Մոլդովայի մայրաքաղաք Քիշնևում ընթացող ձյուդոյի մինչև 23 տարեկանների Եվրոպայի առաջնությունում Հայաստանը ներկայացնող Վահե Աղասյանը դարձել է ոսկե մեդալակիր։

20-ամյա Աղասյանը եզրափակիչում պարտության է մատնել Վրաստանի ներկայացուցիչ Մատե Գոգոբերիշվիլիին։

Ձյուդոյի մինչև 23 տարեկանների Եվրոպայի առաջնությունում Աղասյանը նվաճեց Հայաստանի առաջին մեդալը 2013 թվականից ի վեր և առաջին ոսկին՝ 2003 թվականից ի վեր։

Հայաստանի ձյուդոյի երիտասարդական հավաքականի անդամ, 100 կգ քաշային Դավիթ Խաչատրյանը բրոնզե մեդալ է նվաճել մայիսի 24-25-ը Լիտվայի Կաունաս քաղաքում անցկացված Եվրոպայի գավաթի մրցաշարում: 

Հայաստանի հավաքականը հանդես է եկել ավագ մարզիչ Դավիթ Խաչատրյանի գլխավորությամբ:

Մրցաշարին մասնակցել են Եվրոպայի 18 երկրների 346 ձյուդոիստներ։

Բանակային մարզիկ Աշիկ Անդրեյանը / 60 կգ / հինգերորդ տեղն է զբաղեցրել Մոնտենեգրոյի Պոդգորիցայում անցկացված ձյուդոյի Եվրոպայի առաջնությունում:

Նա իր հաշվին գրանցել է երեք հաղթանակ և երկու պարտություն: Ընդ որում, Անդրեյանը գոտեմարտել է բրոնզե մեդալի համար, բայց պարտվել է Օլիմպիական չեմպիոն, արծաթե ու բրոնզե մեդալակիր, Ֆրանսիան ներկայացնող վրացի Լուկա Մխեիձեին։

Հայաստանի ձյուդոյի հավաքականի գլխավոր մարզիչ Հովհաննես Դավթյանը մրցավայր էր ուղեկցել երեք մարզիկի:

Ձյուդոյի 2017 թվականի աշխարհի չեմպիոն սերբ Նեմանյա Մայդովը հայտնել է, որ միջազգային ֆեդերացիան իրեն հինգ ամսով որակազրկել է Փարիզի Օլիմպիական խաղերի մենամարտից առաջ խաչայնքվելու համար։ Այս մասին նա գրել է Instagram-ում։

Մայդովը մրցահարթակ մտնելուց առաջ խաչակնքեց. Կանոնների երեք խախտումներից հետո 1/8-րդ եզրափակչում Հունաստանի մրցակցի հետ մենամարտում պարտված է համարվել։ Սերբը չի սեղմել մրցակցի ձեռքը, իսկ հետո սոցցանցերում քննադատել է մրցավարներին՝ նրանց անվանելով «սատանայական արարածներ»։

«15 օր առաջ ես որոշում եմ ստացել, որ Ձյուդոյի միջազգային ֆեդերացիան (IJF) ինձ հինգ ամսով որակազրկել է իրենց կրոնական կանոնները խախտելու համար։ Ավելի ճիշտ այն բանի համար, որ ես խաչակնքվել եմ Օլիմպիական խաղերում պայքարի մեջ մտնելիս»,- գրել է Մայդովը։

Նա նշել է, որ կարգապահական վարույթի ընթացքում հրաժարվել է ներողություն խնդրել իր ժեստի համար, սակայն տեղյակ չէ, թե ինչ պատիժ է իրեն սպառնում։

Ձյուդոյի երիտասարդների և մեծահասակների հավաքականները միջազգային ուսումնամարզական հավաք են անցկացնում ՌԴ Սոչի քաղաքում։

Հավաքից հետո երիտասարդները կմեկնեն Էստոնիա՝ մասնակցելու սեպտեմբերի 5-8-ը Տալլինում կայանալիք Եվրոպայի առաջնությանը, իսկ մեծահասակներից Աշիկ Անդրեյանը, սեպտեմբերի 13-15-ը Խորվաթիայի Զագրեբ քաղաքում կմասնակցի Գրան Պրի միջազգային մրցաշարին։

Լյովա Սրապյանը (60 կգ)՝ ձյուդոյի Եվրոպայի (Մ17) առաջնության բրոնզե մեդալակիր է դարձել։

Սոֆիայի մրցաշարում Սրապյանը տարավ 6 հաղթանակ՝ ոսկե արագությամբ «վազա-արիի» օգնությամբ պարտության մատնելով սերբ Վելյոկո Վարնիչիչին բրոնզի համար պայքարում։

Վրաստանի Թելավի քաղաքում ավարտվել է պատանիների Եվրոպայի գավաթի մրցաշարը։ Մեր հավաքական թիմը նվաճել է 3 արծաթե մեդալ.

50 կգ քաշային կարգում Հրազդանի մանկապատանեկան մարզադպրոցի սան Արթուր Դավիդյանը (մարզիչ Կարեն Աբաղյան),

55կգ քաշային կարգում Արմավիրի մանկապատանեկան մարզադպրոցի սան Հայկ Դարբինյանը (մարզիչ Աշոտ Դարբինյան),

57 կգ քաշային կարգում Մարալիկի մանկապատանեկան մարզադպրոցի սան Սյուզաննա Մանուկյանը ( մարզիչ Գոռ Մկրտչյան)։

Հայաստանում մենապայքարային սպորտաձևերը մեծ մասսայականություն են վայելում։ Երկրպագուների մեծ բանակ ունեն ըմբշամարտը, բռնցքամարտը։ Վերջերս լայն զարգացում են ստացել մարտերն առանց կանոնների։ Ձյուդոյի և ջիու-ջիցուի սիրահարներ ևս կան։ Այս բոլոր մարզաձևերի լավագույն հնարքների ծաղկաքաղն արած գրեփլինգ սպորտաձևն արդեն տարիներ շարունակ մասսայականություն է վայելում։ Ամեն տարի այս սպորտաձևով զբաղվող երեխաների ու պատանիների թիվն աճում է։

ArmSport-ը զրուցել է Հայաստանի գրեփլինգի ֆեդերացիայի գլխավոր քարտուղար Վլադիմիր Հովհաննիսյանի հետ, փորձել է հասկանալ՝ ինչ հեռանկար ունի գրեփլինգը Հայաստանում և ինչ խնդիրների առաջ է կանգնած այսօր մարզաձևը։   

• Զարգացման ի՞նչ փուլում է հիմա գրեփլինգը Հայաստանում։

— Գրեփլինգը Հայաստանում բավական դինամիկ է զարգանում, և դրա համար շատ մեծ աշխատանք է կատարում Հայաստանի գրեփլինգի ֆեդերացիան՝ սկսած մարզչական և մրցավարական սեմինարներից և ավարտած Հայաստանի և միջազգային առաջնություններով։ Դրա մասին վկայում են նաև Հայաստանի գրեփլինգի հավաքականի արդյունքները տարբեր տարիքային խմբերում. Ֆեդերացիայի հիմնադրման օրվանից սկսած, այսինքն՝ մոտ 4 տարի, չի եղել միջազգային մրցաշար, որից Հայաստանի տարբեր տարիքային հավաքականները մեդալ չնվաճեն։ Մոտ 4 տարվա ընթացքում հավաքականի անդամները Եվրոպայի և աշխարհի առաջնություններից բերել են 23 մեդալ։ Խոսքը Եվրոպայի և աշխարհի UWW պաշտոնական առաջնությունների մասին է։ Բացի դրանից Հայաստանը հաղթող է ունեցել նաև Combat Games-ում։

Նաև ցանկանում եմ նշել, որ հենց հիմա Հայաստանի U15 հավաքականը պատրաստվում է մեկնել Եվրոպայի առաջնության, որտեղ Հայաստանի պատիվը կփորձի ամենաբարձր մակարդակով պահել 15 մարզիկ։ Եվրոպայի առաջնությունը տեղի է ունենալու Հունաստանի Լուտրակի քաղաքում՝ մայիսի 11-ին և 12-ին։

• Ինչու՞ պետք է ընտրել գրեփելինգը և ոչ՝ այլ մարզաձև։

— Գրեփլինգը խորհուրդ եմ տալիս ընտրել, քանի որ այն շատ դիտարժան սպորտաձև է։ Այն իր մեջ պարունակում է հնարքներ շատ տարբեր սպորտաձևերից, այսինքն՝ կարելի է ասել, որ գրեփլինգը մի քանի մարզաձևի համալիր է։ Այն իր մեջ ներառում է տարբեր տարրեր ձյուդոյից, ջիու-ջիցուից, ազատ ոճի ըմբշամարտից։ Դրան գումարում ենք նաև հենց բուն գրեփլինգի հնարքները, որոնք թույլ են տալիս մարզիկին լինել անհամեմատ ավելի ազատ, քան վերը նշված սպորտաձևերում առանձին-առանձին։ Այսինքն, գրեփլինգը միավորում է մենապայքարային տարբեր մարզաձևերի սիրահարներին, քանի որ այստեղ մենամարտերն ավելի դիտարժան են լինում։

• Ի՞նչ հաջողություններ են վերջին 1 տարվա ընթացքում գրանցել հայ մարզիկները։

— Ինչպես արդեն նշեցի, այս 4 տարվա ընթացքում Հայաստանի գրեփլինգի ֆեդերացիան ու տարբեր տարիքային հավաքականները բազմաթիվ հաջողություններ են գրանցել, բայց հենց նախորդ տարին էր խորհրդանշական ու հիշատակման արժանի։ Հայաստանի գրեփլինգի պատմության մեջ առաջին անգամ Հայաստանն ունեցավ մեծահասակների Եվրոպայի չեմպիոն, աշխարհի U20 տարիքային խմբում հաղթող և ունեցավ Combat Games-ի չեմպիոն։ Էլ չեմ խոսում հիշյալ մրցաշարերում տարբեր տարիքային խմբերում նվաճած բազմաթիվ մեդալների մասին։

• Ի՞նչ հեռանկարներ ունի Գրեփլինգը Հայաստանում։

— Գրեփլինգի հեռանկարները Հայաստանում շատ լուսավոր են թվում է։ Քանի որ, ինչպես ասում են, ամեն գործի սկիզբն է դժվար։ Իսկ մենք փայլուն սկիզբ ենք ունեցել գրեփլինգում՝ ինչպես Հայաստանում, այնպես էլ միջազգային մրցասպարեզներում։ Բացի մեդալներից, ցանկանում եմ նշել նաև, որ Հայաստանն այն 5 երկրների ցանկում է, որն ունի միջազգային կարգի մրցավարների ինստրուկտոր, որը ուսուցանում է այլ երկրների մրցավարներին։ Դա շատ պատվաբեր է մեզ համար։

Գրեփլինգի հեռանկարի համար շատ կարևոր եմ համարում, որ մենք ունենք փայլուն երիտասարդներ ու երեխաներ, որոնք իրենց մարզական կարիերան սկսել են հենց գրեփլինգից։ Այսինքն, իրենք չեն տեղափոխվել մեզ մոտ այլ սպորտաձևերից, ինչը ևս կարևոր նշանակություն ունի այս մարզաձևի զարգացման ու մասսայականացման հարցում։ Ամենասկզբից գրեփլինգի օգտին ընտրություն կատարելն օգնում է մարզիկին արագ հարմարվել ու սովորել հնարքները։

• Առաջնային ի՞նչ խնդիրներ կան լուծելու գրեփլինգում, որոնք թույլ չեն տալիս մարզաձևին ավելի արագ զարգանալ։

— Առաջնային խնդիր, բնականաբար, պետք է նշեմ ֆինանսական բաղկացուցիչը։ Դեռևս գրեփլինգն ինքնաֆինանսավորվող մարզաձև է, ֆեդերացիան՝ նույնպես։ Ֆինանսավորումը թույլ կտա գրեփլինգը զարգացնել ամենաբարձր մակարդակի։ Հետևաբար, մենք ամեն ինչ անում ենք, որ գրեփլինգով զբաղվող բոլոր մարզիկները՝ երեխաները, պատանիներն ու մեծահասակները, լիարժեք հնարավորություն ունենան մասնակցելու Եվրոպայի և աշխարհի առաջնություններին։ Բացի դրանից, մենք շատ մեծ ծրագրեր ունենք մարզերում զարգացնելու նաև այս մարզաձևը։ Ունենք Լոռու և Արմավիրի մարզերում մարզադպրոցներ, որտեղից դուրս եկած մարզիկները մեկնում են միջազգային մրցումների ու վերադառնում են տպավորիչ արդյունքներով։ Մենք ցանկանում ենք հիմնավորվել նաև մյուս մարզերում, սակայն դրա համար մեզ պետք են բավարար քանակությամբ մասնագետներ, որոնց պակասը մենք նույնպես զգում ենք։

Ֆեդերացիան, ճիշտ է, ամեն տարի իրականացնում է մարզիկների, մարզիչների ու մրցավարների վերապատրաստումներ։ Բայց շատ ավելի արագ և լայնամասշտաբ զարգացնելու համար, խնդիր է մնում մասնագետների պակասը, որը հուսանք, որ ամեն տարի է՛լ ավելի հեշտ կլինի լուծել՝ թեկուզ և այլ մարզաձևերից ադապտացնելով ու վերապատրաստելով մարզիչների։ Հույս ունենք, որ նրանք իրենց գործունեությունը կծավալեն մարզերում, և գրեփլինգը կգործի ու կզարգանա Հայաստանի ամբողջ տարածքում։

Ռոբերտ Գասպարյան

Դեկտեմբերի 10-11-ը Վանաձորի Հայաստան ՄՀԿ մարզադահլիճում անցկացվել է ձյուդոյի Հայաստանի  երիտասարդների առաջնությունը, որին մասնակցել են 50 մարզիկներ Երևանից և Արմավիրի, Գեղարքունիքի, Կոտայքի, Լոռու, Շիրակի մարզերից:

Ներկայացնում ենք մրցանակակիրներին՝ ըստ քաշային կարգերի.

60 կգ

1. Աղասյան Վահե / ԲԿՄԱ, մարզիչ՝ Կ․ Աղասյան /
2. Մանուկյան Մարտին / ՍՁՕՄՊՄԴ, մարզիչ՝ Մ․ Խաչատրյան /
3. Բեկչյան Արշակ / Վանաձոր, Հայաստան ՄՀԿ․ մարզիչ՝ Ռ․ Նազլուխանյան /
3. Սաֆարյան Գոռ / ԲԿՄԱ, մարզիչ՝ Վ․ Թորոսյան /

66 կգ

1. Աղասյան Դավիթ / Հրազդանի ՄՊՄԴ, մարզիչ՝ Կ․Աղասյան /
2. Զազյան Ալեքսան / ԳՕՀՊՄՔ, մարզիչ՝ Ա․ Բաղդասարյան /
3. Բաղդասարյան Խաչատուր / Մարալիկի ՄՊՄԴ, մարզիչ՝ Գ․ Մկրտչյան /
3. Աթանեսյան Արտուշ / Գյումրի ՀՄՄ, մարզիչ՝ Ն․ Սուքիասյան /

73 կգ

1. Թորոսյան Արտակ / ԲԿՄԱ, մարզիչ՝ Վ․ Թորոսյան /
2. Գալստյան Ռազմիկ / ՍՁՕՄՊՄԴ, մարզիչ՝ Մ․ Խաչատրյան /
3. Մեխակյան Դավիթ / ՍՁՕՄՊՄԴ, մարզիչ՝ Տ․ Հովհաննիսյան /
3. Մելքոնյան Գրիգոր / Էջմիածնի ՀՏ, մարզիչ՝ Ն․ Խաչատրյան /

81 կգ

1. Ղազարյան Սամվել / Մարալիկի ՄՊՄԴ, մարզիչ՝ Գ․ Մկրտչյան /
2. Վանոյան Լևոն / ԳՕՀՊՄՔ, մարզիչ՝ Ա․ Բաղդասարյան /
3. Ավետիսյան Էդգար / Հրազդանի ՄՊՄԴ, մարզիչ՝ Կ․ Աղասյան /
3. Մելքոնյան Հրայր / Վանաձոր, Հայաստան ՄՀԿ, մարզիչ՝ Ա․ Մելքոնյան /

90 կգ

1. Կարապետյան Գոռ / ԲԿՄԱ, մարզիչ՝ Վ․ Թորոսյան /
2. Կարապետյան Արամ / ԵՕՀՊՄՔ, մարզիչ՝ Վ․ Թորոսյան /
3. Հարությունյան Արեն / Թանդեռ ՄԱ, մարզիչ՝ Հ․ Դերմիշյան /

100 կգ

1. Հայրապետյան Արսեն / Հայաստան ՄՀԿ, մարզիչ՝ Հ․ Ամիրխանյան /
2. Ղարիբյան Սամվել / ՍՁՕՄՊՄԴ, մարզիչ՝ Վ․ Մարգարյան /

+100կգ

1․ Բարսեղյան Դավիթ / Վանաձորի Հայաստան ՄՀԿ, մարզիչ՝ Գ․ Հարությունյան /

ԱՂՋԻԿՆԵՐ

48 կգ

1․ Այվազյան Աննա / ՍՁՕՄՊՄԴ, մարզիչ՝ Վ․Մարգարյան /

52 կգ
1. Մարտիրոսյան Յուլիա / ՍՁՕՄՊՄԴ, մարզիչ՝ Վ․Մարգարյան /
2. Ստեփանյան Մարիամ / Վանաձոր, Հայաստան ՄՀԿ, մարզիչ՝ Ռ․ Ավետիսյան /
3. Սարգսյան Անահիտ / Ճամբարակի ՄՊՄԴ, մարզիչ՝ Ս․ Գաբրիելյան /

57 կգ

1. Մանուկյան Սյուզաննա / Մարալիկի ՄՊՄԴ, մարզիչ՝ Գ․ Մկրտչյան /
2. Մարտիրոսյան Անի / ՍՁՕՄՊՄԴ, մարզիչ՝ Վ․ Մարգարյան /
3. Հարությունյան Մարգարիտա / Գյումրու ՀՄՊՄԴ, մարզիչ՝ Է․ Գրիգորյան /

63 կգ
1․ Մարտիրոսյան Ալեքսանդրա / Հրազդան, մարզիչ՝ Հ․ Գրիգորյան /

Ֆրանսիայի Մոնպելյե քաղաքում այսօր մեկնարկում է ձյուդոյի Եվրոպայի առաջնությունը:

ՀՀ հավաքականի գլխավոր մարզիչ Հովհաննես Դավթյանի գլխավորութամբ ԵԱ-ում այսօր հանդես կգա Արտյոմ Ղալաչյանը (66 կգ), իսկ վաղը տատամի դուրս կգան Արսեն Ավետիսյանը և Ֆերդինանդ Կարապետյանը (երկուսն էլ ՝ 73 կգ):

Եվրոպայի առաջնությանը հայտավորված են 46 երկրների 388 մարզիկներ (218 տղամարդ և 170 կին):