ՈՒԵՖԱ-ի Ազգերի լիգայի շրջանակում սեպտեմբերի 27-ին կայացավ A լիգայի 2-րդ խմբի Գերմանիա-Հունաստան հանդիպումը։

Հանդիպումն ավարտվեց 0-1 հաշվով՝ հօգուտ հույների։

Առաջին խաղակեսում գոլեր չգրանցվեցին, իսկ երկրորդ խաղակեսում՝ 74-րդ րոպեին, հանդիպման միակ գոլն իր ակտիվում գրանցեց «Աստերասի» կիսապաշտպան Դիմիտրիոս Կուրբելիսը։

Հույները երկրորդ անընդմեջ հաղթանակը տոնեցին ու առաջատարն են խմբում։ Գերմանացիները երկու խաղից հետո վաստակել են մեկ միավոր։

Գոլերը՝ ԱՅՍՏԵՂ։

Այս խմբի մյուս՝ Սերբիա-Նիդերլանդներ հանդիպումն ավարտվել էր 1-2 հաշվով։

Մրցաշարային աղյուսակն այս պահին․

Նշենք, որ զուգահեռաբար ընթացող B Լիգայի խաղում Իռանդիան մրցակցի հարկի տակ 3-0 հաշվով հաղթեց Իսրայելի թիմին։ Հյուրերի կազմում գոլերի հեղինակ դարձան Պերոտը, Իդան և Մոյլանը։

Ազգերի լիգայի A դիվիզիոնի 2-րդ խմբի առաջին տուրում Գերմանիայի հավաքականը Ամստերդամում 1:1 հաշվով ավարտեց հանդիպումը Նիդերլանդների ընտրանու հետ: Այս հանդիպումը նշանավորվեց որպես Յուրգեն Կլոպի նորամուտը Բունդեսթիմի գլխավոր մարզչի պաշտոնում:

Գերմանացի մասնագետը նշել է, որ գոհ է թիմի նվիրվածությունից ու կրքից, սակայն շեշտել է, որ հավաքականը դեռ բարելավման և կատարելագործման մեծ տեղ ունի.

«Վերջին 2,5 տարվա ընթացքում ես չեմ մոռացել, թե ինչպես հասկանալ ֆուտբոլը, և հստակ տեսնում էի, թե ինչ է կատարվում խաղադաշտում։ Ընդհանուր առմամբ, տպավորությունները դրական են: Կարիերայիս ընթացքում ավելի քան 1000 հանդիպում եմ անցկացրել, այնպես որ սա ինձ համար նորություն չէր։ Մենք լավ սկսեցինք, ինտենսիվությունն ու կիրքը բարձր մակարդակի վրա էին, բայց երբ Նիդերլանդները սկսեց ավելի շատ տիրել նախաձեռնությանը, մենք բախվեցինք խնդիրների, քանի որ քիչ էինք խաղում գնդակով։ Քանի դեռ մեր մարտավարական մեխանիզմները լիովին ավտոմատացված չեն, նման խնդիրներ լինելու են: Առաջին կեսում մենք հիանալի հակագրոհներ ունեինք և պետք է հաշիվը դարձնեինք 2:0, սակայն ոչ-ոքին լիովին տրամաբանական և արդարացի արդյունք էր։ Մենք դեռ ճանապարհ ունենք դեպի կատարելություն»,- Կլոպի խոսքերն է մեջբերում ՈւԵՖԱ-ի կայքը:

Մարզիչն առանձնահատուկ ընդգծել է Մարկ-Անդրե տեր Շտեգենի փայլուն խաղը՝ նշելով, որ դարպասապահը փայլուն հանդիպում է անցկացրել։ Նա նաև գովեստի խոսքեր է հղել նիդերլանդցի Կոդի Գակպոյին՝ վերջինիս խփած գոլը որակելով «ապշեցուցիչ»:

Անդրադառնալով գերմանացիների խփած գոլին, որն առաջացրել էր նիդերլանդցիների դժգոհությունը (Բրայան Բրոբին վնասվածք էր ստացել և պառկած էր խոտածածկին), Կլոպը պաշտպանել է իր ֆուտբոլիստների գործողությունները.

«Կանոններն ասում են, որ խաղը կանգնեցնում է մրցավարը, ոչ թե ֆուտբոլիստները։ Ես իմ թիմին էլ հրահանգել էի, որ նման դրվագներում պետք է շարունակել խաղալ: Մենք շատ լավ օգտագործեցինք այդ պահը։ Ես ամենևին էլ խղճի խայթ չեմ զգում. եթե գոլն անօրինական լիներ, ապա գուցե վատ զգայի»:

Հանդիպումը ստվերվել է Գերմանիայի հավաքականի երկու առանցքային ֆուտբոլիստների՝ Ջամալ Մուսիալայի և Կայ Հավերցի վնասվածքներով։ Մուսիալան մկանային վնասվածք է ստացել նախավարժանքի ժամանակ, իսկ Հավերցը նույն խնդրով փոխարինվել է արդեն 30-րդ րոպեին:

«Երկուսի մոտ էլ մկանային խնդիրներ են: Նրանք ՄՌՏ հետազոտություն կանցնեն, և ախտորոշումը պարզ կդառնա: Հույս ունեմ՝ լուրջ ոչինչ չկա, և տղաները արագ կապաքինվեն, բայց առաջիկա խաղին նրանք, ամենայն հավանականությամբ, չեն մասնակցի»,- պարզաբանել է մարզիչը՝ հավելելով, որ հաջորդ հանդիպման համար գուցե հավաքական հրավիրվեն Ջոնաթան Բուրկարդտը կամ Նիկ Վոլտեմադեն:

Ամփոփելով իր խոսքը՝ գերմանացի մասնագետը հումորով նշել է.

«Մենք արդյունքի վրա հիմնված սպորտում ենք և չենք պատրաստվում հաջորդ 500 խաղերն էլ ոչ-ոքի ավարտել»։

Հիշեցնենք, որ Ազգերի լիգայի 2-րդ տուրում Գերմանիայի հավաքականը սեպտեմբերի 27-ին սեփական հարկի տակ կընդունի Հունաստանին։

Ազգերի լիգայի A դիվիզիոնի 2-րդ խմբի առաջին տուրում Նիդերլանդների հավաքականը Ամստերդամում 1:1 հաշվով ավարտեց հանդիպումը Գերմանիայի ընտրանու հետ: Այս հանդիպումը նշանավորվեց որպես նորամուտային երկու թիմերի նոր գլխավոր մարզիչների՝ Չավիի և Յուրգեն Կլոպի համար:

Նիդերլանդների հավաքականի նորանշանակ գլխավոր մարզիչ Չավին, ամփոփելով խաղը, նշել է, որ իր թիմն ավելիին էր արժանի.

«Արդյունքը մեզ համար այնքան էլ գոհացուցիչ չէ, քանի որ, անկեղծ ասած, մենք ավելի ուժեղ էինք Գերմանիայի հավաքականից և արժանի էինք հաղթանակի։ Առաջին խաղակեսում տղաները մի փոքր նյարդայնանում էին, պակասում էր հավակնոտությունը. հավանաբար ազդում էր այն հանգամանքը, որ նոր մարզիչ ունեն և տնային խաղում մրցում են Գերմանիայի նման թիմի հետ։ Սակայն ընդմիջումից հետո մենք սկսեցինք ցուցադրել մեր ֆուտբոլը՝ դրսևորելով բնավորություն, ինտենսիվություն և հաղթելու մեծ ցանկություն։ Շատ ուրախ եմ, որ երկրորդ խաղակեսում ֆուտբոլիստները հասկացան իրենց գերազանցությունը։ Մենք բազմաթիվ պահեր ստեղծեցինք և լավ պրեսինգ կիրառեցինք»,- իսպանացի մասնագետի խոսքերն է մեջբերում ՈւԵՖԱ-ի պաշտոնական կայքը։

Չավին հատուկ առանձնացրել է նաև ազգային թիմում իրենց նորամուտը նշած ֆուտբոլիստներին՝ Ռուբեն վան Բոմելին և Մեքս Մերդինկին.

«Ռուբենն իր առաջին իսկ խաղում տարբերություն ստեղծեց: Նա խլեց գնդակն ու բարձրակարգ գոլային փոխանցում կատարեց, նա իսկական թոփ խաղացող է: Մեքսը նույնպես հիանալի խաղաց, շատ վազեց ու պայքարեց թիմի համար»:

Խոսելով մրցավարության մասին՝ Նիդերլանդների մարզիչը հավելել է, որ ոչ-ոքին չի արդարացնում մրցավարական որոշումներով, սակայն նշել է, որ մրցավարի որոշ գործողություններ (շուտ հնչեցրած սուլիչը) անտեղի շփոթեցրել են իր ֆուտբոլիստներին:

Հավելենք, որ Ազգերի լիգայի 2-րդ տուրում Նիդերլանդների հավաքականը սեպտեմբերի 27-ին արտագնա խաղում ուժերը կչափի Սերբիայի հետ, իսկ Գերմանիան նույն օրը կհյուրընկալի Հունաստանին:

Give Me Sport հեղինակավոր պորտալը հրապարակել է աշխարհի լավագույն կենտրոնական հարձակվողների իր նոր վարկանիշային աղյուսակը։

Ցուցակի առաջին հորիզոնականում Մադրիդի «Ռեալի» և Ֆրանսիայի ազգային հավաքականի աստղ Կիլիան Մբապեն է: Երկրորդ տեղը զբաղեցրել է Մյունխենի «Բավարիայի» հարձակվող Հարի Քեյնը, իսկ լավագույն եռյակը եզրափակում է «Մանչեսթեր Սիթիի» ռմբարկու Էրլինգ Հալանդը:

Լավագույն տասնյակում հաջորդաբար տեղ են գտել նաև Ուսման Դեմբելեն (ՊՍԺ), Խուլիան Ալվարեսը («Ատլետիկո Մադրիդ»), Լաուտարո Մարտինեսը («Ինտեր»), Վիկտոր Օսիմհենը («Գալաթասարայ»), Ժոաո Պեդրոն («Չելսի»), Ալեքսանդր Իսակը («Լիվերպուլ») և Մարկուս Թյուրամը («Ինտեր»):

Հիշոցնենք, որ 2025/26 մրցաշրջանում Եվրոպայի ոսկե խաղակոշիկը՝ որպես մայրցամաքի լավագույն ռմբարկու, նվաճել է Մյունխենի «Բավարիայի» և Անգլիայի հավաքականի հարձակվող Հարի Քեյնը։   Գերմանական Բունդեսլիգայի նախորդ խաղարկությունում նա դարձել է 36 գոլի հեղինակ՝ այս արդյունքին հասնելու համար անցկացնելով 31 հանդիպում

Գերմանիայի Բունդեսլիգայի 2026/27 թվականների մրցաշրջանի 4-րդ տուրում Դորտմունդի «Բորուսիան» արտագնա խաղում նվազագույն հաշվով դժվարին հաղթանակ տարավ «Շտուտգարտի» նկատմամբ (1-0)։ 

Առաջին խաղակեսում դարպասի գրավումներ չարձանագրվեցին։ Հանդիպման միակ և հաղթական գոլը խփվեց երկրորդ խաղակեսում՝ 70-րդ րոպեին, երբ աչքի ընկավ Մաքսիմիլիան Բեյերը։

Այս հաղթանակի շնորհիվ դորտմունդցիները վաստակած միավորների քանակը հասցրեցին 12-ի և շարունակում են այս պահին միանձնյա գլխավորել մրցաշարային աղյուսակը, իսկ «Շտուտգարտը» 3 միավորով գտնվում է 14-րդ տեղում։

GOAL : MAXIMILIAN BEIER ⚽

MAXIMILIAN BEIER HAS OPENED THE SCORING FOR DORTMUND!

STUTTGART 0–1 DORTMUND #BUNDESLIGA #VFBBVB pic.twitter.com/rR2GK4pYHD

— (@aurafooty) September 19, 2026

Բունդեսլիգայի մրցաշարային աղյուսակը՝ ստորև․

Մյունխենի «Բավարիայի» սպորտային տնօրեն Մաքս Էբերլը արձագանքել է «Բարսելոնայի» 19-ամյա վինգեր Լամին Յամալի վերջին հայտարարություններին՝ կապված «Ոսկե գնդակի» քվեարկության հետ:

Յամալը նշել էր, որ աշխարհի լավագույն ֆուտբոլիստի մրցանակը պարտադիր չէ, որ բաժին հասնի ամենաշատ գոլեր խփած խաղացողին, և հավելել էր, որ իրեն ու Կիլիան Մբապեին է համարում աշխարհի լավագույն ֆուտբոլիստները։ Իսպանացու այս խոսքերն ակնհայտորեն փորձ էին՝ մեծացնելու իր շանսերը և ստվերելու արդյունավետությամբ աչքի ընկնող մրցակիցներին։

Sky Sport Germany-ի լրագրող Քերի Հաուի հետ զրույցում Մաքս Էբերլը բավականին խոսուն և հեգնական պատասխան է տվել իսպանացուն.

«Իհարկե, նրան պետք է PR արշավ վարել: Սակայն լավագույններն այն խաղացողներն են, որոնց նման արշավներ հարկավոր չեն»:

Յամալի ակնարկն առաջին հերթին ուղղված էր «Բավարիայի» ռմբարկու Հարի Քեյնի դեմ: Հիշեցնենք, որ Քեյնն արժանացել է «Ոսկե խաղակոշիկի»՝ Բունդեսլիգայի 2025/2026 մրցաշրջանի 31 խաղում դառնալով 36 գոլի հեղինակ: Ընդհանուր առմամբ, անգլիացի հարձակվողը ակումբի և հավաքականի կազմում անցկացրած նախորդ մրցաշրջանի 67 հանդիպումներում խփել է 73 գնդակ՝ գրանցելով ֆուտբոլի պատմության մեջ երկրորդ լավագույն արդյունքն այս ցուցանիշով:

Մինչ Յամալը հանդես է գալիս հայտարարություններով, մյունխենցիներն ապացուցում են դաշտում: «Ունիոն Բեռլինի» դեմ վերջին խաղում «Բավարիան» քարը քարի վրա չթողեց մրցակցից՝ հաղթելով 7:0 հաշվով: Քեյնը դարձավ դուբլի հեղինակ, Մայքլ Օլիսեն՝ հեթ-տրիկի, ևս մեկական գնդակ էլ խփեցին Ջամալ Մուսիալան և Իսմայել Սաիբարին: Կարծես թե կատալոնացու խոսքերը լրացուցիչ մոտիվացիա էին հաղորդել մյունխենյան գրանդի հարձակման գծին:

Հիմա գնդակը Յամալի կիսադաշտում է: «Սևիլիայի» դեմ կայանալիք խաղում նա պետք է իր խոսքերն ամրապնդի գործով: Բայց, ինչպես նկատում են փորձագետները, կատալոնացին ինքն իրեն փակուղու առաջ է կանգնեցրել․ եթե նա գոլ խփի, կհակասի իր իսկ պնդմանը, թե գոլերն այդքան էլ կարևոր չեն, իսկ եթե աչքի չընկնի արդյունավետ գործողություններով, կարժանանա կոշտ քննադատության՝ միայն խոսելու, բայց արդյունք չապահովելու համար:

Կատալոնական «Բարսելոնայի» 19-ամյա հարձակվող Լամին Յամալը կրկին հայտնվել է ուշադրության կենտրոնում՝ բավականին ինքնավստահ հայտարարություններ անելով «Ոսկե գնդակի» համար մղվող պայքարի վերաբերյալ։ Իր խոսքում իսպանացին առիթը բաց չի թողել նաև խայթելու Մյունխենի «Բավարիայի» ռմբարկու Հարի Քեյնին։

Movistar Plus-ի եթերում՝ Խորխե Վալդանոյի հետ հարցազրույցի ժամանակ, աշխարհի և Եվրոպայի չեմպիոնը նշել է, որ ֆուտբոլային ամենահեղինակավոր անհատական մրցանակը պետք է տրվի լավագույնին, այլ ոչ թե նրան, ով ուղղակի ամենաշատ գոլերն է հեղինակել։

«Կարծում եմ՝ «Ոսկե գնդակը» պետք է ստանա աշխարհի լավագույն ֆուտբոլիստը։ Վե՛րջ։ Այն չպետք է տրվի խաղացողի, ով 80 գոլ է խփել, որովհետև դրա համար գոյություն ունի լավագույն ռմբարկուի մրցանակը։ Դրանք լիովին տարբեր բաներ են, ինչը մարդիկ չեն հասկանում»,- ասել է Յամալը։

Ըստ իսպանացու՝ լավագույն ֆուտբոլիստը միշտ չէ, որ նաև լավագույն ռմբարկուն է.

«Լավագույնն այն ֆուտբոլիստն է, ում խաղին հետևելիս դու պարզապես վայելում ես այն։ Տեսնում ես նրան ու մտածում՝ այս տղան ակնհայտորեն առանձնանում է մյուսներից»։

Յամալի համոզմամբ՝ «Ոսկե գնդակը» կվերադարձնի իր իրական արժեքը միայն այն ժամանակ, երբ կրկին բաժին հասնի լավագույնին, «այլ ոչ թե նրան, ով ամենաշատն է խփում կամ ամենաշատ տիտղոսներն է նվաճում»։

Շատերը Յամալի այս խոսքերն ընդունեցին որպես բացահայտ ակնարկ՝ ուղղված Հարի Քեյնին։ Անգլիացի հարձակվողը վերջերս արժանացավ «Ոսկե խաղակոշիկի»՝ նախորդ մրցաշրջանում «Բավարիայի» և Անգլիայի հավաքականի կազմում բոլոր մրցաշարերում դառնալով 73 գոլի հեղինակ։

Քեյնն ու Յամալը, Մադրիդի «Ռեալի» հարձակվող Կիլիան Մբապեի և ՊՍԺ-ի վինգեր Ուսման Դեմբելեի հետ միասին, համարվում են մրցանակի գլխավոր ֆավորիտները։ Վերջին օրերին, սակայն, հենց Յամալն ու Մբապեն են աչքի ընկնում իրենց գերագնահատված հայտարարություններով։

«Ես և Մբապեն աշխարհի երկու լավագույն ֆուտբոլիստներն ենք, բայց կարծում եմ՝ այս տարի հենց ես եմ արժանի այդ մրցանակին։ Ինձ համար դա հստակ է, և յուրաքանչյուրը, ով ֆուտբոլ է նայում, գիտի դա»,- առանց ավելորդ համեստության նշել է 19-ամյա խաղացողը։

Հիշեցնենք, որ նախորդ մրցաշրջանում Յամալը «Բարսելոնայի» հետ նվաճել է Լա լիգայի չեմպիոնի տիտղոսը՝ բոլոր մրցաշարերում անցկացրած 45 խաղում դառնալով 24 գոլի և 18 գոլային փոխանցման հեղինակ (42 արդյունավետ գործողություն)։ Սակայն, տարվա լավագույն ֆուտբոլիստի կոչմանն արժանանալու նրա ամենածանրակշիռ փաստարկը, հավանաբար, Իսպանիայի հավաքականի հետ Աշխարհի առաջնությունում հաղթելն է։

Կիլիան Մբապեի, Լամին Յամալի և Ուսման Դեմբելեի պես, ովքեր արդեն հայտարարել են ֆուտբոլային գլխավոր անհատական մրցանակին հավակնելու մասին, Հարի Քեյնը նույնպես պաշտպանել է իր վիճակագրությունն ու գրանցած արդյունքները Marca-ին տված հարցազրույցում։

Մեդիայի հետ շփումներում սովորաբար աչքի չընկնող Մյունխենի «Բավարիայի» հարձակվողն այս անգամ բացառություն է արել՝ իսպանական պարբերականի հետ զրույցում դուրս գալով ստվերից:

Հոկտեմբերի 26-ին Լոնդոնում կայանալիք «Ոսկե գնդակ-2026»-ի մրցանակաբաշխությանն ընդառաջ՝ Անգլիայի հավաքականի ավագն ընդգծել է իր փայլուն մրցաշրջանը։

«Ես չեմ սիրում խոսել իմ մասին, բայց 73 գոլերն ինքնին խոսուն են»,- նշել է Քեյնը՝ ակնարկելով իր ֆանտաստիկ անհատական ցուցանիշները:

Որպես գործող «Ոսկե խաղակոշիկի» դափնեկիր՝ անգլիացի ռմբարկուն գրանցել է ֆուտբոլի պատմության երկրորդ լավագույն արդյունքը՝ մոտենալով միայն Լիոնել Մեսիի՝ 2011/12 մրցաշրջանում սահմանած ռեկորդին (82 գոլ):

Մի բան հաստատ է. Եվրոպայի լավագույն ռմբարկուն երազում է բարձրացնել ամենահեղինակավոր անհատական մրցանակն իր հայրենիքում՝ ընդամենը մեկ ամիս անց։

«Միգուցե սա լավ նշան է,- ժպտալով արձագանքել է Քեյնը՝ ավանդաբար Փարիզում անցկացվող «Ոսկե գնդակի» արարողության՝ Լոնդոն տեղափոխման փաստին։ -Իհարկե, այն, որ մրցանակաբաշխությունն անցկացվելու է իմ հայրենի քաղաքում, իրադարձությունն էլ ավելի յուրահատուկ կդարձնի։ Այնպես որ, այո, մի փոքր տարօրինակ է, որ այս տարի այն այնտեղ է անցկացվելու։ Կսպասենք ու կտեսնենք»:

Համարվելով գործող դափնեկրին՝ Ուսման Դեմբելեին փոխարինելու գլխավոր ֆավորիտներից մեկը՝ Քեյնը մինչ այս երբեք չի գերազանցել «Ոսկե գնդակի» քվեարկության 10-րդ հորիզոնականը (այդ տեղը զբաղեցրել է 2017, 2018 և 2024 թվականներին): Ի տարբերություն Կիլիան Մբապեի կամ Լամին Յամալի վարած բավականին ագրեսիվ քարոզարշավի, բավարացիների հարձակվողը նախընտրում է պահպանել համեստություն և զսպվածություն՝ հետևելով Դեմբելեի կամ Ֆաբիան Ռուիսի օրինակին:

Գերմանիայի Բունդեսլիգայի 2026/27 թվականների մրցաշրջանի 4-րդ տուրի մեկնարկային խաղում գործող չեմպիոն Մյունխենի «Բավարիան» «Ալյանս Արենայում» քարը քարի վրա չթողեց «Ունիոն Բեռլինից» (7-0)։  

Հանդիպման հաշիվը 18-րդ րոպեին բացեց Ջամալ Մուսիալան։ 39-րդ րոպեին Հարի Քեյնը անվրեպ իրացրեց 11-մետրանոցը՝ կրկնապատկելով տանտերերի առավելությունը, իսկ առաջին խաղակեսի վերջնամասում՝ 43-րդ րոպեին, Մայքլ Օլիսեն հաշիվը դարձրեց խոշոր։

Երկրորդ խաղակեսում մյունխենցիները շարունակեցին գոլառատ հրավառությունը։ 54-րդ րոպեին Քեյնը խփեց իր երկրորդ գնդակը՝ դառնալով դուբլի հեղինակ։ 70-րդ րոպեին աչքի ընկավ Սայբարին, իսկ 73-րդ և 76-րդ րոպեներին Օլիսեն ևս երկու անգամ գրավեց մրցակցի դարպասը՝ դառնալով հեթ-տրիկի հեղինակ և ձևակերպելով հանդիպման վերջնական արդյունքը։

Այս տպավորիչ հաղթանակից հետո «Բավարիան» վաստակած միավորների քանակը հասցրեց 10-ի և ժամանակավորապես գլխավորեց Գերմանիայի Բունդեսլիգայի մրցաշարային աղյուսակը։ «Ունիոն Բեռլինը» 4 խաղից հետո իր ակտիվում ունի ընդամենը 1 միավոր և գտնվում է նախավերջին՝ 16-րդ հորիզոնականում։  

Գոլերը՝ ԱՅՍՏԵՂ

Բունդեսլիգայի մրցաշարային աղյուսակը՝ ստորև․

Կատալոնական «Բարսելոնայի» և Իսպանիայի հավաքականի եզրային հարձակվող Լամին Յամալն առանձնացրել է այն թիմերին, որոնք ունակ են լուրջ խնդիրներ ստեղծել կատալոնացիների համար Չեմպիոնների լիգայի ընթացիկ խաղարկությունում։

Բացատրելով, թե հատկապես ինչով են Մյունխենի «Բավարիան» ու ֆրանսիական ՊՍԺ-ն գերազանցում «կապտանռնագույններին», երիտասարդ ֆուտբոլիստը նշել է․

«Մեր թուլությունն ի հայտ է գալիս այնպիսի թիմերի դեմ խաղերում, ինչպիսիք են «Բավարիան» կամ ՊՍԺ-ն։ Պատճառն այն է, որ նրանք ֆիզիկապես ավելի ուժեղ են․ նրանք ստիպում են քեզ շատ վազել և պահպանել կենտրոնացվածությունն ամբողջ հանդիպման ընթացքում։ «Արսենալն» այլ պատմություն է։ Այնտեղ խաղն ավելի տակտիկական է և առավելապես կապված է գնդակի վերահսկողության հետ։

Կարծում եմ՝ ՊՍԺ-ն Չեմպիոնների լիգան հաղթելու գլխավոր ֆավորիտներից մեկն է, բայց նրանց խնդիրն այն է, որ տիտղոսը պաշտպանելը շատ բարդ է։ Դա ամենադժվար բանն է ֆուտբոլում։ Դա է նաև իմ վախը հաղթանակներից հետո՝ մենք կարող ենք թուլանալ»,- ասել է Յամալը Movistar-ին տված հարցազրույցից։

Հավելենք, որ Չեմպիոնների լիգայի շրջանակում «Բարսելոնան» իր առաջիկա հանդիպումը կանցկացնի հոկտեմբերի 13-ին՝ արտագնա խաղում ուժերը չափելով թուրքական «Գալաթասարայի» հետ։