Մադրիդի «Ռեալը» «Լիվերպուլին» վճարել է 10 միլիոն եվրո փոխհատուցում՝ եզրային պաշտպան Տրենտ Ալեքսանդր-Առնոլդի հետ աշխատանքային պայմանագրի վաղաժամկետ խզման համար, որի շնորհիվ ֆուտբոլիստը կկարողանա խաղալ ակումբային աշխարհի առաջնությունում։ Այս մասին հաղորդում է AS-ը՝ հղում անելով անգլիական ակումբի աղբյուրներին։
Միևնույն ժամանակ, «Ռեալը» պնդում է, որ նրանք մերսիսայդցիներին վճարել են 5 միլիոն եվրո։
Ալեքսանդր-Առնոլդի աշխատանքային պայմանագիրը «Լիվերպուլի» հետ նախատեսված էր մինչև 2025 թվականի հունիսի 30-ը։ Ակումբային աշխարհի առաջնությունը կմեկնարկի հունիսի 15-ին։
«Ռեալը» հայտարարել է 26-ամյա ֆուտբոլիստի հետ պայմանագիր կնքելու մասին ուրբաթ՝ մայիսի 30-ին։ Պայմանագիրը նախատեսված է մինչև 2031 թվականի հունիսի վերջը։
