Կանանց գեղասահքի օլիմպիական չեմպիոն Ալինա Zագիտովան ՝ Էսմերալդայի կերպարով, ելույթ ունեցավ մարզիչ Ալեքսեյ Միշինի 80-ամյակի առթիվ կայացած շոուում:

Ռուս գեղասահորդուհի Ելիզավետա Տուկտամիշեւան իր մարզիչ Ալեքսեյ Միշինի 80-ամյակի առթիվ կայացած շոուի ժամանակ ներկայացրեց Դիանա Արբենինայի «Մեկ վայրկյան առաջ» երգով բեմադրված նոր ծրագիրը: Ծրագիրը բեմադրել է Իլյա Ավերբուխը:

У Лизы Туктамышевой номер под Диану Арбенину💥💥💥 pic.twitter.com/yBnyGO9tSw

— Лесик Константин (@kostyalesik) March 6, 2021

2018-ին գեղասահքի օլիմպիական չեմպիոն Ալինա Զագիտովան ընդգրկվել է Ռուսաստանի տարվա ամենաշատ հիշատակված կանանց տասնյակի վարկանիշային աղյուսակը, որը կազմել է Medialogia ընկերությունը:

Ուսումնառության ժամանակահատվածը ՝ 2020 մարտ — 2021 մարտ: Ընկերության կայքում հրապարակված վարկանիշում Զագիտովան 698 873 մեդիաինդեքսով զբաղեցնում է տասներորդ տեղը: Վարկանիշում են նաև գեղասահորդուհիներ Ալեքսանդրա Տրուսովան (479,254; 14-րդ տեղ), Եվգենիա Մեդվեդևան (462,979; 15-րդ տեղ) և Ալյոնա Կոստորնայան (439,529; 18-րդ տեղ):

Վարկանիշի առաջին երեք տեղերը, համապատասխանաբար, զբաղեցնում են Ռոսպոտրեբնադզորի ղեկավար Աննա Պոպովան (2,233,058), ՌԴ ԱԳՆ պաշտոնական ներկայացուցիչ Մարիա Զախարովան (2,062,925) և Ռուսաստանի Դաշնության փոխվարչապետ Տատյանա Գոլիկովան (1,840,453)։

2021 թվականի գեղասահքի գլխավոր մեկնարկը (մինչ այժմ) «Առաջին ալիքի գավաթի» թիմային մրցաշարն է։ Վերջապես, հայտնի են դարձել մրցաշարի բոլոր մանրամասները: Կարծես թե՝ մեզ սպասվում է սուպեր շոու:

Օրերս Ռուսաստանի գեղասահքի ֆեդերացիան իր պաշտոնական կայքում հայտարարել է Մոսկվայում անցկացվող թիմային մրցաշարի մասին: Նշենք, որ թիմերի ավագները կլինեն ռուս գեղասահորդներ Ալինա Զագիտովան և Եվգենիա Մեդվեդևան: Մրցաշարի մրցանակային ֆոնդը կկազմի 10 միլիոն ռուբլի։

Մրցաշարը կկայանա փետրվարի 5-7-ը Մոսկվայի «Մեգասպորտ» -ում `երկրի հիմնական սառցե ասպարեզում, որն աշնանը հյուրընկալեց Գրան Պրին և Ռուսաստանի գավաթի խաղարկության փուլերը: Հանդիսատեսին թույլատրվում է տրիբունայում ներկա լինել. որքա՞ն հանդիսատես կլինի, դեռ պարզ չէ: Սա չնախատեսված մրցաշար է. այն չի եղել գեցասահքի օրացույցի նախագծում:

Մրցաշարին կմասնակցեն, ըստ էության (բայց ոչ հստակ), Ռուսաստանի առաջնության լավագույն 6 գեղասահորդները, Եվրոպայի գործող չեմպիոնները (այս տարի մրցաշարը չեղյալ հայտարարվեց)։

Օրինակ՝ մրցաշարին կմասնակցեն Ալեքսանդրա Բոյկովա/Դմիտրի Կոզլովսկի զույգը, հանրահայտ գեղասահորդուհի Ելիզավետա Տուկտամիշևան, ինչպես նաև Եվրոպայի գործող չեմպիոն Ալյոնա Կոստորնայան։ Չնայած վերջինս ընդգրկված է մասնակցների ցուցակում, սակայն կա հնարավորություն, որ նա չի մասնակցի մրցաշարին։ Նա հայտնել էր, որ այս մրցաշարի համար պատրաստի ծրագիր չունի։

Մասնակիցները բաժանվելու են երկու թիմերի, որոնք կգլխավորեն Եվգենիա Մեդվեդևան և Ալինա Զագիտովան: Ռուսաստանի Գեղասահքի ֆեդերացիայի գլխավոր տնօրեն Ալեքսանդր Կոգանն ասել է, որ մրցաշարային ​​ծրագրերով ավագները սառույց դուրս չեն գա․ «Ըստ կանոնակարգի, նրանք չեն մրցելու, բայց դա չի բացառում նրանց հայտնվելը սառույցի վրա: Նրանք կատարելու են տարբեր համարներ»:

Թիմերի կազմերի վիճակահանությունը կկայանա փետրվարի 5-ին: Այդ ժամանակ յուրաքանչյուր թիմ իր համար անուն կընտրի և կնախապատրաստի որևէ ընդհանուր ծրագիր. տեսականորեն սա Ժենյայի և Ալինայի համար սառույցի վրա հայտնվելու հնարավորություն է:

Փետրվարի 6-ին մասնակիցները կներկայացնեն իրենց կարճ ծրագրերը, իսկ 7-ին՝ ազատ ծրագրերը։ Ընդհանուր առմամբ՝ դասական սխեմա, մրցավարություն ըստ ISU համակարգի, և նաև պայքար հանդիսատեսի մրցանակի համար (քվեարկությունը կլինի ռուսական Առաջին ալիքի եթերում)։

«Կարծում եմ, որ մենք, բնականաբար, կխոսենք միմյանց հետ, շփվելու ենք, զվարճանալու ենք: Անձամբ ես թիմում այսպիսի մթնոլորտ կստեղծեմ՝ ամեն ինչ կարգին է, հիմա մենք ամեն ինչ կանենք Կարծում եմ ՝ ոչ ոք չի նյարդայնանա: Մարզիկները և բացարձակապես բոլորը ուրախ կլինեն, որ հանդիսատեսը ներկա կլինի: Դա աշխույժ մթնոլորտ է ստեղծում, շատ հույզեր»,— ասել է Զագիտովան։

⛸ Թիմերի ավագները

Ալինա Զագիտովան ռուսաստանցի գեղասահորդուհի է, ով հանդես է գալիս մենասահքում: 2018-ի օլիմպիական չեմպիոն է, աշխարհի չեմպիոն 2019-ին և Եվրոպայի չեմպիոն՝ 2018-ին, Գրան Պրիի եզրափակչի հաղթող (2017), Ռուսաստանի չեմպիոն (2018), 2018-ի Օլիմպիական խաղերի արծաթե մեդալակիր թիմային մրցումներում, Եվրոպայի առաջնության արծաթե մեդալակիր (2019)։ 2019թ Զագիտովան հաղթել է Glamour ամսագրի «Տարվա մարզիկ» անվանակարգում: Նույն տարվա դեկտեմբերի 13-ին ռուս գեղասահորդուհին հայտարարեց, որ ընդմիջում է վերցնում իր կարիերայում, բայց միևնույն ժամանակ նա կշարունակի մարզվել: Զագիտովան գեղասահքի սիրահարների շրջանում վայելում է մեծ հեղինակություն և պատահական չէ, որ սոցալական ցանցերում նա ամենաշատ հետևորդ ունեցող ռուս գեղասահորդուհին է։

Եվգենիա Մեդվեդևան սոցիալական մեդիայի տիրույթում համարվում է Զագիտովայի գլխավոր մրցակիցը։ Նրանց «մրցակցությունը» կարելի է ասել նույնն է, ինչ ֆուտբոլում Մեսսի-Ռոնալդու մրցակցությունը, չնայած վերջին երկու տարիներին թե Ալինան, թե Ժենյան ուժեղագույնները չեն գեղասահքում։ Եվգենիան արմատներով հայ է․ նրա հայրը Արման Բաբասյանն է, հայ գործարար, նախկինում նկարիչ, մայրը՝ Ժաննա Մեդվեդևան, նախկին գեղասահորդուհի է։ Ժենյան 2018-ի օլիմպիական խաղերի կրկնակի փոխչեմպիոն է (մենասահք և թիմային մրցումներ), աշխարհի կրկնակի չեմպիոն (2016, 2017), աշխարհի առաջնության բրոնզե մեդալակիր (2019), Եվրոպայի կրկնակի չեմպիոն (2016, 2017), Եվրոպայի առաջնության արծաթե մեդալակիր (2018), Ռուսաստանի կրկնակի չեմպիոն (2016, 2017), Ռուսաստանի առաջնության բրոնզե մեդալակիր (2015), Գրան Պրիի եզրափակիչների կրկնակի հաղթող (2015, 2016): Աշխարհի թիմային առաջնության արծաթե մեդալակիր (2017) է և Շանհայի մրցաշարի 2019 թ. հաղթող, 2019 թ. Ռուսաստանի գավաթի եզրափակչի դափնեկիր:

Ներկայիս պայմաններում, երբ չեղարկվել են գրեթե բոլոր խոշոր միջազգային մրցաշարերը, այս դուելը խոստանում է լինում թերևս ամենահետաքրքիրը գեղասահքի աշխարհում․․․ և հուսանք՝ ոչ վերջինը․․․

Վայելեք այս գեղեցիկ մրցակցությունը, առողջ եղեք )))

Վար Բաբայան

Ռուսաստանի քաղաքացիները երկրի ամենահայտնի մարզիկ են ընտրել թեթև քաշային կարգում UFC-ի չեմպիոն Խաբիբ Նուրմագամեդովին: 

Հասարակական կարծիքի ուսումնասիրման համառուսական կենտրոնը տեղեկացնում է, որ քվեարկության արդյունքում Խաբիբը ստացել է ձայների 10 տոկոսը: Նրան հաջորդում է «Զենիթի» և Ռուսաստանի հավաքականի հարձակվող Արտյոմ Ձյուբան (8%):

Լավագույն հնգյակում են նաև թենիսիստ Դանիլ Մեդվեդևը, հոկեյիստ Ալեքսանդր Օվեչկինը և գեղասահորդ Ալինա Զագիտովան: Նրանք 2-ական տոկոս են հավաքել:

Հիշեցնենք, որ 32-ամյա Խաբիբը այս տարի հայտարարեց կարիերան ավարտելու մասին:

Օլիմպիական չեմպիոն Ալինա Զագիտովային գեղասահքի երկրպագուները կկարողանան տեսնել կինոէկրաններին: Մարզուհին կխաղա «Պալմա» դրամայի ճապոնական տարբերակում։

Ֆիլմի հիմքում գլխավոր հերոսի պատմությունն է, ով ստիպված է եղել Պալմա անվամբ իր շանը թողնել օդանավակայանում։ Երկու տարի նվիրյալ չորքոտանի ընկերը սպասել է տիրոջը՝ այդ ընթացքում դառնալով տարբեր, հետաքրքրաշարժ իրադարձությունների և արկածների մասնակից։

Ճապոնական կինոարտադրողներին դուր է եկել սցենարը, և նրանք որոշել են նկարահանել «Պալմա» ֆիլմի իրենց տարբերակը։ Դրանում կհայտնվի նաև հայտնի գեղասահորդուհին ՝ Մասարու անվամբ իր շան հետ։ Ի դեպ, մարզուհու քառոտանի ընկերը Ճապոնիայի վարչապետ Սինձո Աբեի նվերն է ՝ ի պատիվ 2018-ի Օլիմպիական խաղերում Ալինայի հաղթանակի:

Զագիտովան Ռուսաստանի սպորտի վաստակավոր վարպետ է, Օլիմպիական չեմպիոն՝ 2018 թվականի անհատական մրցումներում, արծաթե մեդալակիր՝ թիմային մրցումներում, 2018 թվականին՝ Եվրոպայի չեմպիոն:

Գեղասահքի օլիմպիական չեմպիոն Ալինա Զագիտովան անցած տարվա ընթացքում վաստակել է 1,1 միլիոն դոլար, հայտնում է Forbes-ը: Նրա եկամուտները բաղկացած են մրցաշարերի մրցանակային գումարներից, Ռուսաստանի հավաքականում նրա աշխատավարձից, սառցե շոուներին մասնակցելու վճարներից և հովանավորչական պայմանագրերից:

Երկրորդ տարին անընդմեջ Զագիտովան ընդգրկվել է Forbes-ի «40-ը մինչև 40» ամենահաջողակ աստղերի վարկանիշում (40 տարեկանից ցածր շոու բիզնեսի և սպորտի լավագույն 40 աստղերը): 18-ամյա գեղասահորդուհին այս ցանկում ամենաերիտասարդն էր:

Հրապարակման համաձայն, Ճապոնիայում և Ֆրանսիայում Գրան պրի սերիայի փուլերում Զագիտովան վաստակել է 25 հազար դոլար երկրորդ և երրորդ տեղերի համար: Մարզիկը ստանում է նաև աշխատավարձ և նախագահական կրթաթոշակ Ռուսաստանի գեղասահքի ֆեդերացիայից՝ ամսական առնվազն 72 հազար ռուբլի:

«Քնած Գեղեցկուհին. Երկու թագավորությունների լեգենդը» սառցե շոուն բերեց Զագիտովային ավելի քան 8 միլիոն ռուբլի: Նա գլխավոր դերն է խաղացել այս շոուի մեջ և անցկացրել է 22 ներկայացում:

Ըստ Forbes-ի, արտասահմանյան սառցե շոուներին մասնակցելու համար Զագիտովան ստանում է առնվազն 10 հազար դոլար, իսկ նախորդ մրցաշրջանում նա անցկացրել է 20 նման ներկայացում:

Աշխարհի գավաթի խաղարկության կրկնակի բրոնզե մեդալակիր և Եվրոպայի կրկնակի չեմպիոն Յուկո Կավագուչին կարծում է, որ 2018 թվականի Օլիմպիական խաղերի հաղթող Ալինա Զագիտովան հնարավոր է չկարողանա գտնել սահադաշտ վերադառնալու մոտիվացիա:

«Զագիտովան շատ հայտնի է Ճապոնիայում: Բազմաթիվ գովազդներ, և նա մասնակցում է ոչ միայն շատ շոուների, այլև նույնիսկ հեռուստատեսային հաղորդումների: Եվ նա նաև գեղեցկուհի է:

Դժվար է ասել՝ կվերադառնա՞ նա արդյոք, ես Զագիտովան չեմ: Բայց, ըստ էության, նրան էլ ի՞նչ է պետք: Նա ունի ամեն ինչ: Ամեն ինչի հասել է գեղասահքում: Բայց մյուս կողմից, եթե նա ուզում է վերադառնալ, ինչո՞ւ և ոչ: Թե ինչը կլինի նրա մոտիվացիան, ես այնքան էլ չեմ հասկանում: Եթե ​​նա գտնի այն, ավելի լավ:

Համաձայն եմ, ցավալի է, երբ մարզիկները հեռանում են սպորտից երիտասարդ հասակում: Բայց սա երկրորդ կյանք սկսելու հնարավորություն է: Կարող եք հեռու մնալ գեղասահքից, աշխատել այնտեղ, որտեղ ցանկանում եք։ Նախկինում շատ գեղասահորդներ երկար էին մնում գեղասահքում, օրինակ ներկա պահին Տուկտամիշևան դեռ սահում է, բայց երբ աղջիկները այժմ քառակի պտույտ են անում, արդեն դժվար է մրցակցել», — Կավագուչիի խոսքերն է մեջբերում «Спорт-Экспресс»-ը:

Ռուս գեղասահորդուհին դադարեցրել է իր մարզական կարիերան 2019-ի դեկտեմբերին: Սակայն վերջերս նա ընդգրկվել է հավաքականի կազմում 2020/21 մրցաշրջանի համար և պատրաստվում է վերսկսել կարիերան:

Գեղասահքի օլիմպիական չեմպիոն Ալինա Զագիտովայի COVID-19-ի թեսթերի պատասխանը բացասական է եղել: Այս մասին հաղորդում է ТАСС-ը:

«Թեստը բացասական է, ամեն ինչ կարգին է»,- գրել է ТАСС-ը:

Այժմ 18-ամյա գեղասահորդուհին կարող է մարզումներն սկսել Նովոգորսկի բազայում, որտեղ մարզվում են Էթերի Տոտբերիձեի մարզիկները:

Զագիտովան դադարեցրել է իր կարիերան՝ հայտարարելով դրա մասին 2019 թվականի դեկտեմբերին:

Ավելի ուշ գեղասահորդուհին վերսկսեց մարզումները և նոր մրցաշրջանում ընդգրկվել է Ռուսաստանի հավաքականի կազմում:

Ռուսաստանի գեղասահքի ֆեդերացիայի պատվավոր նախագահ Վալենտին Պիսեևը ասել է, որ Ալինա Զագիտովան և Եվգենիա Մեդվեդևան կընդգրկվեն ազգային հավաքականում`2020/21 մրցաշրջանում:

«Հիմնական կազմում անակնկալներ չկան, դրանում, իհարկե, կընդգրկվեն Զագիտովան, Մեդվեդևան, Տուկտամիշևան, ինչպես նաև մյուս երիտասարդ աղջիկները, ովքեր արդարացրել էին իրենց», — մեջբերում է Պիսեևին РИА Новости-ն:

Նա հստակեցրեց, որ ֆեդերացիայի գործադիր կոմիտեի նիստը տեղի կունենա մայիսին: Կքննարկվեն անցյալ մրցաշրջանի արդյունքները, ինչպես նաև կքննարկվի նոր օրացույցը և հավաքականի կազմը:

«Ինչպե՞ս կարելի է չընդգրկել Զագիտովային հավաքականի կազմում: Նա մեր ուժեղագույն գեղասահորդուհիներից մեկն է», — եզրափակել է իր խոսքը Պիսեևը:

Ռուսաստանցի գեղասահորդուհի Ալյոնա Կոստորնայան նկարագրել է իր գործընկերներ Ալեքսանդրա Տրուսովային, Աննա Շչերբակովային և Ալինա Զագիտովային:

«Սկսենք Սաշայից: Նա անսասան է: Աննան իսկական մտավորական է: Ալինան անկոտրում է։ Ինչ էլ որ լինի, ոչինի չի կարող կոտրել նրան։ Ինչպես իր ցուցադրական ելույթը Survivor-ում:

Աննայից ես երբեմն վարվեցողության կանոններ եմ սովորում: Քանի որ ոչ բոլորն են սիրում իմ ոճը, նրանք համարում են այն շատ գռեհիկ: Երբեմն հարցազրույցում իմ խոսքերի համար քննադատվում եմ երկրպագուների կողմից, Աննան ավելի ճշգրիտ է խոսում այս առումով:

Ալինայից սովորեցի զսպել իմ հույզերը: Կան դեպքեր, երբ դրանք պետք է ցուցադրվեն, և կան դեպքեր, երբ ավելի լավ է դրանք թաքցնել: Եվ ես դեռ սովորում եմ այդ շեմը պահպանել», — մեջբերում է Կոստորնայային Business Online-ը։