Սեպտեմբերի 25-ին, Ազգերի լիգայի խաղարկության C լիգայի առաջին տուրի շրջանակում  Հայաստանի ազգային հավաքականը Երևանի Վազգեն Սարգսյանի անվան «Հանրապետական» մարզադաշտում ընդունեց Լատվիայի ընտրանուն և հաղթեց 2-0 հաշվով։ Հանդիպման մանրամասները՝ այստեղ։

ՀՖՖ մամուլի ծառայությունը տեսանյութ է հրապարակել յութուբյան էջում․

Հիշեցնենք` Հայաստանի ազգային հավաքականը սեպտեմբերի 28-ին կընդունի Չեռնոգորիայի հավաքականին, որից հետո արտագնա հանդիպումներ կանցկացնի Կիպրոսի ու Չեռնոգորիայի ընտրանիների հետ։

Մրցաշարային աղյուսակն այս պահին՝ ստորև․

ՈւԵՖԱ Ազգերի լիգայի C2 խմբի շրջանակում Հայաստանի հավաքականը վաղը՝ սեպտեմբերի 28-ին, Երևանի Վազգեն Սարգսյանի անվան «Հանրապետական» մարզադաշտում կընդունի Չեռնոգորիայի ընտրանուն։ 

Չեռնոգորիայի հավաքականը երրորդ անգամ է ժամանել Երևան։ Նախորդ երկու այցերի ընթացքում թիմը պարտվել է՝ 2:3 և 0:1 հաշվով։ Նախախաղային մամուլի ասուլիսին Չեռնոգորիայի հավաքականի գլխավոր մարզիչ Միրկո Վուչինիչը հայտարարել է, որ Հայաստանի դեմ Ազգերի լիգայի հանդիպմանը թիմը կխաղա երեք հարձակվողով։ Միաժամանակ մասնագետը նշել է, որ կազմի որոշ փոփոխություններ նույնպես կլինեն։

«Կխաղանք երեք հարձակվողով։ Դա հարձակողական է, թե ոչ՝ դուք ինքներդ որոշեք։ Կարևոր է, որ բոլորը վազեն, պայքարեն, լինեն մեկ ամբողջություն և միասնականություն ցուցաբերեն։ Դա է այն, ինչ ես նրանցից պահանջում եմ»,- Վուչինիչի խոսքերը մեջբերում է Vijesti-ն։

Վուչինիչը նշել է, որ Հայաստանի դեմ խաղում կազմի փոփոխություններ կլինեն։

«Կազմում փոփոխություններ կլինեն։ Թիմի յուրաքանչյուր գծում մեկական ֆուտբոլիստ կփոխարինենք։ Կտեսնենք՝ արդյոք ևս որոշ փոփոխություններ կլինեն»,- ասել է Չեռնոգորիայի հավաքականի գլխավոր մարզիչը։

Մասնագետը նաև ընդգծել է, որ հանդիպման ընթացքը մեծապես կախված կլինի հենց Չեռնոգորիայի խաղից։

«Տնային խաղերում նրանք, անկասկած, ավելի շատ են ձգտում հաղթանակի։ Այստեղ նրանք երկու անգամ հաղթել են մեզ։ Շատ բան կախված է մեզանից՝ արդյո՞ք Հայաստանը ավելի շատ կհարձակվի և ավելի շատ կվերահսկի գնդակը»,- նշել է Վուչինիչը։

Մարզիչը նաև խոսել է ֆուտբոլիստներին փոխանցած գլխավոր ուղերձի մասին։

«Մենք պետք է հաղթանակի և արդյունքի ծարավ լինենք։ Մենք կարող ենք առաջադիմել միայն այն դեպքում, եթե միասին թիավարենք նույն ուղղությամբ»։

Վուչինիչը չի թաքցրել, որ Չեռնոգորիայի նպատակն է հաղթել Երևանում և Ազգերի լիգայի C2 խմբում զբաղեցնել առաջին տեղը։

«Մենք նպատակ ունենք։ Որպես ֆուտբոլիստ և այժմ արդեն որպես մարզիչ՝ միշտ ձգտել եմ առավելագույնը ստանալ։ Անկասկած, գնում ենք հաղթանակի հետևից, իսկ թե որքան գոհ կլինեմ արդյունքից, կախված կլինի խաղի զարգացումից։ Նպատակն, իհարկե, խմբում առաջին տեղը զբաղեցնելն է, բայց ամենակարևորը միշտ հաջորդ հանդիպումն է»,- ասել է նա։

Միաժամանակ Վուչինիչը նշել է, որ Հայաստանի դեմ հաղթանակը դեռևս որոշիչ չի լինի խմբում առաջին տեղը զբաղեցնելու պայքարում։

«Ոչ մի արդյունք մեզ չի մոտեցնի առաջին տեղին։ Ինչ արդյունք էլ գրանցվի, մենք դեռ պայքարի մեջ ենք՝ հաղթանակ, ոչ-ոքի կամ այն ելքը, որի մասին հիմա նույնիսկ չեմ ցանկանում խոսել։ Ֆուտբոլիստները դա պետք է իմանան»։

Երկու հավաքականներն էլ Ազգերի լիգայի այս խաղարկությունը սկսել են հաղթանակով․ Չեռնոգորիան 2:1 հաշվով հաղթել է Կիպրոսին, իսկ Հայաստանը 2:0 հաշվով՝ Լատվիային։

Հիշեցնենք, որ վաղը կայանալիք հանդիպման մեկնարկը 20։00-ին է։

Հայաստանի, Լատվիայի, Չեռնոգորիայի և Կիպրոսի հավաքականներն ընդգրկված են 2-րդ խմբում։  Հիշեցնենք` Հայաստանի ազգային հավաքականը սեպտեմբերի 28-ին կընդունի Չեռնոգորիայի հավաքականին, որից հետո արտագնա հանդիպումներ կանցկացնի Կիպրոսի ու Չեռնոգորիայի ընտրանիների հետ։

Մրցաշարային աղյուսակը՝ ստորև․

ՈւԵՖԱ Ազգերի լիգայի C2 խմբի շրջանակում Հայաստանի հավաքականը վաղը՝ սեպտեմբերի 28-ին, Երևանի Վազգեն Սարգսյանի անվան «Հանրապետական» մարզադաշտում կընդունի Չեռնոգորիայի ընտրանուն։ 

Չեռնոգորիայի հավաքականը երրորդ անգամ է ժամանել Երևան։ Նախորդ երկու այցերի ընթացքում թիմը պարտվել է՝ 2:3 և 0:1 հաշվով։ Առաջիկա հանդիպման մասին նախախաղային մամուլի ասուլիսի ժամանակ խոսել է չեռոգորացիների ֆուտբոլիստը Ստեֆան Սավիչը։

«Այս անգամ նույնպես դժվար է լինելու, դա հաստատ է։ Նրանք նույնպես հաղթել են առաջին խաղում և մեծ ինքնավստահություն ունեն։ Այժմ այլ ժամանակներ են, երկու հավաքականներն էլ ամբողջությամբ փոխվել են։ Հանդիպումը ծանր ու դժվար է լինելու, բայց մենք պատրաստ ենք ամեն ինչի։ Համոզված եմ՝ կարող ենք հասնել մեր նպատակին»,- ասել է Սավիչը։

Չեռնոգորիայի հավաքականի պաշտպանը նաև նշել է, որ իր թիմը Երևան է ժամանել երեք միավոր վաստակելու նպատակով։

«Մենք ունենք մեր նպատակները և եկել ենք երեք միավորի հետևից։ Կիպրոսի դեմ խաղում երևաց, որ թիմում համախմբվածություն կա՝ ոչ միայն ֆուտբոլիստների միջև, այլև երկրպագուների հետ։ Հավաքականի շուրջ ամբողջ մթնոլորտը դրական է։ Գոհ ենք նրանից, թե ինչպես է ամեն ինչ ընթանում»,- նշել է Սավիչը։

Նա նաև անդրադարձել է Կիպրոսի դեմ խաղում գրանցված արդյունքը կրկնելու հնարավորությանը։

«Համոզված եմ, որ այս անգամ ևս ճիշտ մոտեցմամբ դուրս կգանք խաղադաշտ և կհասնենք այն նպատակին, որի համար եկել ենք։ Իհարկե, հույս ունեմ, որ կարող ենք կրկնել առաջին խաղի արդյունքը։ Մենք որակ ունենք, բոլորը պատրաստ են, այդ թվում՝ նրանք, ովքեր չեն հայտնվի հայտացուցակում։ Բոլոր տղաները մեծ ցանկություն ունեն խաղալու»,- մեջբերում է Սավիչին Vijesti-ն։

Սավիչը նախկինում արդեն խաղացել է Երևանում՝ Չեռնոգորիայի հավաքականի կազմում։ 2016 թվականին կայացած հանդիպումն ավարտվել էր Հայաստանի հաղթանակով՝ 3:2 հաշվով։

Երկու հավաքականներն էլ Ազգերի լիգայի այս խաղարկությունը սկսել են հաղթանակով․ Չեռնոգորիան 2:1 հաշվով հաղթել է Կիպրոսին, իսկ Հայաստանը 2:0 հաշվով՝ Լատվիային։

Հիշեցնենք, որ վաղը կայանալիք հանդիպման մեկնարկը 20։00-ին է։

Հայաստանի, Լատվիայի, Չեռնոգորիայի և Կիպրոսի հավաքականներն ընդգրկված են 2-րդ խմբում։  Հիշեցնենք` Հայաստանի ազգային հավաքականը սեպտեմբերի 28-ին կընդունի Չեռնոգորիայի հավաքականին, որից հետո արտագնա հանդիպումներ կանցկացնի Կիպրոսի ու Չեռնոգորիայի ընտրանիների հետ։

Մրցաշարային աղյուսակը՝ ստորև․

ՈւԵՖԱ Ազգերի լիգայի C2 խմբի շրջանակում Հայաստանի հավաքականը վաղը՝ սեպտեմբերի 28-ին, Երևանի Վազգեն Սարգսյանի անվան «Հանրապետական» մարզադաշտում կընդունի Չեռնոգորիայի ընտրանուն։ 

Այսօր՝ սեպտեմբերի 27-ին, կայացել է մեր ընտրանու գլխավոր մարզիչ Եղիշե Մելիքյանի նախախաղային ասուլիսը։ Նախախաղային ասուլիսի մեկնարկից առաջ ներկաները մեկ րոպե լռությամբ հարգեցին 2020 թվականի Արցախյան 44-օրյա պատերազմի զոհերի հիշատակը: 

«Վերլուծել ենք մրցակցին, գիտենք ում հետ գործ ունենք։ Վաղը կտեսնենք՝ ինչ կստացվի։ Պատրաստվել ենք, խաղի համար ծրագիր ունենք։ Լատվիայի հետ խաղի համար շատ ժամանակ էինք ունեցել, այս խաղի համար ժամանակը կարճ էր։

Կարող եմ ասել, վաղվա խաղը շատ կարևոր է։ Եթե ցանկանում ենք լինել առաջին տեղում, կարևոր է վաղվա հանդիպումը։ Շատ ենք ուզում հաղթել։ Կարևոր է՝ այս թիմին չպարտվել։ Իսկ հաղթանակի դեպքում՝ շատ մեծ հարց կարող ենք լուծել։

Բուենոյին մենք կորցրել ենք առաջիկա խաղերում, Հովհաննիսյանի վնասվածքը լուրջ չէ, մեզ հետ կլինի, բայց ունենք ռոտացիա, պետք է բաշխել ուժերը։ Չեմ կարծում՝ թիմը լիովին վերականգնվել է, բայց հույս ունեմ, նույնն էլ վերաբերում է մրցակցին, որը նաև երկար թռիչք ունի։ Եթե թիմը լավ պատրաստված լինի, իսկ մենք այդ առումով կաշխատենք, պետք է հաղթահարել այդ դժվարությունը։

Միշտ ասում եմ՝ մարզիչը ունի աշխատանք, թեորետիկ, հնարավորություն ունի պարկտիակում, հնարավորություն ունի մտածելու, բայց պետք է ունենա և օնլայն աշխատանք․ անկախ հաշվից, ռիթմից, խաղի արագությունից, պետք է ունենա ռեակցիա, որոշումներ, պատրաստ լինի անակնկալների, և դա ամենադժվարն է մարզչի համար։

Թիմի նորեկներից բոլորից գոհ եմ։ Նրանց համար շատ դժվար էր, խաղային պրակտիկայի բացակայությամբ՝ կամքի ուժի, նվիրվածությամբ կարողացան կոմպենսացնել դա։ Շատ գոհ եմ նրանցից։

Մենք հավաքից առաջ մտածում էինք 4 պաշտպանով խաղալ։ Երբ թիմը հավաքեցինք, եղան վնասվածքները և այլն, փոխեցինք սխեման։ Մենք ուզում ենք ունենալ տարբեր սխեմաներ, կաշխատենք մտածել այդ մասին․․․ եթե ուզում ենք սխեմ փոխել, տարբեր ոճի ֆուտբոլիստներ են պետք, բայց այսօր ռեսուրսը չի հերքում։

Մրցակիցը ունի որակով ֆուտբոլիստներ, թիմային և անհատական լավն են։ Մեզ համար առաջնահերթը՝ խաղային կարգապահությունն է, բոլոր թիմերի դեմ։ Բայց այս խաղից առաջ ավելի ենք շեշտը դնում այդ ուղղությամբ, աշխատում ենք։

Լատվիան շատ կարգապահ թիմ է, տղաներին ասել է, որ խաղը սկսվի, մրցակիցը 5-4-1 սխեմայով է խաղալու, իսկ դա դժվար անցանելի պաշտապոնություն է։ Ասացի, որ պետք է համբերատար լինել, ոչ բոլոր մտահղացումները կստացվեն։ Լատվիան շատ ճիշտ էր պաշտպանվւմ, բայց մենք համբերատար էինք, գտանք՝ ինչպես կոտրել պաշտպանությունը։

Չեռնոգորիայի ոճն ուրիշ է։ Նրանց ուժեղ կողմը՝ վտանգավոր են մրցակցի դարպասի մոտ, ունեն որակյալ ֆուտբոլիստներ, ովքեր գիտեն ավարտին հասցնել գրոհը»,- ասել է Եղիշե Մելիքյանը։

Հիշեցնենք, որ հանդիպման մեկնարկը 20։00-ին է։

Հայաստանի, Լատվիայի, Չեռնոգորիայի և Կիպրոսի հավաքականներն ընդգրկված են 2-րդ խմբում։  Հիշեցնենք` Հայաստանի ազգային հավաքականը սեպտեմբերի 28-ին կընդունի Չեռնոգորիայի հավաքականին, որից հետո արտագնա հանդիպումներ կանցկացնի Կիպրոսի ու Չեռնոգորիայի ընտրանիների հետ։

Մրցաշարային աղյուսակը՝ ստորև․

ՈւԵՖԱ Ազգերի լիգայի C2 խմբի շրջանակում Հայաստանի հավաքականը վաղը՝ սեպտեմբերի 28-ին, Երևանի Վազգեն Սարգսյանի անվան «Հանրապետական» մարզադաշտում կընդունի Չեռնոգորիայի ընտրանուն։ 

Նախախաղային ասուլիսի ժամանակ լրագրողների հարցերին է պատասխանել Հայաստանի ընտրանու և հունական «Օլիմպիակոսի» պաշտպան Նաիր Թիկնիզյանը։ Նախախաղային ասուլիսի մեկնարկից առաջ ներկաները մեկ րոպե լռությամբ հարգեցին 2020 թվականի Արցախյան 44-օրյա պատերազմի զոհերի հիշատակը:

— Նաիր, առաջին խաղում ձախ եզրում բավականին լավ էիք համագործակցում Նարեկ Հովհաննիսյանի հետ՝ հաճախակի փոխատեղվելով։ Ինչպե՞ս կգնահատեք այդ փոխգործակցությունը և ընդհանուր առմամբ որքանո՞վ հաջողվեց կատարել մարզչի առաջադրանքը։

— Շնորհակալ եմ հարցի համար։ Այն համագործակցությունը, որը տեսնում եք խաղադաշտում, մարզչական շտաբի կատարած աշխատանքի և նախապատրաստության արդյունքն է։ Ինչ վերաբերում է մարզչի առաջադրանքը կատարելուն, կարծում եմ՝ այդ հարցին ավելի ճիշտ կլինի ինքը՝ մարզիչը պատասխանի։ Մենք պարզապես անում ենք այն, ինչ պահանջվում է մեզնից։ Կարևորն այն է, որ հաղթեցինք և լուծեցինք մեր առջև դրված բոլոր խնդիրները, ինչն ինձ համար ամենագլխավորն է։

— Հաղթանակով սկսեցիք Ազգերի լիգան, բայց որքանով է թիմը հասցրել վերականգնվել և որքանով կօգնի այն հանգամանքը, որ թիմը բարձր հուզական տրամադրության մեջ է։

— Մենք շարունակում ենք համեստ լինել՝ չնայած տոնած հաղթանակին։ Առջևում դեռ 5 հանդիպում կա և ամեն ինչ կարող է փոխվել։ Ինչ վերաբերում է վերականգնմանը, անկեղծ լինենք՝ այսօր մեր ֆուտբոլիստների մոտ կեսը մշտական պրակտիկայում չի գտնվում՝ տարբեր հանգամանքներից ելնելով։ Չեմ կարող ասել՝ 100 տոկոսով վերականգնվել ենք։ Բայց անում ենք ամեն հնարավորը դրա համար։ Կարծում եմ, առաջիկա երեք խաղերում առաջին տեղում կլինի կամքն ու ինքնանվիրումը։ Շատ խաղեր ունենք, խիտ գրաֆիկ, առաջին անգամ է այդպես, շատ դժվար կլինի, բայց կանենք ամեն ինչ։

Ազգային օրհներգը լսելու մասին․

— Հարցին հարցով պատասխանեմ՝ իսկ Դո՞ւք ինչ եք զգում․․․ Ամեն անգամ՝ երբ հագնում եմ մարզաշապիկը, Հայաստանի գերբով, իմ վրա վերցնում եմ պատասխանատվությունն առաջին հերթին երկրպագուների համար։ Մենք զգում ենք մեծ պատասխանատվությունը, որ կա, և դա պետք է ուղորդենք ճիշտ ուղղությամբ։

— Ե՞րբ մեզ կուրախացնեք՝ հարցերին հայերեն պատասխանելով։

— Անկեղծ լինեմ, չեմ արդարանա․ հիմա այստեղ հայերի մեջ ռուսերեն եմ խոսում, Ռուսաստանում եմ մեծացել, կիսառուս ընտանիքում, հայերեն սովորելու հնարավորություն չեմ ունեցել։ Հասկանում եմ՝ դա կարևոր է, ինձ համար բարդ է այս տարիքում հայերեն սովորել։ Կփորձեմ հաջորդ անգամ մի քանի նախադասություն ասել հայերեն։

Չեռնոգորիայի հավաքականի մասին․

— Չեռնոգորիայի հավաքականը մեր խմբի ֆավորիտն է, որովհետև այնտեղ ուժեց առաջնությունների ներակայցուցիչներ կան։ Բայց երբ տանն ենք խաղում, ցանկացած մրցակցի համար դժվար է։

Հավաքականի՝ ՌՊԼ-ից նորեկների մասին․

— Բոլորս օգնում ենք նրանց, մեզ միավորում է այն, որ նույն նպատակը ունենք՝ հաղթանակը։ Նոր ֆուտբոլիստների համար ընտելանալը խնդիր չէ։ Աջակցում ենք մեկս մյուսին։

Հիշեցնենք, որ հանդիպման մեկնարկը 20։00-ին է։ 

Հայաստանի, Լատվիայի, Չեռնոգորիայի և Կիպրոսի հավաքականներն ընդգրկված են 2-րդ խմբում։ Հիշեցնենք` Հայաստանի ազգային հավաքականը սեպտեմբերի 28-ին կընդունի Չեռնոգորիայի հավաքականին, որից հետո արտագնա հանդիպումներ կանցկացնի Կիպրոսի ու Չեռնոգորիայի ընտրանիների հետ։

Մրցաշարային աղյուսակը՝ ստորև․

Հայաստանի ազգային հավաքականի պաշտպան Գեորգի Հարությունյանն ընդգրկվել է ՈւԵՖԱ-ի 2026/27թթ․ Ազգերի լիգայի խաղարկության մեկնարկային տուրի խորհրդանշական հավաքականում՝ ըստ հեղինակավոր Sofascore վիճակագրական ռեսուրսի:

Լատվիայի նկատմամբ 2։0 հաշվով տարած վստահ հաղթանակի ժամանակ մեր պաշտպանը հեղինակեց իր անդրանիկ գոլը ազգային թիմի կազմում՝ արժանանալով բարձր՝ 8.6 գնահատականի։

Բացի խփած գնդակից, Հարությունյանն աչքի է ընկել նաև գնդակի տնօրինման տպավորիչ վիճակագրությամբ։ Նա կատարել է 3 առանցքային փոխանցում և գրանցել Հայաստանի հավաքականի կազմում ամենաշատ ճշգրիտ փոխանցումները՝ 76 անգամ՝ անհավանական 94% ճշգրտությամբ:

Պաշտպանական գծում Հարությունյանը նաև կասեցրել է մրցակցի երկու վտանգավոր գրոհ: Sofascore-ն իր խորհրդանշական հավաքականը կազմում է՝ հիմնվելով յուրաքանչյուր դիրքում ֆուտբոլիստների ստացած վարկանիշային գնահատականների վրա։

Գեորգի Հարությունյանի ամբողջական վիճակագրությունը Լատվիայի դեմ խաղում․

Խաղաժամանակ. 82 րոպե (փոխարինվել է Էրիկ Սիմոնյանով)

Գոլեր. 1 (Սպասվող գոլեր xG՝ 0.28)

Ընդհանուր հարվածներ. 2 (դարպասին՝ 1)

Առանցքային փոխանցումներ. 3

Ճշգրիտ փոխանցումներ. 76/81 (94%)

Ճշգրիտ փոխանցումներ մրցակցի կիսադաշտում. 45/50 (90%)

Ճշգրիտ փոխանցումներ սեփական կիսադաշտում. 31/31 (100%)

Ճշգրիտ երկար փոխանցումներ. 8/10 (80%)

Գնդակին հպումներ. 92

Առաջընթացով գնդակ վարելու հեռավորություն. 42.3 մետր

Պաշտպանական գործողություններ. 5

Խլումներ. 1/1

Փոխանցման կասեցում (Interceptions). 2

Օդային մենապայքարներ. փայլուն 3-ից 1-ը

Տուրի ամենաբարձր գնահատականը (10) ստացել է Ֆինլանդիայի հավաքականի կիսապաշտպան Լեո Վալտան, ով դուբլ է ձևակերպել Սան Մարինոյի դեմ հանդիպմանը (7:0): Նրա խաղընկեր Յոել Պոհյանպալոն, ով նույնպես տեղ է գտել լավագույնների ցանկում, դարձել է հեթ-տրիկի հեղինակ:

Հարձակման գծում ընդգրկվել է նաև համաշխարհային ֆուտբոլի աստղ Էրլինգ Հալանդը՝ Դանիայի դեմ խաղում (3:2) իր խփած 2 գոլերի շնորհիվ:

Sofascore-ի՝ Ազգերի լիգայի 1-ին տուրի խորհրդանշական հավաքականն ունի հետևյալ տեսքը.

Հայաստանի ազգային հավաքականի դարպասապահների մարզիչ Ստեփան Դեմիրճյանը ՀՖՖ TV-ին տված հարցազրույցում մանրամասնել է ազգային թիմ դարպասապահներ հրավիրելու սկզբունքները, խոսել ժամանակակից ֆուտբոլի պահանջների և հավաքականի գլխավոր նպատակների մասին։

Առաջիկա հավաքին ազգային թիմ են հրավիրվել Օգնյեն Չանչարևիչը, Արսեն Բեգլարյանը, Գոռ Մատինյանը և Ալեքսանդր Միշիևը։

Ստեփան Դեմիրճյանի խոսքով՝ մարզչական շտաբի համար անկյունաքարային նշանակություն ունեն ֆուտբոլիստների մարդկային որակներն ու պահեստայինների նստարանին իրենց դրսևորելու կերպը։

«Քանի որ խաղադաշտում լինում է միայն մեկ դարպասապահ, նրանցից շատերը ժամանակ ստանալու քիչ շանսեր ունեն։ Մեզ համար շատ կարևոր է նրանց դրական աջակցությունը թիմին, երբ չեն խաղում։ Եթե նկատում ենք ինչ-որ բացասական երևույթներ, ապա միանգամից հրաժարվում ենք նմանատիպ ֆուտբոլիստներից»,- նշել է մարզիչը։

Խոսելով ընտրության չափանիշների մասին՝ Դեմիրճյանն ընդգծել է․

«Կարևորագույն նախապայմանն այն է, որ մենք հրավիրում ենք իրենց ակումբների առաջին համարներին։ Մենք ունենք ծրագիր, ըստ որի փորձում ենք թիմում ունենալ երկու երիտասարդ և երկու փորձառու դարպասապահ՝ մտածելով և՛ ներկայի, և՛ ապագայի մասին»։

Անդրադառնալով ԲԿՄԱ-ի դարպասապահ Արման Ներսիսյանին, որն այս անգամ բացակայում է հայտացուցակից, մարզիչը պարզաբանել է, որ պատճառը խաղային պրակտիկայի պակասն է․

«Արման Ներսիսյանի խաղը տպավորիչ էր մեզ համար։ Կուզեինք նրան տեսնել «Փյունիկի» դեմ խաղում, սակայն նա հնարավորություն չստացավ։ Միգուցե, եթե խաղար, այսօր նա ևս հրավիրված լիներ»։

Ժամանակակից ֆուտբոլում, ըստ մասնագետի, ամեն ինչ որոշում է արագությունը․

«Միայն բարձրահասակ լինելն այլևս բավարար չէ։ Եթե դարպասապահը չունի արագություն՝ արագ մտածելու, շարժվելու և արձագանքելու ունակություն, նա մեզ հետաքրքիր չէ։ Մեր բոլոր դարպասապահներն օժտված են այդ հատկանիշներով»։

Հաշվի առնելով, որ Հայաստանի հավաքականը հաճախ է մրցում բարձրակարգ թիմերի և խաղացողների դեմ, դարպասապահների առջև դրված նշաձողը բարձրացել է։

«Մենք պետք է փոխհատուցենք մեր կորուստները տարբեր եղանակներով, որոնցից մեկն այն է, որ դարպասապահը ոչ միայն պետք է գնդակ բռնի ու դարպասն անառիկ պահի, այլև իրական փրկություններ անի։ Այս ճգնաժամային իրավիճակներից մեզ միայն դա կարող է հանել։

Հավաքականի առաջին համարը կլինի այն դարպասապահը, ով կօգնի մեզ հայտնվել Եվրոպայի կամ Աշխարհի առաջնությունում։ Թարմ օրինակ է Կաբո Վերդեի հավաքականի դարպասապահը, որն Իսպանիայի պես գերհզոր թիմի դեմ խաղում 18 սուպեր-սեյվ արեց ու օգնեց իր թիմին մտնել փլեյ-օֆֆ։ Եթե ուզում ես լինել Հայաստանի հավաքականի առաջին դարպասապահը, պետք է օգնես միայն արդյունքով։ Չկա արդյունք՝ գնում ենք փոփոխության»,- եզրափակել է Ստեփան Դեմիրճյանը։

Նա նաև հավելել է, որ ազգային թիմի դարպասապահներից երեքի ակումբային մարզիչները հայ մասնագետներ են, ովքեր վերջերս ստացել են «A» կարգի լիցենզիա, և նրանց հետ հիանալի համագործակցության շնորհիվ նկատելի է ֆուտբոլիստների լուրջ պրոգրես։

Օգոստոսին Տոլյատիի «Ակրոնը» պայմանագիր կնքեց Հայաստանի ազգային հավաքականի կիսապաշտպան Կառլեն Հովհաննիսյանի հետ, որը դարձավ ակումբի ամենաթանկ տրանսֆերը ամառային պատուհանի ընթացքում։

21-ամյա ֆուտբոլիստը «Евро-Футбол.Ру» պարբերականին տված հարցազրույցում խոսել է ռուսական ակումբում ադապտացիայի, իր մեծ երազանքի, Էդուարդ Սպերցյանի հետ խաղալու և Հայաստանի հավաքականի մասին։

– Ինչպե՞ս է ընթանում ադապտացիադ «Ակրոնում»:

– Շատ լավ: Ծանոթացել եմ տղաների հետ, քայլ առ քայլ հարմարվել եմ թիմին: Ինձ շատ լավ ընդունեցին, բոլորի հետ ջերմ հարաբերությունների մեջ եմ:

– Տոլյատիում զբոսնելու հասցրե՞լ ես:

– Այո, շատ տեղերում եմ եղել, բայց դեռ ոչ ամենուր: Զբոսնել եմ Վոլգայի երկայնքով, տեսել եմ մի քանի խորհրդանշական վայրեր: Քաղաքը հանգիստ է ու հարմարավետ:

– Մինչև տրանսֆերն ի՞նչ գիտեիք ակումբի և քաղաքի մասին:

– Գիտեի միայն, որ Տոլյատին հանգիստ քաղաք է, ոչ ավելին։ Տեղում արդեն համոզվեցի, որ այն իսկապես շատ հաճելի վայր է:

– Մեկ տարի առաջ «Ակրոնում» խաղում էր Էդգար Սևիկյանը, նրանից առաջ՝ Արթուր Գալոյանը: Նրանց հետ խորհրդակցե՞լ ես:

– Անձամբ ոչ մեկի հետ չեմ խոսել: Լսել էի, որ ակումբում լավ կոլեկտիվ է, և տղաներն ամեն ինչից գոհ են, բայց կոնկրետ խորհրդի համար չեմ դիմել:

– Քո տրանսֆերն այս ամռանն ամենաթանկն էր «Ակրոնի» համար: Ի՞նչ զգացողություններ ունես՝ պատասխանատվությո՞ւն, թե՞ հպարտություն:

– Շատ հաճելի էր, որ «Ակրոնն» ինձ այդքան բարձր գնահատեց: Դա և՛ հպարտություն է, և՛ շատ մեծ պատասխանատվություն: Պետք է անեմ հնարավոր ամեն ինչ, որպեսզի արդարացնեմ այս տրանսֆերը:

– Գործակալդ պատմել է, որ ակումբների միջև բանակցությունները երկու ամիս են տևել: Ե՞րբ հասկացար, որ տեղափոխությունդ հաստատ կկայանա:

– Այն բանից հետո, երբ զրուցեցի գլխավոր մարզիչ Սրջան Բլագոևիչի և սպորտային տնօրեն Ալեքսեյ Բուրտովի հետ: Այդ ժամանակ հասկացա, որ արժե փորձել: Նրանք պատմեցին, թե ինչպիսի ֆուտբոլ են ուզում խաղալ, ինչ նպատակներ ունի թիմը և որ դերում են տեսնում ինձ: Դա ինձ շատ հետաքրքրեց:

– Այդ պահին «Ակրոնը» դեռ հաղթանակ չուներ ՌՊԼ-ում: Դա քեզ չէ՞ր վանում:

– Յուրաքանչյուր որոշում ունի իր դրական և բացասական կողմերը: Հասկանում էի, որ «Ակրոնի» արդյունքներն այնքան էլ լավը չեն, բայց ղեկավարության հետ զրույցից հետո պարզ դարձավ, որ անհաջողությունների շարքը ժամանակավոր է:

– Խոսվում էր նաև այն մասին, որ ակումբի հետ պայմանավորվածություն կա ապագայում քեզ ավելի բարձր գնով այլ թիմ վաճառելու մասին: Որտե՞ղ ես քեզ տեսնում երկու տարուց:

– Հիմա խաղում եմ «Ակրոնում» և չեմ ցանկանում այլ ակումբների մասին մտածել կամ ապագայի պլաններ կառուցել: Իհարկե, հիանալի կլինի, եթե կարողանամ այնպես դրսևորել ինձ, որպեսզի հետաքրքրեմ մեծ թիմերին ու առաջարկ ստանամ: Բայց այս պահին իմ բոլոր մտքերը կապված են միայն այս ակումբի հետ:

– Ներսից ինչպիսի՞ մարզիչ է Բլագոևիչը:

– Նա ունի իր հստակ փիլիսոփայությունն ու խաղային գաղափարները, որոնք հետևողականորեն իրագործում է խաղադաշտում: Ես դեռ նոր եմ ծանոթանում նրա մոտեցումներին, բայց առաջին տպավորությամբ տեսնում եմ, որ ուժեղ մասնագետ է և լավ մարդ:

– Ո՞րն է քո ֆուտբոլային երազանքը:

– Մանկուց երկրպագում եմ Լոնդոնի «Արսենալին» և մինչ օրս հետևում եմ նրանց խաղին: Իմ գլխավոր նպատակներից ու երազանքներից մեկը «զինագործների» կազմում խաղալն է: Կներդնեմ առավելագույն ջանքեր նման մակարդակի հասնելու համար:

– Որքանո՞վ է իրատեսական Ռուսաստանից նման քայլ անելը:

– Միանգամայն իրատեսական է: ՌՊԼ-ի առաջատար հնգյակը բավականին բարձր մակարդակի վրա է խաղում, և այնտեղից հաճախ են տրանսֆերներ լինում Եվրոպա:

– Քո դիրքում լուրջ մրցակցություն կա՝ Խոսոնով, Բիստրովիչ, Լոնչար և Մարադիշվիլի: Չէի՞ր վախենում ռիսկերից:

– Ես չեմ վախենում մրցակցությունից: Իմ դիրքում խաղացող բոլոր ֆուտբոլիստները շատ ուժեղ են և ինձանից փորձառու: Բայց հենց մրցակցությունն է ստիպում ֆուտբոլիստին առաջադիմել: Երբ տեսա, թե որքան ուժեղ մրցակիցներ կան թիմում, դա ինձ միայն ոգևորեց:

– Ինչո՞վ է ռուսական ֆուտբոլը տարբերվում հայկականից: Ի՞նչ է պետք ավելացնել՝ ՌՊԼ-ում կայուն խաղալու համար:

– Ավելացնել պետք է գրեթե ամեն օր՝ և՛ մարզումների ժամանակ, և՛ խաղերում: Առաջին բանը, որ աչքի է զարնում Ռուսաստանում, արագություններն են, բացի այդ՝ այստեղ ֆուտբոլն ավելի ուժային է։

– ԲԿՄԱ-ում և «Փյունիկում» դու խաղում էիր զույգ հենակետայինով, իսկ «Ակրոնում» սխեման մեկ հենակետայինով է: Որքանո՞վ է հարմար վերադասավորվելը:

– Պատրաստ եմ ցանկացած սխեմայի: Մեկ հենակետայինով խաղալու փորձ ունեցել եմ դեռևս Հայաստանի Մ-19 հավաքականում, ուստի ծանոթ եմ այդ դասավորությանը: Իսկ նոր դիրքերին ադապտացվում եմ մարզումների միջոցով:

– Կարծիք կա, որ հայ ֆուտբոլիստները մենթալիտետի և հոգեբանության հետ կապված խնդիրներ ունեն, բայց դու կարծես տարբերվում ես: Համաձա՞յն ես:

– Ես դա չեմ կարող հայկական ֆուտբոլի գլոբալ խնդիր համարել: Ամեն ոք յուրովի է հասնում իր նպատակին: Դա զուտ անհատական հարց է. մեկը կարող է ունենալ հոգեբանական բարդույթներ, մյուսը՝ ոչ:

– Դու «Փյունիկի» հետ պայքարում էիր եվրագավաթների համար, անցկացրիր որակավորման ողջ փուլն ու տեղափոխվեցիր մի առաջնություն, որտեղ եվրագավաթներ չկան: Ինչո՞ւ նման ընտրություն կատարեցիր:

– Եթե նայենք միայն եվրագավաթների առկայությանը, ապա, իհարկե, ավելի լավ է խաղալ այնտեղ, որտեղ դրանք կան: Բայց եթե համեմատենք ռուսական և հայկական ֆուտբոլը, ապա ՌՊԼ-ն օբյեկտիվորեն ավելի ուժեղ է՝ ոչ միայն թիմերի մակարդակով, այլև ընդհանուր առմամբ՝ ստադիոններ, մթնոլորտ, ենթակառուցվածքներ:

– Նախկինում նման մարզադաշտերում չէի՞ր խաղացել:

– Երիտասարդական հավաքականի կազմում խաղացել ենք Իտալիայում՝ Ջովանի Ձինիի մարզադաշտում, եղել է նաև հանդիպում «Դեբրեցենի» հետ: Բայց այնպիսի անշլագ, ինչպիսին «Կրասնոդարի» հետ խաղում էր, կարիերայումս առաջին անգամ տեսա: Դրանք բոլորովին այլ էմոցիաներ են:

– Ինչպե՞ս կգնահատես «Կրասնոդարի» մարզադաշտը:

– Իդեալական: Խոտածածկն անթերի էր, ամեն ինչ շատ գեղեցիկ էր կազմակերպված: Ինձ համար մեծ պատիվ էր այնտեղ խաղալը:

– «Ակրոնը» հավաքականների խաղերով պայմանավորված դադարից առաջ տարավ իր առաջին հաղթանակը ՌՊԼ-ում: Ինչո՞ւ էր մրցաշրջանի մեկնարկը այդքան ծանր:

– Այս հարցին դժվար թե կարողանամ պատասխանել, դա ավելի շատ մարզչական շտաբի տիրույթում է: Բայց շատ ուրախ եմ, որ կարողացանք հաղթել, և կրկնակի ուրախ եմ, որ հենց այդ խաղում խփեցի իմ առաջին գոլը թիմի կազմում:

– «Կրասնոդարից» կրած պարտությունից հետո ի՞նչ էր կատարվում հանդերձարանում: Մարզիչն ասում էր, որ տղաներից ոմանք արտասվել են:

– Չեմ բացահայտի թիմի «ներքին խոհանոցը», բայց տրամադրությունն իսկապես ծանր էր: Բոլորը տխուր էին, քանի որ զգում էինք՝ կարող էինք հաղթել:

– Քո հեռանալուց անմիջապես հետո «Փյունիկ» եկավ Դմիտրի Սելյուկը և աշխատանքից ազատեց գլխավոր մարզիչ Արտակ Օսեյանին: Զարմացա՞ր:

– Չէի ցանկանա մեկնաբանել այս թեման, քանի որ այն ինձ ուղղակիորեն չի վերաբերում:

– Աջակցեցի՞ր Օսեյանին նրա հեռանալուց հետո:

– Օսեյանը ոչ միայն լավ մարզիչ է, այլև իմ ավագ ընկերը, և այդպիսին էլ կմնա: Մենք միշտ կապի մեջ ենք եղել և կշարունակենք շփվել:

– Նա պատմել էր, որ տրանսֆերից առաջ դու նրա հետ զրուցել ես: Որքանո՞վ էր կարևոր նրա խորհուրդը:

– Ինձ համար շատ կարևոր էր: Մենք շատ հարցեր քննարկեցինք, տարբեր դրվագներ վերլուծեցինք: Որոշումը միայնակ չեմ կայացրել, և Օսեյանի կարծիքն ինձ համար մեծ կշիռ ուներ:

– Հայ ֆուտբոլիստներից էլ ո՞վ է պատրաստ հաջորդ մեծ քայլն անելուն:

– Իմ տրանսֆերից հետո Նարեկ Հովհաննիսյանն ու Արթուր Սերոբյանն արդեն արեցին այդ քայլը՝ տեղափոխվելով Լեհաստան: Ընդհանուր առմամբ, մենք շատ տղաներ ունենք, ովքեր ի զորու են խաղալ ՌՊԼ-ում և ուժեղ այլ լիգաներում:

– Առջևում Ազգերի լիգայի խաղերն են: Ի՞նչ սպասելիքներ ունես:

– Ուզում եմ առավելագույնս ներդնել ուժերս և անել ինձնից կախված ամեն ինչ, որպեսզի թիմը հնարավորինս լավ հանդես գա:

– Երբ Հայաստանի հավաքականը հաղթեց Ազգերի լիգայի իր խմբում, դու դեռ դեռահաս էիր: Պատրա՞ստ է ներկայիս հավաքականը կրկնել այդ հաջողությունը:

– Վստահ եմ՝ հավաքականի յուրաքանչյուր ֆուտբոլիստ ջանք չի խնայի դրա համար: Մենք բոլորս ցանկանում ենք հասնել այդպիսի արդյունքի և պատրաստ ենք շատ աշխատել հանուն դրա:

– Ղազախստանի և Մոլդովայի դեմ խաղերում դաշտի կենտրոնում խաղում էիր Էդուարդ Սպերցյանի հետ: Ի՞նչ նկատեցիր ավագի հետ խաղում:

– Սպերցյանն ամենաուժեղ ֆուտբոլիստներից մեկն է, որի հետ երբևէ խաղացել եմ: Նա շատ փորձառու է, խաղադաշտում անընդհատ հուշում էր, օգնում կողմնորոշվել դրվագներում: Նրա կողքին խաղալը մեծ արժեք ու լավ փորձ է ինձ համար:
– Որքանո՞վ էր տարբերվում Սպերցյանի և Թիկնիզյանի մակարդակը մարզումների ժամանակ:
– Երկուսն էլ խաղում են թոփ լիգաներում, և հավաքականի մակարդակում դա անմիջապես զգացվում է: Նրանք աչքի են ընկնում բարձր խաղային կարգապահությամբ, դրվագների հիանալի ընթերցմամբ: Նման ֆուտբոլիստների կողքին մարզվելն ու խաղալը հիանալի դպրոց է:
– Ինչո՞ւ Հայաստանի հավաքականը տևական ժամանակ չի կարողանում հաղթանակ տոնել:
– Մենք ամբողջ ուժերով նվիրվում ենք յուրաքանչյուր խաղի: Թե ինչու հաղթանակներ չկան՝ այս հարցին պարզ պատասխան չկա: Բայց մենք շարունակում ենք աշխատել՝ վերջապես ցանկալի արդյունքի հասնելու համար:

Հայաստանի հավաքականն իր հաջորդ հանդիպումը կանցկացնի աեպտեմբերի 28-ին՝ մրցելով Մոնտենեգրոյի հավաքականի հետ:

ՈւԵՖԱ-ն հրապարակել է Ազգերի լիգայի խմբային փուլի C լիգայի C2 խմբի երկրորդ տուրի՝ Հայաստանի և Մոնտենեգրոյի ազգային հավաքականների միջև հանդիպման մրցավարական նշանակումները։

Հանդիպումը կսպասարկի իսպանական մրցավարական բրիգադը: Գլխավոր մրցավար է նշանակվել Խոսե Լուիս Մունուերան, ում եզրերում կօգնեն Դիեգո Սանչես Ռոխոն և Ադրիան Դիաս Գոնսալեսը։

Չորրորդ պաշտոնյայի պարտականությունները կկատարի Միգել Սեսմա Էսպինոսան։ Տեսակրկնությունների համակարգի (VAR) գլխավոր մրցավարն է Վալենտին Գոմեսը, իսկ նրա օգնականը (AVAR)՝ Միգել Անխել Օրտիս Արիասը։

Խաղը կկայանա երկուշաբթի՝ սեպտեմբերի 28-ին, Երևանի Վազգեն Սարգսյանի անվան «Հանրապետական» մարզադաշտում։ Մրցավարի սուլիչը կհնչի 20:00-ին։

Մոնտենեգրոյի ազգային հավաքականի ավագ Ստեֆան Յովետիչը գիտակցում է, որ ՈւԵՖԱ-ի Ազգերի լիգայի C դիվիզիոնի մեկնարկից առաջ իրենց ընտրանին ունի ֆավորիտի կարգավիճակ, սակայն զգոնության կոչ է անում:

Հիշեցնենք, որ «Խիզախ բազեները» ընդգրկված են C դիվիզիոնի 2-րդ խմբում, որտեղ նրանց մրցակիցներն են Հայաստանը, Լատվիան և Կիպրոսը։ Մոնտենեգրոցիների առաջին մրցակիցը կիպրացիներն են։

«Կարծում եմ՝ նախկինում մեր գլխավոր սխալն այն էր, որ միշտ անտեղի ճնշում էինք ստեղծում ինքներս մեզ վրա։ Այո՛, մենք թեթևակի ֆավորիտ ենք, բայց Իսպանիան չենք, որ վստահաբար հայտարարենք, թե վերցնելու ենք բոլոր միավորները»,- նշել է Յովետիչը CDM-ի հետ զրույցում։

Փորձառու հարձակվողն ընդգծել է, որ հաջողության հասնելու համար անհրաժեշտ է գործել հանգիստ և սեփական ուժն ապացուցել բացառապես խաղադաշտում.

«Պետք է հանդարտվենք ու գործով ապացուցենք, որ ավելի ուժեղ ենք։ Չորս տարի առաջ մենք հաղթել ենք Կիպրոսին, բայց շատ բան է փոխվել. հիմա նրանք ունեն արտերկրում հանդես եկող որակյալ խաղացողներ։ Ես խաղում եմ Կիպրոսում, ճանաչում եմ նրանց տեղի առաջնության միջոցով և վստահեցնում եմ՝ եթե մենք 150 տոկոսով չնվիրվենք խաղին, կարող ենք լուրջ խնդիրների բախվել»։

Հայաստանի ընտրանին Մոնտենեգրոյի հետ հանդիպում կանցկացնի սեպտեմբերի 28-ին, 20։00-ին։