«Միլանի» հարձակվող Ռաֆայել Լեաուն վերջերս պարբերաբար ֆուտբոլային լուրերի էպիկենտրոնում է հայտնվում։ Վերջին օրերին մամուլը պորտուգալացուն կապում էր «Բավարիայի» հետ։
Սակայն, եթե հավատանք TuttoMercatoWeb-ի տեղեկատվությանը, «Լիվերպուլը» նույնպես հետաքրքրություն է ցուցաբերում Լեաուի նկատմամբ։
Նշվում է, որ «Միլանը» չի նախատեսում վաճառել 25-ամյա հարձակվողի տրանսֆերը։ Եվրոպական մրցաշարերին չմասնակցելուց հետո «ռոսոներիները» ցանկանում են վերակառուցվել և թիմը կառուցել Լեաուի շուրջ։
Սակայն, եթե տրանսֆերի համար առաջարկվի 130 միլիոն եվրո, ապա միլանցիները կարող են մտածել դրա մասին։
Ավելի վաղ հայտնի էր դարձել, որ «Լիվերպուլն» արդեն մոտ է մեկ թանկարժեք տրանսֆեր ձևակերպելուն․ խոսքը Ֆլորիան Վիրցի մասին է «Բայերից», որի տրանսֆերը մերսիսայդցիներին կարժենա 130-150 մլն եվրո։
