքաղաքականացնել) ֆուտբոլից հետո Դանիելե դե Ռոսսիի դրած խաղին հետևելը մեծագույն հաճույք է։ 1/8 եզրափակիչ առաջին խաղում «Գայլերը» մասնատեցին «Բրայթոնին» այնպես, որ պատասխան խաղում մրցակիցը չի հասցնի հավաքվել։ Թիմի առաջատարներ Դիբալան ու Լուկակուն լավ մարզավիճակում են ու գոլեր են խփում, «Բրայթոնին» պատժել են նաև Մանչինին ու Կրիստանտեն։ Վերջին երկուսին ասիստով ապահովել է Ստեֆան Էլ Շարավին՝ դառնալով այս տարվա խաղարկության լավագույն ասիստենտ։

«Ռոման» շքեղ մարզավիճակում է։ ԴԴՌ-ի գլխավորությամբ «Ջալառոսիները» պարտվել են միայն «Ինտերին» («ներաձուրիներին» պարտվելն այսօր ամենևին էլ ամոթ չէ), մնացած բոլոր խաղերում հաղթել են, այդ թվում և «Ֆեյենորդին»՝ ԵԼ-ի փլեյ-օֆֆ փուլում։ Հետաքրքիրն այս դիմակայությունում այն է, որ երբ դե Ռոսսին նոր էր գլխավորում «Ռոման», ասում են՝ նա օգտվել է հենց «Բրայթոնի» մարզիչ Ռոբերտո դե Ձերբիի կոնսպեկտներից՝ նրան համարելով մեր օրերի իտալացի լավագույն մարզիչ։ Ու հիմա՝ այսպիսի պատկեր։

● «Լիվերպուլը» չնկատեց Պրահայի «Սպարտային»՝ 5-1, այն էլ մրցակցի հարկի տակ։ Փայլեցին երիտասարդ Հարվի Էլիոթը (3 փոխանցում) և ավելի փորձառու Ալեքսիս ՄակԱլիսթերը (1+1, վաստակեց 11 մետրանոց)։ Դարվին Նունյեսը դուբլի հեղինակ դարձավ՝ գոլ խփելով 4-րդ խաղն անընդմեջ։ Ուրուգվայցի հարձակվողն արդեն ունի 9+4՝ 13 խաղում։

Խաղի ընթացքում տեղի ունեցավ հետաքրքիր ու նշանակալի իրադարձություն։ Դարվին Նունյեսը խփեց Յուրգեն Կլոպի դարաշրջանում «Լիվերպուլի» 1000-րդ գոլը։ Դրա համար Կլոպից պահանջվեց  476 խաղ: «Մերսիսայդցիների» առաջին գոլը Կլոպի գլխավորությամբ խփել է Էմրե Ջանը ու դարձյալ Եվրոպա լիգայում՝ 2015 թվականի հոկտեմբերին գրավելով «Ռուբինի» դարպասը:

● Ֆրանսիական «Մարսելը» ջախջախեց «Վիլյառեալին»՝ 4-0։ Այս զույգում գրանցված հաշիվը, երևի թե, ամենաանսպասելին էր։ Դժվար թե որևէ մեկն ակնկալեր, որ ֆրանսիացիները նման հեշտությամբ կխորտակեն «դեղին սուզանավը»։ Այդ գործում թիմին մեծապես օգնեց Պյեր-Էմերիկ Օբամեյանգը։ Գաբոնցի հարձակվողը դուբլ գրանցեց։ Այս գոլերը նրան թույլ տվեցին մի փոքր առաջ պոկվել լավագույն ռմբարկուների մրցապայքարում։ Այժմ Օբան իր անվան դիմաց ունի գրանցած 9 գոլ, Ռոմելու Լուկակուն 2-ով պակաս է։

● «Միլանը», քանակական առավելություն ունենալով «Սլավիայի» նկատմամբ, առանց ավելորդ խնդիրների հաղթանակ տոնեց՝  4:2: Ու նորից առանց գոլի դաշտից չի հեռացել Օլիվյե Ժիրուն։ Ֆրանսիացի ֆուտբոլիստը խփել է իր թիմի առաջին գնդակը։ Գովելի էր նաև Ալեսանդրո Ֆլորենցիի խաղը։ «Ռոմայի» նախկին ֆուտբոլիստը կատարել է 2 գոլային փոխանցում ու ընդմիջմանը գնացել  վաստակած հանգստի։

«Սլավիան» վատ չէր խաղում, բայց կարգերի տարբերությունը խանգարեց։ Ինչ-որ պահի հաշիվը 1-1 էր, այնուհետև 3-2։

Ինչպես նաև…

● «Բենֆիկան» չկարողացավ հաղթել «Ռեյնջերսին»  առաջին խաղում՝ ընդամենը ոչ-ոքի, 2:2: Այո, թիմը կամային որակներ դրսևորեց ու քամբեք արեց 0-2 հաշվով պարտվելուց հետո, բայց առհասարակ նոր սկսված ամիսը իսկական մղձավանջ է «արծիվների» համար։ Ներքին առաջնությունում թիմն արդեն պարտվել է «Սպորտին», այնուհետև «Պորտուին», այն էլ 0-5 հաշվով։ Ինչպես ասում են՝ գարունը «Բենֆիկայի» «վրա չի եկել»։

● «Ֆրայբուրգը» հանդիպման վերջնամասում գոլ խփեց «Վեսթ Հեմին» ու հաղթեց Միքայել Գրեգորիչի գոլի շնորհիվ: Հանդիպման վերջնամասում իսկական դրամա էր։ Բրիտանացիները սպասում էին, որ մրցավարը 11 մետրանոց կնշանակի, սակայն VAR համակարգին ապավինելուց հետո նա ձեռքը դեպի նշակետը չտարավ։ Այս դիմակայությունում դեռ ոչինչ պարզ չէ։ Սպասում ենք պատասխան խաղին՝ Լոնդոնում։

Կոնֆերենցիաների լիգա. «Ֆիորենտինայի» գոլային հրավառությունը, «Այաքսի» ու «Վիլլայի» կարմիրները

Կոնֆերենցիաների լիգայում ևս ձևավորված զույգերը թույլ էին տալիս ակնկալելու, որ չկա այստեղ հաղթողի հստակ ֆավորիտ։ Բոլորն էլ բոլորին կարող են պարտության մատնել՝ ընդ որում և’ սեփական, և’ մրցակցի հարկի տակ։ Այո, մասնակիցներից «Ֆիորենտինան» ու «Աստոն Վիլլան» իրենց կազմերով, կարգով ու ավանդույթներով ավելի բարձր են, քան, օրինակ, «Շտուրմը», «Մաքաբին» (բոլորն, ընդ որում) կամ «Մյոլդեն»։ Բայց նույնիսկ նրանք ունեցան որոշակի խնդիրներ։

● Ֆրանսիական «Լիլը» 3-0 հաշվով հյուրընկալվելիս հաղթեց ավստրիական «Շտուրմին»։ Այս խաղում հատկապես տպավորիչ էր Ջոնաթան Դեյվիդի ցուցադրած ֆուտբոլը։ Նա իր թիմի կազմում դարձավ դուբլի հեղինակ։ Ֆուտբոլային էսթետների ու գեղեցիկը գնահատողների համար՝ դիտեք Էդոն Ժեգրովի խփած երրորդ գնդակը: Պատասխան խաղը Ֆրանսիայում է։ Այսինքն, «Շտուրմը» գրեթե ոչ մի շանս չունի:

● «Օլիմպիակոսն» անսպասելիորեն պարտվեց իսրայելական Թել Ավիվի «Մաքաբիին», այն էլ խոշոր հաշվով՝ 1-4: Խաղի հերոսը դարձավ հարձակվող Էրան Զահավին, որը 2 անգամ գրավեց հունական ակումբի դարպասը։ Ձեզ քաջ ծանոթ դեմքերից «Օլիմպիակոսում» խաղում են Ստեֆան Յովետիչն ու Վիսենտե Իբորան։ Նրանք մտան փոխարինման երկրորդ կեսում, բայց ոչնչով չօգնեցին իրենց թիմին։

● «Այաքսն» ու «Աստոն Վիլան» այնքան հավասար էին իրենց ուժերով, որ հաղթողը չպարզվեց ոչ միայն լուսատախտակին, այլև խաղի այլ բաղադրիչներով ևս։ Երկրպագուները խփած գոլեր չտեսան, փոխարենն ականատես եղան կարմիր քարտերի։ Խաղի վերջում ընդամենը 3 րոպեում եղավ երկու կարմիր քարտ։ Դաշտից հեռացվեցին Էզրի Կոնսան և  Տրիստան Գոյերը՝ մրցակիցների հակագրոհները կասեցնելու համար։ Բնականաբար, այստեղ ամեն ինչ կորոշվի մարտի 14-ին Բիրմինգհեմում։ Չի բացառվում, որ տեսնենք նաև լրացուցիչ ժամանակ։

● «Մյոլդեն» ու «Բրյուգեն» ամբողջ հանդիպման ընթացքում մնում էր՝ հորանջելով խաղային։ Երկուսով միասին մեկ հարված կատարելով առաջին կեսում, գրանցեցին 1-0 հաշիվը՝ հօգուտ «Մյոլդեի»։ Սակայն վերջնամասում հիշեցին, որ խաղում են Կոնֆերենցիաների լիգայի 1/8 եզրափակիչում։  Մաքսիմ դե Կույպերը 11 մետրանոցից 85-րդ րոպեին հավասարեցրեց հաշիվը, սակայն հարձակվող Ֆրեդրիկ Գյուլբրանդսենը, այնուամենայնիվ, հաղթանակ բերեց նորվեգացիներին 90+2-րդ րոպեին։

● Օրվա ամենազվարճալի հանդիպումը կազմակերպել էին «Ֆիորենտինան» ու «Մաքաբին Հայֆան»։ Գրանցվեց 4։3 հաշիվը։ Իտալացիներն արագ գոլ խփեցին, սակայն առաջին խաղակեսում սցենարը շրջվեց. Աբդուլայե Սեկը և Գադի Կինդան առաջ մղեցին «Մաքաբիին»: Երկրորդ խաղակեսում ամեն ինչ հակառակը ստացվեց՝ թիմերը միմյանց դարպասը խփեցին թվով ևս 3 գոլ։ Թվում էր՝ ոչ-ոքի է լինելու, բայց արդեն ավելացված ժամանակում Բոնավենտուրա-Բարակ կոմբինացիան աշխատեց։ Վերջինիս դիպուկ հարվածը գեղեցիկ հաղթանակ պարգևեց իտալացիներին՝ 4:3:

Ինչպես նաև…

Զագրեբի «Դինամոն» հաղթեց հունական ՊԱՕԿ-ին՝ 2:0։ «Ֆեներբահչեն» հաղթեց «Ունիոնին»՝ 3:0, Շվեյցարական «Սերվետը» և չեխական «Վիկտորիա Պլզենը» միմյանց չկարողացան գոլ խփել։ 1/8 եզրափակչի պատասխան հանդիպումները կկայանան մարտի 14-ին։

Ռոբերտ Գասպարյան

Գերմանական «Բայերը» կպայքարի «Այաքսի» դարպասապահ Անդրե Օնանային գնելու համար, տեղեկացնում է Voetball-ը:

Գերմանական ակումբի գլխավոր մարզիչ Պետեր Բոսը ծանոթ է 24-ամյա դարպասապահի խաղին և ցանկանում է իր թիմում տեսնել նրան:

Նշվում է, որ «Բայերը» 20 միլիոն եվրո է գնահատում Օնանայի տրանսֆերը:

Հիշեցնենք, որ Օնանային իր կազմում է ցանկանում տեսնել նաև «Չելսին»:

Նրա պայմանագիրն ամստերդամյան ակումբի հետ ավարտվում է 2022 թվականի ամռանը:

Թուրինի «Յուվենտուսը» մտադիր է ամառային տրանսֆերային պատուհանի ընթացքում ձեռք բերել «Այաքսի» պաշտպան Սերժինո Դեստին:

Sky Italia-ի փոխանցմամբ՝ «Յուվենտուսի» ներկայացուցիճները պատրաստ են բանակցել նիդերլանդական ակումբի հետ և ակնկալում են մոտ ժամանակներս կազմակերպել տրանսֆերը: Սպասվում է, որ 19-ամյա ֆուտբոլիստի ամբողջական տրանսֆերի համար «Ծեր սինյորան» կվճարի մոտ 25 միլիոն եվրո:

Նշենք, որ Դեստը իր նորամուտը նշել է «Այաքսի» առաջին թիմի կազմում Էրեդիվիզիի այս մրցաշրջանում,խաղացել է 20 հանդիպում և աչքի է ընկել չորս գոլային փոխանցումներով: Նախկինում ֆուտբոլիստի նկատմամբ հետաքրքրություն էր ցուցաբերում «Բավարիան»:

«Այաքսը» հայտարարել է, որ ամստերդամյան ակումբը պայմանագիր է կնքել դանիական «Նորշելանդի» հարձակվող Մոհամեդ Կուդուսի հետ: Գանացի ֆուտբոլիստի հետ պայմանագիրը նախատեսված է մինչև 2025 թվականի հունիսի 30-ը:

Ըստ transfermarkt-ի՝ ֆուտբոլիստի տրանսֆերային արժեքը կազմել է 9 միլիոն եվրո:

19-ամյա ֆուտբոլիստը, ով նաև հանդես է գալիս կիսապաշատպանությունում, Դանիայի Սուպերլիգայի այս մրցաշրջանում անցկացրել է 25 խաղ, խփել է 11 գոլ: Նա նաև երկու հանդիպում է անցկացրել Գանայի ազգային հավաքականի կազմում և մեկ գոլի հեղինակ դարձել:

🇬🇭 x ⭐️⭐️⭐️

Welcome to your new dream, Mohammed! #KudusDream

— AFC Ajax (@AFCAjax) July 16, 2020

Նիդեռլանդական «Այաքսի» գլխավոր մարզիչ Էրիկ տեն Հագը կարծիք է հայտնել Հակիմ Զիեշի մասին, տեղեկացնում է Goal-ը:

«Ես այն մարդը չեմ, ով սիրո խոստովանություններ է շռայլում ակումբին, բայց «Այաքսը» լիովին այլ պատմություն է»:

«Սա Զիեշի խոսքերն են, որոնք նա ասաց ինձ: Այդ տղան իրական պրոֆեսիոնալ է, չնայած իր երիտասարդ տարիքին:

Նա տեղափոխվում է Եվրոպայի լավագույն ակումբներից մեկը ՝ «Չելսի»:

Զիեշը բարդ բնավորություն ունի: նա կարող է դառնալ մարզիչների N1 մղձավանջը: Նրան պետք է ազատություն տալ և այս տղան իրական հրաշքներ կգործի»,- ասել է տեն Հագը:

Հիշեցնենք, որ այս մրցաշրջանում Զիեշը մասնակցել է 21 հանդիպման ու դարձել ՝ 6 գոլի ու 13 գոլային փոխանցման հեղինակ:

Համացանցում տեղադրվել է «Այաքսի» նոր արտագնա մարզաշապիկի լուսանկարը՝ հաջորդ մրցաշրջանի համար:

Ավելի վաղ համացանցում հայտնվել էր նաև «Բավարիայի» երրորդ մարզաշապիկի լուսանկարը հաջորդ մրցաշրջանի համար։

ՊՍԺ-ն հետաքրքրվում է «Այաքսի» ամերիկացի պաշտպան Սերժինյո Դեսթի ծառայություններով։ Այս մասին հաղորդում է France Football-ը։

Աղբյուրի տեղեկացմամբ՝ ֆրանսիական ակումբը Տոմ Մենյեին փոխարինող է փնտրում, որը մոտ ապագայում կարող է հեռանալ թիմից, ու որպես փոխարինող դիտարկում է հենց Դեսթին։ Հոլանդացիներն իրենց խաղացողին 20 մլն եվրո են գնահատում։

Ավելի վաղ ԶԼՄ-ները հաղորդում էին Դեսթի նկատմամբ «Բարսելոնայի» ու «Բավարիայի» կողմից հետաքրքրվածության մասին։

Նախորդ մրցաշրջանում Դեսթը մասնակցել է 20 խաղի՝ դառնալով 4 արդյունավետ փոխանցման հեղինակ։

Թուրինի «Յուվենտուսը» մերժել է Մաթիս Դե Լիգտին վաճառելու «Բարսելոնայի» առաջարկը, տեղեկացնում է Sport.es-ը:

Հաղորդվում է, որ կատալոնական ակումբը 75 միլիոն եվրո է առաջարկել նիդեռլանդացու համար, բայց թուրինյան ակումբը կտրականապես մերժել է:

Հիշեցնենք, որ 2019-ին էր «Այաքսից» տեղափոխվել «Յուվենտուս»: Իտալիայի չեմպիոնը 20-ամյա պաշտպանի համար 85,5 միլիոն եվրո էր վճարել:

Դե Լիգտի պայմանագիրը «Յուվենտուսի» հետ գործում է մինչև 2024 թվականի ամառ:

«Բարսելոնան» հետաքրքրված է «Այաքսի» պաշտպան Սերժինյո Դեստով, հայտնում է Marca-ն: Աղբյուրը պնդում է, որ ամերիկացին ևս շատ է հետաքրքրված «Կամպ Նոու» տեղափոխվելով, նրա համար նման տարբերակն առաջնային է:

Այս մրցաշրջանում Դեստը անցկացրել է 36 հանդիպում «Այաքսի» կազմում՝ դառնալով երկու գոլի և վեց գոլային փոխանցման հեղինակ:

Ֆուտբոլիստի ծառայություններով հետաքրքրված է նաև Մյունխենի «Բավարիան»։

Վերեջերս ProFootballDB կայքը կազմել է այն ֆուտբոլիստների խորհրդանշական հավաքականը, որոնք կարող են դառնալ մյուս տասնամյակի աստղերը։ Խաղացողներին ընտրելիս օգտագործվել է ELO վարկանիշային համակարգը, որը հաշվի է առնում վիճակագրական տվյալների մի ամբողջ ցանկ։ Ամերիկացի պաշտպանը ընդգրկվել է մյուս տասնամյակի պոտենցիալ աստղերի թիմում։

Ֆուտբոլի Նիդերլանդների և Ֆրանսիայի առաջնությունների 2019/20 մրցաշրջանը չի խաղարկվի կորոնավիրուսի համավարակի պատճառով:

Ֆրանսիայում ակումբների մրցաշրջանի արդյունքները կորոշվեն մրցաշարային աղյուսակի ներկայիս դասավորվածությամբ: Սա նշանակում է, որ Ֆրանսիայի չեմպիոնը 2019/20 մրցաշրջանում հռչակվում է ՊՍԺ-ն: Չեմպիոնների լիգայում, բացի փարիզցիներից, կխաղան նաև «Մարսելը» և «Ռենը», որոնք համապատասխանաբար զբաղեցրել են 2-րդ և 3-րդ տեղերը: Սկետչում Մբապեն և Նեյմարը ՊՍԺ-ից, Դմիտրի Պայեն «Մարսելից» և Էդուարդո Կամավինգան «Ռենից» ուղևորվում են դեպի ՉԼ։

Առաջնության ավարտին մոտ մրցաշարային աղյուսակի առաջին տեղը զբաղեցնում էր Ամստերդամի «Այաքսը», որը 25 խաղում վաստակել էր 56 միավոր: Երկրորդը «Ալկմարն» էր, որը ևս իր ակտիվում ուներ 56 միավոր, սակայն լրացուցիչ ցուցանիշներով զիջում է մայրաքաղաքային թիմին: Սկետչում պատկերված են «Այաքսի» դարպասապահ Անդրե Օնանան և «Ալկմարի» ռմբարկու Մայրոն Բոադուն՝ ով այդքան էլ ուրախ չէ, քանի որ իր թիմը, առաջնության վերսկսման դեպքում, հնարավորություն ուներ շրջանցելու ամստերդամցիներին․․․ չնայած նրանք երկուսով էլ ուղևորվում են դեպի Չեմպիոնների Լիգա։

Հատկանշկան է, որ «Լիոնը» (7-րդ տեղ) 1997 թվականից ի վեր առաջին անգամ կմնա առանց եվրագավաթների: Սկետչում «Լիոնի» առաջատարներից Մեմֆիս Դեպայը․․․ դե, արդեն ինքներդ հասկացաք։