Ֆուտզալի Հայաստանի ազգային հավաքականը ՖԻՖԱ ԱԱ-2028-ի որակավորման հիմնական փուլի երկրորդ տուրում արտագնա հանդիպում անցկացրեց Շվեդիայի ընտրանու դեմ։

Գևլե քաղաքում կայացած դրամատիկ խաղն ավարտվեց մարտական ոչ-ոքի՝ 4-4 հաշվով։

Առաջին խաղակեսից հետո Անտոնիո Ֆերնանդեսի գլխավորած թիմը պարտվում էր 0-4 հաշվով։ Տանտերերի կազմում աչքի ընկան Վիկտոր Սաաֆը (1), Ֆեհիմ Սմայլովիչը (14), Նիմա Կադիվարը (15) և Օսկար Էդհը (20)։ Բացի այդ, 14-րդ րոպեին հայկական թիմի կազմում ուղիղ կարմիր քարտով հեռացվեց Նիկիտա Խրոմիխը։

Երկրորդ խաղակեսում Հայաստանի հավաքականը կարողացավ բեկել հանդիպման ընթացքն ու խուսափել պարտությունից։ 25-րդ և 29-րդ րոպեներին դուբլի հեղինակ դարձավ Գարեգին Մաշումյանը։ Նույն 29-րդ րոպեին Միհրան Դերմենջյանը հաշիվը դարձրեց 3-4, իսկ 34-րդ րոպեին Միքայել Ղանդիլյանը խփեց հայկական թիմի 4-րդ գնդակը՝ վերականգնելով հաշվի հավասարությունը։

Հիշեցնենք, որ որակավորման հիմնական փուլի առաջին տուրում մեր ընտրանին 2-3 հաշվով զիջել էր Հունգարիայի հավաքականին։ Որակավորման փուլում պայքարում է 36 թիմ, որոնք բաժանվել են 12 խմբի՝ յուրաքանչյուրում 3 հավաքական։

Հայաստանի հավաքականը հաջորդ հանդիպումը կանցկացնի դեկտեմբերի 9-ին՝ սեփական հարկի տակ ընդունելով Շվեդիայի ընտրանուն։

Մրցաշարային աղյուսակն այս պահին

ՖԻՖԱ-ի նախագահ Ջանի Ինֆանտինոն հրաժարվել է ֆուտբոլի Աշխարհի առաջնության և աշխարհի ակումբային առաջնության մասնակիցների թիվն ավելացնելու ծրագրերից։

Ինչպես հայտնում է The Times-ը՝ հղում անելով իր աղբյուրներին, Ինֆանտինոն այդ մասին տեղեկացրել է ՖԻՖԱ-ի խորհրդի անդամներին՝ նշելով, որ վերընտրվելու դեպքում չի պնդի մրցաշարերի ընդլայնման հարցում և կհրաժարվի այդ ուղղությամբ ցանկացած ծրագրից։

Լրատվամիջոցի տեղեկություններով՝ այս քայլով Ինֆանտինոն փորձում է թուլացնել իր նկատմամբ ճնշումը՝ կապված Աշխարհի առաջնության հեռարձակման իրավունքների վաճառքի ծրագրերի շուրջ առաջացած սկանդալի հետ, ինչպես նաև համոզել տատանվողներին աջակցել իր թեկնածությանը։

Ներկայումս աշխարհի ակումբային առաջնությանը մասնակցում է 32 թիմ, իսկ ազգային հավաքականների Աշխարհի առաջնությանը՝ 48։

ՖԻՖԱ-ն ծրագրում է զգալիորեն ավելացնել 2027 թվականին Բրազիլիայում կայանալիք կանանց աշխարհի առաջնության մրցանակային հիմնադրամը։

Ըստ Sky News-ի, մրցաշարի մրցանակային ֆոնդը նախատեսվում է հասցնել 220 միլիոն դոլարի՝ կրկնապատկելով 2023 թվականի աշխարհի առաջնության համեմատ նախատեսված գումարը։

Այնուամենայնիվ, նույնիսկ այս աճից հետո կանանց աշխարհի առաջնության մրցանակային հիմնադրամը երկու անգամ փոքր կլինի 2026 թվականի տղամարդկանց աշխարհի առաջնության համար նախատեսված մրցանակային գումարից։

Ֆինանսական աջակցության ավելացմանը զուգահեռ՝ կանանց աշխարհի առաջնության մասնակից ֆուտբոլիստուհիները կօգտվեն տղամարդկանց մրցաշարի հետ համադրելի պայմաններից։ Մասնավորապես, նախատեսվում են բիզնես դասի չվերթներ և հյուրանոցներում առանձին համարներ։

Ֆուտզալի Հայաստանի ազգային հավաքականը նոյեմբերի 1-5-ը մարզական հավաք կանցկացնի ՀՖՖ Տեխնիկական կենտրոն/ֆուտբոլի ակադեմիայում։ Այս մասին հայտնում է ՀՖՖ-ի պաշտոնական կայքը։

Ազգային հավաքականի գլխավոր մարզիչ Անտոնիո Ֆերնանդեսը ուսումնամարզական հավաքին հրավիրել է հետևյալ ֆուտզալիստներին։

• Ալբերտ Աղաջանով — «ՏԶՄՍ Տուլա»
• Ֆակունդո Օհաննեսյան — «Բուրելա»
• Արթուր Մկրտչյան — «Յունիսպորտ»
• Մարտին Ռամիրո — «Պրիմեռա Խունտա»
• Աղասի Եղիազարյան — «Երևան»
• Պուտրուս Վասիլև — «Յունիսպորտ»
• Արթուր Մելքոնյան — «Յունիսպորտ»
• Միհրան Դերմենջյան — «Յունիսպորտ»
• Սարգիս Մարգարյան — «Յունիսպորտ»
• Միքայել Ղանդիլյան — «Երևան»
• Գարեգին Մաշումյան — «Յունիսպորտ»
• Նիկիտա Խրոմիխ
• Ռաֆիկ Մելիքյան — «Յունիսպորտ»
• Դենիս Նեվեդրով — «Տյումեն»
• Արսեն Պետրոսով — «Տորպեդո»
• Էրիկ Լազարյան — «Երևան»
• Էրիկ Հակոբյան — «Երևան»

Այս հավաքով մեր ընտրանին կպատրաստվի ՖԻՖԱ ֆուտզալի ԱԱ-2028-ի որակավորման հիմնական փուլի՝ Շվեդիայի դեմ արտագնա հանդիպմանը։ Այն կկայանա նոյեմբերի 7-ին՝ Երևանի ժամանակով18:00-ին, շվեդական Գևլե քաղաքի Գևլեհովշալեն մարզահամալիրում։

ՖԻՖԱ ֆուտզալի ԱԱ-2028-ի որակավորման հիմնական փուլի առաջին խաղում մեր ընտրանին 2-3 հաշվով զիջել էր Հունգարիայի հավաքականին։

Կայացավ France Football ամսագիրի 2025/26 մրցաշրջանի արդյունքներով «Ոսկե գնդակի» մրցանակաբաշությունը Լոնդոնի «Պալադիում» թատրոնում։

Այս տարի «Ոսկե գնդակը» պատմության մեջ առաջին անգամ հանձնվեց Ֆրանսիայի սահմաններից դուրս։ Մրցանակաբաշխության անցկացման վայրը Լոնդոնն է։ Քաղաքի ընտրությունը կապված է նաև այն հանգամանքի հետ, որ մրցանակի առաջին դափնեկիրը՝ 1956 թվականին, անգլիացի ֆուտբոլիստ Սթենլի Մեթյուզն էր։

2026 թվականի «Ոսկե գնդակի» մրցանակին արժանացավ «Բավարիայի» և Անգլիայի հավաքականի հարձակվող Հարի Քեյնը։

Քեյնը դարձավ առաջին անգլիացին, որը արժանանացավ այս մրցանակին 2001 թվականից ի վեր, երբ այն ստացել էր Մայքլ Օուենը։

Հարի Քեյնը ճանաչվել է նաև 2025/26 մրցաշրջանի լավագույն հարձակվող։ Անգլիացի ֆուտբոլիստը 2025/26 մրցաշրջանում «Բավարիայի» կազմում դարձել է Գերմանիայի չեմպիոն, նվաճել Գերմանիայի գավաթը և Սուպերգավաթը։ Քեյնը նաև արդյունավետ մրցաշրջան է անցկացրել անհատական ցուցանիշների տեսանկյունից։ Նա բոլոր մրցաշարերում «Բավարիայի» և Անգլիայի հավաքականի կազմում խփել է 73 գոլ՝ մասնակցելով 65 հանդիպման։ Գերմանիայի առաջնությունում Քեյնը դարձել է լավագույն ռմբարկու՝ 31 խաղում խփելով 36 գոլ։

Լավագույն ֆուտբոլիստի քվերակության արդյունքները․

🔟 «Ոսկե գնդակ-2026»-ի լավագույն տասնյակը՝

Ուսման Դեմբելե («Պարի Սեն-Ժերմեն», Ֆրանսիա)

Էրլինգ Հալանդ («Մանչեսթեր Սիթի», Նորվեգիա)

Հարի Քեյն («Բավարիա», Անգլիա)

Խվիչա Կվարացխելիա («Պարի Սեն-Ժերմեն», Վրաստան)

Լամին Յամալ («Բարսելոնա», Իսպանիա)

Կիլիան Մբապե («Ռեալ Մադրիդ», Ֆրանսիա)

Լիոնել Մեսսի («Ինտեր Մայամի», Արգենտինա)

Մայքլ Օլիսե («Բավարիա», Ֆրանսիա)

Ռոդրի («Մանչեսթեր Սիթի» / «Բարսելոնա», Իսպանիա)

Ֆաբիան Ռուիս («Պարի Սեն-Ժերմեն», Իսպանիա)

France Football-ը հրապարակել է նաև 30-ից 20-րդ տեղերը զբաղեցրած ֆուտբոլիստներին:

29-30․ Սադիո Մանե (Ալ-Նասր, Սենեգալ);

29-30․ Ուիլյամ Սալիբա (Արսենալ, Ֆրանսիա);

28. Խուլիան Անդրես Կինյոնես (Ալ-Կադիսիյա, Մեքսիկա);

27. Բրունո Ֆերնանդեշ (Մանչեսթեր Յունայթեդ, Պորտուգալիա);

26. Դայո Ուպամեկանո (Բավարիա, Ֆրանսիա).

25. Մարկինյոս (ՊՍԺ, Բրազիլիա);

24. Լուիս Դիաս (Բավարիա, Կոլումբիա);

23. Նունո Մենդեշ (ՊՍԺ, Պորտուգալիա);

22. Լաուտարո Մարտինես (Ինտեր, Արգենտինա);

21. Գաբրիել (Արսենալ, Բրազիլիա).

20. Վիլիան Պաչո (ՊՍԺ, Էկվադոր);

19. Ժոաու Նևեշ (ՊՍԺ, Պորտուգալիա);

18. Մարկ Կուկուրելա (Չելսի/Ռեալ Մադրիդ, Իսպանիա);

17. Վինիսիուս Ժունիոր (Ռեալ Մադրիդ, Բրազիլիա);

16. Ֆերան Տորես (Բարսելոնա/ՊՍԺ, Իսպանիա).

15. Դեկլան Ռայս (Արսենալ, Անգլիա):

14. Վիտինյա (ՊՍԺ, Պորտուգալիա):

13. Աշրաֆ Հակիմի (ՊՍԺ, Մարոկկո):

12. Պաու Կուբարսի (Բարսելոնա, Իսպանիա):

11. Ջուդ Բելինգհեմ (Ռեալ Մադրիդ, Անգլիա):

ՖԻՖԱ-ի նախագահ Ջանի Ինֆանտինոն մտադիր է եղել աննախադեպ մասշտաբների ֆուտբոլային մրցաշար կազմակերպել, սակայն նրա գաղափարը հանդիպել է կոշտ դիմադրության։

Ինչպես հաղորդում է The Athletic-ը, Ինֆանտինոն անձամբ է մասնակցել մինչև 15 տարեկանների Աշխարհի առաջնության անցկացման ծրագրի մշակմանը: Նախագծի համաձայն՝ աննախադեպ մրցաշարին պետք է մասնակցեին ՖԻՖԱ-ի անդամ բոլոր 211 ազգային ասոցիացիաների հավաքականները:

Ենթադրվում էր, որ Մունդիալը կհյուրընկալեր ամերիկյան Ֆլորիդա նահանգը: Մրցաշարն առանձնանալու էր յուրահատուկ կանոններով ու ձևաչափով.

Թիմերը պետք է անցկացնեին կրճատված ժամանակով հանդիպումներ՝ չափսերով ավելի փոքր խաղադաշտերում:

Բացման և փակման հանդիսավոր արարողությունները նախատեսվում էր կազմակերպել Disney զբոսայգում:

Որպես մրցաշարի գլխավոր ուղերձ և խորհրդանիշ՝ Ինֆանտինոն ծրագրել էր բացման խաղում միմյանց դեմ դուրս բերել Իսրայելի և Պաղեստինի պատանեկան հավաքականներին։

Այս հավակնոտ ու ոչ ստանդարտ գաղափարը, սակայն, չարժանացավ ֆուտբոլային հանրության հավանությանը: Նախագիծը խստորեն քննադատվեց տարածաշրջանային գլխավոր կառույցների՝ ՈՒԵՖԱ-ի, ԿՈՆՄԵԲՈԼ-ի, Ասիական (ԱՖԿ) և Հյուսիսամերիկյան (ԿՈՆԿԱԿԱՖ) ֆուտբոլային կոնֆեդերացիաների կողմից:

Արդյունքում, 2026 թվականի Աշխարհի առաջնությանն ընդառաջ լայնամասշտաբ պատանեկան մրցաշարի նախագիծը վերջնականապես կասեցվեց և փակվեց:

ՈՒԵՖԱ-ի ներկայացուցիչները հայտարարել են, որ Աշխարհի առաջնության բոյկոտը վերացնելու պայմանները չեն կատարվել, և որ ՖԻՖԱ-ի նախագահ Ջանի Ինֆանտինոյի նկատմամբ վստահության պակաս կա, չնայած նրա ներողությանը և Աշխարհի առաջնության իրավունքների վաճառքի ծրագրի հետկանչին: Եվրոպական ֆուտբոլի կառավարող մարմինը կասկած հայտնեց Մարոկկոյում տեղի ունեցած արտակարգ բանակցություններից հետո ՖԻՖԱ-ի համատեղ հայտարարության ճշմարտացիության վերաբերյալ, որտեղ խորհրդի անդամները ինքնահռչակեցին կազմակերպության նախագահին իրենց «լիակատար աջակցությունը»:

Բոյկոտի պատճառով եվրոպական թիմերի մասնակցությունը ՖԻՖԱ-ի հաջորդ մրցաշարին՝ 2018 թվականի Լեհաստանում կայանալիք մինչև 20 տարեկան կանանց Աշխարհի առաջնությանը, մնում է կասկածի տակ:

«ՈՒԵՖԱ-ի ասոցիացիաները հստակորեն նշել են այն պայմանները, որոնց դեպքում կարող է վերացվել ՖԻՖԱ-ի մրցաշարերի բոյկոտը։

Նախ, խոշոր մրցաշարեր անցկացնելու իրավունքների վաճառքի առաջարկները պետք է հետ վերցվեն։ Երկրորդ, պետք է երաշխիքներ տրվեն, որ ֆուտբոլի էությունը խեղաթյուրելու նման փորձերը երբեք այլևս չեն կրկնվի։

Այս պայմանները չեն կատարվել։ Ավելին, շաբաթ օրը իր հայտարարության մեջ ՈՒԵՖԱ-ն հստակորեն հայտարարեց, որ կորցրել է վստահությունը Ջանի Ինֆանտինոյի նախագահության նկատմամբ։ Մեր դիրքորոշումը մնում է անփոփոխ։

Երեկ արված հայտարարությունը, որ ՖԻՖԱ-ի նախագահի աշխատակազմի որոշ ներկայացուցիչներ համաձայն են նրա հետ, ոչինչ չի փոխում», — ասվում է ՈՒԵՖԱ-ի հայտարարության մեջ, որը մեջբերել է Sky News-ը։

Ֆրանսիական մամուլում բռնկված նոր սկանդալը ստվեր է գցում 1998 թվականի աշխարհի առաջնությունում Ֆրանսիայի հավաքականի պատմական հաղթանակի վրա: Ֆրանսիայի նախկին սպորտի նախարար Մարի-Ժորժ Բյուֆեն խոստովանել է, որ 1998 թվականի տնային մրցաշարից առաջ գերատեսչությունը դադարեցրել է ազգային հավաքականի ֆուտբոլիստների արտապլանային դոպինգ-ստուգումները:

Այս աղմկահարույց բացահայտումն արվել է Մադրիդի «Ռեալի» և Ֆրանսիայի հավաքականի լեգենդար նախկին ֆուտբոլիստ Զինեդին Զիդանի մասին պատմող վավերագրական ֆիլմում: Ֆիլմում նախկին դոպինգ-տեսուչ Ալեն Գարնիեն պատմել է 1997 թվականին՝ աշխարհի առաջնությունից յոթ ամիս առաջ, Տինում կայացած ուսումնամարզական հավաքի ժամանակ տեղի ունեցած միջադեպի մասին: Այն ժամանակ սպորտի նախարարության բժիշկ Գարնիեն նախաձեռնել էր անակնկալ ստուգում, սակայն ֆուտբոլիստները ստիպել էին նրան սպասել մի քանի ժամ: Ի վերջո, հանձնված թեստերը բացասական արդյունք էին տվել:

«Շաբաթվա սկզբին, երբ հանգստյան օրերից հետո եկա նախարարություն, Մարի-Ժորժ Բյուֆեն ինձ հաստատեց, որ մինչև աշխարհի առաջնությունը ես այլևս չպետք է անհանգստացնեմ Ֆրանսիայի հավաքականին: Այլ կերպ ասած՝ ոչ մի հանկարծակի ստուգում: Ես խնդրեցի դա ձևակերպել գրավոր: Նա միայն ժպտաց, և ես միանգամից հասկացա, որ նման կարգադրություն թղթի վրա երբեք չեմ ստանա: Հենց այդ ժամանակ նա ինձ ասաց. «Եթե դա ձեզ չի գոհացնում, դիմեք Մատինյոն» (Ֆրանսիայի վարչապետի նստավայրը)»,- Գարնիեի խոսքերը մեջբերում է RMC Sport-ը:

1997-2002 թվականներին սպորտի նախարարի պաշտոնը զբաղեցրած Բյուֆեն, որը նախկինում հերքում էր բոլոր նմանատիպ մեղադրանքները, այժմ հաստատել է Գարնիեի խոսքերը.

«Եթե դոկտոր Գարնիեն այդպես է ասում, ուրեմն դա ճշմարտություն է: Նա ազնիվ մարդ է: Մենք դա հենց այդպես չէինք ձևակերպել, բայց էությունն այն էր, որ դա նահանջ էր: Աշխարհի առաջնությունից հետո մենք կրկին վերադարձանք դոպինգի դեմ պայքարին: Ցուցումը, հավանաբար, մեզ էր փոխանցվել նախարարությունների ապարատների միջոցով, բայց այն անձամբ վարչապետից չէր գալիս (այդ ժամանակ պաշտոնը զբաղեցնում էր Լիոնել Ժոսպենը)»:

Հիշեցնենք, որ 1998 թվականի աշխարհի առաջնության եզրափակիչում ֆրանսիացիները 3-0 հաշվով ջախջախեցին Բրազիլիայի հավաքականին: Մրցաշարի հաղթող դարձած Ֆրանսիայի հավաքականի վերջնական հայտացուցակում ընդգրկված էին հետևյալ ֆուտբոլիստները.

Դարպասապահներ. Ֆաբիեն Բարտեզ, Բեռնար Լամա, Լիոնել Շարբոնիե

Պաշտպաններ. Լորան Բլան, Մարսել Դեսայի, Լիլիան Տյուրամ, Բիքսանտ Լիզարազյու, Ֆրանկ Լեբյոֆ, Վենսան Կանդելա

Կիսապաշտպաններ. Քրիստիան Կարամբյո, Դիդիե Դեշամ, Զինեդին Զիդան, Պատրիկ Վիեյրա, Յուրի Ջորկաեֆ, Էմանուել Պետի, Ալեն Պողոսյան, Ռոբեր Պիրես

Հարձակվողներ. Տիերի Անրի, Դավիդ Տրեզեգե, Քրիստոֆ Դյուգարի, Ստեֆան Գիվարշ, Բեռնար Դիոմեդ

«Ռեալ Մադրիդը» պաշտոնական հայտարարություն է տարածել ՖԻՖԱ-ի կողմից իր մրցաշարերի առևտրային իրավունքները մասնակիորեն վաճառելու գաղափարից հրաժարվելու որոշումից հետո։

«Ռեալ Մադրիդը ողջունում է ՖԻՖԱ-ի որոշումը՝ հրաժարվել իր մրցաշարերի առևտրային իրավունքները մասնակիորեն վաճառելու առաջարկից։ Մեր ակումբը կարծում է, որ սա լավ նորություն է ֆուտբոլի, նրա ինստիտուտների և, ամենակարևորը, մեր սիրելի սպորտաձևի միլիոնավոր երկրպագուների համար», — ասվում է հայտարարության մեջ»։

«Ռեալ Մադրիդը ցանկանում է իր երախտագիտությունը հայտնել ՈՒԵՖԱ-ին, կոնֆեդերացիաներին, ֆեդերացիաներին և բոլոր կազմակերպություններին, որոնք վճռականորեն և պատասխանատու կերպով դեմ են արտահայտվել այս նախագծին։ Նրանց միասնությունն ու պարտքի զգացումը օգնեցին պաշտպանել ֆուտբոլը վճռորոշ պահին», — ասված է հայտարարության մեջ։

Հիշեցնենք, որ լրատվամիջոցներում նախկինում հաղորդվել էր, որ Ջանի Ինֆանտինոն առաջ էր մղել ՖԻՖԱ-ի մրցաշարերի առևտրային իրավունքների մի մասը մասնավոր ներդրողներին վաճառելու գաղափարը։ Այս նախաձեռնությունը հանդիպել է ֆուտբոլային համայնքի զգալի դիմադրությանը։

Ֆրանսիայի հավաքականի կազմում 2018 թվականի աշխարհի չեմպիոն Բենժամեն Մենդին վաճառել է Աշխարհի գավաթի իր պաշտոնական կրկնօրինակը և հասցրել կոշտ արձագանքել այդ քայլին հաջորդած քննադատություններին։

Ամերիկյան Goldin աճուրդի տանը կազմակերպված «Global Football Auction Part 2» աճուրդի արդյունքում 32-ամյա ֆուտբոլիստի գավաթը վաճառվել է 62 հազար երկու հարյուր դոլարով։ Նոր սեփականատերը ստացել է հենց Մենդիի կողմից ստորագրված իսկության հավաստագիր։ Հայտնի է, որ գավաթի հիմքի վրա կա փոքր ճաք և մաշվածության նշաններ, ինչպես նաև հուշագրություն՝ նվիրված Ռուսաստանում կայացած Մունդիալում Ֆրանսիայի հավաքականի հաղթանակին։

Աշխարհի չեմպիոնի այս անսպասելի որոշումը բուռն քննարկումների և քննադատությունների տեղիք էր տվել համացանցում։ «Մանչեսթեր Սիթիի» նախկին պաշտպանը չի լռել և իր Snapchat-ում պատասխանել է դժգոհողներին.

«Սա ի՞մ գավաթն է, թե՞ ձեր: Իրականում այն ինձ է պատկանում: Սա իմ գավաթն է, և ես դրա հետ անում եմ այն, ինչ ուզում եմ: Բացի այդ, այն պահարանումս չափազանց շատ տեղ էր զբաղեցնում»,- գրել է Մենդին:

Ավելի ուշ պաշտպանը հրապարակել է իր կարիերայի ընթացքում նվաճած այլ տիտղոսների լուսանկարներ՝ հեգնանքով ակնարկելով.

«Ի դեպ, ես դեռ վաճառելու ուրիշ բաներ էլ ունեմ»։

Հիշեցնենք, որ ժամանակին աշխարհի ամենաթանկարժեք պաշտպանը համարվող Մենդին 2021 թվականին հայտնվել էր ծանր դատավարությունների կենտրոնում՝ մեղադրվելով բռնաբարության մի քանի դրվագներով։ Երկու տարվա ընդմիջումից, որի մի մասը նա անցկացրեց բանտում, 2023 թվականի հուլիսին ֆրանսիացին լիովին արդարացվեց բոլոր մեղադրանքներով։

Դրանից հետո ֆրանսիացին փորձեց վերականգնել կարիերան «Լորիանում» և շվեյցարական «Ցյուրիխում», իսկ 2025 թվականի սեպտեմբերից հանդես է գալիս լեհական «Պոգոնում», որի հետ վերջերս երկարաձգել է պայմանագիրը ևս մեկ տարով։ Խոսելով Լեհաստան տեղափոխվելու մասին՝ Մենդին նշել էր, որ իրեն գրավել է ակումբի ծրագիրն ու վերականգնվելու համար ժամանակ տրամադրելու պատրաստակամությունը։