Պորտուգալացի լեգենդար հարձակվող Կրիշտիանու Ռոնալդուն կրկին ուշադրության կենտրոնում է: Ֆուտբոլային հրապարակում իր անկոտրում կամքով ու մրցունակ էգոիզմով առանձնացող 41-ամյա խաղացողն այս անգամ որոշել է ընդգծել իր անհատականությունը նաև արտաքինով՝ կյանքում առաջին անգամ մազերը ներկելով վառ շիկակարմիր գույնով։

«Ալ-Նասրի» ավագն իր նոր կերպարով լուսանկար է հրապարակել սոցիալական ցանցերում՝ զարմացնելով թե՛ երկրպագուներին, թե՛ սաուդյան ակումբի իր թիմակիցներին։ Պորտուգալացին իր նոր սանրվածքով արդեն ժամանել է թիմի մարզաբազա և վերսկսել մարզումները: Նա թիմին է միացել արձակուրդից հետո, որն ավելի երկար տևեց Հյուսիսային Ամերիկայում կայացած ԱԱ-2026-ին մասնակցելու պատճառով: Բացի այդ, արձակուրդի ընթացքում՝ օգոստոսի 11-ին, ֆուտբոլիստը վերջապես պաշտոնապես ամուսնացել էր իր վաղեմի ընկերուհու՝ Ջորջինա Ռոդրիգեսի հետ։

Նախորդ մրցաշրջանի արդյունքներով Սաուդյան Արաբիայի Պրո լիգայի չեմպիոնի տիտղոսը նվաճած «Ալ-Նասրը» նոր առաջնությունը կմեկնարկի արդեն օգոստոսի 15-ին՝ մրցելով «Ալ-Ֆաթեհի» հետ:

Հիշեցնենք, որ 2025/2026 մրցաշրջանում Ռոնալդուն բոլոր մրցաշարերում ակումբի և Պորտուգալիայի հավաքականի կազմում անցկացրած 42 խաղում դարձել է 36 գոլի հեղինակ։ Աշխարհի առաջնությունում նա դարձավ երեք գոլի հեղինակ, սակայն Պորտուգալիան պայքարը լքեց 1/8 եզրափակիչում՝ 0:1 հաշվով զիջելով ապագա չեմպիոն Իսպանիային:

Ռոնալդուի գործող պայմանագիրն «Ալ-Նասրի» հետ նախատեսված է մինչև 2027 թվականի ամառ։ Transfermarkt պորտալի գնահատմամբ՝ նրա տրանսֆերային արժեքը կազմում է 10 միլիոն եվրո։

​Կոնֆերենցիաների լիգայի 2026/27 թթ. մրցաշրջանի որակավորման երրորդ փուլի պատասխան խաղում «Նոան» Շվեյցարիայի Սյոն քաղաքի «Տուրբիյոն» մարզադաշտում հյուրընկալվելիս 1-2 հաշվով զիջեց տեղի համանուն թիմին։

​Խաղի հաշիվը 25-րդ րոպեին բացեցին հյուրերը. 11-մետրանոց հարվածն անվրեպ իրացրեց Հելդեր Ֆերեյրան՝ առաջ մղելով «Նոային»: Սակայն երկրորդ խաղակեսում շվեյցարական ակումբին հաջողվեց բեկել հանդիպման ընթացքը։ 54-րդ րոպեին Վինսլի Բոտելին վերականգնեց հավասարությունը, իսկ 63-րդ րոպեին Բալտազարը խփեց «Սյոնի» հաղթական գնդակը՝ ձևակերպելով խաղի վերջնահաշիվը։

​Հիշեցնենք, որ թիմերի միջև Հայաստանում կայացած առաջին հանդիպումն ավարտվել էր ոչ-ոքի՝ 2-2 հաշվով: Այսպիսով, երկու խաղերի ընդհանուր 4-3 հաշվով որակավորման փլեյ-օֆֆ փուլի ուղեգիր նվաճեց «Սյոնը»։

​Այս պարտությունից հետո հայկական ակումբը լքեց պայքարը եվրագավաթներում, իսկ «Սյոնը» որակավորման փլեյ-օֆֆում կհանդիպի «Այաքս» – «Շելբուրն» զույգի հաղթողի հետ։

Սաուդյան Արաբիայի Պրո լիգայի 2026/2027 մրցաշրջանի անդրանիկ տուրում «Ալ-Ահլին» արտագնա խաղում կարևոր հաղթանակ տոնեց՝ նվազագույն՝ 1:0 հաշվով առավելության հասնելով «Ալ Դիրիայի» նկատմամբ։ Էր Ռիյադի «Արքայազն Ֆեյսալ բին Ֆահդ» մարզադաշտում կայացած հանդիպման ելքը վճռեց մեկ դիպուկ հարված։

Խաղի գլխավոր հերոսը դարձավ Հայաստանի ազգային հավաքականի կիսապաշտպան Էդուարդ Սպերցյանը։ Հանդիպման 25-րդ րոպեին հայ ֆուտբոլիստը գրավեց տանտերերի դարպասը՝ հեղինակելով իր նորամուտի և, ինչպես պարզվեց ավելի ուշ, հաղթական գոլը նոր թիմի կազմում անցկացրած առաջին իսկ պաշտոնական խաղում։

Այս հաջող մեկնարկից հետո «Ալ-Ահլին» կնախապատրաստվի առաջնության երկրորդ տուրին, որտեղ օգոստոսի 22-ին ուժերը կչափի «Աբհայի» հետ։ Ինչ վերաբերում է «Ալ Դիրիային», ապա թիմը օգոստոսի 21-ին կմրցի «Ալ-Հազմի» դեմ։

Հիշեցնենք նաև, որ Սաուդյան Արաբիայի Պրո լիգայի գործող չեմպիոնի տիտղոսը կրում է Կրիշտիանու Ռոնալդուի «Ալ-Նասրը»։

GOALLLLLLLLLLLLLLLLLLLLL
25′ 🇸🇦 Al Diriyah 0:1 Al Ahli SC
⚽ Spertsyan pic.twitter.com/26x2djJajG

— Accurate Football (@Accurate_Foot23) August 13, 2026

Մրցաշարային աղյուսակն այս պահին

Ռուսաստանի Պրեմիեր լիգան իր տելեգրամյան պաշտոնական ալիքում անդրադարձել է Հայաստանի ազգային հավաքականի կիսապաշտպան Էդուարդ Սպերցյանի նորամուտի գոլին «Ալ-Ահլիի» կազմում:

Ինչպես արդեն տեղեկացրել էինք, Հայաստանի ընտրանու ավագը Սաուդյան Արաբիայի Պրո լիգայի առաջին տուրում կայացած «Ալ Դիրիայի» դեմ խաղում դուրս էր եկել մեկնարկային կազմում և արդեն 25-րդ րոպեին գրավել մրցակցի դարպասը:

«Էդուարդ Սպերցյանին ընդամենը 25 րոպե պահանջվեց «Ալ-Ահլիի» կազմում պաշտոնական խաղում նորամուտի գոլի հեղինակ դառնալու համար։ Շարունակիր նույն ոգով, Էդո»,- նշված է ՌՊԼ-ի գրառման մեջ։

Հիշեցնենք, որ Սպերցյանը «Կրասնոդարի» ակադեմիայի սան է, որի գլխավոր թիմում հանդես էր գալիս 2021 թվականից։ Ռուսական ակումբի կազմում անցկացրած 185 հանդիպումներում հայ ֆուտբոլիստն աչքի է ընկել տպավորիչ արդյունավետությամբ՝ դառնալով 58 գոլի և 50 գոլային փոխանցման հեղինակ։

Կիսապաշտպանի գործող պայմանագիրը սաուդյան ակումբի հետ նախատեսված է մինչև 2029 թվականի ամառ։ Transfermarkt հեղինակավոր պորտալի գնահատմամբ՝ Սպերցյանի տրանսֆերային շուկայական արժեքը կազմում է 25 միլիոն եվրո։

ՈւԵՖԱ-ի Եվրոպայի լիգայի որակավորման փլեյ-օֆֆ փուլում պարզ է դարձել Երևանի «Արարատ-Արմենիայի» մրցակցի անունը։ Մրցաշարի լիգայի փուլ դուրս գալու համար հայկական ակումբը կպայքարի ռումինական «Ունիվերսիտատյա Կրայովայի» դեմ։

Նախորդ փուլում ռումինական թիմը բավականին բարդ դիմակայություն է անցկացրել ֆիննական ԿուՊՍ-ի հետ։ Սեփական հարկի տակ կայացած պատասխան խաղում գրանցելով 2:1 հաշվով կամային հաղթանակ՝ «Ունիվերսիտատյա Կրայովան» երկու հանդիպումների արդյունքում ապահովել է 3:2 հաշիվն ու նվաճել հաջորդ փուլի ուղեգիր։

Փլեյ-օֆֆի առաջին հանդիպումը տեղի կունենա մրցակցի հարկի տակ` օգոստոսի 20-ին, իսկ  պատասխան խաղը կկայանա Երևանում՝ Վազգեն Սարգսյանի անվան Հանրապետական ստադիոնում օգոստոսի 27-ին:

Հետաքրքիր է, որ ռումինացիներն այս եվրագավաթային մրցաշրջանը մեկնարկել էին Չեմպիոնների լիգայից։ Այնտեղ նրանք սկզբում ընդհանուր 5:1 հաշվով վստահորեն պայքարից դուրս էին թողել բելառուսական «Վիտեբսկին», սակայն հաջորդիվ 2:3 հաշվով զիջել էին բուլղարական «Լևսկիին»։

Ինչ վերաբերում է Մանուել Տուլիպայի գլխավորած թիմին, ապա նրանք Եվրոպայի լիգա են տեղափոխվել Չեմպիոնների լիգայի որակավորման երրորդ փուլում սլովենական «Ցելյեի» արգելքը չհաղթահարելուց հետո։

Այժմ երևանյան թիմը կանգնած է իսկապես պատմական իրադարձության շեմին. հաջողության դեպքում «Արարատ-Արմենիան» կդառնա հայկական ֆուտբոլի պատմության մեջ առաջին ակումբը, որը հանդես կգա Եվրոպայի լիգայի հիմնական փուլում։

Իսկ պարտության դեպքում թիմն ապահովագրված է եվրագավաթային աշնանից՝ պայքարը շարունակելով Կոնֆերենցիաների լիգայի լիգայի փուլում։

Հայաստանի ազգային հավաքականի կիսապաշտպան Էդուարդ Սպերցյանը տպավորիչ նորամուտ է նշել Սաուդյան Արաբիայի Պրո լիգայում։

Առաջնության 2026/2027 մրցաշրջանի անդրանիկ տուրում Սպերցյանի նոր ակումբը՝ «Ալ-Ահլին», Էր Ռիյադի «Արքայազն Ֆեյսալ բին Ֆահդ» մարզադաշտում մրցում է «Ալ Դիրիայի» հետ։ Հայ ֆուտբոլիստն ընդգրկվել էր իր թիմի մեկնարկային կազմում և արդեն առաջին խաղակեսում աչքի ընկավ արդյունավետ գործողությամբ։

Հանդիպման 25-րդ րոպեին Սպերցյանը գրավեց մրցակցի դարպասը՝ խփելով իր անդրանիկ գոլը սաուդյան ակումբի մարզաշապիկով։

GOALLLLLLLLLLLLLLLLLLLLL
25' 🇸🇦 Al Diriyah 0:1 Al Ahli SC
⚽ Spertsyan pic.twitter.com/26x2djJajG

— Accurate Football (@Accurate_Foot23) August 13, 2026

Հիշեցնենք, որ «Կրասնոդարի» նախկին ավագի տեղափոխության մասին պաշտոնապես հայտարարվել էր հուլիսի 7-ին: Սպերցյանը ռուսական ակումբի ակադեմիայի սան է, որի հիմնական կազմում հանդես էր գալիս 2021 թվականից՝ անցկացրած 185 խաղում դառնալով 58 գոլի և 50 արդյունավետ փոխանցման հեղինակ։

Իսպանիայի ազգային հավաքականի հարձակվող Ֆերան Տոռեսը կատալոնական «Բարսելոնայից» տեղափոխվում է ֆրանսիական ՊՍԺ։ Այս մասին իր սոցիալական էջերում հայտնել է հեղինակավոր ինսայդեր Ֆաբրիցիո Ռոմանոն՝ ընդգծելով, որ ակումբների միջև գործարքն արդեն փակված է։

26-ամյա ֆուտբոլիստի տրանսֆերի դիմաց «կապտանռնագույնները» փարիզյան ակումբից կստանան 50 միլիոն եվրո փոխհատուցում։ Աղբյուրի համաձայն՝ մի քանի օր տևած բանակցություններն արագ հանգուցալուծում են ստացել, քանի որ Տոռեսը ցանկանում էր տեղափոխվել միմիայն ՊՍԺ։ Իսպանացու գործող պայմանագիրը կատալոնական ակումբի հետ նախատեսված էր մինչև հաջորդ տարվա ամառ։

Ֆերան Տոռեսը, ով իր կարիերայի ընթացքում հասցրել է հանդես գալ նաև «Վալենսիայում» և «Մանչեսթեր Սիթիում», այս ամառ իսկական ֆուրոր արեց։ Հենց նրա խփած միակ և հաղթական գոլն Արգենտինայի հավաքականի դարպասը Իսպանիային բերեց ԱԱ-2026-ի չեմպիոնի տիտղոսը։

Հիշեցնենք նաև, որ ՊՍԺ-ն չորեքշաբթի երեկոյան նվաճել է ՈւԵՖԱ-ի Սուպերգավաթը՝ 2:1 հաշվով առավելության հասնելով անգլիական «Ասթոն Վիլայի» նկատմամբ։

Հայաստանի Պրեմիեր լիգայի 3-րդ տուրում «Ուրարտուն» սեփական հարկի տակ 3 անպատասխան գնդակ ուղարկեց «Սյունիքի» դարպասը։

Դուբլ ձևակերպեց Բռունո Միշել Սանտանան՝ երկու անգամ անվրեպ իրացնելով նշանակված 11 մետրանոցը։ Մեկ անգամ աչքի ընկավ Միգել Ռաջանի Կարդոսոն։

Այս խաղից հետո «Ուրարտուն» 4 միավորով զբաղեցնում է 6-րդ հորիզոնականը։ «Սյունիքը» միավոր չի վաստակել։

«Ուրարտուն» հաջորդ տուրում կմրցի «Շիրակի», իսկ «Սյունիքը»՝ «Վանի» հետ։

Տեսանյութը՝ ստորև․

Մրցաշարային աղյուսակն այս պահին

Կոնֆերենցիաների լիգայի որակավորման երրորդ փուլի վճռորոշ պատասխան խաղում Հայաստանի փոխչեմպիոն Երևանի «Նոան» արտագնա հանդիպում կանցկացնի շվեյցարական «Սյոնի» դեմ։

Երևանյան ակումբի խորվաթ գլխավոր մարզիչ Սանդրո Պերկովիչն արդեն հրապարակել է այն ֆուտբոլիստների անունները, որոնք խաղադաշտ դուրս կգան առաջին իսկ րոպեներից։

«Նոայի» մեկնարկայինն ունի հետևյալ տեսքը.

Ֆիգուեյրա, Սաինտինի, Մուրադյան, Բոակիե, Սուալեհե, Օշիմա, Սանգարե, Մանվելյան, Օդեյ, Ֆերեյրա, Յակոլիշ

Հիշեցնենք, որ թիմերի միջև կայացած առաջին դիմակայությունն ավարտվել էր գոլառատ ոչ-ոքիով՝ 2:2 հաշվով։ Շվեյցարիայում կայանալիք հանդիպման մեկնարկային սուլիչը կհնչի Երևանի ժամանակով 22:15-ին։

«Ինտեր Մայամիի» բրազիլացի կիսապաշտպան Կազեմիրոն հիացմունքով է խոսել իր թիմակից Լիոնել Մեսսիի պրոֆեսիոնալիզմի և անկոտրում կամքի մասին:

Արգենտինացի սուպերաստղը, չնայած հոր՝ Խորխե Մեսսիի վերջերս տեղի ունեցած ողբերգական մահվանը, որոշում էր կայացրել դուրս գալ խաղադաշտ մեքսիկական «Լեոնի» դեմ MLS + MX գավաթային խաղում (2:3)։

Ինչպես փոխանցում է լրագրող Խոսե Արմանդոն X սոցիալական ցանցում, Կազեմիրոն հատկապես ընդգծել է արգենտինացու բնավորությունը․

«Ահա թե ինչու է նա մեծագույնը՝ պատմության լավագույն ֆուտբոլիստներից մեկը, եթե ոչ բացարձակ լավագույնը։ Նա շարունակում է ապացուցել դա։ Նրա այսօրվա ներկայությունը խաղադաշտում ինձ համար առանձնահատուկ նշանակություն ուներ։

Գլուխ եմ խոնարհում նրա առջև և պարզապես շնորհակալություն հայտնում։ Տոկունություն նրան ու նրա ընտանիքին։ Ուղղակի անհավանական էր, որ այս ծանր պահին նա մեզ հետ էր»,- ասել է Կազեմիրոն։

Հիշեցնենք, որ Խորխե Մեսսիի մահվան բոթը տարածվել էր օգոստոսի 7-ին, իսկ արդեն օրեր անց՝ օգոստոսի 13-ին, Լեոն կրկին խաղադաշտում էր՝ ապացուցելով իր նվիրվածությունը ֆուտբոլին և թիմին։