Ֆրանսիացի հայտնի լրագրող Դանիել Ռիոլոն անդրադարձել է Պորտուգալիայի հավաքականում և նրա ավագ Կրիշտիանու Ռոնալդուի շուրջ ստեղծված աղմկահարույց իրավիճակին։

ՌMC Sport-ի եթերում Ռիոլոն կոշտ քննադատության է ենթարկել 41-ամյա հարձակվողին՝ նշելով, որ նրա պահվածքը հատել է բոլոր սահմանները.

«Նա այլ աշխարհում է ապրում։ Վերջին տարիներին ինձ թվում էր, թե նա խելագարվել է։ Բավական է միայն նայել նրա ինստագրամն ու տեսնել նրան… Ես նրան կդասեի տրանսհումանիստների շարքին՝ Իլոն Մասկի և նմանատիպ մարդկանց կողքին։ Նա այլ գալակտիկայում է, նա այլևս մեզ հետ չէ։

Միանգամայն ակնհայտ է, որ թիմակիցների համար արդեն չափազանց բարդ է նրա հետ շփվելը. նա այլևս մարդ չէ մեր սովորական ընկալմամբ: Նա իրեն ուրիշ մեկն է երևակայում՝ գերմարդ, կամ չգիտեմ՝ ով։ Ես վստահ էի, որ ամեն ինչ հենց սրան էլ հանգեցնելու է։ Թեկուզ նա դեռ չի հայտարարել վերջնականապես հեռանալու մասին, բայց նման պահվածքից հետո ֆեդերացիան ու Ժորժե Ժեզուշը չեն կարող պարզապես աչք փակել այս ամենի վրա։ Նրանք պետք է հասկացնեն Ռոնալդուին, որ նրա արարքը չափազանց լուրջ խախտում է»,- ասել է Ռիոլոն։

Հիշեցնենք, որ ավելի վաղ Ռոնալդուն լքել էր ազգային հավաքականի ճամբարը՝ չնայած գլխավոր մարզիչ Ժորժե Ժեզուշի այն հայտարարություններին, թե նրանց միջև որևէ կոնֆլիկտ չկա։ Հարձակվողը ինքնակամ որոշել էր հեռանալ և մեկնաբանել էր իր քայլը, իսկ պորտուգալական մի շարք առաջատար ԶԼՄ-ներ արդեն հայտնել են, որ Ռոնալդուն մտադիր է ավարտել կարիերան ազգային հավաքականում։

Դանիայի և Պորտուգալիայի ազգային հավաքականների միջև Ազգերի լիգայի 3-րդ տուրի հանդիպումը (2:4) աչքի է ընկել ոչ միայն գոլառատությամբ, այլև Կրիշտիանու Ռոնալդուի շուրջ ստեղծված սկանդալի արձագանքներով։ Գլխավոր հերոսներից մեկը դարձել է դանիացիների հարձակվող Ռասմուս Հոյլունդը։

Կոպենհագենի «Պարկեն» մարզադաշտում կայացած խաղի 53-րդ րոպեին «Նապոլիի» հարձակվող Ռասմուս Հոյլունդը հավասարեցրել է հաշիվը (2:2) և որոշել գոլը տոնել պորտուգալացիների լեգենդար ավագ Կրիշտիանու Ռոնալդուի հայտնի «Siuuu» ոճով։ Հոյլունդը նախկինում ևս երբեք չի թաքցրել իր հիացմունքը 41-ամյա աստղի նկատմամբ, սակայն այս ժեստն ուներ հստակ ենթատեքստ՝ հաշվի առնելով Ռոնալդուի՝ հավաքականի ճամբարը լքելու վերջին իրադարձությունները։

You can just tell Rasmus Højlund has perfected the Siuuu. 😭

The way he throws those hands into the air before hitting it tells you this has been rehearsed. I’m convinced there are three Siuuus happening at home every single day. 😂

But beneath the celebration is something far more beautiful.

This is the man Højlund grew up watching.

The man millions watched grow from a boy into a phenomenon. The man whose celebration travelled from stadium to stadium, country to country, until a generation of footballers began carrying a piece of him into their own careers.

And perhaps, ironically, the more Cristiano is questioned at home, the louder his love becomes everywhere else.

Because this is Cristiano Ronaldo.

You can challenge the man. You can question the player. But you cannot contain the influence.

It crosses borders. It crosses generations.

And somewhere, every day, another young footballer is learning the Siuuu, dreaming the dream, and discovering what Cristiano once made them believe was possible.

Nothing tames this legacy.

It simply keeps travelling. 🌍🐐👑🇵🇹

— The Nassr Tribune™️ (@AlNassrTribune) October 2, 2026

Կրքերը չեն հանդարտվել նաև մրցավարի եզրափակիչ սուլիչից հետո։ Թիմերի միջև ավանդական ձեռքսեղմումների ժամանակ Հոյլունդը մոտեցել է Պորտուգալիայի հավաքականի գլխավոր մարզիչ Ժորժե Ժեզուշին և հրել նրա կրծքավանդակին։ Նշվում է, որ Ժեզուշն այս դրվագին արձագանքել է պարզապես ժպիտով։

Խաղից հետո դանիացի հարձակվողը բացատրել է իր պահվածքն ու գոլի տոնումը.

«Դա պարզապես հարգանքի տուրք է մի մարդու, որը, հնարավոր է, ավարտել է իր կարիերան ազգային հավաքականում՝ երեկ տեղի ունեցածից հետո։ Այո, ես պարզապես ցանկացա ևս մեկ անգամ պատվել նրան: Սա որևէ կապ չունի անհարգալից վերաբերմունքի հետ։ Նա իմ մեծագույն կուռքն է»,- նշել է Հոյլունդը:

Հիշեցնենք, որ ավելի վաղ Կրիշտիանու Ռոնալդուն սկանդալով լքել էր Պորտուգալիայի հավաքականի ճամբարը այն բանից հետո, երբ Ժորժե Ժեզուշը հայտարարել էր, որ ֆուտբոլիստի կարգավիճակը տեղ չի երաշխավորում հիմնական կազմում: Չնայած մարզչի այն պնդումներին, թե իրենց միջև կոնֆլիկտ չկա, պորտուգալական ԶԼՄ-ներն ակտիվորեն գրում են ազգային թիմում CR7-ի կարիերայի հնարավոր ավարտի մասին։

Գերմանիայի ազգային հավաքականի գլխավոր մարզիչ Յուրգեն Կլոպը կիսվել է Ազգերի լիգայի խմբային փուլի 3-րդ տուրում Սերբիայի նկատմամբ տարած տնային հաղթանակի (2:0) տպավորություններով։ Այս հաղթանակն առաջինն էր Բունդեսթիմի համար 59-ամյա մասնագետի գլխավորությամբ։

Խոսելով խաղի մասին՝ Կլոպը նշել է, որ գոհ է թիմի գործողությունների բացարձակապես բոլոր դրվագներից.

«Ինձ դուր եկավ ամեն ինչ՝ սկիզբը, միջնամասը և վերջնամասը։ Տուգանային հրապարակում մեր դասավորվածությունն անհավանական էր։ Մենք սկսեցինք խելահեղ տեմպով, հակապրեսինգը ֆանտաստիկ մակարդակի վրա էր, իսկ տարածությունները՝ սահմանափակված։ Երբ բոլորով միասին խլում ենք գնդակը, կարող ենք մեզ ցանկացած ռիսկ ու ազատություն թույլ տալ: Առանց գնդակի մենք ֆանտաստիկ էինք, իսկ գնդակով պարզապես գեղեցիկ ֆուտբոլ խաղացինք»,- Կլոպի խոսքերն է մեջբերում ՈւԵՖԱ-ի մամուլի ծառայությունը։

Գերմանացի մասնագետը նշել է նաև ընդմիջմանն ունեցած խոսակցության կարևորությունը.

«Կարող էինք ավելին խփել, բայց ընդմիջմանը տղաներին ասացի՝ հիմա գլխավորն այս մակարդակը պահպանելն է։ Եթե ցանկանում ենք ապագայում լուրջ նպատակների համար պայքարող թիմ դառնալ, պարտավոր ենք պահպանել այս տրամադրվածությունը։ Եվ նրանք փայլուն գլուխ հանեցին՝ պահելով և՛ ինտենսիվությունը, և՛ մնացած ամեն ինչ: Սա պետք է դառնա մեր բազային նշաձողը: Արդյոք միշտ կկարողանա՞նք սա կրկնել՝ ցույց կտա ժամանակը: Բայց այս հանդիպումը հաստատ կգնա իմ արխիվ. սա հաջորդ քայլն է մեր զարգացման ճանապարհին»։

Անդրադառնալով արդեն հոկտեմբերի 4-ին կայանալիք Ազգերի լիգայի 4-րդ տուրի՝ Հունաստանի դեմ արտագնա խաղին՝ Կլոպը նախազգուշացրել է բարդ դիմակայության մասին.

«Այդ հանդիպումը մեզ համար շատ կարևոր է, բայց մենք հասկանում ենք, որ Հունաստանում՝ լեփ-լեցուն մարզադաշտում, անհավանական բարդ է լինելու: Այնտեղ շոգ է լինելու ոչ միայն եղանակի պատճառով, տրիբունաներում մթնոլորտը ևս, հավանաբար, շիկացած կլինի մինչև վերջ: Մենք առավելագույնն ենք անելու, բայց այսօրվա հաղթանակն արդեն ոչ ոք մեզնից չի խլի։ Այժմ մենք ունենք մեկնարկային կետ, սակայն առջևում դեռ երկար ճանապարհ կա»։

Հիշեցնենք, որ Ազգերի լիգայի խմբային փուլի 4-րդ տուրի Գերմանիա — Հունաստան, ինչպես նաև Սերբիա — Նիդերլանդներ հանդիպումները կկայանան հոկտեմբերի 4-ին:

Այսօր՝ հոկտեմբերի 2-ին, Նիկոսիայում կկայանա ՈւԵՖԱ Ազգերի լիգայի C2 խմբի Կիպրոս — Հայաստան հանդիպումը։

ՈւԵՖԱ-ն ներկայացրել է ազգային ընտրանիների վերջնական հայտացուցակներն այդ խաղի համար․

Հայաստան

Դարպասապահներ

• Ալեքսանդր Միշիև
• Արսեն Բեգլարյան
• Գոռ Մատինյան

Պաշտպաններ

• Արտյոմ Բանդիկյան
• Էրիկ Փիլոյան
• Գեորգի Հարությունյան
• Արգիշտի Պետրոսյան
• Խարիտոն Այվազյան
• Դավիթ Տերտեյան
• Նայիր Թիկնիզյան
• Էրիկ Սիմոնյան

Կիսապաշտպաններ

• Ուգոչուկվու Իվու
• Էդգար Սևիկյան
• Կառլեն Հովհաննիսյան
• Նարեկ Աղասարյան
• Էդուարդ Սպերցյան
• Նարեկ Գրիգորյան
• Գոռ Մանվելյան
• Կարեն Նալբանդյան
• Արթուր Միրանյան
• Կարեն Մուրադյան
• Նարեկ Հովհաննիսյան

Հարձակվող

• Արթուր Ղարիբյան

Գլխավոր մարզիչ՝ Եղիշե Մելիքյան

Կիպրոս

Դարպասապահներ

• Ֆաբիանո
• Անտրեաս Պարասկևաս
• Նեոֆիտոս Միխայիլ

Պաշտպաններ

• Կոստաս Պիլեաս
• Նիկոլաս Պանայոտու
• Հեկտոր-Մեթյու Կիպրիանու
• Էվագորաս Անտոնիու
• Անդրեաս Շիկիս
• Գեորգոս Մալեկիդիս
• Լեոնիդաս Կոնոմիս

Կիսապաշտպաններ

• Հարալամպոս Կիրիակու
• Իոանիս Կոստի
• Պանայոտիս Անդրեու
• Անդրեաս Խրիստու
• Կոստակիս Արտիմատաս
• Գրիգորիս Կաստանոս

Հարձակվողներ

• Անգելոս Նեոֆիտու
• Իոանիս Պիտաս
• Լոյզոս Լոյզու
• Անդրոնիկոս Կակուլի
• Ստավրոս Գեորգիու
• Մարինոս Ցիոնիս
• Մարկուս Էդվարդս

Գլխավոր մարզիչ՝ Ապոստոլոս Մանցիոս

Հիշեցնենք, որ հանդիպման մեկնարկը Երևանի ժամանակով 20։00-ին է։

Պորտուգալիայի ազգային հավաքականի գլխավոր մարզիչ Ժորժե Ժեզուշը մեկնաբանել է թիմի ավագ Կրիշտիանու Ռոնալդուի՝ հավաքականի ճամբարը լքելու աղմկահարույց միջադեպն ու դրա ազդեցությունը թիմի ներքին մթնոլորտի վրա։

Օրեր առաջ հայտնի դարձավ, որ 41-ամյա Ռոնալդուն հեռացել է ազգային թիմի տեղակայման վայրից այն բանից հետո, երբ մամուլի ասուլիսի ժամանակ Ժեզուշը հայտարարել էր, թե աստղային կարգավիճակը որևէ ֆուտբոլիստի տեղ չի երաշխավորում հիմնական կազմում։ Արդյունքում հարձակվողը բաց թողեց Նորվեգիայի, ապա նաև Դանիայի դեմ Ազգերի լիգայի հանդիպումները։

Անդրադառնալով ստեղծված իրավիճակին՝ Ժեզուշը Record պարբերականի հետ զրույցում ընդգծել է, որ ամենևին չի զղջում իր ասածների համար.

«Զղջո՞ւմ եմ արդյոք կարգավիճակ ունեցող խաղացողների մասին խոսքերիս համար: Ո՛չ: Կան հատուկ կարգավիճակով ֆուտբոլիստներ, սակայն կանոնները բոլորի համար նույնն են: Կարիերայիս ընթացքում միշտ այդպես եմ մտածել և շարունակելու եմ հավատարիմ մնալ այս սկզբունքին։ Եթե նայեք, թե ինչ եմ արել ես այլ թիմերում, ապա ամեն ինչ նույնն է։ «Ալ-Նասրում» ես անգամ մեծ թմբուկ էի նվագում… Կրիշտիանուի հետ»։

Հինգշաբթի օրը պորտուգալացիները Ազգերի լիգայում 4:2 հաշվով տպավորիչ հաղթանակ տարան Դանիայի նկատմամբ: Խոսելով երկրպագուների արձագանքի և թիմային ոգու մասին՝ Ժեզուշը նշել է.

«Կարծում եմ՝ բոլորը գոհ են, որ Պորտուգալիան հասուն և համարձակ գաղափարներով խաղ ցուցադրեց: Ինձ շատ դուր եկավ մեր պրեսինգը։ Դանիան արդեն այն թիմը չէ, ինչ 15 տարի առաջ էր, և քչերին է հաջողվել այստեղ գալ ու 4:2 հաշվով հաղթել։ Մարզչի կյանքում հաջողություն երաշխավորող միայն մեկ բան կա՝ հաղթանակը։ Արդյոք ամբողջ երկի՞րն է իմ կողքին: Չգիտեմ, կցանկանայի, որ այդպես լիներ»։

Մարզիչը նաև հերքել է թիմի ներսում պառակտման մասին շրջանառվող լուրերը՝ վստահեցնելով, որ խաղացողներն իրեն աջակցում են.

«Ոչինչ չի խոսում այն մասին, որ տղաներն ինձ հետ չեն: Ես հասկանում եմ, թե ինչու եք այս հարցերը տալիս. կյանքում ամեն ինչ պատահում է, բայց այս իրավիճակը չի պառակտում և երբեք չի պառակտի մեր թիմը: Գլխավորը հաղթելն է, դա է մարզչի աշխատանքը, մնացած ամեն ինչ պետք է մոռանալ»,- եզրափակել է նա:

Չնայած Ժեզուշի այն պնդումներին, թե Ռոնալդուի հետ կոնֆլիկտ չկա, պորտուգալական մամուլում ակտիվորեն լուրեր են շրջանառվում, որ Եվրոպայի չեմպիոն և Ազգերի լիգայի կրկնակի հաղթող Կրիշտիանու Ռոնալդուն մտադիր է ընդմիշտ ավարտել կարիերան ազգային հավաքականում:

Հոկտեմբերի 1-ին կայացավ Ազգերի լիգայի մրցաշարի A լիգայի 2-րդ խմբի երրորդ տուրի Հունաստան-Նիդերլանդներ հանդիպումը։

Հանդիպումն ավարտվեց ոչ-ոքի՝ 2-2 հաշվով։

Առաջին խաղակեսից հետո հյուրերն ունեին երկու գնդակի առավելություն․ 18-րդ րոպեին վնասվածք ստացած Ցոլիսին փոխարինեց «Նեոմի» հարձակվող Մասուրասը, ով քիչ անց նախ օգնեց աչքի ընկնել Իոանիդիսն, իսկ ընդմիջման գնալուց առաջ ինքը նաև գոլ գրանցեց իր հաշվին։

Երկրորդ խաղակեսում, 59-րդ րոպեին հյուրերի կազմում մեկ գնդակ հետ բերեց Վան Դեյկը։ Քիչ անց աչքի ընկավ նաև Դումֆրիսը, սակայն նրա գոլը չեղարկվեց։ Բայց նիդերլանդացիները կարողացան ի վերջո խուսափել պարտությունից այս խաղում․ 89-րդ րոպեին կարևոր գոլը խփեց Տիջանի Ռեյնդերսը։

Գոլերը՝ ԱՅՍՏԵՂ։

Զուգահեռաբար կայացած Գերմանիա-Սերբիա հանդիպումն ավարտվեց 2-0 հաշվով։

Մրցաշարային աղյուսակը երրորդ տուրից հետո․

Հոկտեմբերի 1-ին կայացավ Ազգերի լիգայի մրցաշարի A լիգայի 4-րդ խմբի երրորդ տուրի Դանիա-Պորտուգալիա հանդիպումը։

Առաջին խաղակեսը գոլառատ ստացվեց։ Հանդիպման 13-րդ րոպեին հյուրերն առաջ անցան հաշվի մեջ Ժոաու Կանսելուի գոլի շնորհիվ, ում օգնեց աչքի ընկնել Ռամուշը։ 24-րդ րոպեին Միկել Դամսգորը գեղեցիկ գոլ խփեց՝ հավասարեցնելով հաշիվը լուսատախտակին։ Սակայն քիչ անց Ռամուշը նորից առաջ մղեց հյուրերին․ Գոնսալուն երկրորդ խաղում անընդմեջ գոլ է խփում։

Երկրորդ խաղակեսի մեկնարկից քիչ անց Ռասմուս Հոյլունդը վերականգնեց հավասարությունը՝ աչքի ընկնելով Դամսգորի հաշվենկատ փոխանցումից։ 67-րդ րոպեին գոլ հեղինակեց Վիտինյան՝ Ֆերնանդեշի փոխանցումից, որը երկրորդն էր այս խաղում։ 87-րդ րոպեին հանդիպման վերջակետը դրեց Ժոաու Ֆելիքսը՝ երրորդ անընդմեջ խաղում աչքի ընկնելով գոլով։ 4-2, և պորտուգալացիները 100 տոկոսանոց արդյունքով մինաձնյա գլխավորում են աղյուսակը։

Գոլերը՝ ԱՅՍՏԵՂ։

Զուգահեռաբար կայացած Ուելս-Նորվեգիա հանդիպումն ավարտվեց 2-1 հաշվով։

Մրցաշարային աղյուսակը երրորդ տուրից հետո․

Հոկտեմբերի 1-ին կայացավ Ազգերի լիգայի մրցաշարի A լիգայի 4-րդ խմբի երրորդ տուրի Ուելս-Նորվեգիա հանդիպումը։

Հանդիպումն ավարտվեց տանտերերի՝ 2-1 հաշվով հաղթանակով։

Հանդիպման 11-րդ րոպեին հյուրերի կազմում հաշիվը բացեց Օսկար Բոբը։ 38-րդ րոպեին տանտերերը Ջեյմսի գոլի շնորհիվ վերականգնեցին հավասարությունը։ Երկրորդ խաղակեսի մեկնարկում տուգանայինից աչքի ընկավ Նեկո Ուիլյամսը՝ արդեն տանտերերին առաջ մղելով հաշվի մեջ։ 46-րդ րոպեից նորվեգացիները խաղում էին 10 հոգով՝ Հեգեմի հեռացումից հետո։

Գոլերը՝ ԱՅՍՏԵՂ։

Զուգահեռաբար կայացած Դանիա-Պորտուգալիա հանդիպումն ավարտվեց 2-4 հաշվով։

Մրցաշարային աղյուսակը երրորդ տուրից հետո․

Զուգահեռաբար կայացան նաև B լիգայի 3-րդ խմբի հանդիպումները։ Արդյունքները՝ ստերև․

Իռլանդիա — Ավստրիա / 2-2
Իսրայել — Կոսովո / 0-0

Հոկտեմբերի 1-ին կայացավ Ազգերի լիգայի մրցաշարի A լիգայի 2-րդ խմբի երրորդ տուրի Գերմանիա-Սերբա հանդիպումը։

Հանդիպումն ավարտվեց տանտերերի՝ 2-0 հաշվով հաղթանակով։

Առաջին խաղակեսից հետո գերմանացիներն ունեին նվազագույն առավելություն․ հանդիպման 39-րդ րոպեին Թոմ Բիշոֆն իր առաջին գոլը խփեց հավաքականի կազմում՝ աչքի ընկնելով Ֆլորիան Վիրցի փոխանցումից։

Երկրորդ խաղակեսում, 61-րդ րոպեին, արդեն իր ակտիվում գոլ գրանցեց հենց Վիրցը։ Յուրգեն Կլոպը առաջին հաղթանակը տոնեց Գերմանիայի հավաքականի ղեկին։

Գոլերը՝ ԱՅՍՏԵՂ։

Զուգահեռաբար կայացած Հունաստան-Նիդերլանդներ հանդիպումն ավարտվեց 2-2 հաշվով։

Մրցաշարային աղյուսակը երրորդ տուրից հետո․

Վաղը՝ հոկտեմբերի 2-ին, Ազգերի լիգայի խաղարկության C լիգայի 2-րդ խմբի երրորդ տուրում Հայաստանի ազգային հավաքականը մրցակցի հարկի տակ՝ Նիկոսիայի GSP մարզադաշտում կհյուրընկալվի Կիպրոսի ընտրանուն։

Այսօր Կիպրսի Նիկոսիա քաղաքում կայացավ Հայաստանի ազգային հավաքականի նախախաղային մարզումը՝ անձրևոտ եղանակային պայմաններում։

Նշենք, որ վաղը կայանալիք հանդիպումը կմեկնարկի 20։00-ին։ Զուգահեռաբար կընթանա նաև խմբի մյուս՝ Լատվիա-Չեռնոգորիա հանդիպումը։ Հոկտեմբերի 5-ին Հայաստանի հավաքականն արտագնա հանդիպում կանցկացնի Չեռնոգորիայի հետ։

Խմբի մրցաշարային աղյուսակը