Հունիսի 17-ին՝ ՈւԵՖԱ շտաբ գրասենյակում, կայացավ ՈՒԵՖԱ Գործադիր կոմիտեի հեռավար նիստը, որի ընթացքում քննարկվեցին ՈՒԵՖԱ-ի կողմից կազմակերպվող ակումբային և ազգային հավաքականների մրցաշարերի ձևաչափերի փոփոխությունները և անցկացման նոր ժամկետները․

Ազգերի Լիգայի խմբային փուլի հանդիպումները կկայանան սեպտեմբերի 3/4/5-ին և 6/7/8-ին, հոկտեմբերի 10/11 և 13/14-ին և նոյեմբերի 14/15 և 17/18-ին։

Այն ազգային հավաքականները, որոնք չեն մասնակցում Ազգերի Լիգայի փլեյ-օֆֆ փուլին, կարող են ընկերական հանդիպումներ անցկացնել հոկտեմբերի 7/8-ին և նոյեմբերի 11/12-ին։

Հայաստանի ազգային հավաքականն ընդգրկվել է C դիվիզիոնի 2–րդ խմբում, որտեղ մրցելու է Էստոնիայի, Հյուսիսային Մակեդոնիայի և  Վրաստանի հավաքականների հետ:

ՈՒԵՖԱ Եվրոպայի Մ-21 առաջնություն

Որակավորման փուլը ընթացքի մեջ է։ Դեռևս չանցկացված խաղերը կկայանան 2020 թվականի սեպտեմբեր, հոկտեմբեր և նոյեմբեր ամիսներին։

Հայաստանի Մ-21 հավաքականը ընդգրկված է որակավորման առաջին խմբում, և դեռ պետք է մրցի Շվեդիայի (2 անգամ), Իսլանդիայի և Լյուքսեմբուրգի հավաքականների հետ։

ՈՒԵՖԱ Ֆուտզալի Եվրոպայի առաջնություն 2022

Որակավորման փլեյ-օֆֆ փուլի հանդիպումները կկայանան 2020 թվականի նոյեմբերի 2-ից 11-ը ընկած ժամանակահատվածում։

Հայաստանի ֆուտզալի ազգային հավաքականը փլեյ-օֆֆ փուլում մրցելու է Բուլղարիայի ընտրանու դեմ։

ՈՒԵՖԱ Եվրոպայի Մ-19 առաջնություն

Վերջերս ներկայացված ՈՒԵՖԱ Ազգերի լիգային նմանվող Եվրոպայի Մ-19 առաջնության նոր ձևաչափով որակավորման փուլը հետաձգվել է։ Հետևաբար,  2021/2022 մրցաշրջանի ՈՒԵՖԱ Եվրոպայի Մ-19 առաջնության որակավորման փուլը կկայանա նախկին ձևաչափով։

Հայաստանի Մ-19 հավաքականն ընդգրկվել է որակավորման 11-րդ խմբում, որտեղ մրցելու է Նիդերլանդների, Սերբիայի և Սան Մարինոյի հասակակիցների հետ:

ՈՒԵՖԱ Եվրոպայի Մ-17 առաջնություն

Որակավորման փուլի ժամկետները չեն փոփոխվել և կկայանան 2020 թվականի սեպտեմբեր-նոյեմբեր ամիսներին։

Հայասանի Մ-17 հավաքականն ընդգրկված է որակավորման 12-րդ խմբում, որտեղ մրցելու է Սերբիայի, Դանիայի և Լատվիայի Մ-17 հավաքականների հետ։

Հիշեցնենք, որ Չեմպիոնների լիգայի հաջորդ մրցաշրջանի որակավորման փուլը կմեկնարկի օգոստոսի 8-ին։

ՈւԵՖԱ-ն հայտնել է, որ Ազգերի լիգայի եզրափակիչ հատվածը, Եվրոպայի երիտասարդական ու կանանց առաջնությունը, որը նախատեսված է 2021 թվականին, կհետաձգվեն:

«Եվրո-2020-ի անցումային խաղերը, որոնք նախատեսված են 2020 թվականի մարտին, կկայանան 2020 թվականի հունիսին՝ միջազգային խաղերի համար նախատեսված պատուհանի ընթացքում: Ժամկետները կարող են փոխվել՝ իրավիճակի գնահատումից հետո:

Եվրոպական որակավորման երրորդ ու չորրորդ տուրերը, որոնք նախատեսված են 2021-ի հունիսին, կհետաձգվեն:

ՈւԵՖԱ-ի Ազգերի լիգայի եզրափակիչ հատվածը, երիտասարդների ու կանանց Եվրո-ն, որոնք պետք է կայանային 2021 թվականի հունիս-հուլիս ամիսներին, կտեղափոխվեն: Ակումբները իրենց ֆուտբոլիստներին բաց կթողնեն հավաքականներ՝ բոլոր հետաձգված մրցաշարերին»,- ասվում է ՈւԵՖԱ-ի տարածած հաղորդագրության մեջ:

ՈւԵՖԱ-ն կորոնավիրուսի պատճառով 1 տարով հետաձգել է Եվրոպայի առաջնությունը: Մրցաշարը կկայանա 2021 թվականի հունիսի 11-ից հուլիսի 11-ը:

Հոլանդիայի մայրաքաղաք Ամստերդամում կայացավ Ազգերի լիգայի 2020/21 մրցաշրջանի խմբային փուլի վիճակահանությունը:

Վիճակահանության արդյունքում Հայաստանի հավաքականն ընդգկվեց C դիվիզիոնի 2 խմբում, որտեղ նրա մրցակիցները կլինեն Էստոնիան, Հյուսիսային Մակեդոնիան ու Վրաստանը:

Խմբային փուլի հանդիպումները կկայանան 2020 թ-ի սեպտեմբերից-նոյեմբեր ամիսներին, իսկ եզրափակիչը՝ 2021 թ-ին:

Հրապարակվել է Ազգերի լիգայի դիվիզիոնները:

A դիվիզիոն. Զամբյուղ 1. Պորտուգալիա, Հոլանդիա, Անգլիա, Շվեյցարիա զամբյուղ 2. Բելգիա, Ֆրանսիա, Իսպանիա, Իտալիա զամբյուղ 3. Բոսնիա և Հերցեգովինա, Ուկրաինա, Դանիա, Շվեդիա զամբյուղ 4. Խորվաթիա, Լեհաստան, Գերմանիա, Իսլանդիա

B. զամբյուղ 1. Ռուսաստան, Ուելս, Ավստրիա, Չեխիա զամբյուղ 2. Շոտլանդիա, Նորվեգիա, Սերբիա, Ֆինլանդիա զամբյուղ 3. Սլովակիա, Թուրքիա, Իռլանդիա, Հս Իռլանդիա զամբյուղ 4. Բուլղարիա, Իսրայել, Հունգարիա, Ռումինիա

C. զամբյուղ 1. Հունաստան, Ալբանիա, Չեռնոգորիա, Վրաստան զամբյուղ 2. Հս. Մակեդոնիա, Կոսովո, Բելառուս, Կիպրոս զաբյուղ 3. Էստոնիա, Սլովենիա, Լիտվա, Լյուքսեմբուրգ զամբյուղ 4. Հայաստան, Ադրբեջան, Ղազախստան, Մոլդովա

D. զամբյուղ 1. Ջիբրալթար, Ֆարերյան կղզիներ, Լատվիա, Լիխտենշտեյն, զամբյուղ 2. Անդորա, Մալթա, Սան Մարինո

Վիճակահանությունը կայանալու է 2020 թվականի մարտի 3-ին:

Այսօր կայացել է Ազգերի լիգայի փլեյ-օֆֆի վիճակահանությունը, որի հաղթողները կստանան Եվրո-2020-ի ընտրական փուլի 4 ուղեգրերը:

Յուրաքանչյուր դիվիզիոնի հաղթող նվաճելու է Եվրոպայի առաջնության եզրափակիչ փուլի ուղեգիր: Կիսաեզրափակիչ փուլը կայանալու է 2020 թվականի մարտի 26-ին, իսկ եզրափակիչները 5 օր անց` մարտի 31-ին:

A դիվիզիոն

Իսլանդիա – Ռումինիա

Բուլղարիա – Հունգարիա

B դիվիզիոն

Բոսնիա և Հերցեգովինա – Հյուսիսային Իռլանդիա

Սլովակիա – Իռլանդիա

C դիվիզիոն

Շոտլանդիա – Իսրայել

Նորվեգիա – Սերբիա

D դիվիզիոն

Վրաստան – Բելառուս

Հյուսիսային Մակեդոնիա — Կոսովո

ՈւԵՖԱ-ն հաստատել է Ազգերի լիգայի 2020/21 մրցաշրջանի նոր ձևաչափը, ըստ որի A, B և C դիվիզիոններում կխաղա 16-ական թիմ, իսկ D դիվիզիոնում՝ 7:

Մրցաշարի նոր ձևաչափով, Հայաստանի հավաքականը կխաղա C դիվիզիոնում: Այնտեց 4 խումբ կձևավորվի՝ 4-ական թիմերով: Դիվիզիոնի 4 լավագույն թիմերը կբարձրանան B դիվիզիոն, իսկ 7 վատագույն թիմերը կհայտնվեն D-ում:

Բացի Հայաստանի հավաքականից, C դիվիզիոնում հանդես կգան նաև Հունաստանը, Ալբանիան, Չեռնոգորիան, Հյուսիսային Մակեդոնիան, Կոսովոն, Բելառուսը,  Կիպրոսը, Էստոնիան, Սլովենիան, Լիտվան, Լյուքսեմբուրգը, Ադրբեջանը, Ղազախստանը, Մոլդովան:

Հիշեցնենք՝ Ազգերի լիգայի անդրանիկ խաղարկությունում հաղթեց Պորտուգալիայի հավաքականը՝ եզրափակչում նվազագույն հաշվով առավելության հասնելով Հոլանդիայի նկատմամբ: