Ճապոնիայի Նագոյա քաղաքում ավարտին մոտեցող 2026 թվականի Ասիական խաղերում Բահրեյնը ներկայացնող հայ ծանրորդ Գոռ Մինասյանը դարձել է բրոնզե մեդալակիր՝ տղամարդկանց գերծանր (+110 կգ) քաշային կարգում։

31-ամյա Մինասյանը երկամարտում գրանցեց 440 կգ արդյունք և բարձրացավ պատվո հարթակի երրորդ աստիճանին՝ բրոնզ նվաճելով բարձրակարգ և լարված մրցակցության պայմաններում։ Պոկում վարժությունում Գոռը հաջողությամբ բարձրացրեց 205 կգ ծանրաձողը՝ ձախողելով հաջորդ երկու մոտեցումները 211 կգ քաշով։ Հրում վարժությունում ծանրորդը հաջողեց երկրորդ մոտեցումը՝ գլխավերևում պահելով 235 կգ, սակայն վերջին փորձի ժամանակ 246 կգ քաշն այս անգամ չենթարկվեց նրան:

Ոսկե մեդալը նվաճեց Իրանի ներկայացուցիչ Ալի Դավուդին՝ երկամարտի 466 կգ արդյունքով (206+260)։ Պոկում վարժությունից հետո առաջատարն իրաքցի Ալի Ամմար Ռուբաիավին էր, որը ֆանտաստիկ՝ 219 կգ արդյունք էր գրանցել՝ Դավուդիին գերազանցելով 13 կգ-ով։ Սակայն հրում վարժությունում իրանցի ծանրորդը բարձրացրեց 260 կգ, և քանի որ Ռուբաիավին բավարարվեց միայն 246 կգ-ով, Դավուդին ընդամենը 1 կգ-ի առավելությամբ (466 կգ ընդդեմ 465 կգ-ի) խլեց Ասիական խաղերի չեմպիոնի տիտղոսը։

Կոսովոյի մայրաքաղաք Պրիշտինայում ավարտված ծանրամարտի պատանիների ու Մ-15 տարեկանների Եվրոպայի առաջնությունում Հայաստանի պատանեկան հավաքականը երկրորդ տարին անընդմեջ ճանաչվել է լավագույնը։ Այս մասին հայտնում է ՀԾՖ-ի մամուլի ծառայությունը։

Պատանիների հավաքականը թիմային հաշվարկում գրավել է առաջին տեղը, իսկ մինչև 15 տարեկանների ընտրանին զբաղեցրել է 6-րդ հորիզոնականը:

Հայ ծանրորդներն ապահովել են տպավորիչ արդյունք՝ նվաճելով ընդհանուր առմամբ 26 մեդալ՝ 7 ոսկե, 12 արծաթե և 7 բրոնզե:

Նշենք, որ պատանիների հավաքականը մրցավայր էր մեկնել ավագ մարզիչ Երվանդ Կիրակոսյանի և երկրորդ մարզիչ Արսեն Թամրազյանի գլխավորությամբ, իսկ աղջիկների թիմը մարզում է Քրիստինե Պետրոսյանը:

Հայաստանը ներկայացնող պատանի ծանրորդներն ավարտեցին իրենց ելույթները Կոսովոյի մայրաքաղաք Պրիշտինայում ընթացող ծանրամարտի Եվրոպայի պատանիների ու Մ-15 տարեկանների առաջնությունում: Մրցաշարի վերջին օրը մրցահարթակ դուրս եկան գերծանր քաշային ծանրորդները:

Հայաստանի հավաքականից +95 կգ քաշային Էրիկ Սիմոնյանը պոկում վարժությունում հաջողությամբ գլխավերևում պահեց 140 կգ և 145 կգ ծանրաձողերը։ Հրում վարժությունում հայ ծանրորդը գրանցեց անթերի արդյունք՝ հաջորդաբար բարձրացնելով 172 կգ, 177 կգ և 182 կգ, ինչի շնորհիվ այս ձևում արժանացավ փոքր բրոնզե մեդալի: Երկամարտի 327 կգ ընդհանուր արդյունքով Սիմոնյանն առաջնությունում զբաղեցրեց 4-րդ հորիզոնականը:

Հիշեցնենք, որ մրցումային վերջին օրն ավելի վաղ փայլուն ելույթ էին ունեցել նաև 95 կգ քաշային մեր ծանրորդները։ Ալեն Խաչատրյանը երկամարտի 313 կգ արդյունքով հռչակվել էր արծաթե մեդալակիր, իսկ Ալեն Զուրաբյանը երկամարտի 307 կգ արդյունքով նվաճել էր բրոնզե մեդալ։

Կոսովոյի մայրաքաղաք Պրիշտինայում ավարտին մոտեցող ծանրամարտի Եվրոպայի պատանիների ու Մ-15 տարեկանների առաջնությունում Հայաստանի պատվիրակները շարունակում են մեդալներ նվաճել: Մրցումային վերջին օրը պայքարի մեջ մտան 95 կգ քաշային ծանրորդները:

Հայաստանի հավաքականից Ալեն Խաչատրյանը պոկում վարժությունում հաջողությամբ բարձրացրեց 137 կգ և 142 կգ՝ արժանանալով փոքր արծաթե մեդալի: Հրում վարժությունում նա գլխավերևում պահեց 165 կգ և 171 կգ ծանրաձողերը՝ նվաճելով փոքր բրոնզե մեդալ: Երկամարտի 313 կգ արդյունքով Ալեն Խաչատրյանը հռչակվեց Եվրոպայի առաջնության արծաթե մեդալակիր։

Ընտրանու մյուս անդամ Ալեն Զուրաբյանը պոկում վարժությունում գրանցեց 133 կգ արդյունք: Հրում վարժությունում հայ ծանրորդը բարձրացրեց 170 կգ և 174 կգ՝ այս ձևում դառնալով արծաթե մեդալակիր։ Երկամարտում գրանցելով 307 կգ արդյունք՝ Ալեն Զուրաբյանը դարձավ բրոնզե մեդալակիր:

Հիշեցնենք, որ մրցումային վերջին օրվա ընթացքում Հայաստանն ունի ևս մեկ ներկայացուցիչ. ավելի ուշ՝ ժամը 16:00-ին, մրցահարթակ դուրս կգա մրցաշարում մեր վերջին մասնակիցը՝ +95 կգ քաշային Էրիկ Սիմոնյանը:

Կոսովոյի մայրաքաղաք Պրիշտինայում ընթացող ծանրամարտի պատանիների ու Մ-15 տարեկանների Եվրոպայի առաջնության մրցումային վերջին օրը՝ օգոստոսի 27-ին, Հայաստանի հավաքականը կունի երեք ներկայացուցիչ:

​Մրցահարթակ դուրս կգան 95 կգ քաշայիններ Ալեն Զուրաբյանն ու Ալեն Խաչատրյանը (ելույթը՝ ժամը 12:00-ին), ինչպես նաև +95 կգ քաշային Էրիկ Սիմոնյանը (ելույթը՝ ժամը 16:00-ին):

​Հիշեցնենք, որ պատանիների ու Մ-15 տարեկանների Եվրոպայի առաջնության ընթացքին կարող եք հետևել այս ՀՂՄԱՄԲ։

Կոսովոյի մայրաքաղաք Պրիշտինայում ավարտին մոտեցող ծանրամարտի Եվրոպայի պատանիների ու Մ-15 տարեկանների առաջնությունում Հայաստանի պատվիրակները շարունակում են հաջող ելույթների շարքը:

​Մինչև 15 տարեկան աղջիկների (+69 կգ) քաշային կարգի պայքարում Հայաստանի հավաքականի անդամ Նարե Առաքելյանը պոկում վարժությունում ունեցավ երեք հաջող մոտեցում՝ գլխավերևում պահելով 90 կգ, 95 կգ ու 97 կգ ծանրաձողերը: Այս վարժությունում Առաքելյանը դարձավ ոսկե մեդալակիր: Հրում վարժությունում հայ ծանրորդուհին հաջողությամբ բարձրացրեց 110 կգ ու 115 կգ՝ այս ձևում գրավելով երկրորդ տեղը: Երկամարտի 212 կգ արդյունքով Նարե Առաքելյանը հռչակվեց Մ-15 տարեկանների Եվրոպայի առաջնության փոխչեմպիոն:

​Հիշեցնենք, որ ավելի վաղ մրցահարթակ էր դուրս եկել աղջիկների 69 կգ քաշային կարգը ներկայացնող Նատալյա Սարգսյանը։ Նա պոկում վարժությունում գլխավերևում պահել էր 84 կգ ծանրաձողը, սակայն անհաջողություն էր կրել հրում վարժությունում և երկամարտի արդյունք չէր գրանցել:

Կոսովոյի մայրաքաղաք Պրիշտինայում ավարտին է մոտենում ծանրամարտի Եվրոպայի պատանիների ու Մ-15 տարեկանների առաջնությունը:

Մրցումային նախավերջին օրը պայքարի մեջ մտավ աղջիկների 69 կգ քաշային կարգը ներկայացնող Նատալյա Սարգսյանը: Պոկում վարժությունում հայ ծանրորդուհին հաջողությամբ գլխավերևում պահեց 80 կգ և 84 կգ ծանրաձողերը, սակայն հրում վարժությունում գրանցեց միայն անհաջող մոտեցումներ։ Արդյունքում, Սարգսյանը հրում վարժությունում զրո ստացավ և երկամարտում մնաց առանց արդյունքի։

Հիշեցնենք, որ մրցումային այսօրվա ընթացքում Հայաստանն ունի ևս մեկ ներկայացուցիչ. Մ-15 տարեկանների +69 կգ քաշային կարգում մրցահարթակ դուրս կգա Նարե Առաքելյանը (ելույթը նախատեսված է ժամը 16:00-ին):

Կոսովոյի մայրաքաղաք Պրիշտինայում ընթացող ծանրամարտի պատանիների ու Մ-15 տարեկանների Եվրոպայի առաջնության մրցումային 7-րդ օրը՝ օգոստոսի 26-ին, Հայաստանի հավաքականը կունի երկու ներկայացուցիչ:

Մրցահարթակ դուրս կգան 69 կգ քաշային Նատալյա Սարգսյանը (ելույթը՝ ժամը 14:00-ին) և Մ-15 տարեկանների պայքարում հանդես եկող +69 կգ քաշային Նարե Առաքելյանը (ելույթը՝ ժամը 16:00-ին):

Հիշեցնենք, որ պատանիների ու Մ-15 տարեկանների Եվրոպայի առաջնության ընթացքին կարող եք հետևել այս ՀՂՄԱՄԲ:

Կոսովոյի մայրաքաղաք Պրիշտինայում շարունակվող ծանրամարտի Եվրոպայի պատանիների ու Մ-15 տարեկանների առաջնությունում մրցահարթակ դուրս եկավ մրցումային 6-րդ օրվա Հայաստանի վերջին ներկայացուցիչը:

85 կգ քաշային պատանիների պայքարում Հայաստանի հավաքականից Հարություն Ավետիսյանը պոկում վարժությունում ունեցավ երեք հաջող մոտեցում՝ բարձրացնելով 133 կգ, 138 կգ և 141 կգ, ինչի շնորհիվ դարձավ այս վարժության ոսկե մեդալակիր: Հրում վարժությունում հայ ծանրորդը գլխավերևում պահեց 160 կգ և 168 կգ ծանրաձողերը՝ այս ձևում գրավելով երրորդ տեղը: Երկամարտի 309 կգ արդյունքով Հարություն Ավետիսյանը հռչակվեց Եվրոպայի առաջնության բրոնզե մեդալակիր։

Հիշեցնենք, որ ավելի վաղ այսօր մրցահարթակ էր դուրս եկել նաև մինչև 15 տարեկանների աղջիկների 69 կգ քաշային կարգի ներկայացուցիչ Ակսաննա Թորոսյանը, ով երկամարտի 154 կգ (66+88) արդյունքով Եվրոպայի առաջնությունում զբաղեցրել էր 7-րդ հորիզոնականը:

Կոսովոյի մայրաքաղաք Պրիշտինայում շարունակվող ծանրամարտի Եվրոպայի պատանիների ու Մ-15 տարեկանների առաջնությունում Հայաստանի հավաքականից պայքարի մեջ դուրս եկավ մինչև 15 տարեկանների աղջիկների 69 կգ քաշային կարգի ներկայացուցիչ Ակսաննա Թորոսյանը:

Պոկում վարժությունում հայ ծանրորդուհին գլխավերևում պահեց 66 կգ, իսկ հրում վարժությունում հաջողությամբ կատարեց 85 կգ և 88 կգ բարձրացման մոտեցումները:

Երկամարտի 154 կգ արդյունքով Ակսաննա Թորոսյանը Եվրոպայի առաջնությունում զբաղեցրեց 7-րդ հորիզոնականը:

Հիշեցնենք, որ այսօր ավելի ուշ՝ ժամը 21:00-ին, պատանիների պայքարում մեդալների համար պայքարի մեջ կմտնի 85 կգ քաշային Հարություն Ավետիսյանը: