Բռնցքամարտի ծանրքաշային կարգի նախկին անվիճելի չեմպիոն Ալեքսանդր Ուսիկը պատասխանել է Թայսոն Ֆյուրիի մարտահրավերին։

«Հեյ, Թայսոն, ես գալիս եմ քո հետևից, եղբայր», — ասել է Ուսիկը իր սոցիալական ցանցի էջում տեղադրված տեսանյութում։ «Դեռ մտածո՞ւմ ես ինձ մասին», — տեսանյութը մակագրել է ուկրաինացի բռնցքամարտիկը։

Ծանրքաշային աշխարհի չեմպիոն, Մեծ Բրիտանիայի ներկայացուցիչ Թայսոն Ֆյուրին պատասխանել է նախկին անվիճելի աշխարհի չեմպիոն Ալեքսանդր Ուսիկի գրառմանը․ հարկ է նշել, որ Ֆյուրին առաջինն էր, որ Ուսիկին կոչ արեց ռևանշի, երբ հայտարարեց, որ Էնթոնի Ջոշուայի հետ իր մենամարտը չի կայացել։

«Ես ուզում եմ մենամարտել քեզ նման իսկական տղամարդու հետ, եղբայր։ Եկեք սա դարձնենք եռագրություն։ Երկու իսկական տղամարդիկ մենամարտում են։ Ես հոգնել եմ վախկոտներից», — ասել է Ֆյուրին իր սոցիալական ցանցերի էջում։

Ֆյուրին և Ուսիկը մենամարտել են երկու անգամ 2024 թվականին. ուկրաինացին հաղթել է մայիսին և դեկտեմբերին՝ պահպանելով իր WBA, WBO և WBC գոտիները։

Ուկրաինացի բռնցքամարտիկ Ալեքսանդր Ուսիկը հաղթանակ տարավ բրիտանացի Դանիել Դյուբուայի նկատմամբ՝ ծանր քաշային կարգում աշխարհի բացարձակ չեմպիոնի տիտղոսի համար մենամարտում։

Մենամարտը կայացավ Լոնդոնի «Ուեմբլի» մարզադաշտում և ավարտվեց հինգերորդ ռաունդում՝ Ուսիկի նոկաուտով։

Ուսիկը պաշտպանեց իր WBA, IBO, WBO և WBC տիտղոսները և կրկին նվաճեց IBF-ի գոտին՝ դառնալով ծանր քաշային կարգում բացարձակ չեմպիոն։

Սա Ուսիկի և Դյուբուայի երկրորդ մենամարտն էր։ 2023 թվականին Ուսիկը նույնպես հաղթել էր Դյուբուային՝ իններորդ ռաունդում նոկաուտով։

38-ամյա Ուսիկը պրոֆեսիոնալ կարիերայում անցկացրել է 24 մենամարտ և բոլորում հաղթանակ տարել, որից 15-ը՝ նոկաուտով։ 2024 թվականի մայիսին նա հաղթել էր բրիտանացի Թայսոն Ֆյուրիին՝ դառնալով վերջին 25 տարվա ընթացքում ծանր քաշային կարգում առաջին բացարձակ աշխարհի չեմպիոնը։ Հետագայում նա հրաժարվել էր IBF-ի գոտուց՝ խորվաթ Ֆիլիպ Հրգովիչի դեմ պարտադիր պաշտպանություն չանցկացնելու պատճառով։ Դյուբուան ավելի ուշ տեխնիկական նոկաուտով հաղթել էր Հրգովիչին և նվաճել թափուր IBF տիտղոսը։

27-ամյա Դյուբուայի ակտիվում կա 25 մենամարտ՝ 22 հաղթանակ (21՝ նոկաուտով) և 3 պարտություն։

Սաուդյան Արաբիայի «Ալ-Նասրի» և Պորտուգալիայի հավաքականի հարձակվող Կրիշտիանու Ռոնալդուն առաջին տեղն է զբաղեցրել 2024 թվականի ամենաբարձր վարձատրվող մարզիկների ցանկում։ Այս մասին հաղորդում է Sportico-ն։

2024 թվականի ամենաբարձր վարձատրվող մարզիկների տասնյակը՝

1. Կրիշտիանու Ռոնալդու (ֆուտբոլ) — 260 միլիոն դոլար,
2. Սթիվեն Կարի (բասկետբոլ) — 153,8 մլն դոլար,
3. Թայսոն Ֆյուրի (բռնցքամարտ) — 147 մլն դոլար,
4. Լիոնել Մեսսի (ֆուտբոլ) — 135 միլիոն դոլար,
5. Լեբրոն Ջեյմս (բասկետբոլ) — 133,2 մլն դոլար,
6. Նեյմար (ֆուտբոլ) — 133 մլն դոլար,
7. Ալեքսանդր Ուսիկ (բռնցքամարտ) — 122 միլիոն դոլար,
8. Կարիմ Բենզեմա (ֆուտբոլ) — 116 մլն դոլար,
9. Կիլիան Մբապե (ֆուտբոլ) — 110 միլիոն դոլար,
10. Ջոն Ռահմ (գոլֆ) — 105,8 մլն դոլար:

Ուկրաինացի բռնցքամարտիկ Ալեքսանդր Ուսիկը հայտնել է, որ իր կրած Rolex ժամացույցը իրականում կեղծ է։ Ուսիկի խոսքով՝ նա ենթադրել է, որ ոչ ոք չի կասկածի իր կրած ժամացույցի կեղծ լինելու մասին։

«Ես Թուրքիայում էի մարզումներից մեկի ժամանակ և տեսա, որ լողափին մի քանի տղաներ Rolex են վաճառում։ Մտածեցի՝ եթե դրանք գնեմ, ոչ ոք չի կռահի, որ դրանք կեղծ են։ Ուստի, ես դրանք գնեցի 100 դոլարով», — պատմել է Ուսիկը հարցազրույցում։

Ըստ լրատվամիջոցների՝ Ալեքսանդր Ուսիկն իր վերջին մենամարտի համար, որը կայացել է դեկտեմբերի 21-ի լույս 22-ի գիշերը Էր-Ռիադում (Սաուդյան Արաբիա), վաստակել է շուրջ 105 միլիոն դոլար։

😂⌚️ Oleksandr Usyk admits wearing a chinese copy of Rolex that he bought for $100 in Turkey. pic.twitter.com/mUdO9t0Asa

— Home of Fight (@Home_of_Fight) December 25, 2024

Տարբեր քաշային կարգերում բռնցքամարտի աշխարհի նախկին չեմպիոն Արթուր Աբրահամը Սաուդյան Արաբիայի մայրաքաղաք Էր Ռիյադում հանդիպել է համաշխարհային սպորտի աստղերի հետ:

Աբրահամը Facebook-յան իր էջում լուսանակար է հրապարակել «Ալ-Հիլալի» բրազիլացի հարձակվող Նեյմարի, պրոֆեսիոնալ բռնցքամարտի սուպեր ծանր քաշային կարգի գործող աշխարհի չեմպիոն Ալեքսանդր Ուսիկի, և բազմաթիվ այլ մարզաշխարհում հայտնի անձանց հետ։

Նշենք, որ վաղը՝ դեկտմբերի 21-ին Էր Ռիյադում կկայանա Ուսիկ – Ֆյուրի ռևանշ մենամարտը։ Առաջին մարտում ուկրաինացին միավորներով հաղթել էր Ֆյուրիին։