PFL թեթևքաշային չեմպիոն Ուսման Նուրմագոմեդովը հայտնել է իր պատրաստակամությունը UFC-ում իր նորամուտը նշելու Արման Ծառուկյանի դեմ։

«UFC-ն կարող է դա անել։ Որովհետև էլ ո՞ւմ հետ մենամարտի Արմանը։ Եթե նրանք նույնիսկ 30%-ով վստահ լինեին, որ Թոփուրիան կարող է հաղթել Արմանին, վաղուց կկազմակերպեին մենամարտը։ Բայց Թոփուրիան նրանց համար «ոսկի բերող» տղա է, ուստի դա տեղի չի ունենա։

Փիմբլետը նույնպես նրանց սիրելին է, չնայած Գեթջին վերջերս ներկել է նրա դեմքը։

Վերնագրերի համար և մենամարտը վաճառելու համար Ուսման Նուրմագոմեդովը ցանկացած UFC մարտիկի դեմ լավ մենամարտ է։ Բայց Արմանի հետ մենարատը՝ լավ կվաճառվի», — մեջբերում է Նուրմագոմեդովին Championat-ը։

Նշենք, որ ավելի վաղ UFC-ի թեթև քաշային կարգի վարկանիշային աղյուսակի երկրորդ համար, Հայաստանը ներկայացնող Արման Ծառուկյանը հայտարարել է, որ ծրագրում է 2027 թվականի սկզբին մենամարտել իր քաշային կարգի գործող չեմպիոն, ամերիկացի Ջասթին Գեյջիի դեմ։ Մանրամասները՝ ԱՅՍՏԵՂ։

Բռնցքամարտի Հայաստանի հավաքականը երկու բրոնզե մեդալ է նվաճել Բուլղարիայում անցկացված Եվրոպայի առաջնությունում: Այս մասին հայտնում է ԿԳՄՍՆ մամուլի ծառայությունը։

Հայաստանի ներկայացուցիչներից պատվո հարթակի երրորդ աստիճանին են կանգնել մինչև 23 տարեկանների Եվրոպայի եռակի չեմպիոն Էլիդա Քոչարյանը (65 կգ) և աշխարհի առաջնության բրոնզե մեդալակիր Ռուդոլֆ Գարբոյանը (50 կգ): Վերջինս Եվրոպայի մեծահասակների առաջնություններում իր առաջին մեդալն է նվաճել:

Տղամարդկանց հավաքականի կազմում ընդգրկված էին նաև Ժիրայր Սարգսյանը (55 կգ), Արթուր Բազեյանը (60 կգ), Արթուր Սահակյանը (65 կգ), Հարություն Հակոբկոխյանը (70 կգ), Մարատ Միքայելյանը (75 կգ), Արտուշ Հովհաննիսյանը (80 կգ), Ռաֆայել Հովհաննիսյանը (85 կգ), Նարեկ Մանասյանը (90 կգ) և Դավիթ Չալոյանը (+ 90 կգ)։

Կանանց հավաքականի կազմում ռինգ են դուրս եկել նաև Հեղինե Պետրոսյանը (48 կգ) և Լուսյա Ավետիսյանը (54 կգ)։

UFC-ի թեթև քաշային կարգի վարկանիշային աղյուսակի երկրորդ համար, Հայաստանը ներկայացնող Արման Ծառուկյանը հայտարարել է, որ ծրագրում է 2027 թվականի սկզբին մենամարտել իր քաշային կարգի գործող չեմպիոն, ամերիկացի Ջասթին Գեյջիի դեմ։

«Ղեկավարությունը գոհ էր իմ ելույթից և ասաց, որ մենք կխոսենք հաջորդ շաբաթ։ Հետո ես հարցրի՝ արդյոք տիտղոսային մենամարտ կստանամ։ Նրանք պատասխանեցին՝ այո։ Իմ հաջորդ մենամարտը լինելու է տիտղոսային։ Ես ցանկանում եմ չեմպիոնական գոտու համար պայքարել Ջասթին Գեյջիի դեմ։ Հուսով եմ՝ այդ մենամարտը կկայանա հաջորդ տարվա սկզբին»,— Ծառուկյանի խոսքերն է մեջբերում X սոցիալական ցանցի FightLuck էջը։

Հիշեցնենք, որ Ծառուկյան – Ռուֆի դիմակայությունը կայացել էր սեպտեմբերի 19-ի լույս 20-ի գիշերը Լոս Անջելեսի Crypto.com արենայում։ Հայ մարտիկը փայլուն հաղթանակ էր տարել՝ առաջին ռաունդի ավարտից ընդամենը 4 վայրկյան առաջ մրցակցին ենթարկելով նոկաուտի։

UFC-ի թեթև քաշային կարգի դասակարգման աղյուսակի երկրորդ համար Արման Ծառուկյանը հաստատել է, որ պրոմոուշենի հետ տիտղոսային մենամարտ անցկացնելու վերջնական պայմանավորվածություն ունի։

Այս մասին X սոցիալական ցանցի իր էջում գրել է հայտնի մարզական լրագրող Արիել Հելվանին՝ մեջբերելով հայ մարտիկի խոսքերը։

«Դեռ մենամարտից առաջ ինձ ասել էին, որ հաղթելու դեպքում հաջորդը ես եմ պայքարելու տիտղոսի համար։ Ես հաղթեցի, և ինձ կրկնեցին նույնը։ UFC-ում շատ գոհ էին իմ ելույթից և խոստացան զբաղվել տիտղոսային մենամարտի կազմակերպմամբ։ Այս անգամ ես «խելոք տղա» էի և ոչ մի տարօրինակ բան չարեցի»,- նշել է Ծառուկյանը։

Հիշեցնենք, որ UFC 331 մրցաշարում Ծառուկյանը փայլուն ելույթ ունեցավ՝ ժամկետից շուտ ավարտելով մենամարտը։ Առաջին ռաունդի ավարտից ընդամենը 3 վայրկյան առաջ նա տպավորիչ նոկաուտի ենթարկեց բրազիլացի Մաուրիսիո Ռուֆիին։ Այժմ հայ մարտիկի ակտիվում կա պրոֆեսիոնալ մակարդակում տարած 24 հաղթանակ (որից 10-ը՝ նոկաուտով) և ընդամենը 3 պարտություն։

Նախքան այս տպավորիչ հաղթանակը, Ծառուկյանը վերջին անգամ օկտագոն էր դուրս եկել նախորդ տարվա նոյեմբերին՝ Կատարում կայացած UFC Fight Night 265-ի գլխավոր մենամարտում պարտության մատնելով Դեն Հուկերին։

Ի սկզբանե նախատեսված էր, որ 2025 թվականի հունվարին կայանալիք UFC 311 մրցաշարում Արման Ծառուկյանը պետք է մրցեր Իսլամ Մախաչևի հետ, սակայն սպասված մենամարտից ընդամենը երկու օր առաջ նա մեջքի վնասվածքի պատճառով ստիպված էր եղել հրաժարվել հանդիպումից։ Ավելի վաղ մարտիկը երկու ամսով որակազրկվել և հեռացվել էր մենամարտերից։

Հայ մենամարտիկ Արման Ծառուկյանն իր հաջորդ գոտեմարտը կանցկացնի Լաս Վեգասում՝ պայքարելով չեմպիոնական տիտղոսի համար:

Ինչպես հաղորդում է ըմբշամարտի RAF պրոմոուշենի մամուլի ծառայությունը, Ծառուկյանի մրցակիցը կլինի ամերիկացի Դիլոն Դենիսը:

Հայ-ամերիկյան այս դիմակայությունը կգլխավորի RAF 14 մրցաշարը, որտեղ կողմերը կվիճարկեն կազմակերպության միջին քաշային կարգի չեմպիոնի կոչումը: Մրցաշարը կայանալու է հոկտեմբերի 23-ին՝ ԱՄՆ-ի Նևադա նահանգի Լաս Վեգաս քաղաքում գտնվող «Fontainebleau Las Vegas» արենայում:

Հիշեցնենք, որ RAF լիգայում Ծառուկյանն իր վերջին գոտեմարտն անցկացրել է հուլիսի 18-ին՝ Միլուոքիում կայացած RAF 11 մրցաշարում, որտեղ միավորներով զիջել է ամերիկացի Քոլբի Քովինգթոնին:

Ինչ վերաբերում է UFC-ում նրա ելույթներին, ապա հայ մարտիկն օկտագոն է դուրս եկել օրեր առաջ՝ սեպտեմբերի 20-ին։ Լոս Անջելեսում կայացած UFC 331 մրցաշարում Ծառուկյանն արդեն առաջին ռաունդում տպավորիչ նոկաուտի էր ենթարկել բրազիլացի Մաուրիսիո Ռուֆիին:

 

Посмотреть эту публикацию в Instagram

 

Публикация от Real American Freestyle (@rafwrestlingusa)

Հայտնի են դարձել UFC-ի թեթև քաշային կարգի դասակարգման երկրորդ համար, Հայաստանը ներկայացնող Արման Ծառուկյանի և բրազիլացի Մաուրիսիո Ռուֆիի բժշկական որակազրկումների ժամկետները UFC 331 մրցաշարում կայացած մենամարտից հետո։

Ինչպես հաղորդում է MMAJunkie պարբերականը՝ վկայակոչելով Կալիֆոռնիայի նահանգի սպորտային հանձնաժողովին, երկու մարտիկներն էլ ստացել են նույնատիպ սահմանափակումներ: Ծառուկյանն ու Ռուֆին որակազրկվել են 45 օրով, ընդ որում՝ առաջիկա 30 օրվա ընթացքում նրանց արգելվում է անցկացնել կոնտակտային մարզումներ: Բացի այդ, աջ աչքի շրջանում ստացած պատռվածքի պատճառով երկու մարզիկներն էլ 60 օրով կամ մինչև բժշկի հատուկ թույլտվությունը հեռացվել են խառը մենամարտերի մրցումներից։

Հիշեցնենք, որ Ծառուկյան – Ռուֆի դիմակայությունը կայացել էր սեպտեմբերի 19-ի լույս 20-ի գիշերը Լոս Անջելեսի «Crypto.com» արենայում։ Հայ մարտիկը փայլուն հաղթանակ էր տարել՝ առաջին ռաունդի ավարտից ընդամենը 4 վայրկյան առաջ մրցակցին ենթարկելով նոկաուտի։

UFC-ի նախագահ Դանա Ուայթն անդրադարձել է թեթև քաշային կարգի գործող չեմպիոն, ամերիկացի Ջասթին Գեյջիի (28-5) և հայազգի մարտիկ Արման Ծառուկյանի (24-3) միջև հնարավոր տիտղոսային մենամարտին։

Կազմակերպության ղեկավարը նշել է, որ մենամարտի կայացումը մեծապես կախված է գործող չեմպիոնի որոշումից:

«Տիտղոսայի՞ն մենամարտ։ Ամեն ինչ կախված է Գեյջիից։ Մենք դեռ չգիտենք, թե ինչ ծրագրեր նա ունի։ Այսօր նա այստեղ էր [UFC 331 մրցաշարին — խմբ.]: Տեսնենք, թե ինչ է նա մտածում այդ մասին»,- ասել է Ուայթը։

Զուգահեռաբար, մարտիկների հնարավոր դիմակայության շուրջ խոսակցությունները թեժացնում է նաև բուն կազմակերպությունը։ UFC Eurasia-ի ինստագրամյան պաշտոնական էջը հարցում է հրապարակել երկրպագուների համար՝ գրելով. «Ո՞վ է լինելու Արման Ծառուկյանի հաջորդ մրցակիցը»: Հատկանշական է, որ որպես պատասխանի հնարավոր բոլոր տարբերակներում նշվել է միայն Ջասթին Գեյջիի անունը, ինչն ակնհայտ ակնարկ է ապագա մենամարտի վերաբերյալ։

Հիշեցնենք, որ Գեյջին UFC-ի թեթև քաշային կարգի չեմպիոնական գոտին նվաճել է այս տարվա հունիսին՝ սենսացիոն կերպով նոկաուտի ենթարկելով վրացի Իլիա Թոփուրիային (17-1)։ Արման Ծառուկյանն իր հերթին փայլուն ելույթ ունեցավ սեպտեմբերի 20-ին կայացած UFC 331 մրցաշարում՝ հենց առաջին ռաունդում տպավորիչ նոկաուտով հաղթելով բրազիլացի Մաուրիսիո Ռուֆիին (14-3)։

Նշենք, որ մինչև այս հաղթանակը հայազգի մարտիկը թեթև քաշային կարգի պաշտոնական վարկանիշային աղյուսակում զբաղեցնում էր երկրորդ հորիզոնականը՝ ամրապնդելով տիտղոսի գլխավոր հավակնորդի իր կարգավիճակը:

Посмотреть эту публикацию в Instagram

Публикация от UFC Eurasia (@ufceurasia)

UFC-ի նախագահ Դանա Ուայթը մեկնաբանել է թեթև քաշային կարգի դասակարգման երկրորդ համար, Հայաստանը ներկայացնող Արման Ծառուկյանի փայլուն հաղթանակը բրազիլացի Մաուրիսիո Ռուֆիի նկատմամբ։

Սպասված մենամարտը կայացել էր խառը մարտարվեստների (MMA) UFC 331 մրցաշարի երկրորդ գլխավոր իրադարձության շրջանակում։

«Արմանի օրինակն այն մասին է, երբ դու ձախողվում ես, բայց հետո վերադառնում ու ամեն ինչ անում ես այնպես, ինչպես հարկն է։ Նկատի ունեմ՝ այն ամենից հետո, ինչ նա արեց, ավելի լավ վերադարձ պարզապես անհնար էր հորինել»,- նշել է Ուայթը մամուլի ասուլիսի ժամանակ։

Հիշեցնենք, որ դիմակայությունն ավարտվել էր հենց առաջին ռաունդում. հայ մարտիկն նոկաուտի էր ենթարկել մրցակցին։ Սա Արման Ծառուկյանի 11-րդ հաղթանակն էր անմիջապես UFC-ում և 24-րդը՝ պրոֆեսիոնալ կարիերայում։

ԱՄՆ-ի Լոս Անջելես քաղաքում կայացած UFC 331 մրցաշարում միջին քաշային կարգում հանդես եկող ամերիկահայ մարտիկ Էդմեն Շահբազյանը հաղթել է բրազիլացի Բրունո Ֆերեյրային:

28-ամյա մարտիկն առավելության է հասել մրցավարների միաձայն որոշմամբ: Հաղթանակը տոնելիս Շահբազյանն օկտագոնում ծածանել է Հայաստանի պետական դրոշը:

Խառը մենամարտերում (MMA) Շահբազյանն անցկացրել է 23 մենամարտ, որոնցից 17-ում հաղթել է, իսկ 6-ում՝ պարտվել: 33-ամյա Ֆերեյրան իր ակտիվում այժմ ունի 15 հաղթանակ և 5 պարտություն:

Հիշեցնենք, որ UFC 331 մրցաշարի շրջանակում հաղթանակ էր գրանցել նաև UFC-ի թեթև քաշային կարգի դասակարգման երկրորդ համար Արման Ծառուկյանը: Հայ մարտիկը մրցաշարի երկրորդ գլխավոր մենամարտի հենց առաջին ռաունդում նոկաուտի էր ենթարկել բրազիլացի Մաուրիսիո Ռուֆիին:

Victoria para Aemrenia 🇦🇲

Victoria para Edmen Shahbazyan por decisión unánime 🚨#CryptoCom #UFC331 | Ver en vivo por @PPlusDeportes pic.twitter.com/mr2qxVhaiO

— UFC Español (@UFCEspanol) September 19, 2026

ԱՄՆ-ի Լոս Անջելես քաղաքում կայացած UFC 331 մրցաշարում Արման Ծառուկյանի տպավորիչ հաղթանակն անտարբեր չի թողել խառը մենամարտերի աշխարհի ներկայացուցիչներին։

UFC-ի միջին քաշային կարգի նախկին չեմպիոն և ներկայիս դասակարգման առաջին համար Խամզաթ Չիմաևը չափազանց բուռն է արձագանքել հայ մարտիկի հաջողությանը։ Համացանցում տարածված տեսանյութում հստակ երևում է, թե ինչպես է Չիմաևը էմոցիոնալ կերպով տոնում Ծառուկյանի հաղթանակը՝ բարձրանալով օկտագոնի ցանցի վրա։ Դրանից հետո մարտիկները ջերմորեն գրկախառնվում են։

Հատկանշական է, որ Չիմաևի և Ծառուկյանի մասնակցությամբ այս տեսանյութը հավանել է նաև Հայաստանի ազգային հավաքականի ավագ և սաուդյան «Ալ-Ահլիի» կիսապաշտպան Էդուարդ Սպերցյանը։

Հիշեցնենք, որ UFC 331 խոշոր մրցաշարի երկրորդ գլխավոր մենամարտում թեթև քաշային կարգի դասակարգման երկրորդ համար Արման Ծառուկյանը հենց առաջին ռաունդում արմունկի շեշտակի հարվածներով նոկաուտի էր ենթարկել բրազիլացի Մաուրիսիո Ռուֆիին։ Իր փայլուն հաղթանակից անմիջապես հետո 29-ամյա հայ մարտիկն անսպասելիորեն մարտահրավեր էր նետել Meta ընկերության հիմնադիր Մարկ Ցուկերբերգին։

 

View this post on Instagram