Վերջին շրջանում Եվրոպայում մրցավարների հանդեպ վերաբերմունքը վերածվել է ճգնաժամի։ Մադրիդի «Ռեալը» և «Մարսելը» գլխավորում են այդ ալիքը՝ կասկածի տակ դնելով մրցավարության օբյեկտիվությունը։ Այսպիսի կարծիք է արտահայտել The Guardian-ի Football Weekly փոդքասթի վարող, Guardian Sport-ի սյունակագիր Մաքս Ռաշդենը։
Մադրիդյան ակումբի ղեկավարությունը բողոք է ուղարկել Իսպանիայի ֆուտբոլի ֆեդերացիա և կառավարություն՝ հայտարարելով, որ մրցավարական համակարգը կողմնակալ է։ Ակումբի զայրույթը հասավ գագաթնակետին՝ կապված Կառլոս Ռոմերոյի միայն դեղին քարտ ստանալու և հաղթական գոլի դրվագի հետ։
«Մարսելի» նախագահ Պաբլո Լոնգորիան ևս մեղադրանքներ հնչեցրեց՝ հայտարարելով, որ Ֆրանսիայում մրցավարությունը «կոռումպացված» է, ինչի համար ստացավ 15 խաղի որակազրկում։ Այս իրավիճակը լրջագույն հետևանքներ ունի։ Ողջ Եվրոպայում մրցավարների պակաս է զգացվում. ՈւԵՖԱ-ի տվյալներով՝ 2023 թվականի վերջի դրությամբ այդ թիվը մոտ 40,000 է։ Անգամ սիրողական մակարդակում մրցավարների հանդեպ բռնության դեպքերը աճել են 32%-ով։ Անցյալում շատ մրցավարներ, ինչպես Անդերս Ֆրիսկը և Ուրս Մայերը, ստիպված են եղել հրաժարվել կարիերայից՝ երկրպագուների սպառնալիքների պատճառով։
Ռեալը կարող է լքել Լա Լիգան․ ինչու են նման սպառնալիքներն անհիմն
Խնդիրը լուծելու համար պատասխանատվությունը ոչ միայն ֆուտբոլային իշխանությունների, այլև բոլորի վրա է։ Մարզիչները պետք է դադարեցնեն մրցավարներին մեղադրելու սովորությունը, հեռուստաընկերությունները՝ կրճատեն միակողմանի վերլուծությունները, իսկ երկրպագուները պետք է զսպեն իրենց։
Մրցավարների սխալներն անխուսափելի են, բայց առանց նրանց ֆուտբոլն ուղղակի չի կարող գոյություն ունենալ։ Եթե ակումբները, խաղացողներն ու երկրպագուները շարունակեն այս վերաբերմունքը, ապա մրցավարական ճգնաժամն միայն կխորանա։
