Բասկետբոլի ազգային ասոցիացիայի (NBA) «Լոս Անջելես Քլիփերս» ակումբը նույն օրը պայմանագիր կնքեց NBA-ի ամենացածրահասակ և ամենաբարձրահասակ բասկետբոլիստների՝ ճապոնացի Յուկի Կավամուրայի (168 սմ) և կենտրոնական Ջամարիոն Շարփի (226 սմ) հետ։ 

168 սմ հասակով Կավամուրան լիգայի ամենացածրահասակ բասկետբոլիստն է։ Անցյալ մրցաշրջանում նա անցկացրել է «Չիկագոյում»։

226 սմ հասակով Շարփը NBA-ի ամենաբարձրահասակ բասկետբոլիստն է։

Նախկինում նա հանդես է եկել «Դալաս Մավերիքսում»։

Բասկետբոլի ազգային ասոցիացիայի (NBA) լեգենդ Լեբրոն Ջեյմսը կողմնորոշվել է իր ապագայի հարցում․ «Արքան» կարիերան կշարունակի «Ֆիլադելֆիա Սիքսերսում»։ Այս մասին հայտնում է հայտնի ինսայդեր Շեմս Չարանիան։

41-ամյա Լեբրոնը չի պատրաստվում ավարտել կարիերան առնվազն մինչև 2028 թվականը, քանի որ «Ֆիլադելֆիայի» հետ կնքել է երկու տարվա պայմանագիր։ Ջեյմսի աշխատավարձը կկազմի իր չափանիշներով բավականին համեստ 8 միլիոն դոլար՝ հնարավորություն ունենալով ցանկության դեպքում ինքնուրույն երկարաձգել պայմանագիրը վերջին տարվա համար։

Սակայն գլխավոր շարժառիթն ամենևին էլ գումարը չէ. «Արքան» ցանկանում է լիգայում իր վերջին գլուխն ավարտել մաժորային նոտայով՝ նվաճելով ևս մեկ չեմպիոնական տիտղոս։

Ջեյլեն Բրաունի՝ «Ֆիլադելֆիա» տեղափոխությունից հետո թիմի կազմը չափազանց տպավորիչ տեսք ունի: Թայրիզ Մաքսի, Վի Ջեյ Էջքոմբ, Ջոել Էմբիիդ, Բրաուն և այժմ արդեն Ջեյմս։ Թղթի վրա սա անհավանական հզոր կազմ է, որին կանգնեցնել կկարողանան միայն եզակիները։ Այնուամենայնիվ, ինչպես հայտնի է, «Սիքսերսի» պարագայում միշտ առաջին պլան են մղվում վնասվածքները, որոնք էլ մեծամասամբ կկանխորոշեն մրցաշրջանի ելքը։ Եթե Էմբիիդին և մյուսներին հաջողվի խուսափել վնասվածքներից փլեյ-օֆֆի ժամանակ, ապա Լեբրոնը լիովին կկարողանա հավակնել իր 5-րդ չեմպիոնական մատանիին։

Լեբրոնը չցանկացավ վերադառնալ «Կլիվլենդ» կամ «Մայամի»՝ որոշելով հանդես գալ NBA-ում իր համար չորրորդ թիմում։ «Ֆիլադելֆիայում» իսկապես ահռելի ներուժ ունեցող կազմ է հավաքվել վերջին արշավի համար: Բացի այդ, «Սիքսերսը» լրջորեն հետաքրքրված էր Ջեյմսով դեռ 2018 թվականին, երբ նա ազատ գործակալի կարգավիճակ ուներ։ Այն ժամանակ «Արքան» իր ապագան քննարկում էր միայն «Լեյքերսի» և «Սիքսերսի» հետ:

Թեև Լեբրոնն արդեն իր կարիերայի մայրամուտին է, նա հաստատ մեծապես կօգնի այսպիսի «Ֆիլադելֆիային»։ Թիմն ունի միավորներ վաստակելու բազմաթիվ տարբերակներ, իսկ գրոհները կազմակերպելու հարցում Ջեյմսն անփոխարինելի կլինի։ Նա, ինչպես ոչ ոք, կարողանում է համակարգ կառուցել, գտնել խաղընկերներին ցանկացած բարդության փոխանցումներով և ղեկավարել խաղի տեմպը։

Ամեն դեպքում, մեզ սպասվում է չափազանց հետաքրքիր մրցաշրջան։ Արևելյան կոնֆերենցիան զգալիորեն ուժեղացել է․ «Դետրոյթ», «Բոստոն», «Ֆիլադելֆիա», «Մայամի», «Կլիվլենդ» և գործող չեմպիոն «Նյու Յորք Նիքս»։ Պայքարն իսկապես թեժ է լինելու։

Կայացավ 2025/26 մրցաշրջանի Ազգային բասկետբոլի ասոցիացիայի (NBA) փլեյ-օֆֆի եզրափակիչի 5-րդ խաղը, որտեղ «Սան Անտոնիո Սփըրսը» հյուրընկալեց «Նյու Յորք Նիքսին»։

Խաղը տեղի ունեցավ ԱՄՆ-ի Սան Անտոնիո քաղաքում և ավարտվեց հյուրերի՝ 94-90 հաշվով հաղթանակով։ «Նիքսը» հաղթեց շարքը 4-1 հաշվով և դարձավ NBA-ի չեմպիոն։

«Նյու Յորք Նիքսը» նվաճեց իր երրորդ տիտղոսը պատմության մեջ (նախորդները՝ 1970 և 1973 թվականներին)։

NBA-ի փլեյ-օֆֆի կիսաեզրափակչում տեխասյան ակումբը հաղթեց «Օկլահոմա Սիթի Թանդերին» յոթ խաղից բաղկացած շարքում, մինչդեռ «Նյու Յորքը» դուրս եկավ եզրափակիչ՝ չորս խաղում հաղթանակ տանելով «Քլիվլենդ Քավալիերսի» նկատմամբ։

«Բարսելոնան» նոր ռեկորդ է սահմանել թվային ոլորտում․ ակումբի YouTube ալիքը դարձել է աշխարհի ամենահայտնի սպորտային ալիքը՝ հավաքելով 23,8 միլիոն բաժանորդ։ Նախկինում «բլաուգրանան» առաջ էր անցել «Ռեալից» և «Լիվերպուլից», իսկ այս ամռանը՝ ասիական շրջագայության շնորհիվ, թիմը գերազանցեց նաև ՖԻՖԱ-ին և NBA-ին։

Marca-ն նշում է, որ բաժանորդների աճի հիմնական գործոնը եղել է նախամրցաշրջանային կոմերցիոն ակտիվությունը։ Սկզբում «Բարսելոնան» անվճար հեռարձակում էր հավաքի խաղերը Barça One հարթակում՝ գրանցված օգտատերերի համար։ Սակայն «Վիսել Կոբեի» հետ հանդիպումից առաջ ակումբը անսպասելիորեն վճարովի դարձրեց հեռարձակումը YouTube-ում՝ սահմանելով 9,90 եվրո գին, ինչն առաջացրեց երկրպագուների դժգոհությունը։ Մուտքի հետ կապված խնդիրների պատճառով ղեկավարությունը վերջնականապես որոշեց կրկին անվճար դարձնել խաղերի հեռարձակումները, ինչը հանգեցրեց բաժանորդների զգալի աճի։

Հատուկ ուշադրություն գրավեց Ժոան Գամպերի գավաթի խաղը «Կոմոյի» դեմ․ հեռարձակումը հավաքեց 18,7 միլիոն դիտում և ավելի քան 1,8 միլիոն միաժամանակյա դիտող։ Չինաստանում խաղը ցուցադրվում էր Douyin հարթակում, որտեղ դիտումների թիվը գերազանցեց մեկ միլիոնը։

Այսպիսով, «Բարսելոնայի» ասիական շրջագայությունը դարձավ ոչ միայն ընկերական հանդիպումների շարք, այլև մասշտաբային թվային նախագիծ, որի շնորհիվ ակումբը դարձավ սպորտային բովանդակության առաջատարը YouTube-ում։

Իսպանիայի գործող չեմպիոն, գավաթակիր և սուպերգավաթակիր «Բարսելոնան» պաշտոնապես ներկայացրել է 2025/26 մրցաշրջանի երկրորդ մարզաշապիկը։

«Նոր մարզաշապիկը հարգանքի տուրք է մատուցում NBA-ի լեգենդին, որը հրապարակավ միշտ ցույց էր տալիս իր հարգանքն ու հիացմունքը «Բարսելոնա» ֆուտբոլային ակումբի, նրա խաղաոճի և խաղացողների նկատմամբ։

2025/26 մրցաշրջանի «Բարսելոնայի» երկրորդ մարզաշապիկը թափանցիկ ոսկեգույն երանգ ունի՝ պարսկական մանուշակագույնի և սևի նրբերանգներով։ Այն ոգեշնչված է այն թիմերի դասական գույներով, որոնցում խաղացել է Կոբին։ Nike-ի և «Բարսելոնայի» միջև կապը նպատակ ունի ընդլայնել «Մամբայի մտածելակերպի» ազդեցությունը և ոգեշնչել մարզիկների նոր սերունդներին՝ թե՛ խաղադաշտում, թե՛ դրանից դուրս»,- ասված է ակումբի պաշտոնական կայքի հրապարակման մեջ։

Հիշեցնենք, որ բասկետբոլի լեգենդ, «Լոս Անջելես Լեյքերսի» աստղ Կոբի Բրայանտը, որին անվանում էին Սև Մամբա, մահացել է 2020 թվականի հունվարի 26-ին՝ ուղղաթիռի վթարի հետևանքով։ Վթարի ժամանակ զոհվել է նաև նրա 13-ամյա դուստրը՝ Ջիաննան։

Better is the only choice. FC Barcelona’s purest expression of footballing perfection meets the constant growth mindset of Mamba Mentality.#NikeFootball @nike @nikefootball pic.twitter.com/7ixX2vJoTf

— FC Barcelona (@FCBarcelona) July 29, 2025

Ամերիկացի 40-ամյա բասկետբոլիստ և Բասկետբոլի ազգային ասոցիացիայի (NBA) քառակի չեմպիոն Լեբրոն Ջեյմսը, ով հանդես է գալիս «Լոս Անջելես Լեյքերսի» կազմում, կատակել է է լրագրող Մայքլ Թրեյդելիի հասցեին։

Վերջինս ասուլիսին եկել էր «Մանչեսթեր Յունայթեդ» ակումբի բաճկոնով։

«Ի դեպ, քո բաճկոնը տհաճ է»,- ասել է Լեբրոնը Թրեյդելին՝ մամուլի ասուլիսի ժամանակ, և նրանք երկուսն էլ ծիծաղել են։

Նշենք, որ Լեբրոն Ջեյմսը «Լիվերպուլի» երկրպագու է և ակումբի բաժնետեր։

Այս պահին Լոս Անջելեսի (ԱՄՆ) Crypto.com Arena-ում ընթանում է բասկետբոլի ազգային ասոցիացիայի (NBA) կանոնավոր մրցաշրջանի հանդիպումը, որում «Լոս Անջելես Լեյքերսը» հյուրընկալում է «Նյու Օռլեան Պելիկանսին»։ 

«Լեյքերսի» առաջատար Լեբրոն Ջեյմսը խաղի առաջին քառորդում վաստակել է երեք միավոր, ինչի շնորհիվ իր պրոֆեսիոնալ կարիերայում հասել է 50000 միավորի՝ հաշվի առնելով և՛ կանոնավոր, և՛ մրցաշարի փլեյ-օֆֆը։ Լեգենդար ամերիկացին այժմ ունի 50002 միավոր։

Լեգենդար հարձակվողը 40 տարեկան 64 օրական էր։ Ջեյմսը առաջնության ամենատարեց խաղացողն է։

«Դալլասի» պաշտպան Լուկա Դոնչիչը տեղափոխվել է «Լոս Անջելես Լեյքերս», հայտնում է ակումբի մամուլի ծառայությունը։

«Այո, դա իսկապես եղել է։ Բարի գալուստ Լոս Անջելես, Լուկա»,- ասվում է գրառման մեջ։

«Լեյքերսին» միացան նաև Մաքսի Քլեբերն ու Մորիս Մարքիֆը։ Փոխարենը Դալլասի ակումբը ստացավ հարձակվող Էնթոնի Դևիսին և Մաքս Քրիստիին։

Դոնչիչն ընթացիկ մրցաշրջանում միջինը մեկ խաղում վաստակել է 28,1 միավոր։ 25-ամյա սլովենացին NBA-ի բոլոր աստղերի հանդիպման հնգակի մասնակից է:

Հնգակի օլիմպիական չեմպիոնը կորցրել է բոլոր մեդալները և իր տունը։ Լոս Անջելեսում տեղի ունեցած սարսափելի հրդեհը ազդում է նաև սպորտի վրա։

Կալիֆոռնիայում այժմ հայտարարված է արտակարգ իրավիճակ։ Հրդեհը տարածվել է 11 հազար հեկտար տարածքով՝ ոչնչացնելով ավելի քան երկու հազար կառույց։

Տուժել է լողորդ Գերի Հոլ կրտսերը, որը երեք Օլիմպիական խաղերում անընդմեջ նվաճել էր ոսկե մեդալներ՝ Ատլանտայից մինչև Աթենք։ Նրա բոլոր մրցանակները ոչնչացել են հրդեհի հետևանքով, ինչպես նաև իր բնակարանը։

Այրվել է նաև «Գոլդեն Սթեյթ Վորիորս» թիմի գլխավոր մարզիչ Գոլդեն Սթեյթ Վորիորս մանկության տունը։ Այդ վայրը, որտեղ նա մեծացել էր, ամբողջությամբ ոչնչացել է։ Սակայն ամենակարևորը, որ նրա մայրը, որը ապրում էր այնտեղ, անվնաս է։

Հրդեհի վտանգավոր գոտիներից տարհանված հարյուրավոր ընտանիքների թվում են նաև «Կլիպերսի» աստղ Կավայ Լեոնարդի և «Լեյքերսի» մարզիչ Ջեյ Ջեյ Ռեդիկի հարազատները։

Միացյալ Նահանգների գլխավոր առաջնություններում խաղերն արդեն հետաձգվում են։ NHL-ը տեղափոխել է «Լոս Անջելեսի» և «Կալգարիի» միջև հանդիպումը, իսկ NBA-ն պատրաստվում է նույնը անել «Լեյքերսի» հաջորդ խաղի համար։

Կան կանխատեսումներ, որ հրդեհը կարող է հասնել նաև «Ռոուզ Բոուլ» մարզադաշտին, որտեղ 1994 թ. ֆուտբոլի աշխարհի առաջնության վճռորոշ խաղերն են կայացել։ Այդտեղ է տեղի ունեցել նաև Ռոբերտո Բաջոյի լեգենդար վրիպումը 11 մետրանոց հարվածից։

Նշվում է, որ այս պահի դրությամբ ոչ ոք չի կարող ասել, թե երբ կավարտվի այս մղձավանջը։

NBA-ի կանոնավոր առաջնության «Լոս Անջելես Լեյքերս» և «Շառլոթ Հորնեթս» թիմերի միջև խաղն անորոշ ժամկետով հետաձգվել է Լոս Անջելեսի շրջանում տեղի ունեցող անտառային հրդեհների պատճառով, հայտնում է «Լեյքերսի» պաշտոնական կայքը։

«Մեր սրտերը կոտրված են Լոս Անջելեսի համար։ Մեր մտքերն ուղղված են բոլոր նրանց, ովքեր տուժել են այս աներևակայելի իրավիճակից։ Մեր երախտագիտությունն ուղղված է առաջին արձագանքողներին և բոլոր նրանց, ովքեր համախմբվում են, երբ ամենաշատն ենք միմյանց կարիք ունենում։ Այսօրվա խաղը կհետաձգվի, որպեսզի կենտրոնանանք այն ամենի վրա, ինչը այսօր ամենակարևորն է։ Մենք քեզ հետ ենք, Լոս Անջելես»,- գրված է հայտարարությունում։

Ինչպես տեղեկացնում է ESPN-ը, «Լեյքերսի» գլխավոր մարզիչ Ջեյ Ջեյ Ռեդիքը կորցրել է իր տունը Լոս Անջելեսի Փասիֆիկ Փալիսեյդս թաղամասում բռնկված հրդեհի հետևանքով։ Նոր Զելանդիայի կանանց ֆուտբոլի ազգային հավաքականի ավագ Ալի Ռայլին, ով խաղում է NWSL-ի «Էնջել Սիթի» ակումբում, հայտնել է, որ իր տունը ևս վնասվել է Փալիսեյդսի հրդեհի հետևանքով։

Լոս Անջելեսի շրջանում տասնյակ հազարավոր բնակիչների համար սահմանվել են պարտադիր տարհանման հրամաններ: Շրջանի հրշեջ ծառայության ղեկավարը խոստովանել է, որ ռեսուրսները նախատեսված էին մեկ կամ երկու մեծ հրդեհների դեմ պայքարի համար։ Իրավիճակը բարդացնում են ուժեղ քամիները, որոնք ժամանակավորապես դադարեցրել են ավիացիայի աշխատանքը, իսկ Փալիսեյդս շրջանում հրդեհային ջրածորանները դուրս են եկել շարքից: