Ալեքսիս Մակ Ալիստեր — Armsport.am

Չավին նշել է ներկայիս այն երեք ֆուտբոլիստների անունները, որոնք խաղաոճով նման են իրեն

Suren Sahakyan — Mon, 27 Apr 2026 20:15:39 +0000

«Բարսելոնայի» նախկին լեգենդար ֆուտբոլիստ և գլխավոր մարզիչ Չավի Էռնանդեսը նշել է, թե ժամանակակից ֆուտբոլիստներից ովքեր են իրեն հիշեցնում սեփական խաղաոճը։

Սպասելի էր, որ նախկին կիսապաշտպանն առաջին հերթին կառանձնացնի «կապտանռնագույնների» ներկայիս աստղ Պեդրիին, սակայն նրա ցուցակում տեղ են գտել նաև անգլիական «Լիվերպուլի» արգենտինացի կիսապաշտպան Ալեքսիս Մակ Ալիստերը և ֆրանսիական ՊՍԺ-ի պորտուգալացի ֆուտբոլիստ Վիտինյան։

«Պեդրին, Մակ Ալիստերը և Վիտինյան ամենաշատն են ինձ հիշեցնում ինքս ինձ։ Նրանք հիանալի են հասկանում խաղը։ Նրանց յուրաքանչյուր փոխանցում գիտակցված գործողություն է, և փոխանցման պահին նրանք արդեն մտածում են, թե ինչ են անելու հաջորդիվ։ Դրանք պարզապես փոխանցումներ չեն հանուն փոխանցման», — նշել է Չավին Ռոմարիոյին տված հարցազրույցում։

Հիշեցնենք, որ իսպանացին ֆուտբոլիստի պրոֆեսիոնալ կարիերան ավարտել է 2019 թվականին։ Իսկ «Բարսելոնայի» գլխավոր մարզչի պաշտոնը նա լքել է երկու տարի առաջ՝ 2024 թվականի մայիսին։

Լիվերպուլը պատրաստ է աստղային փոխանակում առաջարկել Մադրիդի Ռեալին. հայտնի են մանրամասները

Suren Sahakyan — Sun, 08 Feb 2026 10:15:38 +0000

«Լիվերպուլը» կարող է Մադրիդի «Ռեալին» առաջարկել խոշոր փոխանակման գործարք, որի շրջանակում անգլիական ակումբի կիսապաշտպան Ալեքսիս Մակ Ալիստերը կտեղափոխվի «Սանտյագո Բեռնաբեու», իսկ նրան «Էնֆիլդում» կփոխարինի «սերուցքայինների» հենակետային Օրելյեն Չուամենին։ Այս մասին հայտնում է TEAMtalk-ը։

Մադրիդյան գրանդը ուշադրությամբ հետևում է արգենտինացու կարիերային և նրան դիտարկում որպես միջին օղակի ուժեղացման տարբերակ՝ չնայած ընթացիկ մրցաշրջանում նրա ելույթների որոշակի անկայունությանը։

Մյուս կողմից, Չուամենին վաղուց է գտնվում մերսիսայդցիների տրանսֆերային դիտակետում, սակայն ֆրանսիացի ֆուտբոլիստը ցանկություն չունի լքել «Արքայական ակումբը»։ Աղբյուրը նաև հավելում է, որ գործարքի կայացման դեպքում «Լիվերպուլը» ստիպված կլինի հավելավճար կատարել։

Հիշեցնենք, որ երկու ֆուտբոլիստների գործող պայմանագրերն իրենց ներկայիս ակումբների հետ նախատեսված են մինչև 2028 թվականի հունիսի 30-ը։

Չեմպիոնների լիգա․ հայտնի է շաբաթվա լավագույն խաղացողը

Suren Sahakyan — Thu, 29 Jan 2026 16:38:23 +0000

Երեկ՝ հունվարի 28-ին, կայացան Չեմպիոնների լիգայի խաղարկության լիգայի փուլի վերջին՝ 8-րդ տուրի հանդիպումները։

ՈւԵՖԱ-ի պաշտոնական կայքում ավարտվել է մրցաշարի շաբաթվա լավագույն ֆուտբոլիստի քվեարկությունը։ Հաղթող է ճանաչվել Լիսաբոնի «Բենֆիկայի» նորվեգացի եզրային հարձակվող Անդրեաս Շյոլդերուպը։

21-ամյա ֆուտբոլիստը երկու գոլ է խփել Մադրիդի «Ռեալի» դեմ խաղում։ Լիսաբոնյան ակումբը հաղթել է 4:2 հաշվով, իսկ «սերուցքայինները» չեն կարողացել լիգայի փուլն ավարտել լավագույն ութնյակում։

Քվեարկության արդյունքում Շյոլդերուպը գերազանցել է «Չելսիի» հարձակվող Ժոաու Պեդրուին (դուբլ՝ «Նապոլիի» դեմ խաղում՝ 3-2), «Բայերի» կիսապաշտպան Մալիկ Թիլմանին (դուբլ՝ «Վիլյառեալի» դեմ խաղում՝ 3-0) և «Լիվերպուլի» կիսապաշտպան Ալեքսիս Մակ Ալիստերին (դուբլ՝ «Քարաբաղի» դեմ խաղում՝ 6-0)։

1st: Andreas Schjelderup
2nd: João Pedro
3rd: Malik Tillman
4th: Alexis Mac Allister

Schjelderup wins Player of the Week 🏆@PlayStationEU | #UCLPOTW pic.twitter.com/X3FS6kpEyS

— UEFA Champions League (@ChampionsLeague) January 29, 2026

Լիվերպուլի ֆուտբոլիստը չի ցանկանում տեղափոխվել Մադրիդի Ռեալ

Suren Sahakyan — Sat, 08 Nov 2025 17:45:14 +0000

«Լիվերպուլի» արգենտինացի կիսապաշտպան Ալեքսիս Մակ Ալիստերը լիովին գոհ է մերսիսայդյան ակումբում ունեցած իր դերից և մոտ ապագայում չի պատրաստվում փոխել ակումբային գրանցումը։ Այս մասին հայտնում է Football Insider-ը։

Աղբյուրի տեղեկություններով՝ աշխարհի չեմպիոնը մոտ ժամանակներս չի նախատեսում լքել «Լիվերպուլը», չնայած Մադրիդի «Ռեալի» կողմից եղած լուրջ հետաքրքրությանը։ Ավելի վաղ հաղորդվել էր, որ «սերուցքայինները» հունվարին կփորձեն ձեռք բերել 26-ամյա կիսապաշտպանին։

Ընթացիկ մրցաշրջանում Մակ Ալիստերը «Լիվերպուլի» կազմում անցկացրել է 15 խաղ, խփել 1 գոլ և կատարել 2 գոլային փոխանցում։ Ֆուտբոլիստի գործող պայմանագրի ժամկետը ակումբի հետ նախատեսված է մինչև 2028 թվականը։Transfermarkt-ը արգենտինացու տրանսֆերային արժեքը գնահատում է 100 միլիոն եվրո։

📷 ՉԼ․ Շաբաթվա խորհրդանշական հավաքականը

Suren Sahakyan — Thu, 06 Nov 2025 18:40:47 +0000

ՈւԵՖԱ-ն ներկայացրել է Չեմպիոնների լիգայի 2025/26 մրցաշրջանի լիգայի փուլի չորրորդ տուրի հանդիպումների խորհրդանշական հավաքականը։

Լիգայի փուլի հինգերորդ տուրի հանդիպումները նախատեսված են նոյեմբերի 25-ին և 26-ին։

Սթիվեն Ջերարդը նշել է ժամանակակից ֆուտբոլի երեք լավագույն կիսապաշտպաններին

Suren Sahakyan — Sun, 24 Aug 2025 15:15:49 +0000

«Լիվերպուլի» և Անգլիայի հավաքականի լեգենդ Սթիվեն Ջերարդը անվանել է ժամանակակից ֆուտբոլի երեք լավագույն կիսապաշտպաններին։ Նա առանձնացրել է Պրեմիեր լիգայի երկու և Լիգա 1-ի մեկ խաղացողի։

«Ովքե՞ր են ներկայիս ֆուտբոլի երեք լավագույն կիսապաշտպանները։ Ռոդրի, Ալեքսիս Մակալիստեր և Վիտինյա»,- Ջերարդի խոսքերն է մեջբերում ESPN-ը։

Ավելի վաղ անգլիացին նշել էր պատմության լավագույն խաղացողին․ ընտրություն կատարելով Լիոնել Մեսսիի և Կրիշտիանու Ռոնալդուի միջև՝ ի վերջո Ջերարդի ընտրությունը կանգ էր առել արգենտինացու վրա։

Ballon d’Or 2025․ Ոսկե գնդակի 30 հավակնորդները

Suren Sahakyan — Thu, 07 Aug 2025 13:34:53 +0000

France Football հեղինակավոր ամսագիրը հրապարակել է 2024/25 մրցաշրջանի տարվա լավագույն ֆուտբոլիստի մրցանակի հավակնորդների ցուցակը։

2025 թվականի «Ոսկե գնդակ» մրցանակի համար առաջադրվել են հետևյալ ֆուտբոլիստները․

Լամին Յամալ – «Բարսելոնա»
Ջանլուիջի Դոնարումա – ՊՍԺ
Ուսման Դեմբելե – ՊՍԺ
Ջուդ Բելինգհեմ – «Ռեալ Մադրիդ»
Դեսիրե Դուե – ՊՍԺ
Դենզել Դումֆրիս – «Ինտեր»
Սերու Գիրասի – Դորտմունդի «Բորուսիա»
Էրլինգ Հալանդ – «Մանչեսթեր Սիթի»
Հարի Քեյն – «Բավարիա»
Վիկտոր Գյոկերեշ – «Արսենալ»
Աշրաֆ Հակիմի – ՊՍԺ
Խվիչա Կվարացխելիա – ՊՍԺ
Ռոբերտ Լևանդովսկի – «Բարսելոնա»
Ալեքսիս Մակ Ալիստեր – «Լիվերպուլ»
Լաուտարո Մարտինես – «Ինտեր»
Սքոթ Մաքթոմինեյ – «Նապոլի»
Կիլիան Մբապե – «Ռեալ Մադրիդ»
Ժոաու Նևեշ – ՊՍԺ
Նունու Մենդեշ – ՊՍԺ
Մայքլ Օլիսե – «Բավարիա»
Քոուլ Պալմեր – «Չելսի»
Պեդրի – «Բարսելոնա»
Ֆաբիան Ռուիզ – ՊՍԺ
Դեկլան Ռայս – «Արսենալ»
Ռաֆինյա – «Բարսելոնա»
Վիջիլ վան Դայկ – «Լիվերպուլ»
Մոհամեդ Սալահ – «Լիվերպուլ»
Վինիսիուս Ժունիոր – «Ռեալ Մադրիդ»
Վիտինյա – ՊՍԺ
Ֆլորիան Վիրց – «Լիվերպուլ»

2025 թվականի «Ոսկե գնդակի» հանձնման արարողությունը կկայանա սեպտեմբերի 22-ին՝ Փարիզի Շատլե թատրոնում։

Հիշեցնենք, որ նախորդ մրցաշրջանում Ոսկե գնդակը նվաճել էր «Մանչեսթեր Սիթիի» իսպանացի կիսապաշտպան Ռոդրին։

Ալոնսոն Ռեալին խնդրել է ձեռք բերել Լիվերպուլի աստղին․ գործարքը կարող է կազմել 90 միլիոն եվրո

Suren Sahakyan — Mon, 19 May 2025 20:30:56 +0000

«Լիվերպուլի» արգենտինացի կիսապաշտպան Ալեքսիս Մակ Ալիստերը կարող է կարիերան շարունակել «Ռեալ Մադրիդում»։ Այս մասին հայտնում է Football Insider-ը։

Աղբյուրի տեղեկություններով՝ «սերուցքայինների» ապագա գլխավոր մարզիչ Խաբի Ալոնսոն պատրաստվում է օգտագործել իր կապերը «Լիվերպուլի» հետ՝ Մակ Ալիստերի տրանսֆերն ապահովելու համար։

26-ամյա արգենտինացին ընթացիկ մրցաշրջանում մասնակցել է 49 հանդիպման բոլոր մրցաշարերում, խփել է 7 գոլ և կատարել 6 գոլային փոխանցում։

Մակ Ալիստերի գործող պայմանագրի ժամկետը «Լիվերպուլի» հետ նախատեսված է մինչև 2028 թվականը։ Transfermarkt-ի տվյալներով՝ ֆուտբոլիստի տրանսֆերային արժեքը գնահատվում է 90 միլիոն եվրո։

100 միլիոն եվրո և նա կլինի ձերը․ Լիվերպուլը դեմ չէ իր աստղին վաճառել Ռեալին

Suren Sahakyan — Wed, 30 Apr 2025 10:25:41 +0000

Մադրիդի «Ռեալը» շարունակում է լրջորեն հետաքրքրվել «Լիվերպուլի» արգենտինացի կիսապաշտպան Ալեքսիս Մակ Ալիստերի ծառայություններով։ Այս մասին հայտնում է Defensa Central-ը։

Աղբյուրի փոխանցմամբ՝ մերսիսայդցիները պատրաստ են բաց թողնել արգենտինացի ֆուտբոլիստին, եթե ստանան 100 միլիոն եվրոյի առաջարկ։ Նշվում է, որ «սերուցքայինները» բարձր են գնահատում Մակ Ալիստերի խաղային որակները, սակայն պահանջվող գումարը համարում են չափազանց բարձր։

Ընթացիկ մրցաշրջանում 26-ամյա կիսապաշտպանը «Լիվերպուլի» կազմում մասնակցել է 47 հանդիպման՝ դառնալով 7 գոլի և 5 գոլային փոխանցման հեղինակ։

Ֆուտբոլիստի գործող պայմանագրի ժամկետը «Լիվերպուլի» հետ նախատեսված է մինչև 2028 թվականի ամառը։ Transfermarkt-ի տվյալներով՝ Մակ Ալիստերի տրանսֆերային արժեքը կազմում է 90 միլիոն եվրո։

Ինչու ոչ․ Լիվերպուլի աստղը դեմ չէ կարիերան Իսպանիայում շարունակելուն

Suren Sahakyan — Mon, 09 Dec 2024 20:15:58 +0000

«Լիվերպուլի» արգենտինացի կիսապաշտպան Ալեքսիս Մակ Ալիստերը նշել է, որ ապագայում կցանկանար խաղալ Իսպանիայի առաջնությունում։

«Այո, ինչու ոչ: Դա մի երկիր է, որը ես շատ եմ սիրում և մի քանի անգամ այցելել եմ, առաջին հերթին լեզվի և մշակույթի պատճառով այն շատ նման է Արգենտինային: Կասկած չկա, որ կցանկանայի մի օր խաղալ Իսպանիայում։ Բայց այսօր ես ինձ շատ հարմարավետ եմ զգում «Լիվերպուլում»»,- Մակ Ալիստերի խոսքերն է մեջբերում AS-ը։

Ընթացիկ մրցաշրջանում 25-ամյա կիսպաշտպանը մերսիսայդյան ակումբի կազմում մասնակցել է 21 հանդիպման՝ դառնալով 2 գոլի հեղինակ։