ԱԱ նախընտրական խաղեր — Armsport.am

Whoscored․ ԱԱ-2022 ընտրական փուլի առաջին երեք տուրերի խորհրդանշական հավաքականը

Վարուժան Բաբայան — Fri, 02 Apr 2021 09:37:07 +0000

Whoscored վիճակագրական ռեսուրսը կազմել է ԱԱ-2022 եվրոպական գոտու ընտրական փուլի առաջին երեք տուրերի խորհրդանշական հավաքականը․

Դարպասապահ ՝ Թոմաս Շվեդկաուսկաս (Լիտվա, 8.0):

Պաշտպաններ ՝ Մարիո Ֆերնանդես (Ռուսաստան, 7,5), Կիրան Տիրնի (Շոտլանդիա, 7,8), Մաթիս դե Լիգտ (Նիդերլանդներ, 7,6), Նիկոլայ Բոյլեսեն (Դանիա, 8,4):

Կիսապաշտպաններ ՝ Սթիվեն Բերգեյս (Նիդերլանդներ, 8.6), Դենիս Պրատ (Բելգիա, 9.6), Հանս Վանակեն (Բելգիա, 10), Ժերեմի Դոկու (Բելգիա, 10):

Հարձակվողներ ՝ Մեմֆիս Դեպայ (Նիդերլանդներ, 8.9), Դուշան Տադիչ (Սերբիա, 8.3):

Ադրբեջանի ֆուտբոլի ֆեդերացիան բողոք կներկայացնի ՖԻՖԱ՝ կապված Հայաստան-Ռումինիա հանդիպման հետ

Վարուժան Բաբայան — Thu, 01 Apr 2021 10:01:18 +0000

Ադրբեջանի ֆուտբոլի ֆեդերացիան(AFFA) բողոք կներկայացնի Ֆուտբոլի միջազգային ֆեդերացիա (ՖԻՖԱ) ՝ կապված ԱԱ-2022 ընտրական փուլի Հայաստան-Ռումինիա հանդիպման հետ, հայտնում է Pressball.by կայքը։

Ինչպես հայտնում է աղբյուրը՝ հղում անելով Vzglyad.az-ին, այդ մասին ասվում է AFFA-ի ֆեյսբուքյան էջում տարածված հաղորդագրության մեջ:

«AFFA-ն համապատասխան ընթացակարգով դիմում կուղարկի ՖԻՖԱ-ին` կապված Հայաստան-Ռումինիա խաղի ընթացքում մարզադաշտի տրիբունայում անջատողական ռեժիմի այսպես կոչված «դրոշներ» պարզելու կապակցությամբ», — ասվում է հաղորդագրության մեջ։

📷 Մեր խմբի մրցաշարային աղյուսակը՝ երրորդ տուրից հետո

Վարուժան Բաբայան — Wed, 31 Mar 2021 20:50:08 +0000

Մունդիալ-2022-ի ընտրական փուլի 3-րդ տուրում Հայաստանի ազգային հավաքականը սեփական հարկի տակ ընդունեց Ռումինիայի հավաքականին ու հաղթեց 3։2 հաշվով։ Մանրամասներն՝ այստեղ։

Գերմանիայի հավաքականը 1:2 հաշվով պարտվեց Հյուսիային Մակեդոնիայի հավաքականին: Իսկ Իսլանդիայի հավաքականն արտագնա խաղում 1-4 հաշվով հաղթեց Լեխտենշտեյնին։

Այս պահին մեր խմբի մրցաշարային աղյուսակը գլխավորում է Հայաստանի հավաքականը՝ ունենալով 100 տոկոսանոց արդյունք (9 հնարավորից՝ 9 միավոր)։

Հյուսիսային Մակեդոնիան երկրորդն է, իսկ Գերմանիան երրորդը․ երկու հավաքականներն էլ ունեն հավասար՝ 6 միավոր, սակայան բալկանյան երկրի ներկայացուցիչները խփած և բաց թողնված գնդակների տարբերությամբ առավելություն ունեն գերմանացիների նկատմամբ։

Ռումինիան և Իսլանդիան ունեն երեքական միավոր, Լիխտեյնշտեյնը դեռ միավորներ չի վաստակել։

Մենք գիտենք, որ մեզ դժվար խաղ է սպասվում․ Ռումինիայի հավաքականի ֆուտբոլիստ

Վարուժան Բաբայան — Wed, 31 Mar 2021 09:47:22 +0000

Մարտի 31-ին տեղի կունենա Հայաստանի հավաքականն ԱԱ-2022 -ի ընտրական փուլի երրորդ տուրում կմրցի Ռումինիայի հետ: Հանդիպումը կկայանա Վ. Սարգսյանի անվան «Հանրապետական» մարզադաշտում և կմեկնարկի ժամը 20:00-ին:

Ռումինիայի հավաքականի ֆուտբոլիստ Նիկուշոր Բանչուն երեքշաբթի մամուլի ասուլիսի ժամանակ ասել է, որ Հայաստանի հավաքականը ագրեսիվ խաղ է ցուցադրում և գիտակցում է խաղի բարդությունը ` նշելով, որ իրենց թիմը պետք է հաղթի:

«Հայաստանը կոմպակտ թիմ է՝ լավ խաղացողներով: Մենք գիտենք, որ մեզ դժվար խաղ է սպասվում։ Մենք փորձում ենք ֆուտբոլ խաղալ, ես ուզում եմ աչքի ընկնել, և մենք կփորձենք լավ խաղ անցկացնել՝ հաղթելու համար։ Կարևոր է ավելի շատ գոլեր խփել, քան մրցակիցը», — ասել է Բանչուն:

📷 Հայաստան-Ռումինիա․ Հայտնի է՝ ինչ գույնի մարզաշապիկներով են խաղալու հավաքականները

Վարուժան Բաբայան — Wed, 31 Mar 2021 07:44:53 +0000

Այսօրվա խաղում Ռումինիայի ազգային հավաքականը դաշտ դուրս կգա սպիտակ, իսկ Հայաստանի ազգային հավաքականը՝ կարմիր մարզաշապիկով, հայտնում է ՀՖՖ մամուլի ծառայությունը։

Ռոնալդուի գոլային երաշտն անցյալում է․ նրան համաշխարհային ռեկորդից բաժանում է 6 գոլ

Վարուժան Բաբայան — Wed, 31 Mar 2021 05:27:34 +0000

Լյուքսեմբուրգի հավաքականը 2022 թվականի աշխարհի առաջնության ընտրական խաղում հյուրընկալեց Պորտուգալիային: Հյուրերը կամային հաղթանակի հասան 3:1 հաշվով:

Պորտուգալիայի ազգային հավաքականի խփած գոլերից մեկը խփեց նրա ավագ Կրիշտիանու Ռոնալդուն: Ռոնալդուն ընդհատեց 415 րոպեանոց շարքը առանց գոլերի միջազգային հանդիպումներում. դա ամենաերկարն էր 2012 թվականի հունիսից ի վեր:

Այս գոլը ազգային հավաքականի մարզաշապիկով 103-րդն էր հարձակվողի համար Ալի Դաեիի (Իրան) համաշխարհային ռեկորդին հասնելուն համար Ռոնալդուին մնում է վեց գոլ խփել հավաքականի կազմում:

ՈՒԵՖԱ-ն հայտնել է՝ ինչու ԱԱ նախընտրական փուլում չի կիրառվել VAR համակարգը

Վարուժան Բաբայան — Mon, 29 Mar 2021 06:41:57 +0000

ՈւԵՖԱ-ն հայտարարություն է տարածել ՝ կապված Պորտուգալիայի և Սերբիայի ազգային հավաքականների 2022 թվականի աշխարհի առաջնության ընտրական խաղի ավարտին տեղի ունեցած սկանդալի հետ:

Հիշեցնենք, որ մրցավարները սխալմամբ չեն հաշվել Կրիշտիանու Ռոնալդուի գոլը՝ համարելով, որ գնդակը հարվածելուց հետո ամբողջովին չի հատել դարպասի գիծը: Արդյունքում խաղն ավարտվեց ոչ-ոքի՝ 2:2:

Հանդիպումից հետո գլխավոր մրցավար Դենի Մաքքելին ընդունեց սխալը և ներողություն խնդրեց դրա համար:

«2019 թ.-ին ՈւԵՖԱ-ն առաջարկեց ՖԻՖԱ-ին VAR համակարգը ներդնել այս ընտրական մրցաշարում: Բայց համաճարակի ազդեցությունը նյութատեխնիկական հնարավորությունների վրա ստիպեց ՈւԵՖԱ-ին հետ վերցնել այս առաջարկը», — բացատրել է ՈւԵՖԱ-ն` ի պատասխան քննադատության` տեսանյութերի կրկնությունների բացակայության վերաբերյալ:

📷 ԱԱ-2022․ J խմբի մրցաշարային աղյուսակը երկրորդ տուրից հետո

Վարուժան Բաբայան — Mon, 29 Mar 2021 06:10:47 +0000

ԱԱ-2022-ի ընտրական փուլի 2-րդ տուրում Հայաստանի ազգային հավաքականը սեփական հարկի տակ 2։0 հաշվով հաղթեց Իսլանդիայի ընտրանուն։ Հայաստանի թիմի կազմում գոլի հեղինակ դարձան Տիգրան Բարսեղյանն ու Խորեն Բայրամյանը։

ԱԱ-2022-ի ընտրական փուլի J խմբում Հայաստան հավաքականի հետ նույն խմբում ընգրկված Գերմանիայի ընտրանին արտագնա խաղում նվազագույն հաշվով հաղթեց Ռումինիայի հավաքականին:

Իր հերթին Հյուսիսային Մակեդոնիայի հավաքականը 5 անպատասխան գնդակ ուղարկեց Լիխտենշտեյնի թիմի դարպասը:

Այսպիսով, մեր խմբի մրցաշարային աղյուսակում երկիշխանություն է՝ ի դեմս Գերմանիայի և Հայաստանի հավաքականների։ Գերմանացիներն առաջինն են խփած և բաց թողնված գոլերի տարբերությամբ (Գերմանիա՝ 4-0, Հայաստան՝ 3-0)։ Հյուսիսային Մակեդոնիան և Ռումինիան ունեն երեքական միավոր, իսկ Իսլանդիան և Լիխտեյնշտեյնը դեռ միավորներ չեն վաստակել։

Նշենք, որ ԱԱ-2022 ուղեգիր են ստանում խմբում խմբերում առաջին տեղերը գրաված թիմերը, իսկ երկրորդ տեղը զբաղեցրած հավաքակնները մնացած ուղեգրերը կխաղարկեն փլեյ-օֆֆ փուլում։

Հիշեցնենք, որ 3 օր անց Հայաստանի հավաքականը Երևանում կմրցի Ռումինիայի հավաքականի հետ:

Իսպանիան գերազանցել է Արևմտյան Գերմանիայի ռեկորդը ԱԱ նախընտրական խաղերում

Վարուժան Բաբայան — Sun, 28 Mar 2021 18:58:33 +0000

Մարտի 28-ին Թբիլիսիում կայացավ 2022 թվականի աշխարհի գավաթի որակավորման 2-րդ փուլի հանդիպումը Վրաստանի և Իսպանիայի ազգային հավաքականների միջև:

Հյուրերը խլեցին հաղթանակը խաղի վերջին րոպեներին խփած գոլի շնորհիվ՝ 2:1:

Ինչպես հայտնում է Fifa World Cup Twitter-ը, Իսպանիան գերազանցել է Արևմտյան Գերմանիայի ռեկորդը՝ Աշխարհի առաջնության ընտրական 37 անընդմեջ հանդիպումներում դառնալով գոլի հեղինակ: Նախորդ ռեկորդը կազմել է 36 խաղ և գրանցվել է 1934-1985 թվականների ընթացքում:

Ղազախստան-Ֆրանսիա․ մեկնարկային կազմեր, ուղիղ եթեր

Վարուժան Բաբայան — Sun, 28 Mar 2021 12:00:37 +0000

Այսօր կկայանան ԱԱ-2022 -ի եվրոպական գոտու նախընտրական փուլի երկրորդ տուրի մի շարք հանդիպումներ։ Խաղային օրը կմեկնարկի Ղազախստան-Ֆրանսիա հանդիպումով։

Խաղը կկայանա Նուր Սուլթանում և կմեկնարկի Երևանի ժամանակով 17։00-ին։

Թիմերը խաղադաշտ դուրս կգան հետևյալ մեկնարկային կազմերով։

Ղազախստան

Ֆրանսիա

Հանդիպման ուղիղ հեռարձակումն՝ այստեղ։