«Չելսին» իր պաշտոնական կայքում հայտարարեց «Իպսվիչ Թաունի» հարձակվող Լիամ Դելապի տեղափոխության մասին: Լոնդոնյան ակումբի պայմանագիրը 22-ամյա հարձակվողի հետ ուժի մեջ է մինչև 2031 թվականը։
«Ես հասկանում եմ այս ակումբի կարգավիճակը և այն հետագիծը, որով այն շարժվում է այս խաղացողների և գլխավոր մարզչի հետ միասին: Սա հիանալի վայր կլինի զարգանալու համար, և ես հույս ունեմ այստեղ հասնել անհավանական արդյունքների և օգնել ակումբին նվաճել ավելի շատ տիտղոսներ», — Դելապի խոսքերն է մեջբերում «Չելսիի» մամուլի ծառայությունը։
Դելապը «Մանչեսթեր Սիթիի» երիտասարդական թիմի սան է: Նա «Իպսվիչ» է տեղափոխվել 2024 թվականի ամռանը: Նախորդ մրցաշրջանում հարձակվողը խփել է 12 գոլ և կատարել երկու գոլային փոխանցում Պրեմիեր լիգայի 37 խաղում: Transfermarkt-ը անգլիացու արժեքը գնահատում է 40 միլիոն եվրո:
