Միլանի «Ինտերի» պաշտպան Ալեսանդրո Բաստոնին պատրաստակամություն է հայտնել տեղափոխվել Մադրիդի «Ռեալ»։ Այս մասին հայտնում է The Touchline-ը։ Ավելի վաղ հայտնի էր դարձել, որ ֆուտբոլիստի ծառայություններով հետաքրքրված է Ժոզե Մոուրինյուն, որը, ամենայն հավանականությամբ, շուտով կգլխավորի մադրիդյան ակումբը։

Մինչ այս պաշտպանի նկատմամբ հետաքրքրություն էր ցուցաբերել նաև կատալոնական «Բարսելոնան», սակայն ակումբին հետ է պահում խաղացողի հնարավոր տրանսֆերի արժեքը՝ 70 միլիոն եվրոն։ Իր հերթին, «արքայական» ակումբը պատրաստ է վճարել պահանջվող գումարը։

Ավարտված մրցաշրջանում Բաստոնին բոլոր մրցաշարերում մասնակցել է 40 հանդիպման՝ դառնալով 2 գոլի և 6 արդյունավետ փոխանցման հեղինակ։ Transfermarkt պորտալի տվյալներով՝ ֆուտբոլիստի շուկայական արժեքը գնահատվում է հենց 70 միլիոն եվրո։ Միլանյան ակումբի հետ իտալացի պաշտպանի գործող պայմանագրի ժամկետը նախատեսված է մինչև 2028 թվականի ամառը։

Նշենք նաև, որ 2025/26 մրցաշրջանի արդյունքներով Բաստոնին «ներաձուրիների» կազմում հռչակվել է Իտալիայի չեմպիոն և նվաճել երկրի գավաթը։

Միլանի «Ինտերի» պաշտպան Ալեսանդրո Բաստոնիի հավանական տեղափոխությունը «Բարսելոնա» ձախողվել է, քանի որ կատալոնական ակումբի գլխավոր մարզիչ Հանս-Դիտեր Ֆլիկը հավանություն չի տվել 27-ամյա ֆուտբոլիստի թեկնածությանը։ Այս մասին հայտնում է Sport.es-ը՝ հղում անելով լրագրող Մատեո Մորետոյին։

Աղբյուրի համաձայն՝ գերմանացի մասնագետը կասկածում է, որ Բաստոնիի տեխնիկական հատկանիշները թույլ կտան նրան լիարժեքորեն խաղալ բարձր ինտենսիվությամբ և ուժեղ պրեսինգի պայմաններում։ Այդ պատճառով ակումբի մարզական տնօրեն Դեկուն սկսել է այլ տարբերակներ ուսումնասիրել։ Նշվում է, որ Բաստոնիի տրանսֆերը կարող էր արժենալ 50-60 մլն եվրո։

Որպես իտալացուն այլընտրանք՝ «Բարսելոնան» այժմ դիտարկում է Լեհաստանի հավաքականի և պորտուգալական «Պորտուի» կենտրոնական պաշտպան Յակուբ Կիվիորի տարբերակը: Կատալոնացիները նրան համարում են ֆինանսապես շատ ավելի մատչելի և հարմար թեկնածու, թեև կողմերի միջև դեռևս տրանսֆերային պաշտոնական բանակցություններ չեն մեկնարկել:

Նշենք, որ Կիվիորը վարձավճարով է հանդես գալիս «Պորտուում». նրա տրանսֆերային իրավունքները պատկանում են Լոնդոնի «Արսենալին», սակայն պորտուգալական ակումբն ունի պարտադիր գնման իրավունք:

Ընթացիկ մրցաշրջանում նա բոլոր մրցաշարերում անցկացրել է 39 հանդիպում՝ դառնալով 2 գոլային փոխանցման հեղինակ։ Ըստ Transfermarkt պորտալի՝ լեհ ֆուտբոլիստի շուկայական արժեքը գնահատվում է 27 մլն եվրո։

Միլանի «Ինտերի» կենտրոնական պաշտպան Ալեսանդրո Բաստոնին կարող է չտեղափոխվել «Բարսելոնա» Հանս-Դիտեր Ֆլիկի պատճառով։

​Ինչպես հայտնում է ինսայդեր Մատեո Մորետոն, գործարքը մտել է փակուղի հենց գերմանացի մասնագետի պատճառով, որը գնալով ավելի է համոզվում, որ իտալացին չի համապատասխանում իր տակտիկական համակարգին։

Նշվում է, որ Ֆլիկը լուրջ կասկածներ ունի 27-ամյա ֆուտբոլիստի որոշ տեխնիկական հատկանիշների վերաբերյալ և ակումբին խնդրել է տրանսֆերային շուկայում այլ տարբերակներ դիտարկել։

​Կատալոնական ակումբի սպորտային տնօրեն Դեկուն մի քանի ամիս շարունակ աշխատել է այս տրանսֆերի ուղղությամբ, սակայն այժմ գործարքը հայտնվել է ձախողման եզրին։ Բացի այդ, Բաստոնիի տեղափոխությանը խոչընդոտում է նաև նրա բարձր տրանսֆերային արժեքն ու զիջումների գնալու «Ինտերի» չկամեցողությունը։

Իտալիայի ազգային հավաքականի և Թուրինի «Յուվենտուսի» նախկին պաշտպան Լեոնարդո Բոնուչին համոզված է, որ Միլանի «Ինտերի» պաշտպան Ալեսանդրո Բաստոնին իդեալականորեն կհամապատասխաներ կատալոնական «Բարսելոնային»:

«Բաստոնիի խաղային որակները լիովին համապատասխանում են «կապտանռնագույնների» ոճին: Նա տեխնիկապես բարձրակարգ ֆուտբոլիստ է՝ դաշտը տեսնելու հիանալի ունակությամբ: Ալեսանդրոն դեռ առնվազն վեց-յոթ տարի կարող է հանդես գալ ամենաբարձր մակարդակով»,- Բոնուչիի խոսքերն է մեջբերում Sportmediaset-ը:

Հիշեցնենք, որ Բաստոնին «ներաձուրիների» գույները պաշտպանում է 2017 թվականի օգոստոսից: 27-ամյա ֆուտբոլիստի գործող պայմանագրի ժամկետը միլանյան գրանդի հետ նախատեսված է մինչև 2028 թվականի հունիսի ավարտը:

Ըստ Transfermarkt պորտալի փորձագետների՝ իտալացի պաշտպանի տրանսֆերային արժեքը ներկայումս գնահատվում է 70 միլիոն եվրո:

«Բարսելոնան» բանակցություններ է սկսել Միլանի «Ինտերի» հետ՝ կենտրոնական պաշտպան Ալեսանդրո Բաստոնիի տրանսֆերի վերաբերյալ։

Ինչպես հայտնում է FCInter1908-ը՝ հղում անելով Sport Mediaset-ին, միլանյան ակումբի ղեկավարությունն արդեն ստացել է կատալոնացիների առաջին պաշտոնական առաջարկը։ Աղբյուրի տեղեկություններով՝ «կապտանռնագույնները» որպես մեկնարկային գին առաջարկել են 45 միլիոն եվրո։

Այս գումարը, սակայն, անընդունելի է եղել «ներաձուրիների» համար։ Իտալական ակումբը մտադիր է պաշտպանի տրանսֆերի դիմաց ստանալ առնվազն 60 միլիոն եվրո։ Ակնկալվում է, որ կողմերի միջև բանակցությունները կշարունակվեն։

Հատկանշական է, որ, ինչպես հաղորդվել էր ավելի վաղ, ինքը՝ ֆուտբոլիստը, արդեն իսկ տվել է Իսպանիա տեղափոխվելու իր համաձայնությունը:

Հավելենք, որ ընթացիկ մրցաշրջանում 26-ամյա Բաստոնին «Ինտերի» կազմում մասնակցել է 35 հանդիպման՝ դառնալով 2 գոլի և 6 գոլային փոխանցման հեղինակ:

Ամառային տրանսֆերային պատուհանի ընթացքում «Բարսելոնան» դժվար թե կարողանա իրեն թույլ տալ միանգամից երկու խոշոր գործարք իրականացնել:

Լրագրող Կառլոս Մոնֆորտի տեղեկությունների համաձայն՝ «կապտանռնագույնների» գլխավոր տրանսֆերային թիրախներն են Մադրիդի «Ատլետիկոյի» հարձակվող Խուլիան Ալվարեսը և Միլանի «Ինտերի» կենտրոնական պաշտպան Ալեսանդրո Բաստոնին։ Սակայն սպասվում է, որ կատալոնական գրանդը ստիպված կլինի ընտրություն կատարել արգենտինացու և իտալացու միջև:

Ներկա պահին Բաստոնիի տեղափոխությունն ավելի իրատեսական է դիտարկվում։ Պաշտպանի հետ արդեն իսկ բանակցություններ են ընթանում, իսկ նրա տրանսֆերային արժեքն այնքան աստղաբաշխական չի լինի, որքան «Ատլետիկոյի» հարձակվողի պարագայում։

Նշվում է նաև, որ Ալվարեսը պատրաստակամ է տեղափոխվել «Բարսելոնա», սակայն եթե այս գործարքը չկայանա, նա, ամենայն հավանականությամբ, կերկարաձգի գործող պայմանագիրը մադրիդյան ակումբի հետ:

Միլանի «Ինտերի» կենտրոնական պաշտպան Ալեսանդրո Բաստոնին տվել է իր համաձայնությունը «Բարսելոնա» տեղափոխվելու համար: Այս մասին հայտնում է իսպանական Marca պարբերականը:

Աղբյուրի տեղեկություններով՝ իտալական ակումբը ֆուտբոլիստի տրանսֆերի դիմաց պահանջում է 70 միլիոն եվրո, սակայն կատալոնական ակումբը պատրաստ չէ վճարել նման գումար: Բացի այդ, կապտանռնագույններն այս պահին առաջնահերթություն են համարում հարձակվողի ձեռքբերումը:

Ընթացիկ մրցաշրջանում իտալացի պաշտպանը բոլոր մրցաշարերում մասնակցել է 35 հանդիպման՝ դառնալով 2 գոլի և 6 գոլային փոխանցման հեղինակ:

Նշենք, որ խաղացողի գործող պայմանագիրն ակումբի հետ նախատեսված է մինչև 2028 թվականի ամառ: Transfermarkt-ի համաձայն՝ ֆուտբոլիստի տրանսֆերային արժեքը գնահատվում է 80 միլիոն եվրո:

Կատալոնական «Բարսելոնան» առաջիկա ամռանը կփորձի իրականացնել Միլանի «Ինտերի» կենտրոնական պաշտպան Ալեսանդրո Բաստոնիի տրանսֆերը:

Ինչպես հայտնում է հայտնի ինսայդեր Ֆաբրիցիո Ռոմանոն, իտալացի ֆուտբոլիստը դարձել է «կապտանռնագույնների» գլխավոր տրանսֆերային թիրախներից մեկը: Նշվում է, որ կատալոնական ակումբի մարզական տնօրեն Դեկուն արդեն իսկ ակտիվ աշխատանքներ է տանում այս հավակնոտ գործարքն իրականացնելու ուղղությամբ:

Ավելի վաղ շրջանառվող լուրերի համաձայն՝ «ներաձուրիները» ամենևին շահագրգռված չեն բաժանվել իրենց առանցքային պաշտպանից, ուստի նրա տեղափոխության դիմաց կարող են պահանջել այնպիսի աստղաբաշխական գումար, որն անհասանելի կլինի «Բարսելոնայի» համար:

Հավելենք, որ Transfermarkt պորտալի փորձագետները 26-ամյա պաշտպանի տրանսֆերային արժեքը գնահատում են 70 միլիոն եվրո: Բաստոնիի գործող պայմանագրի ժամկետը միլանյան ակումբի հետ նախատեսված է մինչև 2028 թվականը:

Միլանի «Ինտերի» և Իտալիայի ազգային հավաքականի պաշտպան Ալեսանդրո Բաստոնին մոտ է կատալոնական «Բարսելոնա» տեղափոխությանը. իտալական ակումբը պատրաստ է գնալ ֆինանսական զիջումների:

Ինչպես հաղորդում է բրիտանական Topskills Sports UK պարբերականը, «ներաձուրիները» որոշել են նվազեցնել ֆուտբոլիստի համար պահանջվող գումարը՝ նախնական 80 միլիոն եվրոյի փոխարեն սահմանելով 50 միլիոն՝ գումարած հնարավոր բոնուսներ: Նման պայմանները բավականին գրավիչ են կատալոնացիների համար:

Ըստ աղբյուրի՝ Բաստոնին անձամբ մեծ ցանկություն ունի հանդես գալու հենց «Բարսելոնայում» և կտրականապես հրաժարվում է բանակցել այլ ակումբների հետ: Նշվում է, որ գործարքի հաջող ավարտի դեպքում իտալացի պաշտպանի համար արդեն իսկ նախապատրաստվել է պայմանագիր, որը նախատեսված կլինի մինչև 2031 թվականի հունիսը:

26-ամյա Բաստոնին անփոխարինելի ֆուտբոլիստ է ինչպես «Ինտերում», այնպես էլ Իտալիայի ազգային ընտրանու կազմում, որի հետ նա 2020 թվականին հռչակվել է Եվրոպայի չեմպիոն: Միլանյան ակումբի մարզաշապիկով նա հասցրել է նվաճել բազմաթիվ տիտղոսներ.

• Իտալիայի չեմպիոն (2 անգամ՝ 2020/21, 2023/24)
• Իտալիայի գավաթակիր (2 անգամ՝ 2021/22, 2022/23)
• Իտալիայի Սուպերգավաթակիր (3 անգամ՝ 2021, 2022, 2023)

Պաշտպանն «Ինտերի» շարքերը համալրել է 2017 թվականին՝ «Ատալանտայից» տեղափոխվելով 31,1 միլիոն եվրոյի դիմաց: Ընթացիկ մրցաշրջանում նա բոլոր մրցաշարերում անցկացրել է 35 հանդիպում՝ դառնալով 2 գոլի և 6 արդյունավետ փոխանցման հեղինակ: Transfermarkt պորտալի գնահատականներով՝ Բաստոնիի շուկայական արժեքն այսօրվա դրությամբ կազմում է մոտ 80 միլիոն եվրո:

«Ինտերի» կենտրոնական պաշտպան Ալեսանդրո Բաստոնին հայտնվել է «Բարսելոնայի» գլխավոր տրանսֆերային նպատակների ցանկում։

TEAMtalk-ի հաղորդմամբ՝ կատալոնական ակումբի սպորտային տնօրեն Դեկուն և գլխավոր մարզիչ Հանս-Դիտեր Ֆլիկը իտալացու ձեռքբերումը համարում են պաշտպանության ուժեղացման առաջնահերթություն։ Նշվում է, որ կապտանռնագույններն այս պահին ֆավորիտ են խաղացողի համար մղվող պայքարում՝ շրջանցելով անգամ «Լիվերպուլին»:

Կատալոնական ակումբի լավատեսությունը պայմանավորված է ֆուտբոլիստի ներկայացուցիչների հետ արդեն իսկ կայացած դրական նախնական բանակցություններով։ Այդ հանդիպումներից հետո «Բարսելոնայում» հավատում են, որ գործարքը հնարավոր է իրագործել:

Այնուամենայնիվ, տրանսֆերի ճանապարհին միակ ու գլխավոր խոչընդոտը ֆինանսական հարցն է: Միլանյան ակումբն իր առանցքային պաշտպանին գնահատում է առնվազն 80 միլիոն եվրո, իսկ բանակցությունների ընթացքում իտալական կողմի պահանջները կարող են աճել՝ հասնելով մինչև 100 միլիոն եվրոյի։ Հաշվի առնելով կատալոնական ակումբի ներկայիս ֆինանսական սահմանափակումները՝ նման հսկայական գումար վճարելը բավականին բարդ կլինի, և ղեկավարությունը պետք է լրացուցիչ լուծումներ գտնի գործարքը ֆինանսավորելու համար:

Ընթացիկ մրցաշրջանում Բաստոնին բոլոր մրցաշարերում անցկացրել է 35 հանդիպում՝ դառնալով 2 գոլի և 6 գոլային փոխանցման հեղինակ։ Նրա գործող պայմանագրի ժամկետը «Ինտերի» հետ ուժի մեջ է մինչև 2028 թվականի ամառը։ Transfermarkt հեղինակավոր պորտալը ֆուտբոլիստի տրանսֆերային արժեքը գնահատում է 80 միլիոն եվրո։