2026 թվականի Աշխարհի գավաթի խաղարկության 3-րդ տուրում Շոտլանդիայի դեմ խմբային փուլի 3-0 հաշվով հաղթանակից հետո, 34-ամյա բրազիլացի հարձակվող Նեյմարը մեջբերել է 41-ամյա բրիտանացի մրցարշավորդ և Ֆորմուլա 1-ի յոթակի չեմպիոն Լյուիս Հեմիլթոնին, որը ներկայացնում է Ֆերարին։

«Հիշիր, թե ով ես դու», — խաղից հետո գրել է Նեյմարը՝ մեջբերելով Հեմիլթոնի խոսքերը։

«Միշտ», — պատասխանել է Հեմիլթոնը գրառմանը։

Նեյմարը խաղադաշտ է դուրս եկել երկրորդ խաղակեսի 76-րդ րոպեին և գոլ չի խփել։

Հեղինակավոր Forbes ամսագիրը հրապարակել է 2026 թվականի աշխարհի ամենաբարձր վարձատրվող մարզիկների ամենամյա վարկանիշային աղյուսակը, որը գլխավորել է «Ալ Նասրի» և Պորտուգալիայի հավաքականի հարձակվող Կրիշտիանու Ռոնալդուն։ «Ոսկե գնդակի» հնգակի դափնեկիրն արդեն չորրորդ տարին անընդմեջ պահպանում է առաջատարի դիրքը։

Ռեյտինգը կազմվել է՝ հաշվի առնելով ինչպես մարզիկների մրցելույթներից ստացված եկամուտները (աշխատավարձ, բոնուսներ, մրցանակային հիմնադրամներ), այնպես էլ սպորտից դուրս կնքված գովազդային և հովանավորչական պայմանագրերը։

41-ամյա Ռոնալդուի ընդհանուր տարեկան եկամուտը կազմել է ֆանտաստիկ 300 միլիոն դոլար, որից 235 միլիոնը նա վաստակել է խաղադաշտում, իսկ 65 միլիոնը՝ դրա սահմաններից դուրս։

Երկրորդ հորիզոնականը զբաղեցրել է մեքսիկացի անվանի բռնցքամարտիկ Սաուլ «Կանելո» Ալվարեսը (170 մլն դոլար), իսկ լավագույն եռյակը եզրափակել է ամերիկյան «Ինտեր Մայամիի» հարձակվող Լիոնել Մեսսին, ում տարեկան եկամուտը գնահատվել է 140 միլիոն դոլար։

Ստորև ներկայացնում ենք Forbes-ի վարկածով 2026 թվականի ամենաբարձր վարձատրվող մարզիկների լավագույն տասնյակը (միլիոն դոլար).

• Կրիշտիանու Ռոնալդու (Պորտուգալիա, ֆուտբոլ) – 300 (235 սպորտում + 65 սպորտից դուրս)
• Սաուլ Ալվարես (Մեքսիկա, բռնցքամարտ) – 170 (160 + 10)
• Լիոնել Մեսսի (Արգենտինա, ֆուտբոլ) – 140 (70 + 70)
• Լեբրոն Ջեյմս (ԱՄՆ, բասկետբոլ) – 137.8 (52.8 + 85)
• Սյոհեյ Օտանի (Ճապոնիա, բեյսբոլ) – 127.6 (2.6 + 125)
• Ստեֆեն Քարի (ԱՄՆ, բասկետբոլ) – 124.7 (59.7 + 65)
• Ջոն Ռամ (Իսպանիա, գոլֆ) – 107 (97 + 10)
• Կարիմ Բենզեմա (Ֆրանսիա, ֆուտբոլ) – 104 (100 + 4)
• Քևին Դյուրանտ (ԱՄՆ, բասկետբոլ) – 103.8 (54.8 + 49)
• Լյուիս Հեմիլթոն (Մեծ Բրիտանիա, Ֆորմուլա-1) – 100 (70 + 30)

Ֆորմուլա 1-ի իսպանացի մրցարշավորդ Կառլոս Սայնսը նշել է, թե ում կհանձներ 2025 թվականի «Ոսկե գնդակը»:

«Ես Մադրիդի «Ռեալի» երկրպագու եմ, բայց մրցանակը կտայի Լամին Յամալին: Որպեսզի մարդիկ տեսնեն, որ ծայրահեղությունների մեջ ընկնելու կարիք չկա: Նա խաղում է «Բարսելոնայի» կազմում, բայց նաև ազգային հավաքականի խաղացող է: Նա ֆանտաստիկ է: Ինչևէ, մենք պետք է նրան գովաբանենք: Նա լավագույնն է այս պահին», — Սայնսի խոսքերն է մեջբերում Mundo Deportivo-ն:

Հիշեցնենք, որ մրցանակաբաշխության արարողությունը տեղի կունենա Փարիզում սեպտեմբերի 22-ին: Անցյալ մրցաշրջանում Յամալը մասնակցել է 55 խաղի՝ բոլոր մրցաշարերում, խփել է 18 գոլ և կատարել 25 գոլային փոխանցում:

«Ֆորմուլա-1»-ի յոթակի չեմպիոն Լյուիս Հեմիլթոնը հայտարարել է, որ ազատվել է իր ավտոմեքենաների ամբողջ հավաքածուից և այլևս մեքենաներ չունի։

«Այլևս մեքենաներ չունեմ, վաճառել եմ ողջ հավաքածուս։ Հիմա ինձ ավելի շատ գրավում է արվեստը։ Եթե երբևէ նորից մեքենա գնեի, դա կլիներ Ferrari F40-ը, քանի որ այն իսկական արվեստի գործ է», — Հեմիլթոնի խոսքերն է մեջբերում Motorsport-ը։

Հաղորդվում է, որ հավաքածուի ընդհանուր արժեքը կազմել է մոտ 15 միլիոն եվրո։ Տարբեր ժամանակներում բրիտանացի մարզիկը նկատվել է 15 տարբեր մեքենաների ղեկին, այդ թվում՝ Pagani, Ferrari, Mercedes և McLaren մակնիշի սպորտային ավտոմեքենաներ, ինչպես նաև այլ դասերի մոդելներ։ Նշվում է նաև, որ նրա հավաքածուում, հնարավոր է, եղել են մի քանի մոտոցիկլ։

40-ամյա Հեմիլթոնը, Գերմանիայի լեգենդար մրցարշավորդ Միխայել Շումախերի հետ միասին, համարվում է «Ֆորմուլա-1»-ի պատմության ամենաշատ չեմպիոնական տիտղոսներ ունեցող մարզիկը։

Ֆորմուլա 1-ի քառակի չեմպիոն, Red Bull-ի մրցարշավորդ Մաքս Ֆերստապենը կիսվել է «Բարսելոնայի» աստղային հարձակվող Լամին Յամալի մասին իր կարծիքով:

«Այն, ինչ նա անում է, տպավորիչ է իր տարիքի համար: Դա անհավանական է: Լսեք, ճիշտ է, որ «Ոսկե գնդակը» պետք է նվաճեն լավագույնները, բայց ազնիվ լինելու համար, հիմա՝ Մեսսիի և Ռոնալդուի դարաշրջանից հետո, չկա միանշանակ հաղթող, առնվազն ինձ համար:

Չկա որևէ խաղացող, որը էապես առաջ է մնացածից: Գուցե ինչ-որ մեկը դեռ շատ երիտասարդ է, կամ ինչ-որ այլ պատճառ կա: Բայց ես վստահ եմ, որ Լամին Յամալը կհաղթի «Ոսկե գնդակը» առաջիկա տարիներին»,- Մաքս Ֆերստապենի խոսքերն է մեջբերում Mundo Deportivo-ն:

Հիշեցնենք, որ օրեր առաջ Ֆորմուլա 1-ի գործող չեմպիոնը հաղթեց Իտալիայի Գրան Պրիում: 

Թենիսիստ Նովակ Ջոկովիչը, ինչպես նաև «Ֆորմուլա-1»-ի նախկին պիլոտներ Ֆելիպե Մասան և Կևին Մագնուսենը դարձել են ֆրանսիական «Լե Ման» ֆուտբոլային ակումբի համասեփականատերեր:

– Նովակ Ջոկովիչը թենիսի լեգենդ է և պատմության ամենահաջողակ խաղացողներից մեկը: Նրա ոգու ուժն ու եզակի մոտեցումը մեծապես կնպաստեն ակումբի զարգացմանը: Ֆելիպե Մասան (15 սեզոն «Ֆորմուլա-1»-ում) և Կևին Մագնուսենը (10 սեզոն) կօգնեն կամուրջ կառուցել ֆուտբոլի և ավտոմրցարշավի միջև, ինչը «Լե Ման» բրենդի առանձնահատկությունն է, – նշված է ակումբի պաշտոնական հայտարարությունում:

Անցած մրցաշրջանում «Լե Մանը» Ֆրանսիայի առաջնության երրորդ դիվիզիոնում գրավել է երկրորդ հորիզոնականը և նվաճել Լիգա 2-ի ուղեգիր:

Նիդերլանդցի Մաքս Ֆերստապենը («Ռեդ Բուլ») հաղթեց Ֆորմուլա-1-ի 2025 թվականի մրցաշրջանի երրորդ՝ Ճապոնիայի Գրան պրիում, որը կայացավ Սուձուկայի ավտոդրոմում։ Սա Ֆերստապենի առաջին հաղթանակն է ընթացիկ մրցաշրջանում և չորրորդ անընդմեջ հաղթանակը Ճապոնիայում։

Երկրորդ և երրորդ տեղերը զբաղեցրին «Մակլարենի» երկու պիլոտները՝ Լանդո Նորիսը (Մեծ Բրիտանիա) և Օսկար Պիաստրին (Ավստրալիա)։

Առաջին տասնյակում հայտնվել են նաև Շառլ Լեկլերը («Ֆերարի»), Ջորջ Ռասելը («Մերսեդես»), Անդրեա Կիմի Անտոնելլին («Մերսեդես»), Լյուիս Հեմիլթոնը («Ֆերարի»), Իսակ Հաջարը (Racing Bulls), Ալեքսանդր Ալբոնը («Ուիլյամս») և Օլիվեր Բերմանը («Հաաս»)։

Հաջորդ փուլը կկայանա ապրիլի 11-13-ը Բահրեյնում։

Բրիտանացի ավտոարշավորդ, Ֆորմուլա 1-ի 7-ակի չեմպիոն Լյուիս Հեմիլթոնն այժմ պաշտոնապես դարձել է իտալական Ferrari թիմի ավտոարշավորդը։

Հեմիլթոնի պայմանագիրն իր նախկին Mercedes թիմի հետ ավարտվել է 2024 թվականի դեկտեմբերի 31-ին։

Թիմի 2025 թվականի մրցաշրջանի նոր բոլիդը կներկայացվի Ferrari-ի առանձին շնորհանդեսին։

Շնորհանդեսը տեղի կունենա փետրվարի 19-ին։

Հայտնի Racingnews365 մարզական պարբերականը կազմել է «Ֆորմուլա-1»-ի «Ֆերարի» թիմի պատմության լավագույն պիլոտների ցանկը։ Առաջին տեղում հայտնվել է լեգենդար գերմանացի մրցարշավորդ Միխայել Շումախերը։

Շումախերը, ով աշխարհի յոթակի չեմպիոն է, «Ֆերարիի» կազմում հանդես է եկել 1996-ից 2006 թվականներին։ Նա իր տպավորիչ կարիերայի ընթացքում իտալական թիմի հետ նվաճել է հինգ անընդմեջ չեմպիոնություն՝ 2000-2005 թվականներին։

Racingnews365-ի կազմած լավագույն եռյակում Շումախերի կողքին են նաև Ալբերտո Ասկարին և Նիկի Լաուդան, որոնք համարվում են «Ֆերարիի» պատմության անբաժան մասը։

Հիշեցնենք, որ աշխարհի չորսակի չեմպիոն Սեբաստիան Ֆետելը վերջերս պատմել է իր վերջին զրույցի մասին Միխայել Շումախերի հետ` ընդգծելով լեգենդար մրցարշավորդի ազդեցությունը իր կարիերայի վրա։

Շումախերի հաղթանակներն ու տպավորիչ նվաճումներն իսկապես թողել են անջնջելի հետք ոչ միայն «Ֆերարիի», այլև ամբողջ «Ֆորմուլա-1»-ի պատմության մեջ։

Mercedes-ի ավտոարշավորդ Լյուիս Հեմիլթոնը պատմել է, թե ինչպես է աշխատել հոլիվուդյան դերասան Բրեդ Փիթի հետ Ֆորմուլա 1-ի մասին ֆիլմի նկարահանման ընթացքում։

«Ես գնացե՞լ եմ մրցուղի Բրեդ Փիթի հետ, այո՛։ Մենք գնացինք մրցուղի Լոս Անջելեսում: Ես նստեցի ուղևորի նստարանին, իսկ նա պիլոտի: Երբ ես երիտասարդ էի, ես մրցավազքի հրահանգիչ էի: Դա լրացուցիչ գումար վաստակելու միջոց էր:

Այսպիսով դա ինձ օգնեց մեծ փորձ կուտակել ուրիշների հմտությունները հասկանալու գործում: Այժմ ես անմիջապես կարող եմ ասել, թե ով ունի պոտենցիալ։ Նս մեծ ներուժ ունի, դա նրա ԴՆԹ-ում է: Կարո՞ղ էր նա լավ արդյունքներ ցույց տալ որպես պիլոտ: Այո, բայց ակնհայտորեն դա ժամանակ կպահանջեր նրանից»,- Հեմիլթոնի խոսքերն է մեջբերում Esquire.com-ը:

Նշենք, որ ֆիլմը մեծ էկրաններ կբարձրանա հաջորդ տարի՝ 2025 թվականի հունիսի 25-ին։