ՈՒԵՖԱ-ի Ազգերի լիգայի շրջանակում սեպտեմբերի 27-ին կայացավ A լիգայի 2-րդ խմբի Նորվեգիա-Պորտուգալիա հանդիպումը։

Առաջին խաղակեսում գրանցվեց միայն մեկ գոլ․ հանդիպման 17-րդ րոպեին հյուրերի կազմում գոլի հեղինակ դարձավ Ժոաու Ֆելիքսը։

Երկրորդ խաղակեսի մեկնարկում Էրլինգ Հալանդը հավասարեցրեց հաշիվը։ Սակայն քիչ անց նորվեգացիների դարպասապահը գնդակը “նվիրեց” մրցակցի ֆուտբոլիստ Ռամուշին, ով էլ նորից առաջ մղեց հյուրերին։ 58-րդ րոպեին Ռամուշը նորից օգտվում է դարպասապահ Նյուլանի սխալից ու գրավում դարպասը․ սակայն գոլը չեղարկվեց։ Հետագայում այս խաղում այլևս գոլեր չգրանցվեցին և պորտուգալացիները հաղթեցին 2-1 հաշվով։

Սա պորտուգալացիների երկրորդ անընդմեջ հաղթանակն էր և թիմը 6 միավորով գլխավորեց իր խմբի մրցաշարային աղյուսակը։ Նորվեգիան ունի երեք միավոր։

Գոլերը՝ ԱՅՍՏԵՂ։

Այս խմբի մյուս՝ Դանիա-Ուելս հանդիպումն ավարտվել էր 2-0 հաշվով։

Մրցաշարային աղյուսակն այս պահին․

ՈՒԵՖԱ-ի Ազգերի լիգայի շրջանակում սեպտեմբերի 27-ին կայացավ A լիգայի 2-րդ խմբի Գերմանիա-Հունաստան հանդիպումը։

Հանդիպումն ավարտվեց 0-1 հաշվով՝ հօգուտ հույների։

Առաջին խաղակեսում գոլեր չգրանցվեցին, իսկ երկրորդ խաղակեսում՝ 74-րդ րոպեին, հանդիպման միակ գոլն իր ակտիվում գրանցեց «Աստերասի» կիսապաշտպան Դիմիտրիոս Կուրբելիսը։

Հույները երկրորդ անընդմեջ հաղթանակը տոնեցին ու առաջատարն են խմբում։ Գերմանացիները երկու խաղից հետո վաստակել են մեկ միավոր։

Գոլերը՝ ԱՅՍՏԵՂ։

Այս խմբի մյուս՝ Սերբիա-Նիդերլանդներ հանդիպումն ավարտվել էր 1-2 հաշվով։

Մրցաշարային աղյուսակն այս պահին․

Նշենք, որ զուգահեռաբար ընթացող B Լիգայի խաղում Իռանդիան մրցակցի հարկի տակ 3-0 հաշվով հաղթեց Իսրայելի թիմին։ Հյուրերի կազմում գոլերի հեղինակ դարձան Պերոտը, Իդան և Մոյլանը։

Իսպանիայի կանանց Մ20 հավաքականը դարձավ Աշխարհի երիտասարդական առաջնության չեմպիոն։

Եզրափակիչում իսպանուհիները հաղթեցին Հս․Կորեայի հավաքականին։

Հանդիպման հիմնական ժամանակն ավարտվեց գոլազուրկ ոչ-ոքի և հաղթողը որոշվեց հետխաղյա 11-մետրանոց հարվածաշարում, որտեղ Իսպանիան ավելի դիպուկ էր՝ 4-3։

Նշենք նաև, որ Հս․Կորեայի հավաքականն ամբողջ մրցաշարի ընթացքում ոչ մի գոլ բաց չի թողել, սակայն նրանց չեմպիոն դառնալ չհաջողվեց։ Ավելացնենք, որ Հս․Կորեան աշխարհի գործող չեմպիոնն էր։

Մրցաշարը, որը թվով 12-րդն էր պատմության մեջ, անցկացվեց Լեհաստանում։ Մրցաշարի բրոնզե մեդալակիր դարձավ Կոլումբիան, որը ևս հետխաղյա 11 մետրանոց հարվածաշարում ուժեղ գտնվեց Իտալիայից։

Մրցաշարը երեքական անգամ հաղթել են Հս․Կորեայի, Գերմանիայի և Կանադայի հավաքականները, Իսպանիան երկրորդ անգամ դարձավ չեմպիոն, ևս մեկ անգամ չեմպիոն է դարձել Ճապոնիան։

ՈՒԵՖԱ-ի Ազգերի լիգայի շրջանակում սեպտեմբերի 27-ին կայացավ A լիգայի 2-րդ խմբի Դանիա-Ուելս հանդիպումը։

Հանդիպումն ավարտվեց տանտերերի հաղթանակով՝ 2-0 հաշվով։

Առաջին խաղակեսում գոլեր չգրանցվեցին։ Դանիացի Պատրիկ Դորգուն վնասվածք ստացավ հանդիպման ժամանակ։ «Մանչեսթեր Յունայթեդի» վինգերը ստիպված եղավ լքել խաղադաշտը 30-րդ րոպեին և նրան փոխարինեց ֆրանսիական «Ռեյմսից» Մոհամեդ Դորամին։

Երկրորդ խաղակեսում՝ 53-րդ րոպեին, Ռասմուս Հոյլունդը առաջ մղեց տանտերերին հաշվի մեջ՝ աչքի ընկնելով Դամսգորի փոխանցումից։ Սակայն հետո գոլը գրանցվեց որպես ինքնագոլ՝ Բեն Դեյվիսի անվան դիմաց։ 66-րդ րոպեին դանիացիների առավելությունը կրկնապատկեց Գուստավ Իսակսենը։

Գոլերը՝ ԱՅՍՏԵՂ։

Այս խմբի մյուս՝ Նորվեգիա-Պորտուգալիա հանդիպումը կմեկնարկի քիչ անց։

Մրցաշարային աղյուսակն այս պահին․

Նշենք, որ զուգահեռաբար ընթացող B Լիգայի խաղում Ավստրիան 3-1 հաշվով հաղթեց Կոսովոյի թիմին։ Ավստրիացիների կազմում աչքի ընկան Աֆենգրուբերը, Ադամուն և Չուկվուեմեկան, Կոսովոյի կազմում՝ Ժեգրովան։ Ավստրիան տոնեց երկրորդ անընդմեջ հաղթանակը։

«Մանչեսթեր Սիթիի» պաշտպան Ռայան Աիթ Նուրին հեռացվել է Ալժիրի հավաքականի կազմից և կվերադառնա իր ակումբ։ Այս մասին հայտնել է հայտնի լրագրող Ջանլուկա Դի Մարցիոն։

Սեպտեմբերի 25-ին Ալժիրը 3-1 հաշվով խաղաց Զամբիայի դեմ Աֆրիկայի ազգերի գավաթի ընտրական խաղում։ Աիթ Նուրին մնաց պահեստայինների նստարանին։ Երկրորդ խաղակեսում ազգային հավաքականի գլխավոր մարզիչ Բրահիմ Հեմդանին պատրաստվում էր փոխարինել Ռայանին, բայց երկրորդ գոլից հետո փոխեց իր միտքը։

Նա նախ ֆուտբոլիստին ուղարկեց պահեստայինների նստարան, ապա ասաց, որ մարզվի։ Աիթ Նուրին չենթարկվեց մարզչի հրահանգներին և կոնֆիլկտ ունեցավ ազգային հավաքականի անձնակազմի հետ։

«Ազգային հավաքականի մարզիչ Բրահիմ Հեմդանին որոշել է ազատել Ռայան Աիթ Նուրիին ազգային հավաքականի առաջիկա խաղերից։ Հետևաբար, նա կվերադառնա «Մանչեսթեր Սիթի», — հայտարարել է Ալժիրի հավաքականի մամուլի ծառայությունը։

Ֆուտբոլիստ Հարվի Սարաջյանը շարունակում է արդյունավետ գործել «Օրլանդո Սիթիի» կազմում։

Հյուսիսամերիկյան MLS-ի կանոնավոր առաջնության շրջանակում «Օրլանդոն» մրցակցի հարկի տակ զիջել է «Ֆիլադելֆիային» 4-2 հաշվով։ Հյուրերի կազմում 54-րդ րոպեին փոխարինման է դուրս եկել Հարվի Սարաջյանը, իսկ 90-րդ րոպեին օգնել է աչքի ընկնել Օխեդային։

Այս հանդիպումից հետո «Օրլանդոն» Արևելյան կոնֆերենցիայի մրցաշարային աղյուսակում 7-րդ տեղում է՝ 34 միավորով։

Սա հայազգի ֆուտբլիստի երկրորդ արդյունավետ գործողությունն է MLS-ի այս մրցաշրջանում։ Նախորդ շաբաթ հյուսիսամերիկյան MLS-ի կանոնավոր առաջնության շրջանակում «Օրլանդոն» հաղթել էր «Տորոնտոյին» 3-0 հաշվով։ Հաղթող թիմի կազմում գոլերից մեկը հեղինակել է Հարվի Սարաջյանը։ Հարվին ընդհանուր առմամբ այս մրցաշրջանում մասնակցել է MLS-ի 9 հանդիպման, իր ակտիվում արդեն ունի մեկական գոլ ու գոլային փոխանցում։

«Օրլանդոյի» երկրորդ թիմի կազմում, MLS Next Pro լիգայում նա անցկացրել է 16 հանդիպում՝ դառնալով 6-ական գոլի ու գոլային փոխանցման հեղինակ։ Հարվին Ֆլորիդան ներկայացնող ակումբին է միացել 2025 թվականի դեկտեմբերին, MLS-ի դրաֆթում 5-րդ համարով ընտրվելուց հետո, Հյուսիսային Կարոլինայի «Վեյկ Ֆորեսթ» թիմից։ Հարվին ծնվել է 2005 թվականի հունվարի 26-ին, Ֆլորիդայում, Նեյփլս քաղաքում։

Կարդացեք նաև՝  Երբ երազանքը դառնում է իրականություն. Սարաջյանի ուղին` համալսարանից MLS

Վրաստանի ազգային հավաքականը մինչև 2028 թվականի ավարտը կգլխավորի վրացի մասնագետ Ռամազ Սվանաձեն։ Ինչպես հայտնում է Վրաստանի ֆուտբոլի ֆեդերացիայի մամուլի ծառայությունը, գլխավոր մարզչի պաշտոնում Սվանաձեն կփոխարինի ֆրանսիացի Վիլի Սանյոլին։

Սանյոլը Վրաստանի հավաքականի ղեկը ստանձնել էր 2021 թվականի փետրվարին։ Այդ ընթացքում ազգային թիմն անցկացրել է 57 հանդիպում։ Ֆրանսիացի մասնագետի գլխավորությամբ Վրաստանի ընտրանին հասել է պատմական հաջողության՝ 2024 թվականին առաջին անգամ հանդես գալով Եվրոպայի առաջնության եզրափակիչ փուլում, որտեղ կարողացավ հաղթահարել խմբային արգելքն ու հայտնվել մրցաշարի լավագույն 16 թիմերի շարքում։

Մինչ այս նշանակումը Ռամազ Սվանաձեն գլխավորում էր Վրաստանի Մ-21 հավաքականը, որի հետ երկու անգամ մասնակցել է Եվրոպայի երիտասարդական առաջնության եզրափակիչ փուլերին։ Երիտասարդական հավաքականի որակավորման փուլի վերջին երեք հանդիպումներում Սվանաձեին կփոխարինի նրա օգնական Գիորգի Ադամիան։

Պաշտոնական հաղորդագրության վերջում ֆեդերացիան շնորհակալություն է հայտնել Վիլի Սանյոլին՝ ազգային հավաքականում անցկացրած յուրաքանչյուր րոպեի և այն էմոցիաների համար, որոնք թիմն ու երկրպագուներն ապրել են այս պատմական ճանապարհին։

Սեպտեմբերի 25-ին կայացան ՈՒԵՖԱ Ազգերի Լիգայի 2026/27 մրցաշրջանի խմբային փուլի մի շարք հանդիպումներ։ Կայացավ A Լիգայի 1-ին խմբի առաջին տուրի հանդիպումը Թուրքիայի և Ֆրանսիայի հավաքականների միջև։

Թուքիայում կայացած հանդիպումն ավարտվեց Զինեդին Զիդանի թիմի հաղթանակով՝ 1-0 հաշվով։

Հանդիպման միակ գոլը 54-րդ րոպեին խփեց Կիլիան Մբապեն՝ Մայքլ Օլիսեի փոխանցումից հետո։ Գոլ խփելուց կարճ ժամանակ անց Մբապեն անհարմարություն զգաց և լքեց խաղադաշտը։

Թուրքերը խաղն ավարտեցին մեկ ֆուտբոլիստով պակաս, քանի որ դարպասապահ Ուգուրջան Չաքուրը տուգանային հրապարակից դուրս ձեռքով խաղալու համար հեռացվեց խաղադաշտից։

Հանդիպման գոլերը՝ ԱՅՍՏԵՂ։

Երկրորդ տուրում Բելգիայի հավաքականը կհանդիպի Ֆրանսիայի, իսկ Իտալիայի հավաքականը՝ Թուրքիայի ընտրանու հետ։

Մրցաշարային աղյուսակը՝ ստորև․

Սեպտեմբերի 25-ին կայացան ՈՒԵՖԱ Ազգերի Լիգայի 2026/27 մրցաշրջանի խմբային փուլի մի շարք հանդիպումներ։ Կայացավ A Լիգայի 1-ին խմբի առաջին տուրի հանդիպումը Իտալիայի և Բելգիայի հավաքականների միջև։

Հռոմում կայացած հանդիպումն ավարտվեց բելգիացիների հաղթանակով՝ 2-0 հաշվով։

Գլխավոր մարզիչ Ռոբերտո Մանչինիի վերադարձից հետո իրենց առաջին խաղում իտալացիները պարտվեցին Մարկ վան Բոմմելի թիմին, ով իր հերթին նշեց նորամուտը Բելգիայի հավաքականի ղեկին։

Միկա Գոդցը (20-րդ րոպե և Լուկեբակիոն (69-րդ րոպե) աչքի ընկան գոլերով։ Սեննե Լամմենսն իր հերթին վեց անգամ փրկեց դարպասը բելգիացիների կազմում։

Հանդիպման գոլերը՝ ԱՅՍՏԵՂ։

Երկրորդ տուրում Բելգիայի հավաքականը կհանդիպի Ֆրանսիայի, իսկ Իտալիայի հավաքականը՝ Թուրքիայի ընտրանու հետ։

Մրցաշարային աղյուսակը՝ ստորև․

Սեպտեմբերի 25-ին, Ազգերի լիգայի խաղարկության C լիգայի առաջին տուրի շրջանակում  Չեռնոգորիայի հավաքականն ընդունեց Կիպրոսի ընտրանուն և հաղթեց 2-1 հաշվով։

Չեռնոգորիան կամային հաղթանակ տոնեց Կրստովիչի և Օսմայիչի գոլերի շնորհիվ, իսկ կղզիաբնակների կազմում աչքի ընկավ Ռիչարդսը։

Հանդիպման գոլերը՝ ԱՅՍՏԵՂ։

Սեպտեմբերի 25-ին, Ազգերի լիգայի խաղարկության C լիգայի առաջին տուրի շրջանակում, Հայաստանի ազգային հավաքականը Երևանի Վազգեն Սարգսյանի անվան «Հանրապետական» մարզադաշտում ընդունեց Լատվիայի ընտրանուն և հաղթեց 2-0 հաշվով։ Հանդիպման մանրամասները՝ այստեղ։

Հայաստանի, Լատվիայի, Չեռնոգորիայի և Կիպրոսի հավաքականներն ընդգրկված են 2-րդ խմբում։ Հայաստանի հավաքականը գոլերի ավելի լավ տարբերությամբ գլխավորեց 2-րդ խմբի մրցաշարային աղյուսակը։

Հիշեցնենք` Հայաստանի ազգային հավաքականը սեպտեմբերի 28-ին կընդունի Չեռնոգորիայի հավաքականին, որից հետո արտագնա հանդիպումներ կանցկացնի Կիպրոսի ու Չեռնոգորիայի ընտրանիների հետ։

Մրցաշարային աղյուսակը՝ ստորև․