ազ ալկմաար — Armsport.am https://armsport.am Սպորտային լուրեր Thu, 05 Mar 2020 07:16:11 +0000 hy-AM hourly 1 https://wordpress.org/?v=6.8.11 https://armsport.am/wp-content/uploads/2020/08/117234954_601576137219348_199328778928507485_n.png ազ ալկմաար — Armsport.am https://armsport.am 32 32 Ֆուտբոլային սկաուտ․ Էրեդիվիզիի ամենահեռանկարային ֆուտբոլիստները (Մաս 3) https://armsport.am/42654/ Tue, 03 Mar 2020 09:03:00 +0000 https://armsport.am/?p=42654 Նիդերլանդական Էրեդիվիզին շատ հարուստ է երիտասարդ և տաղանդավոր ֆուտբոլիստներով և եվրոպական այս լիգային նվիրված շարքը թերևս ամենամեծն էր «Ֆուտբոլային սկաուտում»։ Այս անգամ առաջարկում ենք ծանոթանալ առաջնության ամենահեռանկարային ներկայացուցիչների մեր վերջին քառյակի հետ։ Կոդի Գակպո 🇳🇱 ՆիդերլանդներՊՍՎ20 տարեկան 20-ամյա Գակպոն ՊՍՎ-ի սան է և այս տարի անցկացնում է իր առաջին լիարժեք մրցաշրջանը Էրեդիվիզիում։ 25 անցկացրած հանդիպումներում […]]]>

Նիդերլանդական Էրեդիվիզին շատ հարուստ է երիտասարդ և տաղանդավոր ֆուտբոլիստներով և եվրոպական այս լիգային նվիրված շարքը թերևս ամենամեծն էր «Ֆուտբոլային սկաուտում»։ Այս անգամ առաջարկում ենք ծանոթանալ առաջնության ամենահեռանկարային ներկայացուցիչների մեր վերջին քառյակի հետ։

Կոդի Գակպո

🇳🇱 Նիդերլանդներ
ՊՍՎ
20 տարեկան

20-ամյա Գակպոն ՊՍՎ-ի սան է և այս տարի անցկացնում է իր առաջին լիարժեք մրցաշրջանը Էրեդիվիզիում։ 25 անցկացրած հանդիպումներում երիտասարդ հարձակվողը հասցրել է աչքի ընկնել 7 գոլով և նա ու մեկ այլ հեռանկարային հարձակվող Մալենը միասին (ում անդրադարձել էինք շարքի նախորդ մասում) կազմում են ռոտերդամյան թիմի գլխավոր հարվածային ուժը։ Կոդին Նիդերլանդների երիտասարդական հավաքականի ֆուտբոլիստ է, և խաղից խաղ նկատվում է տաղանդավոր ֆուտբոլիստի աճը խաղադաշտում․ մարտի 1-ին նրա խփած միակ գնդակը փրկեց պարտությունից իր թիմին «Ֆեյենորդի» հետ խաղում։ Հենց այժմ, մրցաշրջանի հենց այս հատվածում, Գակպոն գտնվում է իր կարիերայի թերևս լավագույն մարզավիճակում և հուսանք՝ դա միայն սկիզբն է, և միգուցե նա դառնա ՊՍՎ-ին ճգնաժամի խավարից դուրս բերող լուսավոր փարոսը։

Վանգելիս Պավլիդիս

🇬🇷 Հունաստան
«Վիլհեմ II»
21 տարեկան

Հունաստանի ազգային հավաքականի երիտասարդ հարձակվողն արդեն երկրորդ մրցաշրջանն է անցկացնում Արաս Օզբիլիսի նախկին թիմում։ Այս մրցաշրջանում նա դարձել է համես նիդերլանդական թիմի առաջատարը, ում խփած 11 գնդակները թույլ են տալիս «Վիլհեմ II»-ին գտնվել Էրեդիվիզիի մրցաշարային աղյուսակի վերնամասում։ Պավլիդիսը գերմանական «Բոխումի» սան է, որի Մ19-ը և երկրորդ թիմերի կազմերում երկու մրցաշրջան էր անցկացրել։ Իսկ մինչև Նիդերլանդներ տեղափոխվելը նա հանդես էր գալիս Դորտմունդի «Բորուսիայի» երկրորդ թիմում, որտեղ համարվում էր բավականին հեռանկարային ֆուտբոլիստ․ այժմ Պավլիդիսը ապացուցում է, որ մնում է այդպիսին, և շուտով հնարավոր է մենք նրան տեսնենք արդեն Բունդեսլիգայի որևէ թիմի հիմնական կազմում։

Ուսամա Իդրիսի

🇲🇦 Մարոկկո
«ԱԶ Ալկմաար»
24 տարեկան

«ԱԶ Ալկմաարի» այս մրցաշրջանի գլխավոր հերոսներից մեկը՝ Բոադուի հետ միասին։ Ուսաման ծնվել է Նիդերլանդներում, հանդիսանում է «Գրոնինգենի» սան և ներկայիս ակումբ է տեղափոխվել 2017/18 մրցաշրջանում։ Նա ժամանակին հանդես էր գալիս Նիդերլանդների երիտասարդական հավաքականում, սակայն վերջերս որոշեց, որ արդեն ազգային հավաքականի մակարդակով պետք է ներկայացնի իր պատմական հայրենիքը՝ Մարոկկոն։ Իդրիսին շատ արագաշարժ, ֆուտբոլային ինտելեկտով օժտված, լավ դրիբլինգով ֆուտբոլիստ է, ով իր լավագույն մրցաշրջանն է անցկացնում՝ արդեն իսկ Էրեդիվիզիում տխրեցնելով հակառակորդների դարպասապահներին 12 անգամ։ Այս տեմպերով մենք նրան շուտով կտեսնենք ավելի բարձրակարգ ակումբներում, իսկ այժմ պարզապես մտապահեք նրա անուն-ազգանունը՝ Ուսամա Իդրիսի։

Դավիդ Ներես

🇧🇷 Բրազիլիա
«Այաքս»
22 տարեկան

Ինչպես մեր շարքի նախորդ մասերում, այս անգամ ևս չէինք կարող շրջանցել «Այաքսը» և այս անգամ ընտրել ենք մի ֆուտբոլիստի, ով նախորդ մրցաշրջանում շատերին հիացրեց իր գեղեցիկ խաղով, դրիբլինգով և ոչ պակաս գեղեցիկ գոլերով։ Այս մրցաշրջանը Ներեսի համար միգուցե ամենալավը չէ՝ համեմատած նախորդի հետ, սակայն դա, ավելի ճիշտ կլինի ասել, միայն Դավիդի խնդիրը չէ, այլ ամբողջ ամստերդամյան թիմի։ 2019-ի սխրագործություններից հետո «Այաքսի» ներկայիս հաջողությունները այդքան էլ տպավորիչ չեն թվում, չնայած, որ թիմը շարունակում է մնալ առաջատարը ներքին առաջնությունում։ Ինչ վերաբերվում է մեր հերոսին՝ Ներեսը արդեն իսկ պատրաստ է ուժերը փորձել թոփ առաջնություններում, և ևս մեկ մրցաշրջան էրեդիվիզիում անցկացնելը կարող է բերել նրա մոտ խաղային լճացման, քանի որ բրազիլացի կիսապաշտպանի խաղամակարդակը արդեն իսկ շատ բարձր է Էրեդիվիզիի համար։

Վար Բաբայան

Շարքի նախորդ մասերը

Էրեդիվիզիի ամենահեռանկարային ֆուտբոլիստները (Մաս 2)

Էրեդիվիզիի ամենահեռանկարային ֆուտբոլիստները (Մաս 1)

Պորտուգալիան՝ ցատկահարթակ դեպի մեծ ֆուտբոլ

Բելգիան շարունակում է մնալ ապագա աստղերի դարբնոց (Մաս 2)

Բելգիան շարունակում է մնալ ապագա աստղերի դարբնոց (Մաս 1)

Սամուրայների նոր սերունդը Եվրոպայում

Բրազիլիայի առաջնության ամենահեռանկարային ֆուտբոլիստները (Մաս 2)

Բրազիլիայի առաջնության ամենահեռանկարային ֆուտբոլիստները (Մաս 1)

MLS-ի 7 ֆուտբոլիստներ, ովքեր կարող են փայլել Հին աշխարհում

Նոր անուններ Արգենտինայից

]]> Այաքսը պարտվեց հիմնական մրցակցին․ Էրեդիվիզիում երկիշխանություն է (🎥) https://armsport.am/42761/ Mon, 02 Mar 2020 06:10:00 +0000 https://armsport.am/?p=42761 Նիդերլանդների առաջնության 25-րդ տուրի խաղում «Այաքսը» իր դաշտում պարտվեց «ԱԶ Ալկմաարին»`0:2: Չորրորդ րոպեին Մայրոն Բոադուն առաջ մղեց հյուրերին, իսկ 74-րդ րոպեին Ուսամ Իդրիսին ձևակերպեց խաղի վերջնահաշիվը՝ 0։2: Այս հաղթանակի շնորհիվ ԱԶ-ին հաջողվեց միավորների քանակով հավասարվել «Այաքսի» հետ, որն առաջին տեղում է մրցաշարային աղյուսակում: Երկու թիմերն էլ ունեն 53-ական միավոր:]]>

Նիդերլանդների առաջնության 25-րդ տուրի խաղում «Այաքսը» իր դաշտում պարտվեց «ԱԶ Ալկմաարին»`0:2:

Չորրորդ րոպեին Մայրոն Բոադուն առաջ մղեց հյուրերին, իսկ 74-րդ րոպեին Ուսամ Իդրիսին ձևակերպեց խաղի վերջնահաշիվը՝ 0։2:

Այս հաղթանակի շնորհիվ ԱԶ-ին հաջողվեց միավորների քանակով հավասարվել «Այաքսի» հետ, որն առաջին տեղում է մրցաշարային աղյուսակում: Երկու թիմերն էլ ունեն 53-ական միավոր:

]]>