«Մեծ սաղավարտի» հնգակի չեմպիոն, աշխարհի երկրորդ ռակետ, իսպանացի թենիսիստ Կառլոս Ալկարասը կարիերայում առաջին անգամ հաղթեց Ցինցինատիում (ԱՄՆ) անցկացված «Մասթերս» մրցաշարում։

Իսպանացին եզրափակիչում հանդիպել էր աշխարհի առաջին ռակետ Յանիկ Սիներին, որը հինգերորդ գեյմի ավարտից հետո վնասվածքի պատճառով չկարողացավ շարունակել պայքարը։

 Այս տիտղոսը 22-ամյա Կառլոս Ալկարասի կարիերայում 22-րդն էր և ութերորդը՝ «Մասթերս» կարգի մրցաշարերում։

Ավարտվել է Մայամիի մրցաշարի եզրափակիչ հանդիպումը, որտեղ աշխարհի 54-րդ թենիսիստ, չեխ Յակուբ Մենշիկը մրցել է աշխարհի հինգերորդ ռակետ, սերբ Նովակ Ջոկովիչի հետ։ Հանդիպումն ավարտվել է 19-ամյա չեխի հաղթանակով՝ 7:6 (7:4), 7:6 (7:4) հաշվով։

Խաղը տևել է 2 ժամ 3 րոպե:

Վճռորոշ խաղում հաղթելուց հետո Մենշիկը գցել է ռակետը և ուրախությունից ընկել կորտին, ինչից հետո նա ոտքի է կանգնել և գրկել Ջոկովիչին:

19-մյա չեխ թենիսիստը կարիերայում առաջին անգամ է մենախաղում տիտղոս նվաճել: Նա նաև դարձել է ամենացածր վարկանիշ ունեցող առաջին խաղացողը, որը նվաճել է մենախաղի տիտղոսը Miami Open-ում։

Հիշեցնենք, որ Մայամիում կայացած մրցաշարն անցկացվել  է մարտի 19-30-ը: Անցյալ տարվա Miami Open-ի հաղթող է ճանաչվել իտալացի Յաննիկ Սիները:

Ալմաթիում ընթացող ATP 250 շարքի մրցաշարի կիսաեզրափակչում աշխարհի 26-րդ ռակետ Կարեն Խաչանովը հաղթել է ավստրալացի Ալեքսանդր Վուկիչին և դուրս եկել մրցաշարի եզրափակիչ։

Հանդիպումն ավարտվել է 6:7 (3:7), 6:3, 6:4 հաշվով։ Մարզիկները կորտում անցկացրել են 2 ժամ 15 րոպե։

Եզրափակիչում Խաչանովի մրցակիցը կլինի կանադացի աշխարհի 118-րդ ռակետ  Գաբրիել Դիալոն:

Նշենք, որ 2018 թվականից ի վեր Խաչանովը առաջին անգամ մեկ մրցաշրջանում կմասնակցի երկու եզրափակիչի։

Մեծ սաղավարտի 20-ակի հաղթող շվեյցարացի Ռոջեր Ֆեդերերն արձագանքել է իսպանացի Ռաֆայել Նադալի կարիերան ավարտելու մասին հայտարարությանը։

«Ինչպիսի՞ կարիերա էր, Ռաֆա: Ես միշտ հույս ունեի, որ այս օրը երբեք չի գա։ Շնորհակալություն անմոռանալի հիշողությունների և քո բոլոր անհավանական ձեռքբերումների համար մեր սիրելի խաղում: Քեզ հետ մրցելը պատիվ էր ինձ համար»,- գրել է Ֆեդերերը։

38-ամյա Ռաֆայել Նադալը հայտարարել է, որ կավարտի պրոֆեսիոնալ կարիերան 2024 թվականի Դևիսի գավաթի եզրափակիչ փուլից հետո, որը կանցկացվի նոյեմբերի 19-ից 24-ը Մալագայում (Իսպանիա)։ Իր կարիերայի ընթացքում Նադալը մենախաղում հաղթել է Ռոլան Գարոսում 14 անգամ, 2 անգամ հաղթել է Ուիմբլդոնում և Ավստրալիայի բաց առաջնությունում և 4 անգամ հաղթել ԱՄՆ բաց առաջնությունում։

Աշխարհի երրորդ ռակետ, իսպանացի թենիսիստ Կառլոս Ալկարասը խոսել է համաշխարհային վարկանիշային աղյուսակի առաջատար, իտալացի Յանիկ Սիների հետ հարաբերությունների մասին։

«Մենք իսկապես լավ հարաբերություններ ունենք կորտից դուրս: Մենք երկուսս էլ մեծ հարգանքով ենք վերաբերվում միմյանց որպես խաղացողների, որպես անհատների, բայց երբ մենք գնում ենք հյուրախաղերի, գիտեք, մրցաշարերի ժամանակ, երբ մենք տեղում ենք, մենք մենակ ենք մնում մեր թիմի հետ, այնպես որ մենք իրականում շատ չենք շփվել:

Երբ հնարավորություն ենք ունենում, խոսում ենք ոչ միայն թենիսի, այլեւ կյանքի մասին։ Մենք լավ հարաբերություններ ունենք, բայց մտերիմ ընկերներ չենք»,- ասել է Ալկարազը մամուլի ասուլիսի ժամանակ։

Հիշեցնենք, որ երեքշաբթի օրը՝ հոկտեմբերի 2-ին, Պեկինում ընթացող ATP-500 կարգի մրցաշարի եզրափակիչում իսպանացի թենիսիստը 7:6 (8:6), 4:6, 6:7 հաշվով հաղթել է Սիններին:

Աշխարհի 27-րդ ռակետ Կարեն Խաչանովը ATP-500 շարքի China Open մրցաշարի քառորդ եզրափակիչում վարկանիշի 3-րդ համար Կառլոս Ալկարասին։

Իսպանացին երկու սեթերի արդյունքում հաղթել է 5:7, 2:6: հաշվով։ Հանդիպումը տևել է 1 ժամ 37 րոպե։

Մրցաշարի կիսաեզրափակիչում Ալկարասի մրցակիցը կլինի ռուս Դանիլ Մեդվեդևը, որը հաղթել էր իտալացի Ֆլավիո Կոբոլիին։

Պեկինում ընթացող մրցաշարի մրցանակային ֆոնդը կազմում է 3,7 միլիոն դոլար։

ATP-ն հրապարակել է թենիսիստների դասակարգման նոր աղյուսակը։ Այն շարունակում է գլխավորել US Open-ի նորընծա չեմպիոն, իտալացի Յանիկ Սիները։

Գերմանացի Ալեքսանդր Զվերևը բարձրացել է երկրորդ տեղ, իսկ Նովակ Ջոկովիչը` նահանջել 4-րդ։ Իսպանացի Կարլոս Ալկարասը մնացել է երրրոդ հորիզոնականում։ Կարեն Խաչանովը վարկանիշում 23-րդն է։

Պրոֆեսիոնալ թենիսիստների ասոցիացիայի (ATP) պաշտոնական կայքը պաշտոնապես հայտարարել է ATP-250 անվանակարգում նոր մրցաշարի կազմակերպման մասին։ Մրցույթն առաջին անգամ կանցկացվի Սերբիայի մայրաքաղաք Բելգրադում 2024 թվականի նոյեմբերի 3-ից նոյեմբերի 9-ը։

Նոր մրցաշարը կանցկացվի «Բելգրադ Արենայում» փակ կոշտ կորտում, որը նախկինում ընդունել է Դևիսի գավաթի եզրափակիչները 2010 և 2013 թվականներին:

Բելգրադում կայանալիք ATP-250 մրցաշարը թենիսի օրացույցով կփոխարինի Իսպանիայի Խիխոն քաղաքում անցկացվող նմանատիպ մրցաշարին, որը հետաձգվել էր չնախատեսված խնդիրների պատճառներով և կանցկացվի Սերբիայի մայրաքաղաքում առնվազն երկու տարով:

2024 թվականի ATP Tour օրացույցի մնացած բոլոր մրցաշարերն առայժմ մնում են անփոփոխ և տեղի կունենան նախատեսվածի համաձայն:

Աշխարհի առաջին ռակետ Յանիկ Սիները նվաճեց ԱՄՆ-ի Ցինցինատի քաղաքում անցկացված «Մասթերս» մրցաշարի տիտղոսը։

Մրցաշարի եզրափակիչ խաղում նա 1 ժամ 38 րոպե տևած պայքարում 7:6 (7:4), 6:2 հաշվով հաղթեց ամերիկացի Ֆրենսիս Տիաֆոյին։

23-ամյա թնիսիստը դարձավ Ցինցինատիի մրցաշարի ամենաերիտասարդ հաղթողը՝ վերջին 16 տարիների ընթացքում։

Նախկինում Ցինցինատիի մրցաշարի չեմպիոն դարձած ամենաերիտասարդ թենիսիստը բրիտանացի Էնդի Մարեյն էր։ 2008 թվականին Մարեյը 21 տարեկան էր։

Այսօր՝ օգոստոսի 19-ին, Ցինցինատիում (ԱՄՆ) ընթացող Masters մրցաշարում ավարտվեցին կիսաեզրափակիչ հանդիպումները։ Որոշվել են եզրափակիչ փուլի մասնակիցները, որոնք կվիճարկեն մրցաշարի տիտղոսը։

Առաջին կիսաեզրափակիչ խաղում աշխարհի առաջին ռակետը՝ իտալացի Յանիկ Սիները, ուժեղ է գտնվել աշխարհի չորրորդ ռակետ, Գերմանիայի ներկայացուցիչ Ալեքսանդր Զվերևից։ Հանդիպումն ավարտվել է 7:6, 5:7, 7:6 հաշվով։

Մյուս կիսաեզրափակիչում ամերիկացի Ֆրենսիս Տիաֆոն երեք սեթում հաղթեց Դեյն Հոլգեր Ռունին։ Հանդիպումն ավարտվել է 4:6, 6:1, 7:6 հաշվով։

Նշենք, որ Սիներ – Տիաֆոն եզրափակիչը կկայանա վաղը՝ օգոստոսի 20-ին երևանի ժամանակով 19։00-ին։