«Բարսելոնայի» լեհ հարձակվող Ռոբերտ Լևանդովսկին կարծում է, որ Խաբի Ալոնսոյի ղեկավարությամբ Մադրիդի «Ռեալը» հաջորդ մրցաշրջանում էլ ավելի ուժեղ կդառնա։
«Խաբին դեռ իր մարզչական կարիերայի սկզբնային փուլում է։ Կարծում եմ՝ նա «Ռեալին» նոր շունչ կհաղորդի, թարմ մոտեցում։ Ես միշտ գիտեի, որ Ալոնսոն մի օր կդառնա մարզիչ, և հիմա վստահ եմ, որ նրա գլխավորությամբ «Ռեալը» կրկին վտանգավոր թիմ կլինի», — Լևանդովսկու խոսքերն է մեջբերում իսպանական հեղինակավոր Mundo Deportivo պարբերականը։
Ալոնսոյի վերջին աշխատանքային վայրը Գերմանիայի «Բայեր Լևերկուզենն» էր։ Նրա ղեկավարությամբ ակումբը նվաճեց Գերմանիայի չեմպիոնի տիտղոսը, ինչպես նաև հաղթեց Գերմանիայի Գավաթն ու Սուպերգավաթը։
