Մոնակոյում ավարտվեց ՈւԵՖԱ-ի Կոնֆերենցիաների լիգայի 2026/27 մրցաշրջանի լիգայի փուլի վիճակահանությունը: Նոր ձևաչափին համապատասխան՝ ակումբների մրցակիցները որոշվեցին հատուկ համակարգչային ծրագրի օգնությամբ։

Ակումբները, ըստ իրենց վարկանիշի, բաժանվել են վեց զամբյուղի (յուրաքանչյուրում՝ 6 թիմ): Լիգայի ընդհանուր փուլի շրջանակում յուրաքանչյուր թիմ կանցկացնի վեց հանդիպում՝ երեքը սեփական հարկի տակ, երեքը՝ մրցակցի դաշտում:

Կոնֆերենցիաների լիգայի գործող գավաթակիրն անգլիական «Քրիսթալ Փելասն» է, որը նախորդ խաղարկության վճռորոշ խաղում 1:0 հաշվով պարտության էր մատնել իսպանական «Ռայո Վալեկանոյին»:

2026/27 մրցաշրջանի գլխավոր հանդիպումը կկայանա հունիսի 2-ին՝ Ստամբուլի «Բեշիկթաշ» մարզադաշտում:

Օգոստոսի 27-ին կայացան Կոնֆերենցիաների լիգայի որակավորման փլեյ-օֆֆ փուլի պատասխան հանդիպումները, որոնց արդյունքով որոշվեցին մրցաշարի լիգայի փուլի վերջին մասնակիցները; Այսպիսով, լիգայի փուլում հանդես կգան հետևյալ թիմերը․ 

Բրայթոն (Անգլիա)
Ատալանտա (Իտալիա),
Խետաֆե (Իսպանիա)
Ֆրայբուրգ (Գերմանիա),
Բրագա (Պորտուգալիա),
Այաքս, Տվենտե (Նիդերլանդներ),
Մոնակո (Ֆրանսիա),
Կոպենհագեն, Միդտյուլանդ, Նորդսյելանդ, Օրխուս (Դանիա),
Ցրվենա Զվեզդա (Սերբիա),
Գենտ (Բելգիա),
Պանատինաիկոս (Հունաստան),
Պաֆոս (Կիպրոս)
Լուգանո, Թուն (Շվեյցարիա),
ԿուՊՍ (Ֆինլանդիա),
Բորաց Բանյա Լուկա (Բոսնիա և Հերցեգովինա),
Սենտ-Տրույդեն (Բելգիա),
Բրան (Նորվեգիա),
Հարտս (Շոտլանդիա),
Կայրաթ (Ղազախստան),
Տրաբզոնսպոր (Թուրքիա),
Կրայովա (Ռումինիա)
Հայդուկ Սպլիտ (Խորվաթիա),
Յաբլոնեց (Չեխիա)
Ինտեր (Անդորրա)
ԲԿՄԱ Սոֆիա (Բուլղարիա),
Կաունո Ժալգիրիս (Լիտվա),
Մյելբյու (Շվեդիա),
Իբերիա 1999 (Վրաստան),
Էգնատիա (Ալբանիա)
Լինքոլն Ռեդ Իմպս (Ջիբրալթար)

2025/26 թվականների Կոնֆերենցիայի լիգայի վիճակահանությունը կկայանա ուրբաթ, օգոստոսի 28-ին։

Օգոստոսի 28-ին կայացան Կոնֆերենցիաների լիգայի որակավորման փլեյ-օֆֆ փուլի պատասխան հանդիպումները, որոնց արդյունքով որոշվեցին մրցաշարի լիգայի փուլի վերջին մասնակիցները։

«Մոնակոն» սեփական հարկի տակ 4-1 հաշվով հաղթեց լեհական «Գորնիկին»․ տանտերերի կազմում գոլերով աչքի ընկան Բրաները, Կուլիբալին, Գոլովինը և Բիերեն, հյուրերի կազմում՝ Անտիստը։ Ֆրանսիական ակումբն ընդհանուր դիմակայությունում հաղթեց 7-3 հաշվով ու դուրս եկավ ԿԼ լիգայի փուլ։

⚽ Մոնակո — Գորնիկ / 4-1 / Գոլերը՝ ԱՅՍՏԵՂ

Անդորրայի «Ինտերը» ՈՒԵՖԱ-ի Կոնֆերենցիայի լիգայի որակավորման փլեյ-օֆֆ փուլի պատասխան խաղում 11 մետրանոց հարվածաշարով 0-0 (11 մետրանոց հարվածաշարով՝ 4-2) հաշվով հաղթեց Կոսովոյի «Դրիտային»։ Այսպիսով, անդորրական ակումբը իր պատմության մեջ առաջին անգամ որակավորվեց եվրոպական մրցաշարերի հիմնական փուլ։

Այսօր կայացած մյուս հանդիպումներում գրանցվեցին հետևյալ արդյունքները (մուգ գույնով նշված են դիմակայության հաղթողները)․

⚽ ԿՈՒՊՍ — Շեմրոկ / 1-0 / 
⚽ Յաբլոնեց — Ռեյնջերս / 1-0 / 
⚽ Մակքաբի — Լուգանո / 1-0 / 
⚽ Քարաբագ — Տվենտե / 1-4 / 
⚽ Ֆրայբուրգ — Մազերվիլ / 4-1 / 
⚽ Բրան — ՊԱՕԿ / 3-2 / 
⚽ Կոպնեհագեն — Ինտեր Տուրկու / 4-1 / 
⚽ Հրադեց Կարլովե — Պանատինաիկոս / 1-2 / 
⚽ Ինտեր Անդորրա — Դրիտա / 0-0 / 
⚽ Պաֆոս — Դինամո Սիթի / 4-2 / 
⚽ Ռակով — Հայդուկ Սպլիտ / 2-3 / Գոլերը՝ ԱՅՍՏԵՂ
⚽ Ռիգա — Կլակսվիկ / 2-1 /
⚽ Այաքս — Սիոն / 5-3 / 
⚽ Հապոել — Ատալանտա / 0-1 / 
⚽ Սենտ Գալեն — Նորդշելան / 2-3 / Գոլերը՝ ԱՅՍՏԵՂ
⚽ Աուստրիա — Բրագա / 0-0 / 
⚽ Բորաց — Վիկինգուր / 3-1 / 
⚽ Բրայթոն — Տրոմսյո / 4-0 / 
⚽ Ռիեկա — Միտյուլանդ / 1-4 / 
⚽ Հիբերնիան — Գենտ / 2-3 / 
⚽ Լարնե — Լինքոլն / 0-3 / 
⚽ Պարտիզան — Խետաֆե / 2-1 /

Հայաստանի ֆուտբոլի գործող չեմպիոն «Արարատ-Արմենիան» կարևոր հաղթանակ է տարել՝ իրավունք ստանալով մասնակցելու հեղինակավոր եվրոպական մրցաշարի հիմնական փուլին:

Երևանում կայացած որոշիչ խաղում մեր թիմը 1-0 հաշվով պարտության է մատնել ռումինական «Ունիվերսիտատեա Կրայովա» ակումբին: Երկու խաղերի ընդհանուր արդյունքով հաղթելով (2-1)՝ հայկական թիմն ապահովել է իր տեղը Եվրոպա լիգայի գլխավոր մրցաշարում (լիգայի փուլում):

Առաջինն այս մակարդակում. «Արարատ-Արմենիան» դարձավ հայկական առաջին ակումբը, որը հասնում է հենց Եվրոպա լիգայի հիմնական փուլ: Սա եվրոպական ակումբային ֆուտբոլի երկրորդ ամենակարևոր մրցաշարն է։

Չորրորդը՝ ընդհանուր հաշվարկում. Մինչ այս, ևս երեք հայկական ակումբ («Ալաշկերտ», «Փյունիկ» և «Նոա») կարողացել էին հասնել եվրոպական մրցաշարերի հիմնական փուլ: Նրանք բոլորը խաղացել են ավելի ցածր վարկանիշ ունեցող մրցաշարում՝ Կոնֆերենցիաների լիգայում:

Հայաստանի փոխչեմպիոն «Նոան» ավարտեց համագործակցությունը գլխավոր մարզիչ Սանդրո Պերկովիչի հետ։ Այս մասին փաստում են խորվաթական աղբյուրները՝ մասնավորապես Index.hr և Germanijak պարբերականները։

Պաշտոնանկության հիմնական դրդապատճառը Կոնֆերենցիաների լիգայի որակավորման փուլից դուրս մնալն է։

«Նոան» չկարողացավ հաղթահարել շվեյցարական «Սիոնի» արգելքը. առաջին խաղում գրանցվեց 2:2 հաշիվը, իսկ պատասխան մրցավեճում հայկական ակումբը զիջեց 1:2 հաշվով։

«Նոան» դեռ հանդես չի եկել պաշտոնական հայտարարությամբ։

Խորվաթ մասնագետը երևանյան ակումբը գլխավորել է 2025 թվականին։

​Կոնֆերենցիաների լիգայի 2026/27 թթ. մրցաշրջանի որակավորման երրորդ փուլի պատասխան խաղում «Նոան» Շվեյցարիայի Սյոն քաղաքի «Տուրբիյոն» մարզադաշտում հյուրընկալվելիս 1-2 հաշվով զիջեց տեղի համանուն թիմին։

​Խաղի հաշիվը 25-րդ րոպեին բացեցին հյուրերը. 11-մետրանոց հարվածն անվրեպ իրացրեց Հելդեր Ֆերեյրան՝ առաջ մղելով «Նոային»: Սակայն երկրորդ խաղակեսում շվեյցարական ակումբին հաջողվեց բեկել հանդիպման ընթացքը։ 54-րդ րոպեին Վինսլի Բոտելին վերականգնեց հավասարությունը, իսկ 63-րդ րոպեին Բալտազարը խփեց «Սյոնի» հաղթական գնդակը՝ ձևակերպելով խաղի վերջնահաշիվը։

​Հիշեցնենք, որ թիմերի միջև Հայաստանում կայացած առաջին հանդիպումն ավարտվել էր ոչ-ոքի՝ 2-2 հաշվով: Այսպիսով, երկու խաղերի ընդհանուր 4-3 հաշվով որակավորման փլեյ-օֆֆ փուլի ուղեգիր նվաճեց «Սյոնը»։

​Այս պարտությունից հետո հայկական ակումբը լքեց պայքարը եվրագավաթներում, իսկ «Սյոնը» որակավորման փլեյ-օֆֆում կհանդիպի «Այաքս» – «Շելբուրն» զույգի հաղթողի հետ։

Կոնֆերենցիաների լիգայի որակավորման երրորդ փուլի վճռորոշ պատասխան խաղում Հայաստանի փոխչեմպիոն Երևանի «Նոան» արտագնա հանդիպում կանցկացնի շվեյցարական «Սյոնի» դեմ։

Երևանյան ակումբի խորվաթ գլխավոր մարզիչ Սանդրո Պերկովիչն արդեն հրապարակել է այն ֆուտբոլիստների անունները, որոնք խաղադաշտ դուրս կգան առաջին իսկ րոպեներից։

«Նոայի» մեկնարկայինն ունի հետևյալ տեսքը.

Ֆիգուեյրա, Սաինտինի, Մուրադյան, Բոակիե, Սուալեհե, Օշիմա, Սանգարե, Մանվելյան, Օդեյ, Ֆերեյրա, Յակոլիշ

Հիշեցնենք, որ թիմերի միջև կայացած առաջին դիմակայությունն ավարտվել էր գոլառատ ոչ-ոքիով՝ 2:2 հաշվով։ Շվեյցարիայում կայանալիք հանդիպման մեկնարկային սուլիչը կհնչի Երևանի ժամանակով 22:15-ին։

ՈւԵՖԱ-ի Կոնֆերենցիաների լիգայի որակավորման երրորդ փուլի պատասխան խաղում «Նոան» շվեյցարական «Տուրբիյոն» մարզադաշտում ուժերը կչափի «Սյոնի» հետ։ Մրցող թիմերի միջև կայացած առաջին խաղն ավարտվել է 2:2 հաշվով։

Խաղից առաջ կայացած մամուլի ասուլիսի ժամանակ «Նոայի» գլխավոր մարզիչ Սանդրո Պերկովիչը պատասխանել է լրագրողների հարցերին․

«Ողջույն բոլորին։ Չեմ կարծում, որ «Սյոնի» մասին խոսակցությունները լրացուցիչ ճնշում են գործադրում թիմի վրա։ Տղաները տեղյակ են «Սյոնի» թե՛ ուժեղ, թե՛ թույլ կողմերին։ Մենք մանրամասն վերլուծել ենք մրցակցին, հանդիպում ենք անցկացրել, և ֆուտբոլիստներն ամեն ինչ գիտեն։

Չեմ էլ կարծում, որ նման դետալները հավելյալ մոտիվացիա են հաղորդում։ Իմ անձնական կարծիքով՝ այսպիսի հանդիպումներում ֆուտբոլիստները լրացուցիչ մոտիվացիայի կարիք չունեն, նրանք առանց այդ էլ գերմոտիվացված են։ Սա մեծ խաղ է, լուրջ մրցակից, մեծ բեմ և եվրոպական մրցաշար, այնպես որ նրանց տրամադրվածությունը բավականաչափ բարձր է։

Մենք հնարավորինս լավ ենք նախապատրաստվել։ Ցավոք, չենք կարողանա ապավինել մեզ համար շատ կարևոր որոշ ֆուտբոլիստների, բայց «Շիրակի» դեմ խաղից հետո ունեցած ժամանակն օգտագործել ենք մրցակցին վերլուծելու և առավելագույնս լավ պատրաստվելու համար։

Վերջին հանդիպումներում թիմը շատ լավ տեսք ունի։ Մենք չորս գոլ ենք խփել «Շիրակին», երկու՝ «Սյոնին», երեք՝ «Սյունիքին» և երկու՝ «Զիմբրուին». այնպես որ, մենք շատ ենք գոլեր խփում։ Վաղը ես թիմից ուզում եմ տեսնել այն, ինչ տեսել եմ նախապատրաստական շրջանում՝ որ մենք մրցունակ ենք այս մակարդակում, որ խիզախ ենք և խաղադաշտում ներդնում ենք մեր ողջ ուժերը։ Սա ֆուտբոլ է. երբեմն պարտվում ես, երբեմն՝ հաղթում, բայց ինձ համար ամենակարևորն այդ նվիրվածությունն է։ Մենք պետք է պայքարենք, լինենք համարձակ, տանք մեր առավելագույնը և 90 րոպե անց տեսնենք, թե դա որքանով բավարար եղավ։

Լիովին համամիտ եմ «Սյոնի» գլխավոր մարզչի հետ. կողմերի հնարավորությունները հավասար են։ Անհամբերությամբ ենք սպասում այս հանդիպման մեկնարկին։ Ուզում եմ տեսնել, թե որտեղ է գտնվում իմ թիմն այս մակարդակում, և հուսով եմ՝ վաղը մենք որակյալ ֆուտբոլ ցույց կտանք։ Ինչպես արդեն նշեցի, ամենակարևորն այն է, որ լինենք խիզախ, մրցունակ և անենք հնարավոր ամեն ինչ։ Այդ դեպքում, վստահ եմ, լավ արդյունքն իրեն սպասեցնել չի տա։ Երբեք չգիտես, թե ինչ ընթացք կստանա ֆուտբոլային հանդիպումը՝ ինչպես դա տեսանք մեր վերջին խաղում, բայց մենք պետք է անենք մեր լավագույնը, իսկ խաղավարտին կտեսնենք՝ արդյոք դա բավարար էր հաջողության հասնելու համար»,- նշել է խորվաթ մասնագետը։

Հանդիպման մեկնարկը Երևանի ժամանակով 22։15-ին է։ 

Մամուլի ասուլիսն ամբողջությամբ՝ ստորև․

«Արարատ-Արմենիան» հետաքրքրված է Հայաստանի ազգային հավաքականի և Վարշավայի «Լեգիայի» կիսապաշտպան Վահան Բիչախչյանի ծառայություններով։

Ինչպես հայտնում է լեհ մարզական ինսայդեր Օսկար Մոխնիկը, լավ առաջարկ ստանալու դեպքում «Լեգիան» խոչընդոտներ չի ստեղծի հայ ֆուտբոլիստի հեռանալու համար և պատրաստ է դիտարկել նրա տրանսֆերը:

Երևանյան ակումբն այժմ վստահ ելույթներ է ունենում եվրոգավաթներում․ «Արարատ-Արմենիան» ընդամենը մեկ քայլ է հեռու Չեմպիոնների լիգայի որակավորման փլեյ-օֆֆ փուլից և արդեն իսկ ապահովել է իր տեղը Կոնֆերենցիաների լիգայի լիգայի փուլում։

Եվրոպական ասպարեզում կազմն ուժեղացնելու համար ակումբը մտադիր է խոշոր համալրում իրականացնել։

ՈւԵՖԱ Կոնֆերենցիաների լիգայի որակավորման 3-րդ փուլում «Նոան» սեփական հարկի տակ ոչ-ոքի (2:2) խաղաց շվեյցարական «Սյոնի» հետ։

Խաղից հետո «Սյոնի» գլխավոր մարզիչ Դիդիե Տոլոն ամփոփել է հանդիպումն ու խոսել իր թիմի դրսևորած կամքի մասին։

«Խաղասկզբում անմիջապես հոգեբանական ծանր հարված ստացանք. գոլ ընդունեցինք և շատ արագ մնացինք տասը հոգով։ Իրավիճակն ուղղակի դժոխք էր հիշեցնում։ Բայց մենք կարողացանք արագ վերակազմավորվել և մնալ խաղի մեջ: Թիմը բնավորություն դրսևորեց, ու մենք կարողացանք փրկել հանդիպումը՝ ավարտելով այն ոչ-ոքի: Գուցե երկրորդ խաղակեսում մենք նույնիսկ կարող էինք ավելիին հավակնել, բայց ընդհանուր առմամբ, հաշվի առնելով խաղի նման սցենարը, արդյունքը միանշանակ դրական է:

Այնուամենայնիվ, շատ յուրահատուկ հանդիպում ստացվեց. բարդ է ֆուտբոլ խաղալ նման եղանակային պայմաններում, երբ ուժեղ քամին անընդհատ խանգարում է, իսկ գնդակի հետագիծն անկանխատեսելի է դառնում: Մեր գլխավոր նպատակը գոլ բաց չթողնելն էր, սակայն մենք երկու անգամ ստիպված եղանք գնդակը հանել մեր դարպասից: Կարևորն այն է, որ մենք ուժ գտանք ու ետ բերեցինք կորցրածը:

Այսօր դեռ ոչինչ վճռված չէ, դիմակայության շանսերը լիովին հավասար են՝ 50-50: Այժմ մենք ունենք տնային հանդիպում, որտեղ կփորձենք վերջնականապես վճռել հարցը մեր օգտին»,- նշել է մարզիչը:

Հիշեցնենք, որ մրցող թիմերի միջև պատասխան հանդիպումը կկայանա օգոստոսի 13-ին։