Ալյոնա Կոստորնայա — Armsport.am

Կոստորնայան վերադարձել է Էթերի Տուտբերիձեի թիմ

Վարուժան Բաբայան — Mon, 08 Mar 2021 13:08:07 +0000

Գեղասահքի Եվրոպայի չեմպիոն Ալյոնա Կոստորնայան վերադառնում է մարզիչ Էթերի Տուտբերիձեի թիմ։ Այդ մասին հայտարարվել է ռուսական Առաջին ալիքի եթերում:

«Ալյոնա Կոստորնայան կրկին մարզվելու է Էթերի Տուտբերիձեի հետ», — ասել է հաղորդավար Եկատերինա Անդրեևան:

Հիշեցնենք, որ վերջերս հայտնի էր դարձել, որ 2020 թվականի Եվրոպայի չեմպիոն Ալյոնա Կոստորնայան չորեքշաբթի այցելել է «Սամբո -70» մարզական-կրթական կենտրոնի «Խրուստալնի» մասնաճյուղ, РИА Новости-ին հայտնել է իրավիճակին ծանոթ աղբյուրը:

ործակալության տվյալներով՝ մարզիկը եկել էր սահադաշ ՝ քննարկելու Ռուսաստանի վաստակավոր մարզիչ Էթերի Տուտբերիձեի խումբ վերադառնալու հավանականությունը:

Հուլիսին Կոստորնայան Տուտբերիձեի թիմից տեղափոխվեց Եվգենի Պլյուշչենկոյի թիմ: Երբ նրան խնդրել էին մեկնաբանել հնարավոր տեղափոխության մասին տեղեկատվությունը, Կոստորնայան ՌԻԱ Նովոստիին ասել էր, որ ինքը չի քննարկում այս թեման:

ISU Skating Awards․ Հայտնի են գեղասահքի մրցաշրջանի լավագույն նորեկն ու մարզիչը

Վարուժան Բաբայան — Sun, 12 Jul 2020 13:47:00 +0000

Ռուսաստանցի գեղասահքի մարզիչ Էթերի Տուտբերիձեն ճանաչվել է լավագույնը ISU գեղասահքի մրցանակաբաշխության «Լավագույն մարզիչ» անվանակարգում: Մրցանակի համար պայքարում Տուտբերիձեն առաջ է անցել Բրայան Օրսերից և Ռաֆայել Հարությունյանից:

2019/20 մրցաշրջանում Տուտբերիձեի սաները՝ Ալյոնա Կոստորնայան, Աննա Շերբակովան և Ալեքսանդր Տրուսովան հաղթել են Գրան պրիի բոլոր փուլերում:

ISU-ն ռուս գեղասահորդուհի Ալյոնա Կոստորնայային ճանաչել է մրցաշրջանի լավագույն նորեկ: Կոստորնայան իր նորամուտը նշեց մեծահասակների գեղասահքում 2019 թվականին: Մրցաշրջանի ընթացքում նա հաղթեց Գրան պրի սերիայի եզրափակչում և Եվրոպայի առաջնությունը:

Forbes․ Կոստորնայան՝ 30 առավել խոստումնալից ռուսների ցուցակում

Վարուժան Բաբայան — Tue, 19 May 2020 07:44:00 +0000

Forbes-ի ռուսերեն հրատարակությունը կազմել է մինչև 30 տարեկան 30 առավել խոստումնալից ռուսների վարկանիշը: Սպորտի ոլորտից վարկանիշային աղյուսակում ընդգրկվել են գեղասահորդուհի Ալյոնա Կոստորնայան, 23-ամյա լողորդ Անտոն Չուպկովը և 21-ամյա կիբերսպորտսմեն Կիրիլ Boombl4-ը:

«2019/20 մրցաշրջանում Կոստորնայան հաղթել է Գրան պրիի երկու էտապ և եզրափակիչը (ռեկորդային ցուցանիշով), այնուհետև Եվրոպայի առաջնությունը: Չորս հաղթանակները բերեցին Ալյոնային ՝ 82 հազար դոլար մրցանակային գումար: Եթե 2020 թվականի Աշխարհի գավաթը չեղյալ չհայտարարվեր համաճարակի պատճառով, Կոստորնայան կլիներ ոսկե մեդալի հիմնական հավակնորդներից մեկը:

Կոստորնայայի զինանոցը դեռևս քառակի շրջադարձային ցատկ չունի, բայց նա ունի եռակի աքսել, որը կատարում են քիչ թվով գեղասահորդուհիներ, ինչպես նաև նրբագեղ, թեթև գեղասահք, ինչը երիտասարդ գեղասահորդների մոտ ևս հազվադեպ է հանդիպում», — ասվում է Կոստորնայայի նկարագրության մեջ ՝ Forbes-ի կայքում:

Forbes․ Չալովը, Կոստորնայան, Մեդվեդևը՝ 30 ամենախոստումնալից ռուսաստանցիների ցուցակում ընդգրկվելու հավակներդներ

Վարուժան Բաբայան — Fri, 24 Apr 2020 11:18:00 +0000

Forbes ամսագրի ռուսալեզու կայքը հրապարակել է 100 հավակնորդների անունները`10 տարբեր անվանակարգերում մինչև 30 տարեկան առավել խոստումնալից 30 ռուսաստանցիների ցուցակում ընդգրկվելու համար:

«30-ը մինչև 30»-ի ցուցակում ընդգրկված մարզիկների թվում են հոկեյիստ Արտեմիյ Պանարինը, գեղասահորդուհի Ալյոնա Կոստորնայան, թենիսիստ Դանիլ Մեդվեդևը, լողորդ Անտոն Չուպկովը, բռնցքամարտիկ Դմիտրի Բիվոլը, հեռացատկորդուհի Անժելիկա Սիդորովան, ԲԿՄԱ-ի հարձակվող Ֆեդոր Չալովը, Ռուսաստանի հավաքականի բասկետբոլիստուհի Մարիա Վադեևան և կիբերսպորտսմեններ Մարկ Դանիլովը (Ֆորտնիտ) և Կիրիլ Միխայլովը (CS:GO):

Կոստորնայան Եվրոպայի չեմպիոն է և «Գրան պրի» սերիայի եզրափակչի հաղթող: 28-ամյա Պանարինը NHL-ում ամենաբարձր վարձատրվող ռուս հոկեյիստն է: 24-ամյա Մեդվեդևը US Open-ի եզրափակչի մասնակից է և ATP յոթ մրցաշարերի հաղթող է:

Զագիտովայից սովորեցի զսպել իմ հույզերը․ Կոստորնայա

Վարուժան Բաբայան — Fri, 24 Apr 2020 09:47:00 +0000

Ռուսաստանցի գեղասահորդուհի Ալյոնա Կոստորնայան նկարագրել է իր գործընկերներ Ալեքսանդրա Տրուսովային, Աննա Շչերբակովային և Ալինա Զագիտովային:

«Սկսենք Սաշայից: Նա անսասան է: Աննան իսկական մտավորական է: Ալինան անկոտրում է։ Ինչ էլ որ լինի, ոչինի չի կարող կոտրել նրան։ Ինչպես իր ցուցադրական ելույթը Survivor-ում:

Աննայից ես երբեմն վարվեցողության կանոններ եմ սովորում: Քանի որ ոչ բոլորն են սիրում իմ ոճը, նրանք համարում են այն շատ գռեհիկ: Երբեմն հարցազրույցում իմ խոսքերի համար քննադատվում եմ երկրպագուների կողմից, Աննան ավելի ճշգրիտ է խոսում այս առումով:

Ալինայից սովորեցի զսպել իմ հույզերը: Կան դեպքեր, երբ դրանք պետք է ցուցադրվեն, և կան դեպքեր, երբ ավելի լավ է դրանք թաքցնել: Եվ ես դեռ սովորում եմ այդ շեմը պահպանել», — մեջբերում է Կոստորնայային Business Online-ը։

Կարծում եմ՝ Կոստորնայան կամ Ռիկա Կիհիրան կհաղթեին աշխարհի առաջնությունում․ Ռադիոնովա

Վարուժան Բաբայան — Tue, 21 Apr 2020 10:55:00 +0000

Գեղասահքի 2015 թվականի աշխարհի առաջնության բրոնզե մեդալակիր Ելենա Ռադիոնովան իր կարծիքն է հայտնել այն մասին, թե ո՞վ կարող էր առավելագույն հույս ունենալ Մոնրեալի 2020 թվականի աշխարհի առաջնության խաղարկության հաղթանակին, որը չեղարկվեց կորոնավիրուսի պանդեմիայի պատճառով:

«Կարծում եմ՝ Կոստորնայան կամ Ռիկա Կիհիրան: Բայց կա Անյա Շչերբակովան, ով լուռ անցնում է բոլորի հետևից և կրակում է ամենաբարդ մեկնարկում՝ երկու անգամ անընդմեջ հաղթելով Ռուսաստանի առաջնությունում: Սովորաբար մենք հաջողություն են ակնկալում Տրուսովայից՝ իր անհավանական կոնտենտով: Կա Շչերբակովան, նա նույնպես կարող էր մրցել Աշխարհի առաջնության ոսկու համար: Եվ եթե Տրուսովան կարողանա հաղթել իր ազատ ծրագրով, ապա զուտ մաթեմատիկորեն նա լավագույնը կլիներ: Եվ, իհարկե, ճապոնուհի Կիհիրան, ով կարող էր բոլորին հաղթել», — Ռադիոնովայի խոսքերն է մեջբերում РИА Новости-ն։

Հայտնի է Ռուսաստանի տարվա լավագույն մարզիկը

Վարուժան Բաբայան — Tue, 18 Feb 2020 13:18:00 +0000

Մոսկվայում տեղի է ունեցել «Արծաթե եղնիկ» մրցանակաբաշխությունը, ոտեղ որոշվել են մարզական աշխարհի տարվա լավագույններից լավագույնները,հայտնում է ТАСС-ը:

2019-ի վերջին մրցանակներ ստացան երկրի լավագույն 10 մարզիկները որոնք հայտարարվել էին դեռ դեկտեմբերին: «Տարվա լավագույն մարզիկ» անվանակարգում հաղթեց գեղասահորդուհի Ալյոնա Կոստորնայան, ով վերջերս իր նորամուտը նշեց մեծահասակների մրցաշարերում՝ դառնալով գեղասահքի Եվրոպայի չեմպիոն:

Տարվա 10 լավագույն մարզիկների ցանկում է եղել նաև մարմնամարզիկ Արթուր Դալալոյանը։

Հիշեցնենք, որ տարվա «Լավագույն մարզիչ» է ճանաչվել «Լոկոմոտիվ» ֆուտբոլային ակումբի գլխավոր մարզիչ Յուրի Սյոմինը:

Գեղասահքի Գրան պրի. Կոստորնայան հաղթեց կարճ ծրագրում` համաշխարհային ռեկորդով (🎥)

Վարուժան Բաբայան — Sat, 07 Dec 2019 09:48:55 +0000

Ռուս գեղասահորդուհի Ալյոնա Կոստորնայան Իտալիայում անցկացվող Գրան պրիի եզրափակչում կանանց մրցաշարում հաղթեց կարճ ծրագիրը: Կոստորնայան հավաքեց 85,45 միավոր՝ սահմանելով համաշխարհային ռեկորդ:

Կարճ ծրագրում երկրորդը Ալինա Զագիտովան էր (79,60): Երրորդը Աննա Շչերբակովան է (78,27):

Գրան պրիի եզրափակիչ

Կանայք, կարճ ծրագիր

Ալենա Կոստորնայա (Ռուսաստան) — 85.45
Ալինա Զագիտովա (Ռուսաստան) — 79.60
Աննա Շչերբակովա (Ռուսաստան) — 78.27