Իտալիայի Սերիա Ա-ի 2026/27 թթ. մրցաշրջանի 11-րդ տուրում «Ռոման» «Օլիմպիկոյում» երեք անպատասխան գնդակ ուղարկեց վտանգավոր գոտում գտնվող «Սասուոլոյի» դարպասը (3-0):

Հռոմեական թիմի կազմում հանդիպման հաշիվը 27-րդ րոպեին բացեց Մարիո Էրմոսոն։ Ընդամենը երեք րոպե անց՝ 30-րդ րոպեին, հյուրերի պաշտպան Վալուկևիչը գնդակն ուղարկեց սեփական դարպասը (ինքնագոլ)՝ կրկնապատկելով տանտերերի առավելությունը։ Երկրորդ խաղակեսում՝ 58-րդ րոպեին, Ռոդրիգո Մորան խփեց հռոմեացիների երրորդ գնդակը՝ ձևակերպելով խաղի վերջնական արդյունքը։

Այս հաղթանակից հետո «Ռոման» վաստակեց 27 միավոր և ամրապնդվեց մրցաշարային աղյուսակի 2-րդ հորիզոնականում՝ ընդամենը 1 միավորով զիջելով առաջատար «Լացիոյին»։ «Սասուոլոն» 8 միավորով 17-րդ տեղում է։

Սերիա Ա-ի մրցաշարային աղյուսակը՝ ստորև․

Իտալական «Կոմոյի» արգենտինացի հարձակվողական ոճի կիսապաշտպան Նիկո Պասը նախորդ տրանսֆերային պատուհանի ընթացքում անձամբ կապ է հաստատել Մադրիդի «Ռեալի» գլխավոր մարզիչ Ժոզե Մոուրինյուի հետ և բացատրել պահեստայինի կարգավիճակով «սերուցքայինների» ճամբար վերադառնալու իր դժկամությունը։

«Ես ամբողջ սրտով սիրում եմ «Ռեալը» և անսահման հարգում եմ ձեզ։ Բայց ես կնախընտրեի առնվազն ևս մեկ մրցաշրջան մնալ «Կոմոյում», որպեսզի մասնակցեմ յուրաքանչյուր խաղի և լիարժեք զարգանամ՝ «Ռեալում» պահեստային լինելու փոխարեն»,- Պասի խոսքերն է մեջբերում հայտնի ինսայդեր Ֆաբրիցիո Ռոմանոն։

Հիշեցնենք, որ ընթացիկ մրցաշրջանում 22-ամյա կիսապաշտպանը բոլոր մրցաշարերում անցկացրած 13 հանդիպումներում «գոլ+փոխանցում» համակարգով արդեն վաստակել է 14 միավոր՝ դառնալով նույնքան արդյունավետ գործողության հեղինակ։

«Ֆիորենտինայում» վարձավճարով հանդես եկող վինգեր Ֆրանկո Մաստանտուոնոն կիսվել է Մադրիդի «Ռեալի» մասին իր տպավորություններով: 19-ամյա արգենտինացի ֆուտբոլիստի տրանսֆերային իրավունքները շարունակում են պատկանել «սերուցքայիններին», սակայն մինչև ընթացիկ մրցաշրջանի ավարտը նա փորձ ձեռք կբերի Իտալիայում:

«Ինձ շատ է դուր գալիս Ջուդ Բելինգեմը․ նա իմ սիրելի ֆուտբոլիստն է «Ռեալում»։ Շատ եմ հավանում նաև Վինիին, Մբապեին, Վալվերդեին, Բրահիմ Դիասին, իսկ այժմ արդեն նաև Դիոմանդեին ու Էսպիին։ Անհավանական թիմ է»,- արգենտինացու խոսքերն է մեջբերում Madrid Xtra-ն։

Հիշեցնենք, որ Ֆրանկո Մաստանտուոնոն «Ֆիորենտինայի» կազմում անցկացրած 12 հանդիպումներում դարձել է 4 գոլի հեղինակ։ Երիտասարդ խաղացողի գործող պայմանագրի ժամկետն «արքայական» ակումբի հետ նախատեսված է մինչև 2031 թվականը։

Իտալական «Կոմոյի» արգենտինացի կիսապաշտպան Նիկո Պասը չի շտապում վերադառնալ Մադրիդի «Ռեալ»՝ չնայած «արքայական» ակումբի ցուցաբերած լուրջ հետաքրքրությանը։ Ֆուտբոլիստը նախընտրել է շարունակել ելույթներն Իտալիայում՝ կայուն խաղային պրակտիկա ստանալու և հետագա առաջընթաց ապահովելու նպատակով։ Այս մասին հայտնում է հեղինակավոր ինսայդեր Ֆաբրիցիո Ռոմանոն։

Աղբյուրի տեղեկություններով՝ մադրիդյան գրանդի գլխավոր մարզիչ Ժոզե Մոուրինյուն անձամբ է կապ հաստատել իր նախկին սանի հետ՝ փորձելով համոզել նրան վերադառնալ «Սանտյագո Բեռնաբեու»։ Կողմերը զրուցել են ինչպես առերես, այնպես էլ տեսազանգի միջոցով, սակայն երիտասարդ կիսապաշտպանը հստակ ներկայացրել է իր դիրքորոշումը։

«Միստե՛ր, ես սիրում եմ «Ռեալը» և մեծ հարգանքով եմ վերաբերվում Ձեզ, սակայն նախընտրում եմ առնվազն ևս մեկ մրցաշրջան անցկացնել «Կոմոյում»՝ աճելու և զարգանալու համար։ Այստեղ ես հնարավորություն ունեմ մասնակցելու յուրաքանչյուր հանդիպման և փորձ կուտակելու, մինչդեռ Մադրիդում հնարավոր է՝ ստիպված լինեմ մնալ պահեստայինների նստարանին»,- Պասի խոսքերն է մեջբերել Ռոմանոն։

Ինսայդերը հավելում է, որ արգենտինացին վերջնական որոշում է կայացրել ընթացիկ մրցաշրջանն ավարտել իտալական ակումբում․ ձմեռային տրանսֆերային պատուհանի ընթացքում նրա տեղափոխությունը բացառվում է, նույնիսկ եթե այլ ակումբներ պատրաստ լինեն վճարել 80-100 միլիոն եվրո։

Արգենտինացու շուրջ շրջանառվող խոսակցություններին անդրադարձել է նաև «Կոմոյի» մարզական տնօրեն Կառլալբերտո Լուդին՝ հանգստացնելով ակումբի երկրպագուներին․

«Ես հասկանում եմ մեր երկրպագուների անհանգստությունը, քանի որ յուրաքանչյուր նոյեմբերին և մարտին մամուլում լուրեր են հայտնվում, թե «Ռեալը» ցանկանում է վերադարձնել իր բոլոր նախկին ֆուտբոլիստներին։ Այս տարի խոսում են Խակոբո Ռամոնի մասին, իսկ առաջիկա երկու մրցաշրջաններում քննարկելու են Նիկո Պասի հարցը։ Անցած ամռանը մենք հիանալի գործարք կնքեցինք․ Նիկոն 100 տոկոսով «Կոմոյի» ֆուտբոլիստ է։ Իհարկե, «Ռեալը» որոշակի ժամկետով պահպանել է հետգնման իրավունքը, ինչը նման պայմանագրերում ընդունված պրակտիկա է։ Եթե դա տեղի ունենա, գործարքը լավագույնս կգնահատի մեր կատարած աշխատանքը և զգալի ֆինանսական օգուտ կբերի ակումբին։ Իսկ առայժմ պետք է պարզապես վայելել այս բացառիկ տաղանդի խաղը»։

Հիշեցնենք, որ Նիկո Պասը Մադրիդի «Ռեալի» ակադեմիայի սան է։ Հիմնական թիմի կազմում նա անցկացրել է 8 պաշտոնական հանդիպում և խփել 1 գոլ, որից հետո՝ 2024 թվականի ամռանը, տեղափոխվել է «Կոմո»։ 2026 թվականի ամռանը կողմերը համաձայնության եկան, որ կիսապաշտպանը 2026/27 մրցաշրջանում ևս կշարունակի ելույթներն Իտալիայում։

Ընթացիկ մրցաշրջանում Պասը դարձել է «Կոմոյի» առաջատարներից մեկը։ Հատկապես տպավորիչ են նրա ցուցանիշները Չեմպիոնների լիգայում, որտեղ անցկացրած 4 հանդիպումներում նա դարձել է 3 գոլի և 5 գոլային փոխանցման հեղինակ։ Առանձնահատուկ էր արգենտինացու փայլուն ելույթը «Մանչեսթեր Յունայթեդի» դեմ խաղում (4:1), որում նա ձևակերպեց դուբլ և կատարեց մեկ արդյունավետ փոխանցում։

Ֆրանկֆուրտի «Այնտրախտը» գլխավորել է այն ակումբների վարկանիշային աղյուսակը, որոնց ձեռք բերած ֆուտբոլիստների տրանսֆերային արժեքը վերջին հինգ տարում ամենամեծ աճն է գրանցել։ Այս մասին հայտնում է CIES Football Observatory-ն։

Գերմանական ակումբի ցուցանիշը կազմել է 527 միլիոն եվրո։ Երկրորդ տեղում Մադրիդի «Ռեալն» է՝ 526 միլիոն եվրոյով, իսկ լավագույն հնգյակում են նաև ՊՍԺ-ն (490 միլիոն եվրո), «Բենֆիկան» (488 միլիոն եվրո) և «Մանչեսթեր Սիթին» (447 միլիոն եվրո)։

CIES-ի հաշվարկներում հաշվի են առնվել վերջին հինգ տարում ակումբների՝ սեփական ակադեմիաներից դուրս ձեռք բերած ֆուտբոլիստների արժեքի փոփոխությունները։ Վաճառված ֆուտբոլիստների դեպքում համեմատվել են տրանսֆերի դիմաց վճարված և ստացված գումարները, իսկ ակումբում մնացածների պարագայում՝ ձեռքբերման արժեքն ու ներկայիս գնահատված տրանսֆերային արժեքը։

«Այնտրախտի» 527 միլիոն եվրո աճից 293 միլիոնը բաժին է ընկնում արդեն վաճառված ֆուտբոլիստներին, իսկ 234 միլիոնը՝ ներկայումս ակումբում հանդես եկողներին։

Վարկանիշի հակառակ բևեռում է Սաուդյան Արաբիայի «Ալ Հիլալը»՝ մինուս 502 միլիոն եվրո ցուցանիշով։ Եվրոպական ակումբների շարքում ամենամեծ անկումն արձանագրել է «Մանչեսթեր Յունայթեդը»՝ մինուս 405 միլիոն եվրո։

Իտալիայի ազգային հավաքականը հրապարակել է Ազգերի լիգայի առաջիկա հանդիպումների համար նախատեսված իր կազմը։

Թիմի գլխավոր մարզիչ Ռոբերտո Մանչինին 31 ֆուտբոլիստ է հայտավորել Ֆրանսիայի (նոյեմբերի 12) և Բելգիայի (նոյեմբերի 15) դեմ հանդիպումների համար։

Հեղինակավոր Goal պորտալի վերլուծաբանները թարմացրել են 2026/27 մրցաշրջանի Չեմպիոնների լիգայի հաղթողի հիմնական ֆավորիտների վարկանիշը՝ լիգայի փուլի 4-րդ տուրի հանդիպումներից հետո։

Ցուցակը գլխավորում է գործող գավաթակիր ֆրանսիական ՊՍԺ-ն, որը նվաճել է տիտղոսը նախորդ երկու մրցաշրջաններում։ Փարիզյան ակումբն այժմ 4 խաղում վաստակած 12 միավորով առաջատարն է նաև Չեմպիոնների լիգայի մրցաշարային աղյուսակում։ Երկրորդ հորիզոնականում կատալոնական «Բարսելոնան» է, որն արդեն ավելի քան տասը տարի չի հաղթել Եվրոպայի գլխավոր ակումբային մրցաշարում: Լավագույն եռյակը եզրափակում է նախորդ տարվա եզրափակիչի մասնակից Լոնդոնի «Արսենալը», որը պատմության մեջ դեռ երբեք չի նվաճել բաղձալի գավաթը:

Հատկանշական է, որ մրցաշարի մեկնարկային չորս տուրերն առանց միավորների կորստի անցկացրել են միայն ՊՍԺ-ն ու Մադրիդի «Ռեալը»։

Goal-ի վարկածով Չեմպիոնների լիգայի հաղթողի կոչման գլխավոր հավակնորդների թոփ-15-ն ունի հետևյալ տեսքը․

1. ՊՍԺ
2. «Բարսելոնա»
3. «Արսենալ»
4. «Բավարիա»
5. «Ռեալ Մադրիդ»
6. «Մանչեսթեր Սիթի»
7. «Լիվերպուլ»
8. «Բորուսիա Դորտմունդ»
9. «Ատլետիկո Մադրիդ»
10. «Կոմո»
11. «Ինտեր»
12. «Ասթոն Վիլա»
13. «Մանչեսթեր Յունայթեդ»
14. «Սպորտինգ Լիսաբոն»
15. «Բրյուգե»

«Կոմոն» «Լանսի» նկատմամբ 9։1 հաշվով հաղթանակով գրանցել է Չեմպիոնների լիգայի պատմության մեջ աննախադեպ ցուցանիշ․ իտալական ակումբը դարձել է մրցաշարի պատմության մեջ առաջին թիմը, որը մրցակցի հարկի տակ մեկ խաղում 9 գոլ է խփել։

Միաժամանակ «Կոմոն» կրկնել է մրցաշարի պատմության մեջ ամենախոշոր հաղթանակների ցուցանիշը՝ 8 գոլի տարբերությամբ։ Նախկինում նման առավելությամբ հաղթել էին «Լիվերպուլը»՝ «Բեշիկթաշի» (8։0), և Մադրիդի «Ռեալը»՝ «Մալմյոյի» (8։0) նկատմամբ։ Իսկ մեկ խաղում 9 գոլ խփելու ցուցանիշն ավելի վաղ գրանցել էր Մյունխենի «Բավարիան»՝ 2024 թվականին Զագրեբի «Դինամոյի» դեմ 9։2 հաշվով հաղթանակի ժամանակ։

«Կոմոյի» կազմում հանդիպման գլխավոր հերոսը Տասոս Դուվիկասն էր, որը հեթ-տրիկի հեղինակ դարձավ։ Նա գոլ է խփել Չեմպիոնների լիգայի այս մրցաշրջանի բոլոր չորս հանդիպումներում և վեց գոլով գլխավորում է մրցաշարի ռմբարկուների ցուցակը։

Գոլերով աչքի են ընկել նաև Նիկո Պասը, Լուկաս դա Կունյան, Մարկ-Օլիվեր Կեմպֆը, Մատիա Լիբերալին, Մարտին Բատուրինան և Մատեո Պապաչիոլին։ Վերջինս ընդամենը 18 տարեկան է և դեռևս չի հասցրել հանդես գալ Իտալիայի առաջնությունում։

Այս հաղթանակից հետո «Կոմոն» Չեմպիոնների լիգայի նորեկների կարգավիճակով չորս խաղում վաստակել է 9 միավոր և բարձրացել մրցաշարի ընդհանուր աղյուսակի չորրորդ հորիզոնական։ Թիմը մինչ այդ 4։1 հաշվով հաղթել էր նաև «ՌԲ Լայպցիգին» և «Մանչեսթեր Յունայթեդին»։

«Լանսի» համար պարտությունը պատմականորեն ծանր էր․ ֆրանսիական ակումբը դարձավ Չեմպիոնների լիգայի պատմության մեջ սեփական հարկի տակ 9 գոլ բաց թողած առաջին թիմը։

«Կոմոյի» գլխավոր մարզիչ Սեսկ Ֆաբրեգասը մեկնաբանել է Չեմպիոնների լիգայի լիգայի փուլի չորրորդ տուրում «Լանսի» նկատմամբ արտագնա խաղում 9։1 հաշվով տոնած տպավորիչ հաղթանակը։ Իսպանացի մասնագետը, չթաքցնելով գոհունակությունը թիմի ցուցադրած խաղից, միաժամանակ ընդգծել է, որ նման հաջողություններից հետո ամենակարևորը համեստությունը պահպանելն ու նույն ոգով աշխատանքը շարունակելն է։

Հանդիպումից հետո Sky Sport-ի հետ զրույցում Ֆաբրեգասը նշել է, որ իր թիմի համար անմոռանալի երեկո էր, սակայն արդեն անհրաժեշտ է մտածել առաջիկա մրցելույթների մասին։

«Իհարկե, ուրախ երեկո էր։ Այսօր ամեն ինչ մեր օգտին դասավորվեց։ Տղաները շատ լավ աշխատանք կատարեցին, բայց այժմ պետք է մտածենք կիրակի օրը կայանալիք շատ կարևոր հանդիպման մասին։ Ցանկանում ենք այս խաղային շրջանն ավարտել հնարավորինս լավ արդյունքով։

Սա հիանալի երեկո էր «Կոմոյի», մեր երկրպագուների և բազմաթիվ երիտասարդ ֆուտբոլիստների համար, որոնք նոր են սկսում իրենց կարիերան։ Բայց մենք պետք է ամուր կանգնենք գետնին, պահպանենք համեստությունն ու շարունակենք աշխատել։ Չպետք է մեզ արտասովոր բաներ թույլ տանք կամ մտածենք, թե այս հաղթանակից հետո ամեն ինչ արդեն ավարտված է։ Պետք է պարզապես ասել՝ հիանալի օր էր, և շարունակել նույն կերպ առաջ շարժվել», – ասել է իսպանացի մասնագետը։

Ֆաբրեգասին զայրացրել է բաց թողած գոլը

Չնայած 9 գոլ խփելուն՝ «Կոմոյի» մարզիչը դժգոհ է մնացել այն հանգամանքից, որ իր թիմը մեկ գնդակ բաց թողեց։ Ֆաբրեգասը հատկապես առանձնացրել է Ռուբեն Ագիլարի գոլը՝ հիշելով, որ նախկինում նրա հետ միասին հանդես է եկել «Մոնակոյում»։

«Այո՛, զայրացած եմ բաց թողած գոլի պատճառով, քանի որ երեք փոխարինում կատարելուց հետո որոշակի փոփոխություններ էինք մտցրել պաշտպանական խաղում։ Գոլը խփեց Ռուբեն Ագիլարը, որի հետ երեք մրցաշրջան միասին անցկացրել ենք «Մոնակոյում»։ Ասացի, որ նրան երբեք չեմ տեսել այդպիսի գոլ խփելիս։ Բայց, անկեղծ ասած, շատ գեղեցիկ գոլ ստացվեց», – նշել է Ֆաբրեգասը։

ՊՍԺ-ի և «Բարսելոնայի» դեմ խաղերի մասին

Ֆաբրեգասը խոսել է նաև Չեմպիոնների լիգայի լիգայի փուլի առաջիկա բարդ հանդիպումների մասին։ «Կոմոյին» մրցաշարի այս հատվածում դեռ սպասվում են ՊՍԺ-ի և «Բարսելոնայի» դեմ խաղերը։ Մարզիչը խոստովանել է, որ մրցաշարի վիճակահանությունից հետո հասկացել է՝ անհրաժեշտ է հնարավորինս շատ միավորներ վաստակել սկզբնական փուլում։

«Երբ տեսա, որ մեր վերջին երկու հանդիպումները լինելու են ՊՍԺ-ի և «Բարսելոնայի» դեմ, մտածեցի, որ պետք է սկզբում հնարավորինս շատ միավորներ հավաքենք։ Ֆուտբոլում «անհնարին» բառը չի կարելի օգտագործել, բայց այդ երկու թիմերն էլ ավելի բարձր մակարդակի վրա են, քան մյուսները։

Այդ հանդիպումներին դեռ շատ ժամանակ կա։ Մինչև հունվար մենք դեռ բազմաթիվ խաղեր ունենք անցկացնելու։ Այս պահին ինձ համար ամենակարևորը վնասվածք ստացած ֆուտբոլիստների ապաքինումն է։ Մեզ շատ խաղացողներ են պակասում, հատկապես հարձակման գծում։ Մեր թիմի համար չափազանց կարևոր է, որ բոլորը հասանելի լինեն։

Այժմ պետք է առավելագույնը ներդնենք կիրակի օրը «Ինտերի» դեմ խաղում, որից հետո հնարավորինս լավ հանգստանանք և մարզվենք, քանի որ դրա կարիքն էլ ունենք», – նշել է Ֆաբրեգասը։

Ինչո՞ւ է «Կոմոյում» այդքան շատ ձախլիկ ֆուտբոլիստ

Մասնագետին հարցրել են նաև թիմում ձախլիկ ֆուտբոլիստների մեծ թվի մասին։ Ֆաբրեգասը խոստովանել է, որ առանձնահատուկ վերաբերմունք ունի այդպիսի խաղացողների նկատմամբ։

«Ես որոշակի թուլություն ունեմ ձախլիկների նկատմամբ, քանի որ կարծում եմ՝ նրանք առանձնահատուկ են։ Այդպես էի մտածում նաև այն ժամանակ, երբ ինքս էի խաղում։ Իհարկե, մենք հատուկ նպատակ չենք ունեցել հավաքել այդքան շատ ձախլիկ ֆուտբոլիստների․ պարզապես այդպես է ստացվել։

Ամենակարևորն այն է, որ նրանք հասկանան մեր ֆուտբոլային գաղափարները և կարողանան ճիշտ ինտեգրվել թիմին։ Պետք է շնորհակալություն հայտնենք բոլորին կատարած աշխատանքի համար։ Այժմ վայելում ենք այս հաղթանակը, բայց արդեն վաղվանից սկսելու ենք մտածել հաջորդ հանդիպման մասին», – եզրափակել է Ֆաբրեգասը։

«Կոմոն» «Լանսի» նկատմամբ 9։1 հաշվով հաղթանակով գրանցել է Չեմպիոնների լիգայի պատմության մեջ աննախադեպ ցուցանիշ․ իտալական ակումբը դարձել է մրցաշարի պատմության մեջ առաջին թիմը, որը մրցակցի հարկի տակ մեկ խաղում 9 գոլ է խփել։

ՈւԵՖԱ-ի Չեմպիոնների լիգայի 2026/2027 թթ. խաղարկության լիգայի փուլի 4-րդ տուրում կայացան հերթական հանդիպումները, որոնցում լոնդոնյան «Արսենալը» հերթական երեք միավորը վաստակեց, իսկ իտալական «Կոմոն» անհավանական ջախջախման ենթարկեց մրցակցին։

Պրահայի «Ֆորտունա Արենա» մարզադաշտում «Արսենալը» հյուրընկալվելիս 2:1 հաշվով առավելության հասավ տեղի «Սլավիայի» նկատմամբ։ Գերմանացի մրցավար Տոբիաս Շտիլերի սպասարկած խաղում «զինագործները» վճռեցին հանդիպման ելքը դեռևս առաջին խաղակեսում. 9-րդ րոպեին հաշիվը բացեց Չուկվունոնսո Մադուեկեն, իսկ 38-րդ րոպեին Վիկտոր Դյոկերեշը կրկնապատկեց անգլիական ակումբի առավելությունը։ Տանտերերից հանդիպման 90-րդ րոպեին հեղինակության գնդակը խփեց Վիկտոր Նովակը։ Այս հաղթանակի շնորհիվ «Արսենալը» վաստակեց 10 միավոր և բարձրացավ մրցաշարային աղյուսակի 3-րդ հորիզոնական, իսկ «Սլավիան» 1 միավորով 34-րդն է։

Տեսանյութը՝ ԱՅՍՏԵՂ

Խաղային օրվա ամենաաղմկահարույց արդյունքը գրանցվեց Ֆրանսիայում, որտեղ իտալական «Կոմոն» «Բոլար-Դելելիս» մարզադաշտում 9:1 հաշվով ջախջախեց «Լանսին»։ Նորվեգացի Ռոհիտ Սագիի գլխավորած մրցավարական անձնակազմի սպասարկած խաղում հյուրերը ոչ մի շանս չտվեցին ֆրանսիական ակումբին։

Առաջին խաղակեսում հույն հարձակվող Տասոս Դուվիկասը դուբլ ձևակերպեց 7-րդ և 32-րդ րոպեներին (գոլային փոխանցումները՝ Մաքսիմո Պերոնեի և Ալեքս Վալյեի), իսկ 40-րդ րոպեին նույն Դուվիկասի փոխանցումից հետո Նիկո Պասը հաշիվը դարձրեց 3:0։

Երկրորդ կեսում իտալական թիմի գոլային հրավառությունը շարունակվեց.
47-րդ րոպե (0:4) – Լուկաշ Դա Կունյա (փոխանցումը՝ Նիկո Պասի)
54-րդ րոպե (0:5) – Մարկ-Օլիվեր Կեմպֆ (փոխանցումը՝ Լուիս Միլյայի)
57-րդ րոպե (0:6) – Տասոս Դուվիկասը ձևակերպեց իր հեթ-տրիկը (փոխանցումը՝ կրկին Պասի)
62-րդ րոպե (0:7) – Մատիա Լիբերալի (փոխանցումը՝ Խակոբո Ռամոնի)
65-րդ րոպեին Ռուբեն Ագիլարը կարողացավ մեկ գնդակ հետ բերել տանտերերի կազմում, սակայն ընդամենը 4 րոպե անց Մարտին Բատուրինան խփեց հյուրերի 8-րդ գոլը։

Հանդիպման վերջնամասում վերջնական 9:1 հաշիվը ձևակերպեց Մատեո Պապաչոլին։

Տեսանյութը՝ ԱՅՍՏԵՂ

Զուգահեռաբար ընթացող խաղերում գրանցվեցին հետևյալ արդյունքները․

«Բորուսիա Դորտմունդ» — «Բետիս»՝ 2:1 [տեսանյութ]

ՊՍՎ — «Բրյուգե»՝ 1:2

«Պորտու» — «Նապոլի»՝ 4:1 [տեսանյութ]

«Վիկինգ» — «Սաբահ»՝ 4:1

Մրցաշարային աղյուսակն այս պահին