Հայտնի են հուլիսի 23-ից օգոստոսի 3-ը Երևանում կայանալիք Եվրոպայի Մ16 վոլեյբոլի տղաների առաջնության մասնակից 16 երկրների անունները:

Եվրոպայի Մ16 վոլեյբոլի 2025 տղաների առաջնությանը կմասնակցեն Հայաստանի, Ֆրանսիայի, Լեհաստանի, Իտալիայի, Հունգարիայի, Լատվիայի, Չեխիայի, Թուրքիայի, Բուլղարիայի, Իսպանիայի, Ուկրաինայի, Ավստրիայի, Հունաստանի, Սերբիայի, Սլովենիայի և Ռումիանիայի թիմերը:

Արդեն կայացել է նաև Եվրոպայի Մ16 վոլեյբոլի տղաների առաջնության վիճակահանությունը: Հայաստանի հավաքականը գլխավորել է առաջին ենթախումբը, իսկ Իտալիայի հավաքականը՝ երկրորդ ենթախումբը:

Ներկայացնում ենք առաջնության մասնակից թիմերի դասավորվածությունը ենթախմբերում՝

Ենթախմբերում 1-2 տեղեր գրաված թիմերը կմրցեն կիսաեզրափակիչ փուլում:

Ռուանդայի նստած վոլեյբոլի կանանց հավաքականի խաղացողն անհետացել է Փարիզում Պարալիմպիկ խաղերի մեկնարկից առաջ, հայտնում է Ouest France-ը։

Օգոստոսի 20-ին մարզիկը թիմի շտաբից գնացել է ռեստորան և  այլևս չի վերադարձել։ Օգոստոսի 27-ին Ռուանդայի օլիմպիական կոմիտեն հայտնել է, որ նա անհետ կորել է, իսկ չորեքշաբթի օրը ոստիկանությունը հետաքննություն է սկսել:

Նանթերի դատախազությունը մարզիկի անհետացումը «տագնապալի» է անվանել։

ՀՀ լողափնյա վոլեյբոլի աղջիկների թիմը հաղթահարել է Եվրոպայի Մ18 տարեկանների Եվրոպայի առաջնության որակավորման փուլը:

Մեր աղջիկները (Տոնոյան Միլենա-Տոնոյան Ելիզավետա) այսօր նախ մրցել են Ռումինիայի հավաքականի հետ, որին պարտվել են 0:2 հաշվով, ապա տոնել են առաջին հաղթանակը Ֆարերյան կղզիների հետ խաղում:

Երրորդ որոշիչ հանդիպումը մեր աղջիկներն անցկացրել են Ադրբեջանի հավաքական թիմի հետ և վստահ հաղթանակ են տոնել 2:1 հաշվով:

Տղաների հավաքական թիմը ցավոք չկարողացավ հաղթահարել որակավորման փուլը՝ պարտվելով Անդորայի և Ֆարերյան կղզիների հավաքական թիմերին:

Վաղը մեր աղջիկները հանդես կգան ընդհանուր խմբում:

ՀՀ լողափնյա վոլեյբոլի Մ18 տղաների և աղջիկների հավաքական թիմերը՝ Գրիգորի Ամբարյանի ղեկավարությամբ, այսօր մեկնել են Վրաստան՝ մասնակցելու լողափնյա վոլեյբոլի Մ18 տարեկանների Եվրոպայի առաջնությանը:

Մեր հավաքական թիմերը վաղը կմրցեն որակավորման փուլում, որը հաղթահարելու դեպքում կմիանան ընդհանուր մասնակից թիմերի խմբին:

Հայաստանի աղջիկների հավաքական թիմը որակավորման փուլում կմրցի Ռումինիայի, Ֆարելյան կղզիների և Ադրբեջանի հավաքական թիմերի, իսկ տղաների թիմը՝ Անդորայի և Ֆարելյան կղզիների հավաքական թիմերի հետ:

ՀՀ կրթության, գիտության, մշակույթի և սպորտի նախարարության աջակցությամբ ապրիլի 12-14-ը Երևանում անցկացվել է վոլեյբոլի կանանց «Պրո Լիգա 2023-2024» առաջնության եզրափակիչ երրորդ փուլի հանդիպումները։

«Պրո Լիգա 2023-2024» առաջնությունը մեկնարկել է դեռ 2023 թվականի գարնանը, որին մասնակցել են 6 թիմեր՝ մինչ երրորդ փուլը պայքարելով լիգայի փլեյ-օֆֆ դուրս գալու համար: Փլեյ-օֆֆ փուլում արդեն մրցելու էին լավագույն 4 թիմերը։

Երկրորդ փուլի արդյունքներով փլեյ-օֆֆ են դուրս եկել «Վան», ՖԻՄԱ, «Ավան» և «Բրյուսովի պետական համալսարան» թիմերը, որոնք էլ պայքարել են մրցանակային տեղերի համար։

Առաջնության չեմպիոնի կոչմանն արժանացել է «Վանը»՝ հաղթելով բոլոր մրցակիցներին և վաստակելով 36 միավոր: Երկորդ տեղը զբաղեցրել է ՖԻՄԱ ակումբը՝ 22 միավորով, պատվո հարթակի երրորդ աստիճանին կանգնել է երիտասարդ մարզիկներով համալրված «Ավան» թիմը՝ 15 միավորով, իսկ լավագույն քառյակը եզրափակել է ԲՊՀ-ի թիմը՝ 13 միավորով։

Կանանց առաջնությունում լավագույն մարզիկներ են ճանաչվել Ելիզավետ Տոնոյանը («Վան»), Լեռնուհի Սարգսյանը (ՖԻՄԱ), Էլեն Առաքելյանը (ԲՊՀ), Սեդա Մաթևոսյանը («Ավան»), Վիկտորյա Գրաբոսկայան (Վան) և Փարիզա Գհանբառնեժադը («Վան»):

Մրցանակային տեղեր զբաղեցրած թիմերը պարգևատրվել են մեդալներով, գավաթներով և հատուկ մրցանակներով։ Մրցանակակիր թիմերին պարգևատրել են Հայաստանի վոլեյբոլի ֆեդերացիայի նախագահ Հրաչյա Մուրադյանը և ՀՎՖ նախագահության անդամները։

Ավելի վաղ կայացել էին նաև Հայաստանի վոլեյբոլի տղամարդկանց «Պրո Լիգա 2023-2024» առաջնության եզրափակիչ՝ չորրորդ փուլի հանդիպումները։ Ընդ որում, առաջնության եզրափակիչ հանդիպումներում ֆեդերացիայի կողմից առաջին անգամ կիրառվել էր VAR համակարգը, որը վիճահարույց դրվագներում օգնել էր մրցավարներին։ Ի վերջո, Մխիթար Սեբաստացի կրթահամալիրի թիմը (ՄՍՀԿ), հաղթելով բոլոր երեք մրցակիցներին, հռչակվել էր լիգայի չեմպիոն: Երկրորդ տեղը զբաղեցրել էր ՖԻՄԱ թիմը, երրորդ տեղը՝ ԲԿՄԱ-ն, իսկ լավագույն քառյակը եզրափակել էր «Գյումրին»։

ՀՀ կրթության, գիտության, մշակույթի և սպորտի նախարարության աջակցությամբ ապրիլի 5-7-ը Երևանի «Գազպրոմ Արմենիայի» Ուսումնա-սպորտային համալիրի մարզադահլիճում կայացել են Հայաստանի վոլեյբոլի տղամարդկանց «Պրո Լիգա 2023-2024» առաջնության եզրափակիչ՝ չորրորդ փուլի հանդիպումները։

Տղամարդկանց վոլեյբոլի «Պրո Լիգա 2023-2024» առաջնությունը մեկնարկել էր դեռ 2023 թվականի ապրիլին և անցկացվել էր երեք փուլով՝ Երևան և Գյումրի քաղաքներում։

Եզրափակիչ փուլի մասնակից 3 թիմեր ունեցել են գրեթե հավասար միավորներ և միայն չորրորդ փուլում են որոշվել լիգայի մրցանակային տեղերը։ Մինչ եզրափակիչ փուլի մեկնարկը ԲԿՄԱ-ն ունեցել է 37, ՖԻՄԱ-ն՝ 36, Մխիթար Սեբաստացի կրթահամալիրի թիմը (ՄՍՀԿ)՝ 35, իսկ «Գյումրին»՝ 16 միավոր:

Հայաստանի վոլեյբոլի ֆեդերացիայի գլխավոր քարտուղար Կարեն Ասմարյանի խոսքով՝ ԲԿՄԱ, ՖԻՄԱ և ՄՍՀԿ թիմերի միջև եզրափակիչ հանդիպումներն անցել են գերլարված պայքարում. երեք թիմերին չի զիջել նաև երիտասարդ մարզիկներով համալրված «Գյումրի» թիմը։

Կարեն Ասմարյանը նաև տեղեկացրել է՝ «Պրո Լիգա 2023-2024» առաջնության եզրափակիչ հանդիպումներում ֆեդերացիայի կողմից առաջին անգամ կիրառվել է VAR համակարգը, որը վիճահարույց դրվագներում օգնել է մրցավարությանը։ Ի վերջո Մխիթար Սեբաստացի կրթահամալիրի թիմը (ՄՍՀԿ), հաղթելով բոլոր երեք մրցակիցներին, հռչակվել է լիգայի չեմպիոն: Երկրորդ տեղը զբաղեցրել է ՖԻՄԱ թիմը, երրորդ տեղը՝ ԲԿՄԱ-ն, իսկ լավագույն քառյակը եզրափակել է «Գյումրին»։

«Պրո Լիգա 2023-2024» առաջնությունում մրցանակային տեղեր գրաված թիմերը ՀՎՖ կողմից պարգևատրվել են մեդալներով, գավաթներով, իսկ լավագույն վեց մարզիկները պարգևատրվել են ՀՎՖ մրցանակներով։ Լիգայի լավագույն խաղացողներ են ճանաչվել Կարեն Խալաթյանը (ՄՍԿՀ), Անդրանիկ Մոսոյանը (ԲԿՄԱ), Վահե Նազարյանը (ՄՍԿՀ), Կարեն Տիգրանյանը («Գյումրի»), Արամ Մելքոնյանը (ՖԻՄԱ), Արտյում Սլադուխինը (ՄՍԿՀ):

Արդեն այս շաբաթ Երևանում մեկնարկում է «Պրո Լիգայի 2023-2024» կանանց առաջնության եզրափակիչ փուլը։

ՀՀ կրթության, գիտության, մշակույթի և սպորտի նախարարության աջակցությամբ հունվարի 26-28-ը Ծաղկաձորում անցկացվել են ձյան վոլեյբոլի Հայաստանի տղամարդկանց և կանանց առաջնությունները։ Այս մասին հայտնում է ԿԳՄՍՆ պաշտոնական կայքը:

Առաջնությանը մասնակցել են տղամարդկանց 8 և կանանց 10 թիմեր։

Կանանց պայքարում առաջնության չեմպիոն է դարձել «Վան թիմը, փոխչեմպիոնի կոչմանն արժանացել է «Սոֆթ թիմը, իսկ լավագույն եռյակը եզրափակել է ՖԻՄԱ-ն։

Տղամարդկանց պայքարում Ֆիմա-2 թիմը եզրափակչում առավելության է հասել Ֆիմա-1 թիմի նկատմամբ, իսկ ԲԿՄԱ-ն գրավել է 3-րդ տեղը։

Հայաստանի վոլեյբոլի ֆեդերացիայի գլխավոր քարտուղար Կարեն Ասմարյանի խոսքով՝ ՀՎՖ-ն 2015 թվականից անցկացնում է ձյան վոլեյբոլի առաջնություններ, և ամեն տարի թե՛ մարզիչները, թե՛ հանդիսատեսն ականատես են լինում ավելի բուռն ու հետաքրքիր խաղերի։ ՀՎՖ-ն իր հերթին փորձում է ընդգրկել նոր և երիտասարդ թիմերի:

«ՀՎՖ-ն ձյան վոլեյբոլի առաջնությունների անցկացման մեծ փորձ ունի։ 2020 թվականին մեր երկրին վստահվեց ԵՎՖ — «CEV Snow Volleyball Tour»-ը, որտեղ Հայաստանի կանանց հավաքականը պատմության մեջ առաջին անգամ նվաճեց մրցաշարի բրոնզե մեդալը։ Նույն թվականին Ծաղկաձորում անցկացվեց EEVZA ԱԵԵՎԱ ձյան վոլեյբոլի մրցաշարը, որտեղ տղամարդկանց թիմը դարձավ չեմպիոն, իսկ կանայք գրավեցին 3-րդ և 2-րդ տեղերը»,- նշում է Կարեն Ասմարյանը։

Նրա խոսքով՝ այս տարի ևս թիմերը բարձրակարգ խաղ են ցուցադրել. «Առաջնությունում բարձր հորիզոնականներ զբաղեցնելու մեծ հնարավորություններ ունեին բոլորը: Ուրախալի է, որ լավ խաղ ցուցադրեցին հիմնականում երիտասարդ մարզիկներ՝ «Վան», «Ավան», «Գեգաշեն», ՖԻՄԱ թիմերից. նրանց տարիքը 14-19 էր»:

Նշենք՝ Հայաստանի վոլեյբոլի ֆեդերացիան այս շաբաթ Արզնիի լողափնյա վոլեյբոլի ակադեմիայում կանցկացնի ձյան վոլեյբոլի մինչև 20 տարեկանների Հայաստանի առաջնությունը:

ՀՀ կրթության, գիտության, մշակույթի և սպորտի նախարարության աջակցությամբ դեկտեմբերի 15-18-ը Երևանում կայացել է վոլեյբոլի միջազգային առաջնություն, որին մասնակցել են Ռուսաստանի, Բելառուսի և Հայաստանի Մ17 և Մ21 հավաքական թիմերը: Այս մասին հայտնում է ԿԳՄՍՆ պաշտոնական կայքը:

Թիմերը մրցել են շրջանաձև համակարգով: Հայաստանի Մ21 հավաքականը զբաղեցրել է երրորդ հորիզոնականն ու արժանացել է բրոնզե մեդալին:

Մրցաշարի հաղթողի կոչմանն արժանացել է Ռուսաստանի ընտրանին, որը բոլոր հանդիպումներում հաղթանակներ է տարել: Երկրորդ տեղը զբաղեցրել է Բելառուսի թիմը, որը զիջել է միայն Ռուսաստանի ընտրանին։

Մրցանակային տեղեր զբաղեցրած թիմերին պարգևատրել են ՀՀ ԿԳՄՍՆ բարձրագույն նվաճումների վարչության բաժնի պետ Արթուր Սեդրակյանը, Հայաստանի վոլեյբոլի ֆեդերացիայի գլխավոր քարտուղար Կարեն Ասմարյանը և միջազգային կարգի մրցավար Նարեկ Շիրինյանը։

Թիմերը պարգևատրվել են մեդալներով, գավաթներով, իսկ լավագույն մարզիկները՝ ՀՎՖ հատուկ մրցանակներով։

Կազմակերպիչները հույս են հայտնել, որ առաջնությունն ամենամյա բնույթ կկրի:

Լեհաստանի հավաքականը հաղթել է վոլեյբոլի տղամարդկանց Եվրոպայի 2023թ․ առաջնությունում։

Եզրափակչում լեհերը երեք սեթում վստահ հաղթեցին Իտալիային (25:20, 25:21, 25:23):

Լեհաստանի հավաքականը երկրորդ անգամ հաղթեց Եվրոպայի առաջնությունում, թիմն իր առաջին տիտղոսը նվաճել էր 2009 թվականին։

2019 և 2021 թվականների վերջին երկու մայրցամաքային առաջնություններում Լեհաստանը զբաղեցրել է երրորդ տեղը։

Վոլեյբոլի տղամարդկանց Եվրոպայի առաջնության 3-րդ տեղի համար խաղում Սլովենիայի հավաքականը հաղթեց Ֆրանսիային։

Հանդիպումն ավարտվեց սլովենացիների հաղթանակով` թայբրեյքերում (25:22, 25:16, 21:25, 18:25, 15:11):

Սլովենացի վոլեյբոլիստները նախկինում դարձել են 2015, 2019 և 2021 թվականների Եվրոպայի առաջնությունների արծաթե մեդալակիրներ։

Մրցաշարի եզրափակչում կհանդիպեն Իտալիայի և Լեհաստանի հավաքականները։