Նյու Յորքում տեղի ունեցած ողբերգական միջադեպի հետևանքով զոհվել է չորս մարդ։ Կրակահերթը բացել է Ամերիկյան ֆուտբոլի նախկին խաղացող Շեյն Թամուրան, որը, նախնական տվյալներով, տառապել է քրոնիկ տրավմատիկ էնցեֆալոպաթիայով (CTE)։

Ինչպես տեղեկացնում է L’Équipe-ը, միջադեպը տեղի է ունեցել հուլիսի 28-ին Մանհեթենում՝ Ազգային ֆուտբոլային լիգայի (NFL) գրասենյակի տարածքում։ Թամուրան կրակ է բացել մարդկանց ուղղությամբ, սպանել չորս հոգու, այդ թվում՝ մեկ ոստիկանի, և վիրավորել առնվազն հինգի հոգու։ Այնուհետև նա ինքնասպան է եղել։

Ըստ CNN-ի՝ հարձակվողը դեպքի վայրում թողել է ինքնասպանության նամակ, որտեղ բացատրել է իր քայլերի դրդապատճառները։ Նամակում նա գրել է․

«Ամերիկյան ֆուտբոլը ինձ տվեց CTE և ստիպեց խմել ցավազրկողներ գալոններով։ Դուք չեք կարող խաղալ NFL-ում, նրանք ձեզ կջարդեն։ Խնդրում եմ, ստուգեք իմ ուղեղը։ Շատ եմ ցավում։ Շատ եմ ցավում ամեն ինչի համար»։

Բացի այդ, Թամուրան իր նամակում անդրադարձել է նաև Թերի Լոնգի պատմությանը՝ նախկին NFL խաղացողի, որը նույնպես տառապել էր CTE-ից և ինքնասպան եղել 2005 թվականին։

Հայաստանի ազգային հավաքականի բոլոր ժամանակների լավագույն ռմբարկու, Միլանի «Ինտերի» կիսապաշտպան Հենրիխ Մխիթարյանն ու NFL-ի (Ամերիկյան ֆուտբոլի ազգային լիգա) աստղ, «Լոս Անջելես Չարջերսի» հարվածող Քեմերոն Դիքերը փոխանակվել են մարզաշապիկներով ԱՄՆ-ում։

25-ամյա Դիքերը ներկա է գտնվել «Ինտերի» մարզմանը Լոս Անջելոսում, որտեղ միլանյան գրանդը այս օրերին պատրաստվում է Ակումբային աշխարհի առաջնությանը։

Football che incontra football ⚽️ x 🏈@NFL @chargers pic.twitter.com/qeqA4Db6oQ

— Inter ⭐⭐ (@Inter) June 13, 2025

Հիշեցնենք, որ մրցաշարը կանցկացվի ԱՄՆ-ում՝ հունիսի 15-ից հուլիսի 13-ը։ «Ինտերը» մրցաշարում իր առաջին հանդիպումը կանցկացնի հունիսի 18-ին՝ մեքսիկական «Մոնտերեյի» դեմ։