Ֆուտբոլի միջազգային ֆեդերացիան (ՖԻՖԱ) պաշտոնապես հայտարարել է Netflix սթրիմինգային ծառայության հետ համագործակցության մասին։ Այս գործընկերության արդյունքում կթողարկվի FIFA-ի լիցենզիայով նոր ֆուտբոլային խաղ, որը հասանելի կլինի 2026 թվականի ամռանը՝ ԱՄՆ-ում, Կանադայում և Մեքսիկայում կայանալիք Աշխարհի առաջնության մեկնարկին ընդառաջ։

Սա կլինի առաջին խոշոր նախագիծը FIFA ապրանքանիշի ներքո՝ Electronic Arts-ի (EA) հետ երկարատև համագործակցության դադարեցումից հետո։

Խաղի մշակմամբ և հրատարակմամբ զբաղվում է կալիֆոռնիական Delphi Interactive ստուդիան։ Նախագիծը բացառիկ իրավունքով հասանելի կլինի Netflix Games բաժնում։

Խաղն անվճար կլինի Netflix-ի բոլոր բաժանորդների համար։

Այն հնարավոր կլինի խաղալ ինչպես բջջային սարքերով, այնպես էլ հեռուստացույցով՝ օգտագործելով սմարթֆոնը որպես կառավարման վահանակ (controller)։

Ի տարբերություն բարդ սիմուլյատորների, այս խաղը նկարագրվում է որպես «արագ յուրացվող» և հասանելի բոլորի համար։ Շեշտը դրված է լինելու մրցաշարի էմոցիոնալ և զվարճալի կողմի վրա։ Նախատեսված են ինչպես միայնակ (solo), այնպես էլ առցանց (online) ռեժիմներ։

ՖԻՖԱ-ի նախագահ Ջանի Ինֆանտինոն այս համագործակցությունը որակել է որպես պատմական քայլ.

«Մենք ուրախ ենք միավորել ուժերը Netflix Games-ի և Delphi Interactive-ի հետ։ Սա առանցքային պահ է ֆուտբոլային խաղերի ոլորտում նորարարությունների մեր ձգտման ճանապարհին: Մեր վերաիմաստավորված խաղը նշանավորում է թվային ֆուտբոլի նոր դարաշրջանի սկիզբը և նպատակ ունի գրավել միլիարդավոր երկրպագուների ամբողջ աշխարհում»:

Netflix-ի խաղերի բաժնի նախագահ Ալեն Տասկանն իր հերթին նշել է․

«ԱԱ-2026-ը լինելու է տարվա մշակութային իրադարձությունը։ Մենք ցանկանում ենք ֆուտբոլը վերադարձնել իր արմատներին՝ ստեղծելով մի խաղ, որը յուրաքանչյուրը կարող է խաղալ՝ պարզապես մեկ կոճակ սեղմելով»:

Հիշեցնենք, որ 2023 թվականի վերջին ՖԻՖԱ-ն և EA Sports-ը դադարեցրել էին իրենց երկարամյա գործընկերությունը։ EA-ն շարունակեց թողարկել իր սիմուլյատորները EA Sports FC անվանմամբ, իսկ ՖԻՖԱ-ն փնտրում էր նոր գործընկերներ։ Թեև շրջանառվում էին լուրեր 2K Games-ի հետ հնարավոր գործարքի մասին, ի վերջո ընտրությունը կանգ առավ Netflix-ի վրա։

Խաղի վերաբերյալ այլ մանրամասներ կհրապարակվեն 2026 թվականին։

Հայտնի են հայ ֆուտբոլիստների վարկանիշները EA Sports FC 26 ֆուտբոլային սիմուլյատորում։

Ամենաբարձր վարկանիշն ունի «Ինտերի» կիսապաշտպան Հենրիխ Մխիթարյանը՝ 83: Հաջորդում է Լուկաս Սելարայանը «Բելգրանոյից»՝ 79 վարկանիշով: Սրանք խաղի «ոսկե» ֆուտբոլիստներն են։

«Արծաթե քարտեր» են ստացել Նարեկ Գրիգորյանը (68), Նորբերտո Բրիասկոն (68), Վահան Բիչախչյանը (67), Էդգար Սևիկյանը (67) և Սարգիս Ադամյանը (67):

«Բրոնզե քարտեր» ունեն Հրանտ-Լեոն Ռանոսը (63) և Անդրե Կալիսիրը (61):

EA Sports FC 26-ը կթողարկվի 2025 թվականի սեպտեմբերի 26-ին PC-ի և կոնսոլների համար: Ընդլայնված տարբերակի տերերն ու EA Play-ի բաժանորդները խաղը կարող են սկսել սեպտեմբերի 19-ից:

Հենրիխ Մխիթարյանը շարունակում է փայլել ոչ միայն ֆուտբոլային խաղադաշտում, այլև վիրտուալ աշխարհում: EA FC 26 ֆուտբոլային սիմուլյատորի՝ 2025 թվականի սեպտեմբերի 26-ին սպասվող թողարկման համար հրապարակվել են միլանյան «Ինտերի» խաղացողների վարկանիշները:

Ինչպես նախորդ խաղերում, «Ինտերը» լիցենզիայի բացակայության պատճառով խաղում ներկայացված է FC Lombardia անվամբ: Հայաստանի հավաքականի նախկին ֆուտբոլիստ Հենրիխ Մխիթարյանը պահպանել է իր 83 վարկանիշը: Չնայած որոշ աննշան բնութագրերի նվազմանը, նրա ընդհանուր միավորը մնացել է անփոփոխ, ինչը բացառիկ է նրա տարիքի (36 տարեկան) խաղացողի համար:

«Ինտերի» կազմում առաջատարը Լաուտարո Մարտինեսն է՝ 89 վարկանիշով:

Վիդեոխաղեր արտադրող EA Sports ընկերությունը X սոցիալական ցանցում հայտարարել է այն ֆուտբոլիստների անունները, ովքեր կդառնան ֆուտբոլային սիմուլյատորի նոր՝ EA FC 26 խաղի շապիկի հերոսներ: Նրանք են Մադրիդի «Ռեալի» կիսապաշտպան Ջուդ Բելինգեմը և Մյունխենի «Բավարիայի» հարձակողական ոճի կիսապաշտպան Ջամալ Մուսիալան:

«Սենյակակիցներից՝ մրցակիցներ, ապա՝ շապիկի աստղեր»,- նշված է ընկերության մամուլի հաղորդագրությունում:

Հիշեցնենք, որ 22-ամյա Բելինգեմը նաև EA FC 25 խաղի շապիկի դեմքն էր: Նրա հասակակից Մուսիալան առաջին անգամ է հայտնվում խաղի շապիկին:

EA Sports FC 25 տեսախաղի մշակողները մի քանի ֆուտբոլիստների հեռացրել են կարիերայի ռեժիմից։

Մասնավորապես հեռացվել է «Չելսիի» և Ուկրաինայի հավաքականի կիսապաշտպան Միխայիլո Մուդրիկը։ Ավելի վաղ հայտնի էր դարձել, որ 23-ամյա խաղացողի մոտ արգելված դեղամիջոցի թեստը դրական է եղել։

ԶԼՄ-ների տեղեկություններով՝ Մուդրիկը խաղադաշտից անորոշ ժամանակով հեռացվել է միլդրոնատի հայտնաբերման պատճառով։ Այժմ նրան երկար որակազրկում է սպառնում, որը կարող է տևել մինչև 4 տարի։

Խաղից հեռացվել են նաև «Բարսելոնայի» ֆուտբոլիստներ Դանի Օլմոն և Պաու Վիկտորը։ Ինչպես նաև «Սևիլյայի» կազմում կարիերան ավարտած Խեսուս Նավասը։

Հիշեցնենքմ որ ավելի վաղ Իսպանիայի սպորտի բարձրագույն խորհուրդը (CSD) թույլատրել էր կատալոնացիներին ժամանակավոր գրանցել Օլմոյին և Վիկտորին, մինչ բողոքարկման քննարկումը։

Սեպտեմբերի 27-ից խաղային հարթակներում հասանելի կլինի EA Sports FC 25-ը (նախկին FIFA, խմբ.)։

Խաղի պաշտոնական կայքը ներկայացրել է ֆուտբոլիստների վարկանիշային աղյուսակը, որից առանձնացրել ենք հայ ֆուտբոլիստներին:

Ամենաբարձր վարկանիշ ունեցող հայ ֆուտբոլիստը Հենրիխ Մխիթարյանն է՝ 83։ Երկրորդ տեղում է Լուկաս Սելարայանը՝ 80։ Երրորդում Վարազդատ Հարոյանն է՝ 71։

Բոլոր հայ ֆուտբոլիստները, որոնք ներկայացնում են Հայաստանի դրոշը՝ ստորև․

1․ Հենրիխ Մխիթարյան՝ 83

2․ Լուկաս Սելարայան՝ 80

3․ Վարազդատ Հարոյան՝ 71

4․ Նորբերտո Բրիասկո՝ 70

5․ Էդգար Սևիկյան՝ 68

6․ Սարգիս Ադամյան՝ 67

7․ Վահան Բիչախչյան՝ 67

8․ Էդգար Բաբայան՝ 65

9․ Հրանտ-Լեոն Ռանոս՝ 63

10․ Անդրե Չալիշիր՝ 62

11․ Նարեկ Գրիգորյան՝ 59

EA Sports FC 25-ի հիմնական առանձնահատկությունները.

• FC IQ – նոր արհեստական ​​ինտելեկտի համակարգ, որը հիմնված է իրական խաղերի տվյալների վրա։ Այն ապահովում է ավելի մեծ մարտավարական վերահսկողություն և ավելի իրատեսական թիմային շարժումներ։
• Rush – մինի-ֆուտբոլի ռեժիմ Ultimate Team-ում, ընկերական խաղերում, «Ակումբներում» և կարիերայի ռեժիմում՝ «5-ը 5-ի դեմ» ձևաչափով։ Յուրաքանչյուր խաղացող ղեկավարում է իր կազմից մեկ ֆուտբոլիստի՝ խաղալով այլ օգտատերերի կամ բոտերի դեմ։
• Կարիերայի ռեժիմը առաջին անգամ առաջարկում է խաղալ կանանց թիմերով։ Ընդհանուր առմամբ հասանելի են ավելի քան 19 հազար ֆուտբոլիստներ, ավելի քան 700 ակումբներ և հավաքականներ 40 տարբեր լիցենզավորված լիգաներից և առաջնություններից։

Կազմը մանրամասն ուսումնասիրելու համար սեղմեք այստեղ

«Բարսելոնայի» պաշտոնական կայքը հայտնում է, որ կատալոնական ակումբը հիմնել է League of Legends-ի թիմ։

2022 թվականից «Բարսելոնան» կմասնակցի Սուպերլիգային՝ Իսպանիայի բարձրագույն դիվիզիոնում (LVP):

Ավելի վաղ լուրեր էին շրջանառվում, որ «Սևիլիա» ֆուտբոլային ակումբը և Case eSports eSports կազմակերպությունը, որը պատկանում է Մադրիդի «Ռեալի» կիսապաշտպան Կազեմիրոյին, նույնպես պայքարել են Սուպերլիգային մասնակցելու սլոտի գնման համար։ Դեռ հայտնի չէ, թե որ ֆուտբոլիստները կմիանան կատալոնական թիմին։

Բարսելոնան ներկայումս ունի երեք այլ էլ․սպորտային թիմեր՝ eFootball, Rocket League և Hearthstone:

«Ատալանտայի» մամուլի ծառայությունը հայտարարել է, որ ակումբը պայմանագիր է ստորագրել տեսախաղեր արտադրող Konami ընկերության հետ:

Այժմ թիմը պաշտոնապես կհայտնվի միայն Pro Evolution Soccer (PES) խաղերում: FIFA-ում այն ​​կունենա այլ անվանում և այլ համազգեստ ու տարբերանշան:

Ավելի վաղ «Նապոլին» դարձավ երրորդ ակումբը, որը ընդգրկված չէ Electronic Arts-ի FIFA 22 թիմի հայտացուցակում․ ճապոնական Konami ընկերությունը պայմանագիր էր կնքել նաև իտալական «Նապոլի» ֆուտբոլային ակումբի հետ: 2022/2023 մրցաշրջանի համար Konami–ի հետ պայմանագիր են ստորագրել նաև «Յուվենտուսը» և «Ռոման»:

Siamo entusiasti di annunciare @Konami quale nuovo Official Video Game Partner di #Atalanta! Benvenuti! 🤝

We’re excited to announce that #Konami has become Atalanta new Official Video Game Partner! Welcome! 🎮

👉 https://t.co/ArgrSldORx#GoAtalantaGo ⚫️🔵 pic.twitter.com/Soyjk8E6xj

— Atalanta B.C. (@Atalanta_BC) May 26, 2021

«Քուինս Պարկ Ռեյնջերսի» (ՔՊՌ)  երիտասարդական թիմինախկին խաղացող Կիյան Փրինսը դարձել է աշխարհի առաջին վիրտուալ ֆուտբոլիստը:

2006 թ.-ի մայիսի 18-ին Պրինսը մահացել էր դանակի հարվածից, երբ փորձում էր դադարեցնել ծեծկռտուքը իր դպրոցում: Այդ ժամանակ ֆուտբոլիստը 15 տարեկան էր:

Այսօր EA Sports-ը Կիյանին ավելացրել է FIFA 21-ում ՔՊ- ի հայտացուցակում: Փրինսը հասանելի կլինի համակարգչային խաղում` մայիսի 18-ից, և մայիսի 19-ից PlayStation 5-ում, PlayStation 4-ում, Xbox Series X / S- ում և Xbox One-ում: Կիյանը կստանա «30» համարը: