Այսօր՝ հունիսի 16-ին, կկայանան 2026/27 թթ․ ՈւԵՖԱ-ի Չեմպիոնների լիգայի, Եվրոպա լիգայի և Կոնֆերենցիաների լիգայի խաղարկությունների որակավորման առաջին փուլի վիճակահանությունները: Հայկական ակումբներն արդեն իսկ գիտեն իրենց հավանական մրցակիցներին և անհամբերությամբ սպասում են բախտորոշ իրադարձությանը։

Չեմպիոնների լիգա. «Արարատ-Արմենիան» սպասում է մրցակցին

Հայաստանը հին աշխարհամասի գլխավոր ակումբային մրցաշարում ներկայացնելու է «Արարատ-Արմենիան»: Չեմպիոնների լիգայի վիճակահանությունը կմեկնարկի Երևանի ժամանակով 18:00-ին: Արդեն հայտնի են այն 7 ակումբները, որոնցից մեկը որակավորման առաջին փուլում բաժին կհասնի մեր չեմպիոնին․

• «Շեմռոք Ռովերս» (Իռլանդիա)
• «ԿուՊՍ Կուոպիո» (Ֆինլանդիա)
• «Լինքոլն Ռեդ Իմփս» (Ջիբրալթար)
• «Ռիգա» (Լատվիա)
• «Ֆլորա Տալլին» (Էստոնիա)
• «Լարն» (Հյուսիսային Իռլանդիա)
• «Նյու Սեյնթս» (Ուելս)

Չեմպիոնների լիգայի որակավորման առաջին փուլի հանդիպումները կկայանան հուլիսի 7-ին և 8-ին, իսկ պատասխան խաղերը՝ հուլիսի 14-ին և 15-ին:

Կոնֆերենցիաների լիգա. «Փյունիկն» ու «Ալաշկերտը» պայքարի մեջ են

«Փյունիկը» վիճակահանությունից առաջ ընդգրկվել է 3-րդ զամբյուղի «Seeded» (ուժեղների) թիմերի շարքում և որպես մրցակից կարող է ստանալ հետևյալ ակումբներից մեկին․

• «Սիլեկս» (Հյուսիսային Մակեդոնիա)
• «Դինամո Սիթի» (Ալբանիա)
• «Վիրտուս» (Սան Մարինո)
• «Մորնար» (Չեռնոգորիա)
• «Մարսաշլոկ» (Մալթա)

Մեր մյուս ներկայացուցչի՝ «Ալաշկերտի» հավանական մրցակիցներն են․

• «Տորպեդո Քութայիսի» (Վրաստան)
• «Վելեժ» (Բոսնիա և Հերցեգովինա)
• «Ելիմայ Սեմեյ» (Ղազախստան)
• «Պետրովաց» (Չեռնոգորիա)
• «Էլբասանի» (Ալբանիա)

Կոնֆերենցիաների լիգայի, ինչպես նաև Եվրոպա լիգայի (որի վիճակահանությունը ևս կայանալու է այսօր) որակավորման առաջին փուլի առաջին հանդիպումները նախատեսված են հուլիսի 9-ին, իսկ պատասխան խաղերը՝ հուլիսի 16-ին:

Բոլոր մրցաշարերի համար խաղերի հաստատված օրերն ու մեկնարկային ժամերը ՈՒԵՖԱ-ն կհրապարակի վիճակահանություններից անմիջապես հետո:

Լոնդոնի «Քրիստալ Փելասի» վինգեր Էվան Գեսանը դարձել է ֆուտբոլի պատմության մեջ առաջին խաղացողը, որին հաջողվել է մեկ մրցաշրջանի ընթացքում հաղթել եվրոպական երկու տարբեր ակումբային մրցաշարերում։

Չորեքշաբթի՝ մայիսի 27-ին, «Քրիստալ Փելասը» Կոնֆերենցիաների լիգայի խաղարկության եզրափակիչում 1-0 հաշվով առավելության հասավ իսպանական «Ռայո Վալեկանոյի» նկատմամբ։ 24-ամյա իվուարցի ֆուտբոլիստն այս հանդիպմանը խաղադաշտում անցկացրեց 10 րոպե։

Հատկանշական է, որ Գեսանը լոնդոնյան ակումբ էր տեղափոխվել ընթացիկ տարվա հունվարին՝ վարձավճարով հեռանալով «Աստոն Վիլայից»։ Մինչ տեղափոխությունը՝ նա բիրմինգհեմյան թիմի կազմում հասցրել էր մասնակցել Եվրոպայի լիգայի խաղարկության 7 հանդիպման և դառնալ 2 գոլի հեղինակ։ Մայիսի 20-ին «Աստոն Վիլան» Եվրոպայի լիգայի վճռորոշ խաղում 3-0 հաշվով վստահ առավելության էր հասել գերմանական «Ֆրայբուրգի» նկատմամբ։

Քանի որ ֆուտբոլիստը մրցաշրջանի առաջին հատվածում գրանցված է եղել «Աստոն Վիլայի» եվրագավաթային հայտացուցակում, նա պաշտոնապես համարվում է ինչպես Եվրոպայի լիգայի, այնպես էլ Կոնֆերենցիաների լիգայի 2025/26 մրցաշրջանի հաղթող։

Հավելենք նաև, որ «Քրիստալ Փելասն» իր պատմության մեջ առաջին անգամ էր հանդես գալիս եվրագավաթների եզրափակիչում։ Այս հաղթանակի շնորհիվ անգլիական ակումբը նաև ապահովեց իր տեղը 2026/27 մրցաշրջանի Եվրոպայի լիգայի խաղարկությունում։

«Աստոն Վիլայի» հարձակվող Թեմի Աբրահամը կրկնել է «Մարսելի» պաշտպան Էմերսոն Պալմերիի նվաճումը։ Ֆուտբոլի պատմության մեջ առայժմ միայն այս երկու խաղացողներին է հաջողվել հաղթել եվրոպական ակումբային երեք գլխավոր մրցաշարերում՝ Չեմպիոնների լիգայում, Եվրոպայի լիգայում և Կոնֆերենցիաների լիգայում։

Աբրահամը Չեմպիոնների լիգայում հաղթել է 2020/21 մրցաշրջանում՝ Լոնդոնի «Չելսիի» կազմում, Կոնֆերենցիաների լիգայում՝ 2021/22 մրցաշրջանում իտալական «Ռոմայի» հետ, իսկ Եվրոպայի լիգայի գավաթակիր դարձել է 2025/26 մրցաշրջանում՝ ներկայացնելով «Աստոն Վիլան»։

Ինչ վերաբերում է Էմերսոնին, ապա նա Չեմպիոնների լիգայի (2020/21) և Եվրոպայի լիգայի (2018/19) հաղթող է դարձել «Չելսիում» հանդես գալու տարիներին, իսկ Կոնֆերենցիաների լիգան նվաճել է 2022/23 մրցաշրջանում՝ «Վեստ Հեմի» կազմում։

Եվրոպայի լիգայի 2025/2026 մրցաշրջանի եզրափակիչում անգլիական «Ասթոն Վիլան» վստահ հաղթանակ տարավ գերմանական «Ֆրայբուրգի» նկատմամբ և իր պատմության մեջ առաջին անգամ նվաճեց մրցաշարի գավաթը։

​Ստամբուլի «Տյուպրաշ» մարզադաշտում կայացած հանդիպումն ավարտվեց բիրմինգհեմյան ակումբի ջախջախիչ հաղթանակով՝ 3:0։ Խաղի գլխավոր մրցավարն էր ֆրանսիացի Ֆրանսուա Լետեքսիեն։

​Անգլիացիներն իրենց առավելությունը դրսևորեցին դեռ առաջին խաղակեսում։ 41-րդ րոպեին հաշիվը բացեց կիսապաշտպան Յուրի Տիլեմանսը, իսկ մրցավարի կողմից ավելացված ժամանակում (45+4′) հարձակվող Էմիլիանո Բուենդիան կրկնապատկեց այն։ Երկրորդ խաղակեսում՝ 58-րդ րոպեին, Մորգան Ռոջերսը խփեց երրորդ գնդակը՝ դնելով հանդիպման վերջակետը։

Հատկանշական է, որ Բուենդիան և Ռոջերսը, բացի խփած գոլերից, աչքի ընկան նաև մեկական գոլային փոխանցմամբ։

​Այս հաղթանակը բացառիկ նշանակություն ուներ «Ասթոն Վիլայի» գլխավոր մարզիչ Ունայի Էմերիի համար։ Իսպանացի մասնագետն իր կարիերայում վեցերորդ անգամ էր մասնակցում Եվրոպայի լիգայի եզրափակիչին և նվաճեց իր ռեկորդային՝ 5-րդ տիտղոսը։ Նախկինում նա այս մրցաշարում երեք անգամ հաղթել էր «Սևիլիայի» և մեկ անգամ՝ «Վիլյառեալի» հետ:

​«Ասթոն Վիլայի» համար սա 1982 թվականից ի վեր առաջին խոշոր եվրոպական եզրափակիչն էր. այն ժամանակ ակումբը նվաճել էր Եվրոպական չեմպիոնների գավաթը (ներկայիս Չեմպիոնների լիգան) և ՈւԵՖԱ-ի Սուպերգավաթը (թիմն ունի նաև Ինտերտոտոյի գավաթի հաղթանակներ 2001 և 2008 թթ․):

​Գերմանական «Ֆրայբուրգն» էլ իր հերթին պատմության մեջ առաջին անգամ էր հանդես գալիս եվրագավաթների եզրափակիչում։ Մինչ այս թիմի լավագույն արդյունքը Եվրոպայի լիգայի 1/8 եզրափակիչ հասնելն էր վերջին երկու մրցաշրջաններում։

​Հիշեցնենք, որ կիսաեզրափակիչ փուլում Ունայի Էմերիի սաները երկու խաղերի արդյունքում 4:1 հաշվով առավելության էին հասել անգլիական «Նոթինգհեմ Ֆորեսթի» նկատմամբ, իսկ «Ֆրայբուրգը» դրամատիկ պայքարում 4:3 հաշվով շրջանցել էր պորտուգալական «Բրագային»։

​Նախորդ մրցաշրջանում այս մրցաշարի հաղթող էր դարձել Լոնդոնի «Տոտենհեմը»՝ եզրափակիչում 1:0 հաշվով պարտության մատնելով «Մանչեսթեր Յունայթեդին»։

Տեսանյութը` ԱՅՍՏԵՂ

Այսօր՝ մայիսի 20-ին, Ստամբուլում կկայանա Եվրոպա լիգայի եզրափակիչը, որում կմրցեն «Ֆրայբուրգն» ու «Ասթոն Վիլան»։ Թիմերի մեկնարկային կազմերն արդեն հայտնի են։

Թիմերը խաղադաշտ դուրս կգան հետևյալ կազմերով.

«Ֆրայբուրգ». Ատուբոլու, Կյուբլեր, Գինտեր, Լինհարտ, Տրոյ, Էգեշտայն, Հյոֆլեր, Բեստե, Մանզամբի, Գրիֆո, Մատանովիչ:

«Ասթոն Վիլա». Էմիլիանո Մարտինես, Քեշ, Կոնսա, Լինդելոֆ, Տորես, Դին, Տիլեմանս, Ռոջերս, Մաքգին, Բուենդիա, Ուոթքինս:

Եվրոպա լիգայի եզրափակիչ հանդիպումը կմեկնարկի Երևանի ժամանակով 23:00-ին։

Այսօր՝ մայիսի 7-ին կայացան Եվրոպա լիգայի 2025/26 թթ. խաղարկության կիսաեզրափակիչի պատասխան հանդիպումները, որոնց արդյունքում հայտնի դարձան մրցաշարի եզրափակիչի մասնակիցները։

Անգլիական «Ասթոն Վիլան» սեփական հարկի տակ ընդունեց «Նոթինգհեմ Ֆորեսթին»։ Թիմերի միջև կայացած առաջին խաղում 1-0 հաշվով հաղթել էր «Նոթինգհեմը»։ Պատասխան խաղում բիրմինգհեմցիները 4-0 հաշվով ջախջախիչ հաղթանակ տարան։ Դաշտի տերերի կազմում գոլերի հեղինակ դարձան Օլի Ուոտկինսը (36′), Էմիլիանո Բուենդիան (58′ – 11 մ), իսկ Ջոն ՄաքԳինը դարձավ դուբլի հեղինակ՝ աչքի ընկնելով 77-րդ և 80-րդ րոպեներին։ Երկու խաղերի ընդհանուր 4-1 հաշվով «Ասթոն Վիլան» 43 տարվա դադարից հետո նվաճեց եվրագավաթային եզրափակիչի ուղեգիր:

Հանդիպման գոլերը՝ ԱՅՍՏԵՂ

Զուգահեռաբար ընթացող մյուս կիսաեզրափակիչում գերմանական «Ֆրայբուրգը» հյուրընկալեց պորտուգալական «Բրագային»։ Այս զույգի առաջին հանդիպումն ավարտվել էր պորտուգալացիների հաղթանակով՝ 2-1 հաշվով։ Պատասխան հանդիպումն անցավ լարված պայքարում․ արդեն խաղի մեկնարկում հյուրերը մնացին 10 հոգով՝ Դորգելեսի (13′) ստացած ուղիղ կարմիր քարտի պատճառով։ Դրանից հետո «Ֆրայբուրգը» խփեց 3 գոլ՝ Լուկաս Կյուբլերը (19′, 72′) և Մանզամբին (41′)։ Հյուրերի միակ գոլը 79-րդ րոպեին խփեց Պաու Վիկտորը։ Ընդհանուր 4-3 հաշվով «Ֆրայբուրգը» նույնպես դուրս եկավ եզրափակիչ։

Այսպիսով, Եվրոպա լիգայի ընթացիկ խաղարկության գավաթը եզրափակիչում կվիճարկեն «Ասթոն Վիլան» և «Ֆրայբուրգը»։ Վճռորոշ հանդիպումը կկայանա մայիսի 20-ին՝ Երևանի ժամանակով 23:00-ին։

Հանդիպման գոլերը՝ ԱՅՍՏԵՂ

Այսօր՝ մայիսի 1-ին կայացավ ՀՖՖ ակումբների Արտոնագրման կոմիտեի (1-ին ատյանի մարմնի) հերթական նիստը, որի ընթացքում քննության էին դրվել «Ալաշկերտ ՖԱ» ՀԿ, «Փյունիկ ՖԱ» ՀԿ, «ՖԱ Ուրարտու» Մարզական ՀԿ, «ՖԱ Արարատ» Հ/Ձ ՓԲԸ, «Նոա ՖԱ» ՀԿ, «Արարատ-Արմենիա ՖԱ» ԲԲԸ և «Շիրակ ՖԱ» ՀԿ ֆուտբոլային ակումբների արտոնագրային ֆինանսական չափանիշի՝ ՈՒԵՖԱ-ի արտոնագիր ստանալու համար ներկայացված փաստաթղթային փաթեթները: Այս մասին հյատնում է ՀՖՖ-ի մամուլի ծառայությունը։

Մարզական համապատասխան որակավորում ստանալու դեպքում այդ արտոնագրերը նրանց իրավունք են ընձեռում մասնակցելու ՈւԵՖԱ-ի 2026/2027թթ․ մրցաշրջանի ակումբային մրցաշարերին։

Արտոնագրման բաժնի փորձագետները կատարել էին համապարփակ ուսումնասիրություններ և ստուգումներ` քննության դրված ֆինանսական փաթեթների հիման վրա: Դրանց արդյունքները Արտոնագրման բաժնի պետը և ֆինանսական փորձագետը մանրամասնորեն ներկայացրին կոմիտեին: Հիմնվելով մասնագետների եզրակացությունների և կատարված քննության արդյունքների վրա` Արտոնագրման կոմիտեն միաձայն որոշում կայացրեց ՈՒԵՖԱ-ի արտոնագրեր շնորհել թեկնածու բոլոր ակումբներին։

Այսօր կայացած նիստի ընթացքում քննության առնվեց նաև ՈւԵՖԱ-ի Կանանց ակումբային մրցաշարերի արտոնագիր շնորհելու հարցը, ինչն ակումբների կանանց թիմերին հնարավորություն է ընձեռում մասնակցելու 2026/2027թթ․ ՈւԵՖԱ-ի Կանանց Ակումբային մրցաշարերի խաղարկությանը` համապատասխան մարզական որակավորում ստանալու դեպքում:

Վերոնշյալ արտոնագրի համար դիմած միակ ակումբը ՝ «Փյունիկ» ՖԱ-ն՝ բավարարելով բոլոր չափանիշները, կոմիտեի միաձայն որոշմամբ ստացավ ՈւԵՖԱ-ի Կանանց ակումբային մրցաշարերի մասնակցության համապատասխան արտոնագիրը։

Ապրիլի 30-ին կայացան ֆուտբոլի Եվրոպայի լիգայի 2025/2026 մրցաշրջանի կիսաեզրափակիչի առաջին հանդիպումները։

«Բրագա» (Պորտուգալիա) 2։1 «Ֆրայբուրգ» (Գերմանիա) [Տեսանյութ]

Պորտուգալական «Բրագան» սեփական՝ «Մունիսիպալ դի Բրագա» մարզադաշտում, ընդունել էր գերմանական «Ֆրայբուրգին» և դրամատիկ պայքարում առավելության հասավ 2:1 հաշվով։

Հանդիպման հաշիվը բացեց դաշտի տերերի պաշտպան Դեմիր Տիկնազը, սակայն արդեն 16-րդ րոպեին հյուրերի կիսապաշտպան Վինչենցո Գրիֆոն վերականգնեց հավասարությունը։ Առաջին խաղակեսի ավելացված ժամանակում (45+2′) պորտուգալական թիմի հարձակվող Ռոդրիգո Սալասարը չկարողացավ անվրեպ իրացնել 11-մետրանոցը: Այնուամենայնիվ, հանդիպման գլխավոր մրցավար Էնթոնի Թեյլորի կողմից ավելացված ժամանակի 2-րդ րոպեին (90+2′) Մարիո Դորժելեսը խփեց «Բրագայի» հաղթական գոլը։

Նշենք, որ քառորդ եզրափակիչում «Բրագան» երկու խաղերի արդյունքով պայքարից դուրս էր թողել «Բետիսին» (5:3), իսկ «Ֆրայբուրգը»՝ «Սելտային» (6:1):

«Նոթինգհեմ Ֆորեսթ» (Անգլիա) 1։0 «Ասթոն Վիլա» (Անգլիա) [Տեսանյութ]

Օրվա մյուս խաղում կայացավ անգլիական դիմակայություն: «Նոթինգհեմ Ֆորեսթը» «Սիթի Գրաունդ» մարզադաշտում նվազագույն՝ 1:0 հաշվով հաղթեց «Ասթոն Վիլային»:

Հանդիպման միակ և հաղթական գոլը 71-րդ րոպեին հեղինակեց «անտառապահների» հարձակվող Քրիս Վուդը՝ անսխալ իրացնելով նշանակված 11-մետրանոց հարվածը: Հանդիպումը սպասարկում էր պորտուգալացի մրցավար Ժոաու Պեդրու Պինեյրուն:

Թիմերի միջև պատասխան հանդիպումները կկայանան մայիսի 7-ին: «Ֆրայբուրգն» իր հարկ տակ՝ «Եվրոպա-Պարկ» մարզադաշտում, կընդունի «Բրագային», իսկ «Ասթոն Վիլան» կփորձի բեկել դիմակայության ընթացքը «Նոթինգհեմի» հետ տնային խաղում։

Եվրոպայի լիգայի 2025/2026 մրցաշրջանի եզրափակիչը կկայանա մայիսի 20-ին Ստամբուլի «Բեշիքթաշ» մարզադաշտում: Հիշեցնենք, որ մրցաշարի գործող գավաթակիրը «Տոտենհեմն» է, որը նախորդ մրցաշրջանի եզրափակիչում 1:0 հաշվով պարտության էր մատնել «Մանչեսթեր Յունայթեդին»։

Հինգշաբթի՝ ապրիլի 16-ին, կայացավ Եվրոպայի լիգայի քառորդ եզրափակիչի պատասխան հանդիպումը, որում անգլիական «Նոթինգհեմ Ֆորեստը» սեփական հարկի տակ նվազագույն՝ 1-0 հաշվով հաղթանակ կորզեց պորտուգալական «Պորտուից»։ Այս հաղթանակի շնորհիվ (առաջին խաղն ավարտվել էր 1-1 հաշվով) անգլիական ակումբը նվաճեց մրցաշարի կիսաեզրափակիչի ուղեգիր։

Անգլիական թիմը շարունակում է պայքարը եվրոպական տիտղոսի համար և հաջորդ փուլում ուժերը կչափի Բիրմինգհեմի «Ասթոն Վիլայի» հետ։

Միևնույն ժամանակ, սակայն, «անտառապահները» կանգնած են ընթացիկ մրցաշրջանի արդյունքներով Անգլիայի Պրեմիեր լիգայից դուրս մնալու լուրջ վտանգի առաջ։ Ներկայումս թիմը ներքին առաջնության մրցաշարային աղյուսակում զբաղեցնում է 16-րդ հորիզոնականը՝ իր ակտիվում ունենալով 33 միավոր։ Նրանք ընդամենը 3 միավորով են գերազանցում վտանգավոր գոտում՝ 18-րդ տեղում գտնվող Լոնդոնի «Տոտենհեմին»։

Այսպիսով, ֆուտբոլային աշխարհում պահպանվում է չափազանց հազվադեպ հանդիպող սցենարի հավանականությունը. եթե «Նոթինգհեմին» հաջողվի նվաճել Եվրոպայի լիգայի գավաթը, սակայն թիմը դուրս մնա Պրեմիեր լիգայից, ապա հաջորդ մրցաշրջանում Անգլիան Չեմպիոնների լիգայի ամենահեղինակավոր խաղարկությունում կներկայացնի երկրորդ դիվիզիոնում՝ Չեմպիոնշիփում հանդես եկող ակումբ։

Ապրիլի 16-ին կայացան ՈւԵՖԱ-ի Եվրոպայի լիգայի 2025/2026 մրցաշրջանի քառորդ եզրափակիչի պատասխան հանդիպումները, որոնց արդյունքում ձևավորվեցին մրցաշարի կիսաեզրափակիչի զույգերը։

Եվրոպական մեծությամբ երկրորդ ակումբային մրցաշարում պայքարը կշարունակեն պորտուգալական «Բրագան», գերմանական «Ֆրայբուրգը», ինչպես նաև անգլիական «Ասթոն Վիլան» ու «Նոթինգհեմ Ֆորեսթը»։

Քառորդ եզրափակիչի արդյունքները

«Սելտա» (Իսպանիա) — «Ֆրայբուրգ» (Գերմանիա)՝ 1:3 [Տեսանյութ]

Առաջին հանդիպումը՝ 0:3։ Գերմանական ակումբը երկրորդ խաղում ևս վստահ հաղթանակ տարավ։ Հյուրերի կազմում աչքի ընկան Իգոր Մատանովիչը (33′) և Յուիտո Սուձուկին, ով դուբլ ձևակերպեց (39′, 51′)։ Իսպանացիների հեղինակության գնդակը խաղավարտին խփեց Ուիլոթ Սվեդբերգը (90+1′)։

«Բետիս» (Իսպանիա) — «Բրագա» (Պորտուգալիա)՝ 2:4 [Տեսանյութ]

Առաջին հանդիպումը՝ 1:1։ Գոլառատ և դրամատիկ խաղում պորտուգալական թիմը կամային հաղթանակ տարավ։ «Բետիսը» 26-րդ րոպեի դրությամբ հաղթում էր 2:0 հաշվով (գոլերը՝ Անտոնի, Աբդե Էզալզուլի), սակայն «Բրագան» կարողացավ բեկել հանդիպման ընթացքն ու 4 գնդակ ուղարկել մրցակցի դարպասը։ Աչքի ընկան Պաու Վիկտորը (38′), Վիտոր Կարվալյոն (49′), Ռիկարդու Օրտան (53′, 11-մ) և Ժան-Բատիստ Գորբին (74′)։

«Նոթինգհեմ Ֆորեսթ» (Անգլիա) — «Պորտու» (Պորտուգալիա)՝ 1:0 [Տեսանյութ]

Առաջին հանդիպումը՝ 1:1։ Անգլիացիները տնային մարզադաշտում նվազագույն հաշվով հաղթանակ կորզեցին։ Խաղի ելքը վճռվեց մեկնարկում. 8-րդ րոպեին հյուրերի պաշտպան Յան Բեդնարեկը հեռացվեց դաշտից, իսկ 12-րդ րոպեին Մորգան Գիբս-Ուայթը խփեց հանդիպման միակ գոլը։

«Ասթոն Վիլա» (Անգլիա) — «Բոլոնիա» (Իտալիա)՝ 4:0 [Տեսանյութ]

Առաջին հանդիպումը՝ 3:1։ Բիրմինգհեմցիները սեփական հարկի տակ ջախջախեցին իտալական ակումբին։ Տանտերերի կազմում աչքի ընկան Օլի Ուոթքինսը (16′), Էմիլիանո Բուենդիան (26′), Մորգան Ռոջերսը (39′) և Էզրի Կոնսան (89′)։ Նշենք, որ 25-րդ րոպեին Ռոջերսը նաև վրիպել էր 11-մետրանոց նշանակետից։

Կիսաեզրափակիչի զույգերն ու ժամանակացույցը

Այսպիսով, Եվրոպայի լիգայի եզրափակիչի ուղեգրի համար կպայքարեն հետևյալ զույգերը.

• «Բրագա» (Պորտուգալիա) — «Ֆրայբուրգ» (Գերմանիա)
• «Նոթինգհեմ Ֆորեսթ» (Անգլիա) — «Ասթոն Վիլա» (Անգլիա)

Կիսաեզրափակիչի առաջին հանդիպումները կկայանան հինգշաբթի՝ ապրիլի 30-ին, իսկ պատասխան խաղերը՝ մեկ շաբաթ անց՝ մայիսի 7-ին։

Մրցաշարի հաղթողի անունը հայտնի կդառնա եզրափակիչ խաղում, որը նախատեսված է մայիսի 20-ին։