ՄԵԴԻԱ — Armsport.am

📷 ՉԼ․ Խմբային փուլի խաղային առաջին օրվա լավագույն կադրերը

Վարուժան Բաբայան — Wed, 07 Sep 2022 07:11:00 +0000

Երեկ մեկնարկեց Չեմպիոնների լիգայի 2022/23 մրցաշրջանի խմբային փուլը։

Կայացան մի շարք անակնկալներ․ «Չելսին» պարտվեց Զագրեբում, «Միլանը» ոչ-ոքի խաղաց «Զալցբուրգի» հետ, «Լայպցիգը» խոշոր հաշվով զիջեց «Շախտյորին»․․․ Խաղային օրվա լավագույն կադրերը՝ մեր դիտակետում (լուսանկարները՝ ակումբների սոցցանցեր)։

Լուսանկարները՝ ստորև․

Նոր սպորտային ֆիլմեր, որոնք արժե դիտել

Erik — Tue, 29 Mar 2022 07:55:39 +0000

ArmSport-ը Ձեզ համար առանձնացրել է մարզական թեմատիկայով մի քանի ֆիլմեր, որոնք դիտելով կարող եք լրացնել Ձեր օրը հավելյալ մոտիվացիայով։

Ռիչարդ արքան(2021)

Ռիչարդ Ուիլյամսը Սերենա և Վինուս Ուիլյամսների հայրն է։ Նա անձամբ երբեք թենիս չի խաղացել և քիչ բան է հասկանում պրոֆեսիոնալ թենիսիստուհիներին մարզելու մասին։ Նա պլանավորել էր մարզել իր բոլոր դուստրերին, բայց իսկական տաղանդ միայն Սերենան ու Վինուսն են ցուցադրում։

Ի դեպ, ամերիկացի դերասան Ուիլ Սմիթը «Օսկար» է ստացել «Ռիչարդ արքան» ֆիլմի համար։

Պելե(2021)

Վավերագրական ֆիլմը պատմում է լեգենդար ֆուտբոլիստ Պելեի մարզական կարիերայի 12-ամյա ժամանակաշրջանի մասին, որի ընթացքում շնորհալի ատլետը 1958-ի երիտասարդ աստղից 1970-ին դառնում է Բրազիլիայի ազգային հերոս: Պելեի և նրա թիմակից Մարիո Զագալոյի, Ռոբերտո Ռիվելինոյի և Ժաիրզինյոյի հետ հարցազրույցները, ինչպես նաեւ արխիվային կադրերը պատմում են այն մասին, թե ինչպես է ֆուտբոլիստի տաղանդի և նվիրվածության շնորհիվ Բրազիլիայի հավաքականը դարձել աշխարհի ամենատիտղոսակիր հավաքականը, որը պարբերաբար հավակնում է բարձրագույն տիտղոսների:

Ստրելցով(2020)

20 տարեկանում նա ունի այն ամենը, ինչի մասին կարելի է երազել՝ տաղանդ, փող, փառք, սեր։ Նա Էդուարդ Ստրելցովն է` խորհրդային ֆուտբոլի ծագող աստղն ու միլիոնների կուռքը։ Ամբողջ երկիրը սրտատրոփ սպասում է խորհրդային հավաքականի հաղթանակներին՝ Շվեդիայում կայանալիք Աշխարհի առաջնությունում և Պելեի հետ մենամարտին։ Բայց թիմի մեկնելուց երկու օր առաջ չարակամները կոտրում են մարզիկի ճակատագիրը։ Երբ դեպի ֆուտբոլ տանող ճանապարհը, թվում էր, ընդմիշտ խզված է, Ստրելցովը պետք է անհնարինը կատարի, որպեսզի վերադառնա ու բոլորին ապացուցի, որ նա չեմպիոն է։

Արյունակից եղբայրներ․ Մալքոլմ Իքս և Մուհամմեդ Ալի(2021)

20-րդ դարի երկու լեգենդար անձանց` Մուհամեդ Ալիի, բոլոր ժամանակների մեծագույն բռնցքամարտիկի և Մալքոլմ Իքսի՝ «Իսլամի ազգի» ամենանշանակալի եւ խարիզմատիկ առաջնորդի, աֆրոամերիկացիների իրավունքների համար պայքարողի բարեկամության մասին զարմանալի եւ ողբերգական պատմությունը: Նրանք այնքան տարբեր էին՝ սպիտակ լրագրողներին հաճոյացող հանդուգն օլիմպիական չեմպիոն և նախկին բանտարկյալ, ինտելեկտուալ հեղափոխական, աֆրոամերիկացի բնակչության ճնշմանը դեմ հանդես եկող և սպորտը ուշադրության արժանի զբաղմունք չհամարող։ Սակայն նրանց կապը խորն էր, իսկ բարեկամությունը՝ իրական։

Թեդ Լասսո(2020)

Թեդը մարզիչ է աշխատում փոքրիկ կոլեկտիվում։ Նա զարգացնում է երիտասարդ ու տաղանդավոր ֆուտբոլիստներին, ովքեր առաջին հաջողություններն են գրանցում բուն ամերիկյան մարզաձևում։ Տղամարդը չի ձգտում ինչ-որ ակնառու բարձունքների։ Նրան հարմար է աշխատել որպես համեստ թիմի մարզիչ, որը ժամանակ առ ժամանակ ցնցող խաղեր է ցույց տալիս: Սակայն շուտով նրան կգա մի առաջարկ, որից հնարավոր չի լինի հրաժարվել։ Տղամարդը հրավեր է ստանում Մառախլապատ Ալբիոնից, որտեղ իր վրա կվերցնի ֆուտբոլի Անգլիական լիգայի թիմը։ Միայն թե նամակում խոսքը վերաբերում է իսկական եվրոպական ֆուտբոլին, այլ ոչ թե դրա ամերիկյան տարբերակին։ Դասական ֆուտբոլից Թեդը բացարձակապես ոչինչ չի հասկանում։ Չնայած դրան, Թեդը որոշում է ընդունել առաջարկը: Ֆուտբոլիստների ֆիզիկական պատրաստվածության վրա Թեդը կարող է աշխատել, իսկ ահա տակտիկական տեսանկյունից նա գլուխ չի հանում։ Գլխավոր հերոսը պետք է շատ բան սովորի և ճանաչման հասնի այն ֆուտբոլիստների կողմից, որոնք, ինչպես հաճախ է պատահում անգլիական ֆուտբոլում, ուժեղ և կոշտ տղամարդիկ են, ովքեր ձգտում են ակտիվ և կոշտ ֆուտբոլ խաղալ:

Նեյմար․ Իդեալական քաոս(2022)

Նրան պաշտում են ու անողոք քննադատում։ Նեյմարը պատմում է անձնական կյանքում վերելքների, անկումների և անհավանական ֆուտբոլային կարիերայի մասին։

Ամեն ինչ կամ ոչինչ․ Տոտենհեմ Հոտսպուր(2020)

Իր պատմության ամենահաջող մրցաշրջաններից մեկից հետո անգլիական «Տոտենհեմը» 2019 թվականի վերջին փոխարինեց մարզիչին՝ այդ պաշտոնում նշանակելով, թերևս, 21-րդ դարի սկզբի ամենաօդիոզ մասնագետ Ժոզե Մոուրինյոյին։ Կհաջողվի՞ արդյոք աստղային պորտուգալացուն լոնդոնյան ակումբի հետ տիտղոսներ նվաճել:

Վերջին պարը(2020)

1984 թվականին գալով պրոֆեսիոնալ սպորտ, Մայքլ Ջորդանը սկսում է հանդես գալ «Չիկագո Բուլսում», որոնց 9 տարվա ընթացքում հասցնում է առաջին հեթ-տրիկի՝ հաղթելով բարձրագույն դիվիզիոնում երեք անգամ անընդմեջ, ինչից հետո հայտարարում է կարիերան ավարտելու մասին, սակայն արդեն մեկուկես տարի անց վերադառնում է թիմի կազմ: Ֆիլմի իրադարձությունները զարգանում են 1997-98 թվականներին, երբ «Չիկագո Բուլզը» գնում էր դեպի իր երկրորդ հեթ-տրիկ, իսկ Ջորդանը երազում էր վերջնականապես հեռանալ սպորտից՝ հաղթական նոտայով: Իր թիմակիցների՝ Սքոթի Պիպենի, Դենիս Ռոդմանի, Լարի Բերդի, ինչպես նաև գլխավոր մարզիչ Ֆիլ Ջեքսոնի հետ, նա հիշում է այն մրցաշրջանը, որն իր բասկետբոլիստի կարիերայում դարձել է առանցքայիններից մեկը:

📷 Սերխիո Կուն Ագուերոն՝ Armsport-ի օբյեկտիվում

Վարուժան Բաբայան — Thu, 16 Dec 2021 10:27:11 +0000

Սերխիո Կուն Ագուերոն միանշանակ ժամանակակից ֆուտբոլային աշխարհի ամենատաղանդավոր հարձակվողներից մեկն է։ Նրա ստաբիլ ելույթներն ու արդյունավետությունը այդ փաստի խոսուն ապացույցներն են եղել։ Ցավոք սրտի, ֆուտբոլային հանրությունն այլևս չի կարողանա վայելել նրա դիպուկությունը…

ArmSport-ի ֆոտոխցիկի օբյետիվում Ագուերոն եղել է երեք անգամ՝ բոլոր դեպքում էլ 2018 թվականի ֆուտբոլի աշխարհի առաջնության ընթացքում։ Իհարկե, Արգենտինայի երկրպագուների համար այդ առաջնությունը լավ չդասավորվեց, սակայն հիշողություններն ու փաստերը մնում են, դրանք մնում են նաև լուսանկարների ձևաչափով։

Լուսանկարները՝ ArmSport-ի ֆոտոթղթակից Գևորգ Ղազարյանի

📷 Հայաստանի ազգային հավաքականի վերջին մարզումը Լիխտենշտեյնի հետ խաղից առաջ՝ ArmSport-ի ֆոտոշարքում

Վարուժան Բաբայան — Wed, 08 Sep 2021 08:45:55 +0000

Հայաստանի ազգային հավաքականը երեկ՝ սեպտեմբերի 7-ին, վերջին մարզումն անցկացրեց ԱԱ-2022-ի ընտրական փուլի 6-րդ տուրի՝ Լիխտենշտեյնի հետ այսօր կայանալիք խաղից առաջ։

Ձեզ ենք ներկայացնում մեր հավաքականի մարզման՝ ArmSport-ի պատրաստած ֆոտոշարքը․

Լուսանկարները՝ ստորև

📸Բախում հայ և շոտլանդացի երկրպագուների միջև Ալաշկերտ-Ռեյնջերս խաղի ընդմիջմանը

Erik — Thu, 26 Aug 2021 16:34:48 +0000

Եվրոպա Լիգայի որակավորման փլեյ-օֆֆ փուլի «Ալաշկերտ»-«Ռեյնջերս» խաղի ընդմիջմանը կրքերը թեժացել էին տրիբունայում, որտեղ հայ ու շոտլանդացի երկրպագուներն իրար մոտ են նստած։

Երկրպագուների հետ բանակցելու էր եկել մրցակցի ֆուտբոլիստներից մեկը, երկրպագուների սեկտորին էր մոտեցել նաև մեր թիմի հիմնադիր-նախագահ Բագրատ Նավոյանը։

ArmSport-ի ֆոտոթղթակից Գևորգ Ղազարյանի լուսանկարները՝ այդ դրվագներից։

Ալաշկերտ-Ռեյնջերս․ ArmSport-ի լուսանկարներն առաջին կեսից

Erik — Thu, 26 Aug 2021 16:11:22 +0000

Եվրոպա Լիգայի որակավորման փլեյ-օֆֆ փուլի շրջանակում Հայաստանի չեմպիոն «Ալաշկերտը» Երևանում ընդունել է շոտլանդական «Ռեյնջերսին»։ Առաջին կեսից հետո հաշիվը դեռ չի բացվել։

Ներկայացնում ենք ArmSport-ի ֆոտոթղթակից Գևորգ Ղազարյանի պատրաստած լուսանկարները խաղի առաջին կեսից։

📷 Տոկիո-2020․ Դարչինյանի հավանական մրցակիցը վստահ հաղթանակ տարավ․ Ֆոտոշարք

Վարուժան Բաբայան — Thu, 29 Jul 2021 06:27:55 +0000

Հայաստանի հավաքականի բռնցքամարտիկ Արման Դարչինյանը (75 կգ քաշային կարգ) Տոկիոյի Օլիմպիական խաղերում իր մեկնարկն սկսեց հաղթանակով։ 1/8 եզրափակիչում Դարչինյանի մրցակիցը սլովակ Անդրեյ Շեմեզն էր, ում նկատմամ մեր մարզիկը տարավ վստահ՝ 5-0 հաշվով հաղթանակ։

Հաջորդ փուլում՝ քառորդ եզրափակչում, Դարչինյանի մրցակիցը կլինի ֆիլիպինցի Էումիր Մարցիալին։ Մենամարտը կկայանա օգոստոսի 1-ին։

Իսկ ահա, իրադարձությունների հաջող զարգացման դեպքում, կիսաեզրափակչում մեր մարզիկի մրցակիցը կարող է լինել ուկրաինացի Օլեկսանդր Խիժնյակը։ Նա 2017թ Աշխարհի և Եվրոպայի չեմպիոնն է, Եվրոպական խաղերի հաղթողը։

Ուկրաինացի բռնցքամարտիկը 1/8 եզրափակչում վստահ՝ 5-0 հաշվով հաղթանակ տարավ ճապոնացի Յուիտո Մորիվակիի նկատմամբ, իսկ քառորդ եզրափակչում նրա մրցակիցը կլինի դոմինիկացի Սեդենո Մարտինեսը։

ArmSport-ի պատրաստած Խիժնյակ-Մորիվակի հանդիպմանը լուսանկարները՝ ստորև․

Եվրոպա Լիգայի եզրափակչի լավագույն դրվագները՝ ՈՒԵՖԱ-ի պատրաստած ֆոտոշարքում

Վարուժան Բաբայան — Thu, 27 May 2021 09:27:01 +0000

Երեկ երեկոյան «Վիլյառեալն» ու «Մանչեսթեր Յունայթեդը» հանդիպեցին Գդանսկում՝ Եվրոպայի Լիգայի 2020/21 մրցաշրջանի հաղթողին պարզելու համար: Հիմնական և լրացուցիչ ժամանակն ավարտվել է ոչ-ոքի (1:1), իսկ 11 մետրանոց հարվածաշարում պարզվել է, որ «Վիլյառեալի» ֆուտբոլիստներն ավելի դիպուկ են՝ 11:10:

Առաջարկում ենք վերհիշել խաղի լավագույն դրվագները՝ վայելելով ՈՒԵՖԱ-ի կողմից պատրաստված լուսանկարները։

Լուսանկարը՝ (C) UEFA

📷 Ինչպես Ռոման հաղթեց ՄՅՈՒ-ին․ ՈՒԵՖԱ-ի ֆոտոշարքը

Վարուժան Բաբայան — Fri, 07 May 2021 05:18:27 +0000

ԵԼ կիսաեզրափակչի պատասխան խաղում «Ռոման» սեփական հարկի տակ ընդունեց «Մաչեսթեր Յունայթեդին» և հաղթեց 3։2 հաշվով։ Առաջարկում ենք վերհիշել հանդիպման լավագույն դրվագները՝ ՈՒԵՖԱ-ի ֆոտոշարքում։

📷 Արիստոկրատներն ընդդեմ արքայական ակումբի․ ՈՒԵՖԱ-ի ֆոտոշարքը

Վարուժան Բաբայան — Thu, 06 May 2021 09:27:46 +0000

Չեմպիոնների Լիգայի կիսաեզրափակչում «Ռեալի» հետ դիմակայության պատասխան խաղում Տուխելի թիմը հաղթեց 2-0 հաշվով: Առաջարկում ենք վերհիշել այդ խաղի լավագույն դրվագներն ՈՒԵՖԱ-ի կողմից պատրաստված ֆոտոշարքում։